Read Dogri मत्ती 11 Bible Online

मत्ती 11 - Dogri bible

मत्ती 11

¹जेसलै यीशु अपने बारें चेलें गी उक्म देई चुकया, तां ओ उंदे गलील शैरें च शिखया ते परचार करने गी उत्त्थुआं दा चली गीया।

²यूहन्ना ने जेलै च मसीह दे समेंचार दी खबर सुनीयै अपने चेलें गी ओदे कोलां ऐ पूछने गी पेजया,

³ते उसी ए आखया के औने आला मसीहा तुं गै, जां अस कुसे दुए दा एन्तजार करचै?

⁴यीशु ने जबाब दिता, ये केछ तोस सुनदे ओ ते दिखदे ओ, ओ सब केश जाईयै यूहन्ना गी आखी दियो,

⁵के अन्नें दिखदे न ते लिञें चलदे फिरदे न, कोढ़ी शोद्ध कित्ते ज्न्दे न ते बोले सुनदे न, मोरदे जिन्दे कित्ते ज्न्दे न, ते गरीबें गी शोभ समाचार सनाया जन्दा ऐ।

⁶ते तन्न न ओ, जेड़े मेरी नां उपर शक नेई करदे।

⁷जेसलै ओ उत्त्थुआं दा चली गै, ते यीशु यूहन्ना दे बारै च ओदे चेलें गी आखन लगया, “तोस जंगल च के दिखन गेदे हे? के अवै कन्ने हेल्दे कंडै गी?

⁸पी तोस के दिखन गेदे हे? जेड़े साधा चोगे लांदे न, ओ राज मैलें च रौंदे न।

⁹तां पी कि गेदे हे? के कुसे पविखवक्ता गी दिखने गी? आं, आऊँ तुसेंगी आखना ऐं के पविखवक्ता थमां बी बड्डे गी।

¹⁰ऐ उवै ऐ जेसदे बारै च लिखे दा ऐ के; देख, आऊँ अपने दूत गी तेरे अगें पेजना ऐं, जेड़ा कोई तेरे अगें रसता तयार करग।

¹¹“आऊँ थुआड़े कन्ने सच आखना ऐं जेड़े कोई जनांनीयें थमां जमें दे न, उंदे बिचा यूहन्ना पवित्रशनांन देने आले कोलां कोई बड़ा नेई ओया; लेकन जेड़ा सोर्ग दे राज बेच निके थमां निक्का ऐ ओ ओस थमां बड़ा ऐ।

¹²यूहन्ना पवित्रशनांन देने आले दे बेलै कोलां हूंन तकर सोर्ग दे राज बेच जबरदस्ती दाखल ओंदा रिया ऐ, ते बलवान उसी खुस्सी लैंदे न।

¹³ते यूहन्ना तकर सारे पविखवक्ता ते कनून पविखवाणी करदे रे।

¹⁴ते चाओ तां मन्नो एलिय्याह जेड़ा औने आला हा, ओ इयै।

¹⁵जिन्दा सुननें दा मन ओग ओ सुनी लैंन।

¹⁶“आऊँ एस बेलै दे लोकें दी मसाल केदै कन्ने दियां? ओ उनै बच्चें आला लेखा न, जेड़े बजारें च बैठीयै एक दुए गी आले मारी-मारी आखदे न

¹⁷के असैं थुआड़े आसतै खुशी दे बाजे बजाए, ते तोस नेई नचे; असैं वलाव दे गीत गादे, ते तुसें छाती नेई पीटी।

¹⁸किके यूहन्ना नेई खंदा आया ते नेई पींदा आया, ते ओ आखदे न ओदे बेच दोष्टआत्मा ऐ।

¹⁹जदूं मैं मनुक्ख दा पुत्तर खंदा-पिन्दा आया ते ओ ग्लान्दे न के दिखो शराबी मनुक्ख, चुंगी लेने आलें ते पापीए दा दोस्त! लेकन ज्ञान अपने कम्में च सचा समझया गीया ऐ।”

²⁰ओस बेलै ओ उनै शैरें दी निन्द्या करना लगया, जेसदे बेच ओसने मते सारे चमत्कार कित्ते हे, किके उत्त्थुं दे लोकें अपना मन नेई फेरेदा हा।

²¹बसोस तेरे खुराजीन दे लोको! बसोस तेरे बेतसैदा दे लोको! जेड़े चमत्कार दे कम तेरे लोकें च कित्ते गै हे, जेकर ओ सूर ते सैदा दे शैर च कित्ते जंदे हे तां उनै लोकें लक बनियै ते सुयाई उपर बेईयै उनै कदुं दा मन फेरी लेत्ता दा ओन्दा हा।

²²पर आऊँ थुआड़े कन्ने आखना ऐं के न्याय दे धयाडै थुआड़ी आलत थमां सूर ते सैदा शैर दी आलत मती गै सैन योग ओग।

²³“ते ए कफरनहूम दे लोको, के तुसेंगी सोर्ग तकर उच्चा कित्ता जाग? तू तां नरक तकर थल्लै चली जागा। जेड़े चमत्कार कम तेरे लोकें बेच कित्ते गेदे न, जेकर ओ सदोम दे लोकें बेच कित्ते जंदे हे, तां ओ अज्ज तकर बना दा रौंदा हा।

²⁴लेकन आऊँ थुआड़े कन्ने आखना ऐं के न्याय दे देन तेरी आलत थमां सदोम दे लोकें दी आलत मती सैन योग ओग।”

²⁵“उसै बेलै यीशु ने, आखया ए पिता, सोर्ग ते तरती दे प्रभु, आऊँ तेरा शुकर करना के तो इनें गल्लें गी अकलमन्द ते समझदारें छा छपाईये रखेया, ते उनै लोकें उपर परकट कित्ता ऐ जीनें तेरी सचाई गी जानया।

²⁶हां, ए पिता, किके तुगी इयै छैल लगया।

²⁷“मेरे पिता ने मिगी सारा केछ सौंपी दिते दा ऐ। ते कोई पुत्तर गी नेई जानदा, सेर्फ पिता; ओर कोई पिता गी नेई जानदा, सेर्फ पत्रे; ते ओ जेस उपर पुत्तर उसी परकट करना चा।

²⁸“ए सारे मेंनत करने आलियो ते परम्परा दे कनून दे थलै दबोए दे लोको, मेरे कोल आओ; आऊँ तुसेंगी चैन देगा।

²⁹मेरा जुंगला अपने उपर चुक्की लियो, ते मेरे थमां सीखी लियो; किके आऊँ मनें दा लीम ते दीन ऐं ते तोस अपने मनें च चैन पागे।

³⁰किके मेरा जुंगला मलांम ते मेरा बोझ अल्का ऐ।”