Read Diospa Simin Qelqa SALMOS 7 Bible Online

SALMOS 7 - Diospa Simin Qelqa bible

SALMOS 7

¹(Davidpa takin) Diosnilláy Señor Dios, qanmanmi hap'ipakamuyki, qespichiway tukuy qatiykachawaqniymanta, kacharichiway paymanta,

²paqtan mana pipas qespichiwaqniy kaqtin, hap'irqowaspa león hina llik'irqariwanman.

³Diosnilláy Señor Dios, mana chanintachus ruwarqani chayqa, mana allintachus ruwarqani chayqa

⁴amigoymanchus mana allinwan kutichirqani chayqa, yanqapunichus awqayta saruncharqani chayqa,

⁵awqay qatiykachawachun, aypamuwaspa sarurpariwachun, pampaman wañuqllataña ch'aqewachun.

⁶¡Señor Diosnilláy, manchay phiñasqa sayariy! ¡K'arakta phiñakuspayki awqaykunawan maqanakuy! ¡Sayarispayki chaninchaykapuway!

⁷Suyukuna muyuriqniykipi huñukuchunku, altopi tiyaykuspa paykunata kamachiy.

⁸Señor Diosníy, llaqtakunata juzgay, Señor Diosníy, chanin kasqayman hina chaninchaway, cheqan kawsasqayman hina taripaway.

⁹Qanqa chanin Diosmi kanki, qanmi yuyaytapas sonqotapas t'aqwinki. Millay runakunaq mana chanin ruwasqanta tukupuy, chanin runatataq ichaqa takyachiy.

¹⁰Diosmi hark'aykuwaqniyqa, paymi chanin sonqoyoqkunata qespichin.

¹¹Diosqa chanin juezmi, Diosqa tukuy tiempollapunin mana chanin ruwaqta huchachan.

¹²Manataq Diosman kutirikapuqtinqa, Diosmi espadanta ñawch'iyachinqa. P'eqtanta[1] chutaspan, watuchasqataña hap'ishan.

¹³Wañuchina armakunatan wakichikunña, kacharinan patapiñan sansashaq wach'inankuna kashan.

¹⁴Qhawariychis millay runata, mana chaninkaqtan paqarichin, mana allinkaqtan wiksallikun, llullakuytan wachakun.

¹⁵T'oqotan ukhullataña hasp'in, t'oqosqallanmantaqmi urmaykun.

¹⁶Mana chanin ruwasqanpas payllamantaqmi kutin, mana allin ruwasqanpas payllamantaqmi chayan.

¹⁷Señor Diosmi chaninchaqqa, chaymi paytaqa yupaychasaq, Ancha Hatun Señor Diosmanmi takikunata takisaq.