Read Dogri मत्ती 10 Bible Online

मत्ती 10 - Dogri bible

मत्ती 10

¹पी ओसने अपने बारें चेलें गी कोल सद्दीयै, उनै दोष्टआत्मायें दे उपर अख्त्यार दिता के उनेंगी कढन ते सब किसम दियां बमारियें गी ते कमजोरीयें गी चंगा करन।

²इनें बारां प्रेरित दे नां ऐ न; पैला शमौन, जिसी पतरस आखया जन्दा ऐ, ते ओसदा प्रा अन्द्रियास; जब्दी दा पुत्तर याकूब, ते ओसदा प्रा यूहन्ना;

³फिलिप्पुस, ते बरतुल्मै, थोमा, ते चुन्गी लेने आला मत्ती, हलफई दा पुत्तर याकूब, ते तद्दै,

⁴शमौन कनानी, ते यहूदा इस्करियोती जेस ने उसी पड़काई दिता।

⁵इनें बारें चेलें गी यीशु ने ऐ उक्म देईयै पेजया; “दुई जातीयें आली बक्खी नेई जायो, ते सामरियें दे कुसे शैर बेच अन्दर नेई जाओ।

⁶पर इस्राएल दे कराने दी गै गुआची दी पिड्डें दे कोल जायो।

⁷ते चलदे-चलदे ऐ परचार करदे आखो; के सोर्ग दा राज नेड़े आई गेदा ऐ।

⁸बमारें गी चंगा करो, मरें दें गी जिंदा करो, कोढ़ियें गी शोद्ध करो, दोष्टआत्मायें गी कड्डो। तुसेंगी मोफ्त-खोरी च थोए दा ऐ, मोफत-खोरी च देई दियो।

⁹अपने बटूऐं च नां गै सुन्ना, ते नां रूपा, ते नां गै तांबा अपने कोल रखयो;

¹⁰रस्ते आसतै झोला नेई लिओ, नां दो कुरते, नां नुकां ते नां सोटा लिओ, किके मजदूर गी ओसदी दी रुट्टी मिलना चाईदी।”

¹¹जिथें कुदै शैर जां घरां बेच जाओ, ते पता करो के उत्थें कोन काबल ऐ? के ओ तुसेंगी अपने कर रौनें गी आखे। ते जेलै तकर तोस ओस कर चा नेई जाओ, ओदे उत्थें गै रवो।

¹²ते कर दे अन्दर औंदे ओई उनेंगी सीस दियो।

¹³जेगर ओस कर दे लोग सीस दे काबल ओगन तां थुआड़ी सीस उंदे उपर आई जाग, जेगर ओ थुआड़ी ओस सीस दे काबल नेई ओगन तां थुआड़ी सीस थुआड़े कोल बापस आई जाग।

¹⁴जेड़ा कोई तुसेंगी अपने कर नेई सदै ते थुआडीयां गल्लां नेई सुनें, ओस करै चा जां ओस शैर बिचा निकलदे ओई अपने पैरें दी मिट्टी फंडीयै आवो।

¹⁵आऊँ थुआड़े कन्ने सच आखना ऐ के न्याय दे देन ओस शैर दी आलत कोलां सदोम ते अमोरा दे शैरें दी आलत मती गै सैन करने दे काबल ओग।

¹⁶दिखो, आऊँ तुसेंगी पिड्डें आला लेखा गिदडें दे बेच पेजना ऐं, एसकरी सप्पें आला लेखा अकलमन्द ते कबूतरें आला लेखा पोले बनो।

¹⁷पर लोकें छा चकने रवो, किके ओ तुसेंगी बड़ी सभें च सोंपगन, ते अपनी पंचायतें च तुसेंगी डंडे मारघंन।

¹⁸तोस मेरे आसतै राजपालें ते राजें दे अगें उंदे उपर, ते गैर जातीयें उपर गवा बनने आसतै पेश कित्ते जाघंन।

¹⁹जेसलै ओ तुसेंगी पड़काघंन तां ऐ चैनता नेई करनी के तोस कियां बोलगे यां के आखगे, किके जे केश तुसेंगी आखना पौग, ओ उसै बेलै तुसेंगी सनाई दिता जाग।

²⁰किके बोलने आले तोस नेई ऐ न, पर थुआड़े पिता दे आत्मा थुआड़े बिचा बोलग।

²¹प्रा, अपने प्रा गी ते पिता अपने पुत्तर गी, मारने आसतै सोंपगन, ते बच्चे मां-प्यो दे खलाफ ओईयै उनेंगी मराई देगन। (मीका 7:6)

