Read Diospa Simin Qelqa NÚMEROS 7 Bible Online

NÚMEROS 7 - Diospa Simin Qelqa bible

NÚMEROS 7

¹Dioswan Tupana Karpata sayarichiyta tukuspanmi Moisesqa aceitewan karpata ch'aqchuykuspa sapaqcharqan chaypi kashaq serviciokunantinta, hinallataq altartapas serviciokunantinta.

²Chaymantataq runa yupayta yanapaq ayllu umallikuna

³Señor Diosman ofrendankuta apamuspa qorqanku toldosqa soqta carretakunata, chunka iskayniyoq torokunatawan. Chay umallikunaqa iskay-iskaymantan carretata qorqanku, torotataq ichaqa sapanka huktakama qorqanku. Llapan chaykunatan Dioswan Tupana Karpaq ñawpaqenman churarqanku.

⁴Hinan Señor Diosqa Moisesta nirqan:

⁵— Chaskiy chay carretakunata torokunatapas Ñoqawan Tupana Karpapi serviwanankupaq, hinaspa chaykunata Leví runakunaman qonki, imapichus sapanka llank'ashanku chayman hina ruwanankupaq, nispa.

⁶Chaymi Moisesqa carretakunatapas torokunatapas chaskirqan, hinaspa Leví runakunaman qorqan.

⁷Gersonpa mirayninmanmi qorqan iskay carretata tawa torotawan, llank'anankupaq necesitasqankuman hina.

⁸Aaronpa churin Itamarpa kamachisqan Merariq mirayninmantaq qorqan tawa carretata pusaq torotawan, llank'anankupaq necesitasqankuman hina.

⁹Cohatpa mirayninmantaq ichaqa mana qorqanchu carretatapas torotapas, ch'uya kaqkunata rikrankupi apananku kasqanrayku.

¹⁰Altarta Señor Diospaq sapaqchashasqanku p'unchaymi ayllu umallikunaqa ofrendankuta apamurqanku, hinaspa altarpa ñawpaqenman churarqanku.

¹¹Hinan Señor Diosqa Moisesta nirqan: — Sapa p'unchaymi huk ayllu umalli ofrendanta apamunqa altarta sapaqchanapaq, nispa.

¹²Chaymi ñawpaqkaq p'unchay Judá ayllumanta Aminadabpa churin Naasonqa ofrendanta aparqan.

¹³Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

¹⁴Pachak gramo hina pesaq qori pocillon hunt'a inciensoyoq karqan.

¹⁵Hinallataq huk torillo, huk anejo, watayoq huk borrego ruphachina sacrificiopaq,

¹⁶huk orqo cabra hucha pampachay sacrificiopaq,

¹⁷iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

¹⁸Iskaykaq p'unchaytaq Isacar aylluq umallin Zuarpa churin Natanael ofrendanta aparqan.

¹⁹Paypa ofrendanmi karqan: huk qolqe puruña, chaymi pesarqan huk kiloq kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

²⁰Pachak gramo hina pesaq qori pocillon hunt'a inciensoyoq karqan.

²¹Hinallataq huk torillo, huk anejo, watayoq huk borrego ruphachina sacrificiopaq,

²²huk orqo cabra hucha pampachay sacrificiopaq,

²³iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

²⁴Kinsakaq p'unchaytaq Zabulón aylluq umallin Helonpa churin Eliab ofrendanta aparqan.

²⁵Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

²⁶Pachak gramo hina pesaq qori pocillon hunt'a inciensoyoq karqan.

²⁷Hinallataq huk torillo, huk anejo, watayoq huk borrego ruphachina sacrificiopaq,

²⁸huk orqo cabra hucha pampachay sacrificiopaq,

²⁹iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

³⁰Tawakaq p'unchaytaq Rubén aylluq umallin Sedeurpa churin Elisur ofrendanta aparqan.

³¹Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

³²Pachak gramo hina pesaq qori pocillon hunt'a inciensoyoq karqan.

³³Hinallataq huk torillo, huk anejo, watayoq huk borrego ruphachina sacrificiopaq,

³⁴huk orqo cabra hucha pampachay sacrificiopaq,

³⁵iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

³⁶Phisqakaq p'unchaytaq Simeón aylluq umallin Zurisadaipa churin Selumiel ofrendanta aparqan.

³⁷Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

³⁸Pachak gramo hina pesaq qori pocillon hunt'a inciensoyoq karqan.

³⁹Hinallataq huk torillo, huk anejo, watayoq huk borrego ruphachina sacrificiopaq,

⁴⁰huk orqo cabra hucha pampachay sacrificiopaq,

⁴¹iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

⁴²Soqtakaq p'unchaytaq Gad aylluq umallin Reuelpa churin Eliasaf ofrendanta aparqan.

⁴³Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

⁴⁴Pachak gramo hina pesaq qori pocillon hunt'a inciensoyoq karqan.

