Read Diospa Simin Qelqa JOSUÉ 15 Bible Online

JOSUÉ 15 - Diospa Simin Qelqa bible

JOSUÉ 15

¹Judá aylluq mirayninkunataq hallp'ata sorteopi chaskikurqanku, chay hallp'ataqmi urayman mast'arikurqan Edom suyu Zin ch'inneq pampawan qorpakama.

²Kachi Qocha uray patamantapachan Judá ayllu hallp'aq qorpanqa qallarirqan,

³chaymantataq qorpaqa Nina Q'ara nisqa Q'asa uranta seqarqan, Zin ch'inneq pampanta aysakuspataq Cades-barneaq uranman chayarqan. Chaymantapas Hezronninta rispa Adarkama seqarqan, chaymantataq Carcaman kutirirqan.

⁴Carcamantataq Asmonkama rirqan, Asmonmantataq Egipto suyu qorpa mayuman tariparqan, chay mayu patantakamataq lamar-qochaman taripapurqan. Uray ladopi Judá ayllu hallp'aq qorpantaq chaykuna karqan.

⁵Inti lloqsimuy lado qorpataq karqan Kachi Qocha aysakuy patantin Jordán mayuwan tinkuykama. Chay tinkuymantan wichay lado qorpaqa qallarirqan.

⁶Bet-hoglanta wichaspataq Bet-arabaq altonta pasarqan, chaymantataq Rubenpa churin nisqa Bohán Qaqaman chayarqan.

⁷Chaymantataq Llakikuy Wayq'omanta Debirman wicharqan, kutirimurqantaq Gilgal kinrayman, chay Gilgaltaq karqan wayq'o uray lado Adumín Q'asaq ñawpaqenpi. Chaymantapas qorpaqa pasarqan En-semes pukyu-pukyunta En-rogelkamaraq.

⁸Chaymantataq pasarqan Jebusman seqamuna uray lado qhataq Ben-hinom wayq'onta (Jerusalenmi Jebusqa karqan). Chaymantataq Hinom wayq'oq inti haykuy ladonpi orqo k'awchinta pasarqan (chay orqon Refaim wayq'oq wichay ladonpi karqan).

⁹Chay orqoq k'awchinmantataq Neftoa pukyuman kutirirqan, chaymantataq pasarqan Efrón orqo llaqtakunakama, chaymantataq kutirirqan Quiriat-jearim sutiyoq Baalaman.

¹⁰Baalamantataq qorpaqa kutirirqan inti haykuy ladoman Seir orqokama, chaymantataq pasarqan Jearim orqo wichay lado qhata Quesalonninta, chaymantataq uraykurqan Bet-semeskama, Timnantataq pasarqan.

¹¹Qorpaqa aysakurqan Ecrón llaqta wichay ladopi orqo qhatanta, Sicrón ladoman kutirispataq Baala orqonta pasarqan, chaymantataq Jabneelninta lloqsispa lamar-qochaman tariparqan.

¹²Inti haykuy lado qorpataq lamar-qocha aysakuy patantakama karqan. Judá ayllu hallp'aq qorpankunataq chaykuna karqan, mirayninkuman hina rakisqa.

¹³Josuemi Señor Diospa kamachikusqanman hina Jefoneq churin Calebman Judá ayllupi hallp'ata qorqan. Chaymi payqa Hebrón nisqa Quiriat-arbata chaskirqan (Arbaqa Anacpa taytanmi karqan).

¹⁴Chay llaqtamantan Calebqa qarqorqan Anacpa miraynin Sesaita, Ahimanta, Talmaitawan.

¹⁵Chaymantataq wicharqan Debirpi tiyaqkunawan maqanakuq (Debirpa ñawpaq sutinmi Quiriat-sefer karqan).

¹⁶Nirqantaq: Kay llaqtata maqanakuspa atipaqmanmi ususiy Acsata warminpaq qopusaq, nispa.

¹⁷Hinan Calebpa wawqen Cen runaq churin Otonielqa Debir llaqtata atiparqapurqan, chaymi Calebqa ususin Acsata payman qopurqan.

¹⁸Casarakusqanku p'unchaytaq Otonielqa Acsata tanqarqan taytan Calebmanta chakrapaq hallp'ata mañakunanta. Chaymantataq warmiqa asnomanta uraykurqan, hinan taytanqa payta tapuykurqan: — ¿Imatan munashanki? nispa.