²²मेरे नां दी खातर सारे लोग थुआड़े कन्ने बैर करगन, लैगन जेड़ा खीरी तकर सबर करग ओऐ बचाया जाग

²³जेसलै ओ तुसेंगी एक शैर बेच सताघंन, ते दुए गी नसी जायो। आऊँ थुआड़े कन्ने सच आखना ऐं, तोस मनुक्ख दा पुत्तर दे औना कोलां पैलैं इस्राएल दे सारें शैरें बिच गेदे बी नेई ओगे।

²⁴चेला अपने गुरु थमां बड़ा नेई; ते नां गै दास अपने मालक थमां।

²⁵चेलें दा गुरु दे, ते दास दा मालक दे बराबर ओना गै मता ऐ। जेसलै उनै कर दे माल्क गी शतान आखया तां ओदे कर आलें गी के नेई आखघन!

²⁶एसकरी मनुक्खें थमां मत डरयो; किके केश डके दा नेईयैं जेड़ा खोलया नेई जाग, ते नां केश शपे दा ऐ जेसदा पता नेई लगग।

²⁷जे आऊँ थुआड़े कन्ने नेरे च आखना ऐ, उसी तोस लोई बेच च आखो; ते जेकी गल तोस कन्ने कन सुनदे ओ, उसी कोठें उपर परचार करो।

²⁸जेड़े जिंदु गी मारी सकदे न, पर आत्मा गी मारी नेई सकदे, उंदे कोलां मत डरो; लेकन ओदे कोलां गै डरो, जेड़ा आत्मा ते जिंदु गी दौनी गी नरक बेच च नाश करी सकदा ऐ।

²⁹के एक पैसे थमां दो चिड़ियां नेई बिकदीयां? पी बी थुआड़े पिता दी मरजी दे बगैर उंदेचा एक बी तरती उपर नेई किरी सकदी।

³⁰थुआड़े सिर दे बाल बी सब गिने गेदे न।

³¹एसकरी डरयो नेई, तोस बड़ी चिड़ीयैं कोलां बड़े मैंगे ओ।

³²जेड़ा कोई मनुक्खें दे सामनें मेरे चेलें करी मनगे ओ, उसी आऊँ बी अपने सोर्ग दे पिता दे सामनें मनी लैगा।

³³लेकन जेड़ा कोई मनुक्खें दे सामनें मिगी मुकरी जाग, उसी आऊँ बी अपने सोर्ग दे पिता दे सामनें मुकरी जागा।

³⁴ऐ नेई समझयो के आऊँ तरती उपर मलाप कराने गी आएदा ऐं; आऊँ मलाप कराने आसतै नेई, लेकन तलवार चलाने गी आएदा ऐं।

³⁵आऊँ तां आएदा ऐं के; मनुक्ख गी ओसदे पिता कोलां, ते कुड़ी गी ओसदी माऊ कोलां, ते नूँ गी ओसदी ससु कोलां बक्ख करी देयां;

³⁶मनुक्ख दे दुश्मन ओदे कर दे गै लोग ओगन।

³⁷जेड़ा माऊ गी जां पिता गी मेरे थमां जादै प्यारा समझदा ऐ, ओ मेरे चेलें होने दे काबल नेई;

³⁸ते जेड़ा कोई अपनी सूली गी चुकियै मेरे पिछें नेई अवै ओ मेरे चेलें होने दे काबल नेई।

³⁹जेड़ा कोई अपने प्राण बचांदा ऐ, ओ उसी गुआग; ते जेड़ा कोई मेरी खातर अपना प्राण मुआन्दा ऐ, ओ उसी लबग।

⁴⁰जेड़ा कोई तुसेंगी मनी लेन्दा करदा ऐ, ओ मिगी मनी लैंदा करदा ऐ; ते जेड़ा कोई मिगी मनी लैंदा करदा ऐ, ओ मेरे पेजने आले गी मनी लैंदा करदा ऐ।

⁴¹जेड़ा कोई पविखवक्ता गी पविखवक्ता समझीयै मनदा करै, ओ पविखवक्ता दा नाम पाग; ते जेड़ा कोई तरमी गी तरमी समझीयै मनदा करै ओ तरमी दा नाम पाग।

⁴²जेड़ा कोई इंदे निकां बिचा एक गी मेरा चेला समझीयै सेर्फ एक कटोरा ठंडा पानी पलिआ, आऊँ थुआड़े कन्ने सच आखना ऐं, ओ अपना नाम कदें बी नेई मुआग।