Read Diospa Simin Qelqa NÚMEROS 2 Bible Online

NÚMEROS 2 - Diospa Simin Qelqa bible

NÚMEROS 2

¹Señor Diosmi Moisestawan Aarontawan nirqan:

²— Israel runakunaqa Ñoqawan Tupana Karpaq huk chhikan karupacha muyuriqninpin karpakunqaku, sapanka t'aqa banderantinkama, sapanka ayllupas banderantinkamallataq.

³Inti lloqsimuy ladopin karpakunqa Judá ayllu t'aqa banderantin. Chaypin tiyanqa Judá ayllu runakuna, umallinkutaq Aminadabpa churin Naasón kanqa.

⁴Paykunan llapanku kanqa qanchis chunka tawayoq waranqa soqta pachak qharikuna.

⁵Paykunawan kuskan karpakunqa Isacar ayllu runakuna, umallinkutaq Zuarpa churin Natanael kanqa,

⁶llapankupitaq phisqa chunka tawayoq waranqa tawa pachak qharikuna.

⁷Hinallataq Zabulón ayllu runakunapas paykunawan kuska karpakunqa, umallinkutaq Helonpa churin Eliab kanqa,

⁸llapankupitaq phisqa chunka qanchisniyoq waranqa tawa pachak qharikuna.

⁹Chay hinapin Judá ayllu t'aqapi kinsa ayllu huñuykusqa kanqa, llapankupitaq pachak pusaq chunka soqtayoq waranqa tawa pachak qharikuna. Paykunan Israel llaqtaq ñawpaqenta purinqaku.

¹⁰Uray ladopitaq karpakunqa Rubén ayllu t'aqa banderantin. Chaypin kanqa Rubén ayllu runakuna, umallinkutaq Sedeurpa churin Elisur kanqa,

¹¹paykunan llapanku kanqa tawa chunka soqtayoq waranqa phisqa pachak qharikuna.

¹²Paykunawan kuskan karpakunqa Simeón ayllu runakuna, umallinkutaq Zurisadaipa churin Selumiel kanqa,

¹³llapankupitaq phisqa chunka isqonniyoq waranqa kinsa pachak qharikuna.

¹⁴Hinallataq Gad ayllu runakunapas paykunawan kuska karpakunqa, umallinkutaq Reuelpa churin Eliasaf kanqa,

¹⁵llapankupitaq tawa chunka phisqayoq waranqa soqta pachak phisqa chunka qharikuna.

¹⁶Chay hinapin Rubén ayllu t'aqapi kinsa ayllu huñuykusqa kanqa, llapankupitaq pachak phisqa chunka hukniyoq waranqa tawa pachak phisqa chunka qharikuna. Paykunan Judá aylluq qhepanta rinqaku.

¹⁷Leví runakunataq Ñoqawan Tupana Karpata apaspa rinqaku iskay t'aqaq qhepanta, iskay t'aqaq ñawpaqenta. Chay tawantin t'aqa runakunaqa karpakusqankuman hinan qati-qati puririnqa sapanka t'aqa banderantinkama.

¹⁸Inti haykuy ladopitaq karpakunqa Efraín ayllu t'aqa banderantin. Chaypin kanqa Efraín ayllu runakuna, umallinkutaq Amiudpa churin Elisama kanqa,

¹⁹paykunan llapanku kanqa tawa chunka waranqa phisqa pachak qharikuna.

²⁰Paykunawan kuskan karpakunqa Manasés ayllu runakuna, umallinkutaq Pedasurpa churin Gamaliel kanqa,

²¹llapankupitaq kinsa chunka iskayniyoq waranqa iskay pachak qharikuna.

²²Hinallataq Benjamín ayllu runakunapas paykunawan kuska karpakunqa, umallinkutaq Gedeoniq churin Abidán kanqa,

²³llapankupitaq kinsa chunka phisqayoq waranqa tawa pachak qharikuna.

²⁴Chay hinapin Efraín ayllu t'aqapi kinsa ayllu huñuykusqa kanqa, llapankupitaq pachak pusaqniyoq waranqa pachak qharikuna. Paykunan Leví runakunaq qhepanta rinqaku.

²⁵Wichay ladopitaq karpakunqa Dan ayllu t'aqa banderantin. Chaypin kanqa Dan ayllu runakuna, umallinkutaq Amasadaipa churin Ahiezer kanqa,

²⁶paykunan llapanku kanqa soqta chunka iskayniyoq waranqa qanchis pachak qharikuna.

²⁷Paykunawan kuskan karpakunqa Aser ayllu runakuna, umallinkutaq Ocranpa churin Pagiel kanqa,

²⁸llapankupitaq tawa chunka hukniyoq waranqa phisqa pachak qharikuna.

²⁹Hinallataq Neftalí ayllu runakunapas paykunawan kuska karpakunqa, umallinkutaq Enanpa churin Ahira kanqa,

³⁰llapankupitaq phisqa chunka kinsayoq waranqa tawa pachak qharikuna.

³¹Chay hinapin Dan ayllu t'aqapi kinsa ayllu huñuykusqa kanqa, llapankupitaq pachak phisqa chunka qanchisniyoq waranqa soqta pachak qharikuna, paykunan qhepa puntata rinqaku banderantinkama, nispa.

³²Ahinapin Israel runakunaqa t'aqankuman hina ayllunkuman hina yupasqa karqanku soqta pachak kinsayoq waranqa phisqa pachak phisqa chunka qharikuna.

³³Leví runakunaqa manan yupasqachu karqan, Señor Diospa Moisesta kamachisqanman hina.

³⁴Israel runakunaqa lliwtan ruwarqanku Señor Diospa Moisesta kamachisqanman hina, chay hinatan karpakurqanku banderankuman hina, ayllunkuman familiankuman hinataq puririrqankupas.