Read Dogri मत्ती 12 Bible Online

मत्ती 12 - Dogri bible

मत्ती 12

¹ओस बेलै यीशु बसां दे देन खेतरें दे मंजै जा करदा हा, ते ओदे चेलें गी पोख लगी ते ओ दाने तोड़ी-तोड़ीयै खाणा लगे।

²फरीसियें उनै गी दिखियै यीशु गी आखया, “देख, तेरे चेलें ओ कम करा करदे न, जेड़ा बसां दे देन करना ठीक नेई।

³ओसने उनेंगी आखया, के तुसैं नेई पढ़या, के दाऊद ने, जेसलै ओ ते ओदे साथियें गी पोख लगी तां उनै के कित्ता?

⁴ओ कियां परमेसर दे कर गीया, ते पेंट दियां रुट्टीयाँ लेईयै खादियां, जिनैं गी खाणा नां गै उसी ते नां गै ओदे साथियें गी लेकन सेर्फ याजकें गी गै बाजब हा?

⁵यां के तुसैं कनून च नेई पढ़या के याजकें बसां दे देन मंदर च सब्त दे देन दी रीति गी त्रोड़नें उपर बी बेकसुर रौंदे न?

⁶लेकन आऊँ थुयाड़े कन्ने आखना ऐं के इत्त्थैं ओ ऐ जेड़ा मंदर थमां बी बड़ा ऐ।

⁷जेगर तोस एस दा मतलब समझदे के, आऊँ दीया दे कन्ने खोश ओना ऐं बलि दे दांन कन्ने नेई, तां तोस मेरे बेकसुर चलेयां गी कसुरबार नेई आखदे।

⁸मनुक्ख दा पुत्तर तां बसां दे देन दा बी प्रभु ऐ।”

⁹उत्त्थुआं दा जाईयै ओ उंदे प्रार्थनाकार च आया।

¹⁰उत्थें एक मानु हा, जेसदा अथ्थ सुके दा हा। ते उनै यीशु गी कसुरबार आखने आसतै उसी पूछया, “के बसां दे देन चंगा करना बाजब ऐ?

¹¹ओसने उनेंगी आखया, थूयाडे चा किसे दी एको पेड्ड ओ, ते ओ बसां दे देन खड्डे च किरी जा, ते ओ उसी जरुर पकड़ीयै उसी कढग!

¹²पला, मनुक्ख दा मोल पेड्ड थमां किन्ना बद ऐ! एसकरी बसां दे देन चंगाई करना बाजब ऐ।

¹³ओस बेलै यीशु ने ओस मानुयें गी आखया, अपना अथ्थ अगें गी कार। ओसने बदाया, ते ओ पी दुए अथ्थ आला लेखा चंगा ओई गीया।

¹⁴ओस बेलै फरीसियें बार जाईयै ओदे खलाफ च एक्का कित्ता के यीशु गी कियां मारी देचै।”

¹⁵ऐ गल जानियै यीशु उत्त्थुआं दा चली गीया। ते मते सारै लोग ओदे पिछें आई गै, ते यीशु ने सारें गी चंगा कित्ता,

¹⁶ते उनेंगी गलाया के मिकी परकट नेई करयो,

¹⁷के जे जेड़ा वचन यशायाह पविखवक्ता दे म्हुन्याँ दा आखे गेदा हा, ओ पूरा ओई जा।

¹⁸दिखो, ऐ मेरा सेवक ऐ, जिसी मैं चुने दा ऐ; मेरा प्यारा, जेस कन्ने मेरा मन खोश ऐ; आऊँ अपना आत्मा ओस बेच पागा, ते ओ गैर जातीयें गी न्याय दी खबर सनाग।

¹⁹ओ नां चगड़ा करग, ते नां अपनी सिफत अप्पुं करग, ते नां बजारें च कोई ओसदी बाज सुनग।

²⁰ओ मरोड़ी दी सरकंडे गी नेई त्रोड़ग, ते धूंआ दिंदी बत्ती गी नेई सालग, जेसलै तकर ओ न्याय गी जै नेई करग।

²¹ते गैर जातीयां ओदे उपर आस रखघंन।

²²ओस बेलै लोग एक अन्नें-गूंगे गी जेसदे बेच दुष्ट आत्मा ही, ओदे कोल लेई आए; ते यीशु ने उसी चंगा करी कित्ता, ते ओ बन्दा बोलनां ते दिखनां लगी पिया।

²³एस गल दे उपर सारे लोग रांन ओईयै आखना लगे, “ऐ के दाऊद दी औलाद ऐ!

²⁴लेकन फरीसियें ऐ सुनीयै आखया, ऐ तां दोष्टआत्मायें दे बडे शतान दी मदद दे बगैर दोष्टआत्मा गी नेई कढदा।”

²⁵ओनें उंदी मने दी गल्ल समझीयै उनेंगी आखया, “जेस कुसे दे राज बेच फोट ओंदी ऐ, ओ उजडी जन्दा ऐ; ते कोई शैर जां घरां जेस बेच फोट ओंदी ऐ, टिका दा नेई रौग।

²⁶ते जेकर शतान गै शतान गी कंडै, तां ओ अपने दे गै खलाफ ओई गीया ऐ; पी ओसदा राज कियां टिका दा रौग?

