Read Diospa Simin Qelqa PROVERBIOS 20 Bible Online

PROVERBIOS 20 - Diospa Simin Qelqa bible

PROVERBIOS 20

¹Vinoqa runatan anchaykachachin, poqosqa ukyanaqa ch'aqwachinmi, chaywan machaqqa mana yachayniyoqmi.

²Leonpa qaparisqan hinan reypa phiñakusqanqa, pipas phiñachiqqa pay kikintan k'irikun.

³Ch'aqwayta mana munaq runaqa hatunchasqan, pipas mana yuyayniyoqmi ichaqa ch'aqwata sayarichishallan.

⁴Qellaqa yapuna p'unchaykunan mana yapunchu, chakran cosechaq rispataqmi mana imatapas tarinchu.

⁵Chinkay-chinkay ukhu unu hinan sonqollapi yuyaykusqakunaqa, yuyayniyoq runan ichaqa chaykunata sut'iman horqoyta yachan.

⁶Askha runan hunt'aq kasqankuta willakunku, cheqaq hunt'aq runataqa, ¿pitaq tarinqa?

⁷Chanin runaqa chanin-kayninpi purin chayqa wawankunapas kusisamiyoqmi.

⁸Reyqa juzganapi tiyaykuspanmi qhawarispalla llapa mana allinta suysun.

⁹¿Pitaq ninman: Ñoqan sonqoyta ch'uyayachini, ch'uyan huchaymanta kashani, nispa?

¹⁰Mana chanin romanatapas mana cabal tupunatapas iskaynintan Señor Diosqa cheqnikun.

¹¹Waynapas ruwasqankunawanmi reqsisqa kanqa, kawsayninpin rikukun ch'uyachus cheqanchus kasqanqa.

¹²Uyariq ninritapas qhawaq ñawitapas iskaynintan Señor Diosqa kamarqan.

¹³Ama puñuylla puñuqchu kay, paqtan wakchayawaq, rikch'ashallaypuni, saksa mikhusqan kanki.

¹⁴Rantiqqa ninmi: Manan allinchu, manan allinchu, nispa, rantispanñan ichaqa alabakun.

¹⁵Kanmi valorniyoq qoripas askha umiñakunapas, chaykunamantapas aswan valorniyoq illa hinan yachaywan rimayqa.

¹⁶Wak llaqtayoqpaq fiakuqpa p'achanta chaskiy, karu llaqtayoqpaq fiakuqmanta p'acha prendanta waqaychay.

¹⁷Runapaqqa misk'in suwasqa mikhuyta mikhuyqa, chay qhepatan ichaqa chhanqa aqotapas mikhushanman hina kanqa.

¹⁸Imatapas ruwanaykipaqqa yuyaychachikuyraq, awqa-tinkunaykipaqqa allintaraq yuyaykuy.

¹⁹Simi apaqa sonqollapi pakasqatan rikhurichin, ama huñukuychu simita kacharispa rimaqwanqa.

²⁰Taytantapas mamantapas ñakaqqa sinchi laqhayaqpin wañunqa.

²¹Qallariypi mana sasawan tarisqaqa, manan qhepamanqa kusikunapaqchu kanqa.

²²Ama niychu: Ñoqan vengakusaq nispaykiqa, Señor Diosta suyakuy, paymi chaninchapusunki.

²³Señor Diosqa cheqnikunmi waqllisqa pesakunata, mana chanin balanzakunaqa manan allinchu.

²⁴Señor Diosmi runataqa maymanpas purichin, manan pipas yachakunchu maymanchus purishasqantaqa.

²⁵Runapaqqa toqlla hinan hawan-ukhunta Diosman prometekuyqa, chay qhepatataq prometekusqanmanta ñakapakunman chayqa.

²⁶Yachayniyoq reyqa millay runakunatan wayrachin, hinaspan paykunata saruchin.

²⁷Señor Diospa qosqan espiritun runaq yuyayninqa, chaymi lámpara hina sonqo ukhukamaraq k'anchaykun.

²⁸Reyqa munakuq kaspan, hunt'aq kaspan, waqaychasqa kanqa, reyqa khuyallikuq kaqtinmi, kamachikuyninpas qaqata sayanqa.

²⁹Waynakunaq sumaq-kayninqa kallpankun, yuyaq runakunaq sumaq-kaynintaqmi yuraq umanku.

³⁰K'irisqakunan, soq'aykusqakunan millay-kayta chinkachin, hasut'iykusqakunaqa sonqo ukhutan ch'uyanchan.