Read Diospa Simin Qelqa NÚMEROS 33 Bible Online

NÚMEROS 33 - Diospa Simin Qelqa bible

NÚMEROS 33

¹Israel runakunan Egipto suyumanta lloqsimurqanku soldado hina t'aqa-t'aqa, Moiseswan Aaronwantaq umallinku karqan.

²Señor Diospa kamachisqanman hinan Moisesqa qelqarqan mita-mita purimusqanku cheqaskunaq sutinta. Purimusqanku mitakunan kaykuna karqan:

³Ñawpaqkaq killaq chunka phisqayoq p'unchayninpin, Pascua Fiesta pasay qhepantin p'unchayta Israel runakunaqa Diospa atiyninwan Ramsés llaqtamanta lloqsimurqanku, llapan Egipto runakuna qhawashaqtin.

⁴Chaykamataq Egipto runakunaqa Señor Diospa wañurachisqan phiwi churinkuq ayankunata p'ampasharqanku, chaywanmi diosninkutapas muchuchirqan.

⁵Israel runakunan Ramsesmanta lloqsimurqanku, hinaspan Sucotpi karpakurqanku.

⁶Sucotmanta puririspataq ch'inneq qorpa Etampi karpakurqanku.

⁷Etammanta puririspataq kutirirqanku Baal-zefonpa inti lloqsimuy ladonpi kashaq Pi-hahirot cheqasman, hinaspan Migdol qhawaypi karpakurqanku.

⁸Pi-hahirotmanta puririspataq Puka Qochata chimparqanku, hinaspa Etam ch'inneqman chayarqanku. Chaypin kinsa p'unchay purirqanku, hinaspan Marapi karpakurqanku.

⁹Maramanta puririspataq Elimman chayarqanku, chaypin karqan chunka iskayniyoq pukyukuna qanchis chunka palmera sach'apiwan, hinan chaypi karpakurqanku.

¹⁰Elimmanta puririspataq Puka Qocha patapi karpakurqanku.

¹¹Puka Qocha patamanta puririspataq Sin ch'inneqpi karpakurqanku.

¹²Sin ch'inneqmanta puririspataq Dofcapi karpakurqanku.

¹³Dofcamanta puririspataq Aluspi karpakurqanku.

¹⁴Alusmanta puririspataq Refidimpi karpakurqanku, chaypin runakunaq ukyanankupaq unu mana karqanchu.

¹⁵Refidimmanta puririspataq Sinaí ch'inneqpi karpakurqanku.

¹⁶Sinaí ch'inneqmanta puririspataq Kibrot-hataavapi karpakurqanku.

¹⁷Kibrot-hataavamanta puririspataq Hazerotpi karpakurqanku.

¹⁸Hazerotmanta puririspataq Ritmapi karpakurqanku.

¹⁹Ritmamanta puririspataq Rimón-perespi karpakurqanku.

²⁰Rimón-peresmanta puririspataq Libnapi karpakurqanku.

²¹Libnamanta puririspataq Rissapi karpakurqanku.

²²Rissamanta puririspataq Ceelatapi karpakurqanku.

²³Ceelatamanta puririspataq Sefer orqopi karpakurqanku.

²⁴Sefer orqomanta puririspataq Haradapi karpakurqanku.

²⁵Haradamanta puririspataq Macelotpi karpakurqanku.

²⁶Macelotmanta puririspataq Tahatpi karpakurqanku.

²⁷Tahatmanta puririspataq Tarapi karpakurqanku.

²⁸Taramanta puririspataq Mitcapi karpakurqanku.

²⁹Mitcamanta puririspataq Hasmonapi karpakurqanku.

³⁰Hasmonamanta puririspataq Moserotpi karpakurqanku.

³¹Moserotmanta puririspataq Bene-jaacanpi karpakurqanku.

³²Bene-jaacanmanta puririspataq Gidgad orqopi karpakurqanku.

³³Gidgad orqomanta puririspataq Jotbatapi karpakurqanku.

³⁴Jotbatamanta puririspataq Abronapi karpakurqanku.

³⁵Abronamanta puririspataq Ezión-geberpi karpakurqanku.

³⁶Ezión-gebermanta puririspataq Zin ch'inneqpi kaq Cadespi karpakurqanku.

³⁷Cadesmanta puririspataq Edom qorpa Hor orqopi karpakurqanku.

³⁸Israel runakunaq Egipto suyumanta lloqsimusqanku tawa chunka wata phisqa killa huk p'unchayniyoq kashaqtinmi, sacerdote Aaronqa Señor Diospa kamachisqanman hina Hor orqoman wicharqan, hinaspa chaypi wañukapurqan.

³⁹Payqa pachak iskay chunka kinsayoq watayoqmi karqan Hor orqopi wañukapushaspa.

⁴⁰Canaán runa Arad reymi Israel runakunaq chayamushasqanta yacharqan, paymi tiyarqan Canaán suyuq Neguev hap'iyninpi.

⁴¹Chaymantataq Israel runakunaqa Hor orqomanta puririspa Zalmonapi karpakurqanku.

⁴²Zalmonamanta puririspataq Punonpi karpakurqanku.

⁴³Punonmanta puririspataq Obotpi karpakurqanku.

⁴⁴Obotmanta puririspataq Moab suyu qorpapi kashaq Ije-abarimpi karpakurqanku.

⁴⁵Ije-abarimmanta puririspataq Dibón-gadpi karpakurqanku.

⁴⁶Dibón-gadmanta puririspataq Almón-diblataimpi karpakurqanku.

⁴⁷Almón-diblataimmanta puririspataq Nebo orqoq inti lloqsimuy ladon Abarim orqo-orqopi karpakurqanku.

⁴⁸Abarim orqo-orqomanta puririspataq Moab suyu pampapi karpakurqanku, chaymi kashan Jericó llaqta qhawaypi Jordán mayu qayllapi. Chaypin qhepakurqanku Ber-jerimitwan Abel-sitimwan tupaypi.

⁴⁹

⁵⁰Jericó qhaway Jordán mayu qaylla Moab suyu pampapin Señor Diosqa Moisesta nirqan:

⁵¹— Israel runakunata niy, Señor Diosmi nin: Jordán mayuta chimpaspaykichis Canaán suyuman haykuspaykichisqa,

⁵²chay suyupi tiyaq llapan runakunatan qarqonkichis, hinallataq unuyachispa hich'asqa dioskunata rumimanta ruwasqa idolokunatapas llapanta wikch'unkichis, wak'a dios yupaychana wasikunatapas lliwta thuninkichis.

⁵³Chay suyuta munaychakuychis, ñoqan chay suyuta hap'ikapunaykichispaq qoykichis.

⁵⁴Ichaqa sorteaspan hallp'ata rakinakunkichis llapan ayllukunaq familiankunaman. Askha runakunayoq familiakunamanqa hatun hallp'atan qonkichis, pisi runayoq familiakunamantaq huch'uy hallp'ata qonkichis, sapanka familiakunan suerteq tupasqanman hina chaskinqaku.

⁵⁵Manachus qankuna qarqonkichis chay suyupi tiyaq runakunata chayqa, suyupi tiyaykuqtiykichismi chaypi qhepaqkuna muchuchisunkichis, ñawipi k'ullu chhillpa hina, cuerpopi khiska hina.

⁵⁶Ñoqapas imatachus paykunata ruway yuyaykusqayta hinan qankunata ruwasqaykichis, nispa.