²⁷जेकर आऊँ शतान दी मदत कन्ने दोष्टआत्मायें गी कढदा ऐं, तां थूआडी औलाद केदी मदत कन्ने कढदे न? एसकरी ओ गै थुआड़ा न्याय करघंन।

²⁸लेकन जेकर आऊँ परमेसर दी आत्मा दी मदद कन्ने दोष्टआत्मायें गी कढदा ऐं तां परमेसर दा राज थुआड़े कोल आई पूजे दा ऐ।

²⁹जां कियां कोई मनुक्ख कुसे तकड़े बन्दे दे कर च जाईयै ओसदा माल लूटी सकदा ऐ जदू तकर कि पैलैं ओस बन्दे गी नेई बन्नी लै? ओस बेलै ओ उसी लूटी लैग।

³⁰जेड़ा मेरे कन्ने नेई ओ मेरे खलाफ ऐ, ते जेड़ा मेरे कन्ने नेई किट्ठा करदा ओ बख-बख करी दिंदा ऐ।

³¹एस आसतै आऊँ थुआड़े कन्ने आखना ऐ के मनुक्ख दा सब किसम दा पाप ते निंदया माफी कित्ती जाग, लेकन पवित्र आत्मा दी निंदया माफ़ नेई कित्ती जाग।

³²जेड़ा कोई मनुक्ख दा पुत्तर दे खलाफ कोई गल्ल बोलग, ओसदा ऐ पाप माफ़ कित्ता जाग, लेकन जेड़ा कोई पवित्र आत्मा दे खलाफ बोलग, ओसदा पाप नां एस लोक बेच ते नां गै परलोक बेच माफ़ कित्ता जाग।”

³³जेकर रुक्ख छैल ए, ते ओदे फल बी छैल ओग, जां अगर रुक्ख माडा ए; तां ओदा फल बी माडा ओग; किके रुक्ख अपने फल कन्ने गै पंछानयां जन्दा ऐ

³⁴थुआड़ी शिखया इयां ऐ जियां सस्प दा जैर खत्म करी दिन्दा ऐ, तोस बुरे ओईयै कियां खरीयाँ गल्लां आखी सकदे ओ? किके जे केश मन च परोचे दा उवै, उवै मुं चा निकलदा ऐ।

³⁵पला मनुक्ख मन दे पले भंडार थमां पलीयां गल्लां बोलदा ऐ, ते पैड़ा मनुक्ख मन दे बुरे भंडार थमां बुरीयां गल्लां बोलदा ऐ।

³⁶ते आऊँ थुआड़े कन्ने आखना ऐं के जेड़ीयां-जेड़ीयां बुरीयां गल्लां मनुक्ख बोलघंन, न्याय दे देन उनै अर एक गल्ल दा लेखा देनां पौग।

³⁷किके तू अपनी गल्लें थमां बेकसुर ते अपनी गल्लें थमां गै कसुरबार बनया जागा।

³⁸एस गल्ल उपर केश शास्त्रियें ते फरीसियें उसी आखया, ए गुरु, कोलां एक सोर्ग दा कोई चेन्न दिखना चानयां न।

³⁹ओसने उनेंगी जबाब दिता, “एस योग दे बुरे ते व्यभिचारी लोग नशानीयां तुपदे न, लेकन योना पविखवक्ता दी नशानी गी शुड़ीयै कोई ओर चेन्न उनेंगी नेई दिती जाग।

⁴⁰योना त्रै रात-देन बड़ी मछी दे टिड्डे च रिया, इयां गै मैं मनुक्ख दा पुत्तर त्रै रात-देन तरती दे अंदर रौग।

⁴¹नीनवे दे लोक न्याय दे देन एस योग दे लोकें दे कन्ने खडोईयै उनेंगी कसुरबार आखघन, किके उनै योना दा पाशन सुनीयै अपने मने गी फराया; ते, इत्त्थैं ओ ऐ जेड़ा योना थमां बी बड़ा ऐ।

⁴²दक्षिण दी रानी न्याय दे देन एस योग दे लोकें कन्ने खडोईयै उनेंगी कसुरबार आखघ, किके ओ सुलैमान दा ज्ञान सुनने आसतै तरती दे एक कोने थमां आई; ते, इत्त्थैं ओ ऐ जेड़ा सुलैमान थमां बी बड़ा ऐ।”

⁴³जेसलै दोष्टआत्मा मनुक्ख चा निकली जंदी ऐ, तां सुके थार च सोख तुपदी फिरदी ऐ, ते सोख थोंदा नेई।

⁴⁴ओस बेलै आखदी ऐ, “आऊँ अपने उसै कर च जिथुं दा निकली दी ऐं, बापस चली जनीं ऐं। ते आईयै ओस कार गी सुन्ना, सोता-सत्तादा ते उसी सजा-सजादा दिख्दी ऐ।

⁴⁵पी ओ अपने थमां ओर पैड़ीयां सत दोष्टआत्मायें गी अपने कन्ने लेई ओंदी ऐ, ते ओ ओदे बेच बेईयै उत्थें वास करदीयां न, ते ओस मनुक्ख दी पिछली आलत पैलैं कोलां बी पैड़ी ओई जन्दी ऐ। एस योग दे पैड़ें लोकें दी आलत बी इयै जेई गै ओग।”

⁴⁶जेसलै ओ पीड लोकें कन्ने गल्लां करा दा गै हा, ओस बेलै ओसदी मां ते ओदे निके प्रा बार खड़ोते दे हे ते ओदे कन्ने गल्लां करना चांदे हे।

⁴⁷कुसे एक ने उसी आखया, “देख, तेरी मां ते तेरे निके प्रा बार खड़ोते दे न, ते तेरे कन्ने गल्लां करना चांदे न।”

⁴⁸ऐ सुनीयै ओनें आखने आले गी जबाब दिता, “कोन ऐ मेरी मां? ते कोन न मेरे प्रा?

⁴⁹ते अपने चेलें आली बक्खी अथ्थ बदाईयै आखया, मेरी मां ते मेरे प्रा इयै न।

⁵⁰किके जेड़ा कोई मेरे सोर्ग दे पिता दी मरजी उपर चलया, उवै मेरा प्रा ते मेरी पैन, ते मेरी मां ऐ।”