Read Dogri मत्ती 13 Bible Online

मत्ती 13 - Dogri bible

मत्ती 13

¹उसै देन यीशु अपने चेलें समेत करै दा निकलियै चील दे कंडै जाई बैठा।

²ते ओदे कोल इनी बडी पीड किठी ओई एसकरी ओ किशती उपर चढ़ी गीया, ते सारी पीड चील दे कंडै खड़ोती दी रेई।

³ते ओसने उंदे कन्ने कानीयें च मतीयां सारीयां गल्लां कित्तियां; “एक बी रानें आला बी रानें गी निकलया।

⁴रांदे बेलै केश बी रस्ते दे कंडै किरी पे, ते पैंछीयैं आईयै ओस बी गी चुगी लेता।

⁵केश बी पत्त्थरें आली जमीने उपर किरे, जित्त्थै उनेंगी मती मिट्टी नेई मिली ते उनेंगी मिट्टी नेई मिलने दे कारन ओ तौलै गै लगी आए।

⁶लेकन जेसलै ओ निके बूट्टे मठोते धोप निकलने कन्ने ओ जली गै, ते जड़ नेई पकड़ने बाद सुकी गै।

⁷केछ बी चुड़ीयें च किरे ते चुड़ीयें उनेंगी छैल करियै दवी दिता।

⁸लेकन केश बी छैल जमीन उपर किरे ते ओ बूट्टे बदे ते उनै बड़ा फल दिता, केईयें सौ गुणा, केईयें सठ गुणा, ते केईयें त्री गुणा।

⁹अगर तोस एस मसाल गी समझनां चांदे ओ, तां त्यांन कन्ने सुनो, जेड़ा हुन मैं गलाया ऐ।”

¹⁰ते चेलें यीशु दे कोल आईयै ओदे कन्ने आखया, “तुं लोकें कन्ने कानीयें च कि गल्लां करना ऐं?

¹¹ओसने जबाब दिता, तुसेंगी सोर्ग दे राज दे पेते दी समझ दिती गेदी ऐ, लेकन उनेंगी नेई।

¹²किके जेसदे कोल ऐ, उसी दिता जाग, ते ओसदे कोल मता ओई जाग; पर जेसदे कोल केश बी नेईयैं, ओस थमां जे केश ओदे कोल ऐ, ओ बी लेई लीता जाग।

¹³आऊँ उंदे कन्ने कानीयें च एसकरी गल्लां करना ऐ के ओ दिखदे ओई नेई दिखदे ते सुनदे ओई नेई सुनदे, ते नेई समझदे।

¹⁴उंदे बारै च यशायाह दी ऐ पविखवाणी पूरी ओंदी ऐ; तोस कने कन्ने तां सुनगे, पर समझगे नेई; ते अखीयाँ कन्ने तां दिखगे, पर तुसेंगी नेई सुज्झग।

¹⁵“किके इनें लोकें दे मन मोटे ओई गेदा न, ते ओ कने कन्ने उच्चा सुनदे न ते उनै अपनीयां अखीयाँ मिटी दिती दियां न; कुतै ऐ नेई ओई जा के ओ अपनी अखीयाँ कन्ने दिखन, ते कने कन्ने सुनन ते मन कन्ने समझन, ते मुड़ी जांन, ते आऊँ उनेंगी चंगा करां।

¹⁶“पर धन्न न थुआडीयां अखां, के ओ दिखदीयां न; ते थुआड़े कन के ओ सुनदे न।

¹⁷किके आऊँ थुआड़े कन्ने सच आखना ऐं के मते सारे पविखवक्तें ते तरमीयैं चाया के जेड़ीयां गल्लां तोस दिखदे ओ, दिखो, पर नेई दिखियां; ते जेड़ीयां गल्लां तोस सुनदे ओ, सुनो, पर नेई सुनीयां।”

¹⁸“ओनें तोस बी रानें आले दी कानी सुनो;

¹⁹जेड़ा कोई राज दा वचन सुनीयै नेई समझदा, ओदे मने च जे केश राया गीया हा, उसी ओ दुष्ट शतान आईयै शड़काई लेई जंदा ऐ। ए उवै ऐ, जेड़ा रस्ते दे कंडै राया गीया हा।

²⁰ते जेड़ा पथरीली जमीन उपर राया गीया, ए उवै ऐ, जेड़ा वचन गी सुनीयै तौला गै खुशी कन्ने वचन गी मनी लैंदा ऐ।