¹⁹Paytaq nirqan: — Ama hinachu kay, huk qokuytawanpuni qoykuway. Ñataq qowankiña Neguevpi ch'aki pampata chayqa, qollawaytaq pukyukunatapas, nispa. Chaymi payqa altonpi uranpi pukyukunata ususinman qorqan.

²⁰Judá aylluq mirayninkunaman hina rakisqa hallp'akunataq kaykuna karqan:

²¹Uray lado suyupi Edompa qorpan qaylla llaqtakuna: Cabseel, Edar, Jagur,

²²Cina, Dimona, Adada,

²³Cedes, Hazor, Itnán,

²⁴Zif, Telem, Bealot,

²⁵Hazor-hadata, Hazor nisqa Queriot, Hezrón,

²⁶Amam, Sema, Molada,

²⁷Hazar-gada, Hesmón, Bet-pelet,

²⁸Hazar-sual, Beerseba, Bizotía,

²⁹Baala, Iyim, Esem,

³⁰Eltolad, Quesil, Horma,

³¹Siclag, Madmana, Sansana,

³²Lebaot, Silhim, Aín, Rimonpiwan. Llapanpitaq iskay chunka isqonniyoq llaqtakuna ayllukunantin karqan.

³³Shefela moqo-moqopi hap'isqanku llaqtakuna: Estaol, Zora, Asena,

³⁴Zanoa, En-ganim, Tapúa, Enam,

³⁵Jarmut, Adulam, Soco, Azeca,

³⁶Saaraim, Aditaim, Gedera, Gederotaimpiwan. Llapanpitaq chunka tawayoq llaqtakuna ayllukunantin karqan.

³⁷Hinallataq Zenán, Hadasa, Migdal-gad,

³⁸Dileán, Mizpa, Jocteel,

³⁹Laquis, Boscat, Eglón,

⁴⁰Cabón, Lahmam, Quitlis,

⁴¹Gederot, Bet-dagón, Naama, Macedapiwan. Llapanpi chunka soqtayoq llaqtakuna ayllukunantin karqan.

⁴²Kaqllataq Libna, Eter, Asán,

⁴³Jifta, Asena, Nezib,

⁴⁴Keila, Aczib, Maresapiwan, llapanpi isqon llaqta ayllukunantin karqan.

⁴⁵Kaqllataq Ecronpas llaqtakunantin ayllukunantin,

⁴⁶hinallataq llapa Asdod qaylla llaqtakuna ayllukunantin Ecronmantapacha lamar-qochakama.

⁴⁷Kaqllataq Asdodpas llapa llaqtakunantin aylluntin ima, Gazapas llapa llaqtakunantin ayllukunallantintaq lamar-qocha patantakama Egipto suyu qorpa mayukamaraq karqan.

⁴⁸Orqo-orqopi hap'isqanku llaqtakunataq: Samir, Jatir, Soco,

⁴⁹Dana, Debir nisqa Quiriat-sana,

⁵⁰Anab, Estemoa, Anim,

⁵¹Gosén, Holón, Gilopiwan, llapanpitaq chunka hukniyoq llaqtakuna ayllukunantin karqan.

⁵²Hinallataq Arab, Duma, Esán,

⁵³Janum, Bet-tapúa, Afeca,

⁵⁴Humta, Hebrón nisqa Quiriat-arba, Siorpiwan, llapanpi isqon llaqta ayllukunantin karqan.

⁵⁵Kaqllataq Maón, Carmel, Zif, Juta,

⁵⁶Jezreel, Jocdeam, Zanoa,

⁵⁷Caín, Gabaa, Timnapiwan, llapanpi chunka llaqta ayllukunantin karqan.

⁵⁸Chaymantapas Halhul, Bet-sur, Gedor,

⁵⁹Maarat, Bet-anot, Elteconpiwan, llapanpi soqta llaqta ayllukunantin karqan.

⁶⁰Quiriat-jearim nisqa Quiriat-baalpas Rabapas, lliw ayllukunantin karqan.

⁶¹Ch'inneq pampapi hap'isqanku llaqtakunataq: Bet-arabá, Midín, Secaca,

⁶²Nibsán, Kachi Llaqta, En-gadipiwan, llapanpi soqta llaqta ayllukunantin karqan.

⁶³Jerusalenpi tiyaq Jebus runakunatataq ichaqa Judá ayllu runakunaqa mana qarqoyta atirqankuchu, chayraykun Jebus runakunaqa Judá ayllu runakunawan kuskallapuni tiyakapurqanku.