⁴⁵Hinallataq huk torillo, huk anejo, watayoq huk borrego ruphachina sacrificiopaq,

⁴⁶huk orqo cabra hucha pampachay sacrificiopaq,

⁴⁷iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

⁴⁸Qanchiskaq p'unchaytaq Efraín aylluq umallin Amiudpa churin Elisama ofrendanta aparqan.

⁴⁹Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

⁵⁰Pachak gramo hina pesaq qori pocillon hunt'a inciensoyoq karqan.

⁵¹Hinallataq huk torillo, huk anejo, watayoq huk borrego ruphachina sacrificiopaq,

⁵²huk orqo cabra hucha pampachay sacrificiopaq,

⁵³iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

⁵⁴Pusaqkaq p'unchaytaq Manasés aylluq umallin Pedasurpa churin Gamaliel ofrendanta aparqan.

⁵⁵Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

⁵⁶Pachak gramo hina pesaq qori pocillon hunt'a inciensoyoq karqan.

⁵⁷Hinallataq huk torillo, huk anejo, watayoq huk borrego ruphachina sacrificiopaq,

⁵⁸huk orqo cabra, hucha pampachay sacrificiopaq,

⁵⁹iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

⁶⁰Isqonkaq p'unchaytaq Benjamín aylluq umallin Gedeoniq churin Abidán ofrendanta aparqan.

⁶¹Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

⁶²Pachak gramo hina pesaq qori pocillon hunt'a inciensoyoq karqan.

⁶³Hinallataq huk torillo, huk anejo, watayoq huk borrego ruphachina sacrificiopaq,

⁶⁴huk orqo cabra, hucha pampachay sacrificiopaq,

⁶⁵iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

⁶⁶Chunkakaq p'unchaytaq Dan aylluq umallin Amisaipa churin Ahiezer ofrendanta aparqan.

⁶⁷Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

⁶⁸Pachak gramo hina pesaq qori pocillon hunt'a inciensoyoq karqan.

⁶⁹Hinallataq huk torillo, huk anejo, watayoq huk borrego ruphachina sacrificiopaq,

⁷⁰huk orqo cabra, hucha pampachay sacrificiopaq,

⁷¹iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

⁷²Chunka hukniyoqkaq p'unchaytaq Aser aylluq umallin Ocranpa churin Pagiel ofrendanta aparqan.

⁷³Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

⁷⁴Pachak gramo hina pesaq qori pocillon hunt'a inciensoyoq karqan.

⁷⁵Hinallataq huk torillo, huk anejo, watayoq huk borrego ruphachina sacrificiopaq,

⁷⁶huk orqo cabra, hucha pampachay sacrificiopaq,

⁷⁷iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

⁷⁸Chunka iskayniyoqkaq p'unchaytaq Neftalí aylluq umallin Enanpa churin Ahira ofrendanta aparqan.

⁷⁹Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan.

⁸⁰Pachak gramo hina pesaq qori pocillon hunt'a inciensoyoq karqan.

⁸¹Hinallataq huk torillo, huk anejo, watayoq huk borrego ruphachina sacrificiopaq,

⁸²huk orqo cabra, hucha pampachay sacrificiopaq,

⁸³iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan.

⁸⁴Chhaynatan Israel ayllu umallikunaqa altarta sapaqchashaqtinku ofrendankuta aparqanku chunka iskayniyoq qolqe puruñakunata, chunka iskayniyoq qolqe p'ukukunata, chunka iskayniyoq qori pocillokunatawan.

⁸⁵Sapanka qolqe puruñan pesarqan huk kilo kuskanninta hina, sapanka p'ukutaq pesarqan kuskan kilo yaparisqata. Llapan qolqe puruñakuna, llapan qolqe p'ukukuna iskay chunka pusaqniyoq kilota hina pesarqan, Dioswan Tupana Karpapi chanin pesanaman hina.

⁸⁶Chunka iskayniyoq qori pocillokunataq hunt'a inciensoyoqkama karqan, chaykunan sapanka pesarqan pachak gramota hina, Dioswan Tupana Karpapi chanin pesanaman hina. Llapan qori pocillokunan pesarqan huk kilo kuskanninta hina.

⁸⁷Ruphachina sacrificiopaq uywakunan llapan karqan chunka iskayniyoq torillokuna, chunka iskayniyoq anejokuna, watayoq borregokuna chunka iskayniyoq, sapanka t'aqa uywakuna ruru ofrendantinkama. Hucha pampachay sacrificiopaqtaq chunka iskayniyoq orqo cabrakuna karqan.

⁸⁸Sumaq kawsay sacrificiopaq uywakunataq llapan karqan iskay chunka tawayoq torillo, soqta chunka anejo, soqta chunka orqo cabra, watayoq borregotaq soqta chunka. Chaykunan karqan aceitewan ch'aqchuykusqaña altarta sapaqchanapaq ofrendakuna.

⁸⁹Moisesmi Dioswan Tupana Karpata haykurqan Señor Dioswan rimaq, hinaspan Señor Diospa kunkanta uyarirqan rimanakuy arcaq patanpi kashaq iskay querubinkunaq chawpinmanta.