²¹पर अपने आप च जड़ नेई पकड़ने दे कारन ओ थुड़े देन गै रेई सकदा ऐ, ते जेसलै वचन दे कारन कष्ट जां सताओ ओंदा ऐ, तां एकदम ठेढा खाई जन्दा ऐ।

²²जेड़ा चुड़ीयें च राया गीया, ए ओ ऐ, जेड़ा वचन गी सुनदा ऐ, पर एस दुनियां दी चेंता ते पैसे-तेले दा तोखा वचन गी दबांदा ऐ, ते ओ फल नेई देई सकदा।

²³जेड़ा छैल जमीन च राया गीया, ए ओ ऐ, जेड़ा वचन गी सुनीयै समझदा ऐ, ते फल दिन्दा ऐ; कोई सौ गुणा, कोई सठ गुणा, ते कोई त्री गुणा।”

²⁴यीशु ने उनेंगी एक ओर कानी सनाई; “सोर्ग दा राज ओस कर्साने आला लेखा ऐ जेस ने अपने खेत्र च छैल बी राया।

²⁵पर जेसलै खेत्र बेच कम करने आले लोग सुते दे हे तां खेत्र दे मालक दा दुशमन आईयै कनक दे बेच जंगली बी सुट्टीयै चली गीया।

²⁶जेसलै कन्क दे गूर निकले ते कन्क मठोती, तां जंगली दाने दे बूट्टे बी लब्बन लगी पे।

²⁷एसकरी खेतरें दे मालक दे नौकरें आईयै उसी आखया, ए साव, के तो अपने खेतरें च छैल बी नेई राया हा? पी जंगली दाने दे बूट्टे एस दे बेच कुत्त्थुं दा आए?

²⁸ओसने उन्दे कन्ने आखया, ऐ कुसे दुशमन दा कम ऐ। नौकरें उसी आखया, के तेरा मन ऐ के अस जाईयै उनै बूट्टे गी चुगीयै किट्ठे करी देचै?

²⁹ओनें आखया, नेई, ऐसा नेई करेयो कुदै ऐसा नी ओई जा के जंगली दाने दे बूट्टे किट्ठे करदे-करदे तोस उन्दे कन्ने कनक बी पुट्टी लैओ।

³⁰फसल कटोने तकर दौनीं गी किटठे गै बदन दियो, ते कटने दे बेलै आऊँ कटने आलें कन्ने आखगा के पैलैं जंगली दाने दे बूट्टे किट्ठे करियै जलाने आसतै उंदे गट्ठे बनी लैओ, ते कनक गी मेरे पणडार बेच किट्ठे करो।”

³¹ओसने उनेंगी एक ओर कानी सनाई; “सोर्ग दा राज सरऐं दे एक दाने आला लेखा ऐ, जिसी कुसे मनुक्ख ने आनीयै अपने खेत्र बेच राई दिता।

³²ओ अर एक बीऐं कोलां तां निक्का ऐ लेकन जेलै ओदा बूट्टा छैल वड्डा ओई जन्दा ऐ ओस बेलै सब किसम दी जड़ी-बूटीयें दे बूट्टें कोलां बड़ा ओंदा ऐ; ते ऐसा बूट्टा बनी जन्दा ऐ के अम्बर दे पैंछी आईयै ओसदी डालियें उपर अलड़े बनाईयै बसेरा करदे न।”

³³ओसने एक ओर कानी उनेंगी सनाई “सोर्ग दा राज खमीर आटे आला लेखा ऐ जिसी कुसे जनांनी ने लेईयै तरें नापें दे आटे च मलाई दिता ते ओदे-ओदे ओ सारा खमीर ओई गीया।”

³⁴ऐ सारीयां गल्लां यीशु ने कानीयें च लोकें गी सखाईयां, ते बगैर कानीयें ओ उनेंगी केश बी नेईहां सखान्दा,

³⁵के जेड़ा वचन पविखवक्ता दे थमां आखया गेदा हा, ओ पूरा उवै; “आऊँ कानीयें च बोलनें आसतै अपना मुंह खोलगा आऊँ उनै गल्लें गी जेड़ीयां गल्लां जगत दी शुरुआत थमां अज्ञान रेईयां न परकट करगा।”

³⁶ओस बेलै ओ पीड गी शुड़ीयै कर च आया, ते ओदे चेलें ओदे कोल आईयै आखया, “खेत्र दे जंगली दाने दी कानी दा मतलब असेंगी समझाई दे।”

³⁷ओसने उनेंगी जबाब दिता, “छैल बी गी रानें आला मनुक्ख दा पुत्तर ऐ।

³⁸खेत्र संसार ऐ जिथें लोक रौंदे न, छैल बी उनै लोकें आला लेखा ऐ जिन्दे उपर परमेसर राज करदा ऐ, ते जंगली बी ओ ऐ जेड़े लोक दोष्ट शतान दा कैना मन्दे ने।

