Read Dogri मत्ती 14 Bible Online

मत्ती 14 - Dogri bible

मत्ती 14

¹ओस बेलै चौथाई देश दे राजा हेरोदेस राजा ने यीशु दी चर्चा सुनी!

²ते अपने सेवकें गी आखया, “ए यूहन्ना पवित्रशनांन देने आला ऐ, ओ मरे दां बिचा जिन्दा ओई गेदा ऐ, तां करी ओदे छा ए चमत्कार दे कम परकट ओदे न।”

³किके हेरोदेस राजा ने अपने प्रा फिलिप्पुस दी करेआली हेरोदियास दे कारन यूहन्ना गी पकड़ीयै बनया ते जेल च सुट्टी दिता हा,

⁴किके यूहन्ना ने हेरोदेस राजा गी गलाया हा अपने प्रा दी करेआली गी रखना तेरे बासतै ठीक नेई ऐ।

⁵ते ओ उसी मारनां चांदा हा, पर लोकें कोलां डरदहा, किके लोक उसी पविखवक्तें मन्दे हे।

⁶पर जेसलै हेरोदेस राजा दा जन्म धयाडा आया, तां हेरोदियास दी कुड़ी ने जन्म देन दी खुशी बेच नचिये हेरोदेस गी खोश कित्ता।

⁷एसकरी ओसने कसम खाईयै वचन दिता, “जे केश तू मंगगी, आऊँ तुगी देगा।”

⁸ओ अपनी मां दे बगाने दे कारन बोली, “यूहन्ना पवित्रशनांन देने आले दा सिर थाली च पाईयै एथें गै मिगी मंगाई देयो।”

⁹राजा दुखी ओया, पर अपनी कसम दे, ते कन्ने बैठने आलें दे कारन, उक्म दिता के ओदा सिर आनीयै देई दिता जा।

¹⁰ते ओसने जेल खाणे च लोकें गी पेजीयै यूहन्ना दा सिर बड़ी दिता;

¹¹ते ओदा सिर थाली च पाईयै लेयाई दिता गया ते कूडी गी देई दिता, ते ओ उसी अपनी मां दे कोल लेई गेई।

¹²ते ओसदे चेलें आईयै यूहन्ना दी लाश गी लेईयै दब्बी दिता, ते जाईयै यीशु गी खबर दिती।

¹³जेसलै यीशु ने ए खबर सुनी, तां किशती उपर चढ़ीयै उत्थें दी कुसे सनसांन जगै गी ईक्ला गै चली गीया। ते लोग ऐ सुनीयै शैरां-शैरां चा पैदल गै ओदे पिछें आई गै।

¹⁴ओसने निकलियै एक बड़ी पीड दिखी ते उनै लोकें उपर तरस खादा, ते उंदेचा बमारें गी चंगा कित्ता।

¹⁵जेसलै शाम दा बेला ओया तां ओदे चेलें ओदे कोल आईयै आखया, “ए तां सनसान थहार ऐ ते चेर ओया करदा ऐ; लोकें गी विदा कित्ता जा के ओ गरांयें च जाईयै अपने आसतै रुट्टी खरीदी लैंन।”

¹⁶यीशु ने उंदे कन्ने आखया, “उंदा जाना जरुरी नेईयैं! तोस गै उनेंगी केश खाणे बासतै दियो।”

¹⁷उनै उसी आखया, “इत्थैं साड़े कोल पंज रुट्टीयाँ ते दो मछीयें गी शुड़ीयै ओर केश नेईयैं।”

¹⁸ओसने आखया, “उनेंगी मेरे कोल लेई आओ।”

¹⁹ओस बेलै ओनें लोकें गी काह उपर बठाने लेई आखया, ते उनै पंज रुटीयें गी ते दो मछीयें गी लेता; ते सोर्ग आले पासेगी दिखियै शुकर कित्ता ते रुट्टीयाँ पन्नी-पन्नीयै चेलें गी दितीयां, ते चेलें लोकें गी बंढ़ीयां।

²⁰ते सारे खाईयै रजी गै। ते चेलें बचे दे टुकड़े दियां परीयां बारां टोखरियां चुकियां।

²¹ते खाणे आलें जनांनीयें गी ते बच्चें गी शुड़ीयै, पांज जार मडदें दे लगपग ही।

²²ते पी ओनें तौलै गै अपने चेलें गी किशती उपर चाडीयै मजबूर कित्ता के मेरे थमां पैलैं पार चली जाओ, तैलूं तकर ओ लोकें गी विदा करै।

²³ओ लोकें गी विदा करियै, प्रार्थना करने गी बखरे पाड़ उपर चढ़ी गीया, ते शामी तकर ओ उत्थें इकला हा।

²⁴ओस बेलै किशती चील दे बिच लैरें कन्ने गोते खा करदी ही, किके अवा अगुंयां दी गै ही।

²⁵ते यीशु रात दे चौथे पैर चील उपर चलदे उंदे कोल आया।

²⁶जेलै चेलें उसी चील उपर चलदे दिखिया ते ओ कबराई गै। ते आखना लगे, “ए भूत ऐ! ते डर दे मारे कल्लाना लगे।

²⁷यीशु ने फोरन उंदे कन्ने गल्लां कित्तियां ते आखया, जिगरा रखो! आऊँ यां नेई डरयो!”

²⁸पतरस ने उसी जबाब दिता, “ऐ प्रभु जे तू गै ऐं, तां मिकी अपने कोल पानी उपर चलीयै औने दा उक्म दे।”

²⁹ओसने आखया “आई जा! ओस बेलै पतरस किशती उपरा उतरीयै यीशु दे कोल जाने लेई पानी उपर चलना लगया।

³⁰पर पतरस पानी दी लैरें गी दिखियै डरी गीया, ते जेसलै डूबना लगया तां करलाईयै आखन लगया, ए प्रभु, मिकी बचाई लै!”

³¹यीशु ने फोरन अथ्थ बदाईयै उसी पकड़ीयै उपर खिची लेता ते उसी आखया, “ए कट विश्वास करने आले, तो कि शक कित्ता?”

³²जेसलै ओ किशती च बेई गै, तां तफान एकदम थमोई गीया।

³³एस बारदात गी दिखियै सारें चेलें यीशु दे अगें मत्था टेकियै आखया, “सचें गै तुं, परमेसर दा पुत्तर ऐं।”

³⁴जेसलै ओ किशतीयें चा उतरीयै चील दे कंडै गन्नेसरत नां दे शैर च पूजे।

³⁵ते उत्थें दे लोकें उसी पनछांनीयें लागे-दुआगे दे लाकें च आखी पेज्या, ते ओ लोग सारें बमारें गी ओदे कोल लेई आए,

³⁶ते ओदे अगें अर्ज करना लगे के ओ उनै बमारें गी अपने कपडें दी चुक गी गै छूना दियै; ते जिनैं बी उसी छूता, ओ सारे चंगे ओई गै।