³⁹जेस दुशमन ने उसी राया ओ शतान ऐ; फसले दी बाढी जगत दा ऐन्त ऐ, ते फसल गी बढने आलें सोर्गदूत न।

⁴⁰इयां जियां जंगली दाने दी फसल किट्ठी करियै अग्गी बेच सुट्टी जन्दी ऐ उयांगै जगत दे ऐन्त च ओना ऐ।

⁴¹मैं मनुक्ख दा पुत्तर अपने सोर्गदूतें गी पेजग, ते ओ ओदे राज बिचा सारें गी जेड़े ठोकर देने आले न ते गलत कम करने आलें गी किट्ठा करघंन,

⁴²ते सोर्गदूत उनेंगी अग्गी दे कोंड बेच सुट्टी देघंन, जिथें रोंदे ते दंद चीखदे रौगन।

⁴³ओस बेलै तरमी अपने पिता दे राज बेच सूरज आला लेखा चमकघन। जेड़े तोस समझना चांदे न, ओ त्यांन कन्ने सुनी लैंन।”

⁴⁴सोर्ग दा राज खेत्र च छपे दे खजाने आला लेखा ऐ, जेका कुसे मनुक्ख गी थोया ते ओसने उसी छपाली दिता, ते खुशी दे मारे जाईयै अपना सारा केश बेचियै ओस खेतरें गी खरीदी लेता।

⁴⁵पी सोर्ग दा राज एक बपारी आला लेखा ऐ जेड़ा छैल मोतियें दी तलाश बेच हा।

⁴⁶जेसलै उसी मैंगा थमां मैंगा मोती मिलया ते ओसने जाईयै अपना सारा केश बेची दिता ते उसी खरीदी लेता।

⁴⁷पी सोर्ग दा राज ओस बडे मश्ली फड़ने आले जाल आला लेखा ऐ जेड़ा समुंदर बेच सुट्या गीया, ते अर तरा दी मछीयें गी किट्ठा करी लिया।

⁴⁸ते जेसलै जाल मश्ली कोलां परोई गीया, ते मछुए उसी समुन्दर दे कंडै खिची लेई आए, ते बेईयै छैल-छैल मछीयां पांडे च पाईयां ते माड़ीयां-माड़ीयां सुट्टी दितीयां।

⁴⁹जगत दे ऐन्त बेच ऐ दया गै ओग। सोर्गदूत आईयै दुष्टें गी तर्मियें थमां बक्ख करघंन,

⁵⁰ते उनेंगी अग्ग दे कोण्ड बेच सुट्टी देगन। जिथें रोना ते दंदे गी चिख्दे रौना ऐ।

⁵¹के तुसैं ऐ सारीयां गल्लां समझीयां? “उनै उसी जबाब दिता, आं।

⁵²पी यीशु ने उनेंगी आखया, एसकरी अर एक शास्त्री जेड़ा सोर्ग दे राज दा चेला बने दा ऐ, ओस करसान आला लेखा ऐ जेड़ा अपने भंडार थमां नमीं ते परानीयां चीजां कड़दा ऐ।”

⁵³जेसलै यीशु ऐ सारी कानीयें आखी चुकया, तां ओ उत्थां दा चली गीया।

⁵⁴ते अपने शैर बेच आईयै उंदे प्रार्थनाकार च उनेंगी ऐसी शिखया देना लगया के ओ सुनीयें रांन ओईयै आखना लगे, “इसी ऐ ज्ञान ते चमत्कारी कम करने दी शक्ति कुत्थुआं मिली?

⁵⁵के ऐ लकड़ी दे मिस्त्री दा जागत नेईयैं? ते के एस दी मां दा नां मरियम ते एस दे प्राऊ दा नां याकूब, युसूफ, शमौन ते यहूदा नेईयैं?

⁵⁶ते के एस दियां सारीयां पैनां साड़े च नेई रौंदियां? पी इसी ऐ सब केश कुत्थुआं दा मिलया?”

⁵⁷एसकरी ओ यीशु गी मसीहा नेई समझी सके, लेकन यीशु ने उंदे कन्ने आखया, “पविखवक्ता दा अपने थार ते कर गी शुड़ीयै कुतै बी बेजती नेई ओंदी।”

⁵⁸ते उन्दा बश्वास नेई ओनें दे कारन उत्थें ओस मते सारे चमत्कार दे कम नेई कित्ते।