Read Dogri मत्ती 15 Bible Online

मत्ती 15 - Dogri bible

मत्ती 15

¹ओस बेलै यरूशलेम थमां केश फरीसी ते शास्त्री यीशु दे कोल आईयै आखन लगे,

²“तेरे चेलें पुर्वजें दी पंरपराऐं गी कि टालदे न, के बगैर अथ्थ तोतें दे रुट्टी खन्दे न?”

³ओसने उनेंगी जबाब दिता, “तोस बी अपनी पंरपराऐं दे कारन कि परमेसर दे उक्म गी टालदे ओ?

⁴किके परमेसर ने गलाये दा ऐ, के अपनी मां ते पिता दा आदर करयो, ते जेड़ा कोई पिता ते मां गी बुरा-पला बोलै, ओ मारी दिता जा।

⁵लेकन तोस आखदे ओ के जे कोई अपने पिता जां मां गी आखे जे केश तुगी मेरे थमां फायदा पूजी सकदा हा, ओ परमेसर गी पेट चढ़ाई दिते दा ऐ,

⁶तां ओ अपने पिता दा आदर नेई करै, एस तरीके तुसैं अपनी परंपरा दे कारन परमेसर दे वचन गी टाली दिता।

⁷ए कपटीयों, यशायाह ने थुआड़े बारै च ए पविखवाणी ठीक गै कित्ती ऐ,

⁸“ए लोग ओठें थमां तां मेरा आदर करदे न, पर उंदा मन मेरे थमां दूर रौंदा ऐ।

⁹“ते ए लोग बेकार मेरी पगती करदे न, किके मनुक्ख दी विधियें गी धारमक शिखया देई यै सखांदे न।”

¹⁰ते यीशु ने लोकें गी अपने कोल बलाईयै उंदे कन्ने आखया, “सुनो, ते समझो

¹¹जे केश मुंह बेच पौंदा ऐ, ओ मनुक्ख गी गन्दा नेई करदा, लेकन जे केश मुंह बिचा निकलदा ऐ, उवै मनुक्ख गी गन्दा करदा ऐ।”

¹²ओस बेलै चेलें आईयै उसी आखया, “के तू जांनदा ऐ के फरीसियें ए वचन सुनीयै ठोकर खादी?”

¹³ओसने जबाब दिता, “अर बूट्टा जेड़ा मेरे सोर्गी दे पिता ने नेई लाया, पुट्टी दिता जाग।

¹⁴उनेंगी जाना दियो; ओ अन्नें रसता दसने आले न ते अन्नां जेकर अन्नें गी रस्ता दसै, तां दूऐ जनें खड्डे च किरी जाघंन।”

¹⁵ए सुनीयै पतरस ने उसी आखया, “ए कानी असेंगी समझाई दे।”

¹⁶ओसने आखया, “के तोस बी अयें तकर नां समझ ओ?

¹⁷के तोस नेई जांनदे के जे किश मुंह च पौंदा ओ टिड्डे च जन्दा ऐ, ते मल-मुतर थमां निकली जंदा ऐ?

¹⁸पर जे केश मुंह चा निकलदा ऐ, उवै मना बिचा निकलदा ऐ, ते उवै मनुक्ख गी पीटै करदा ऐ।

¹⁹किके बुरे वचार, अत्या, दुए दी जनांनी लेई गलत सोच, ब्यभिचार, चोरी, चुठी गुआई ते निन्दक मन थमां गै निकलदी ऐ।

²⁰इयै चीजां न जेड़ीयां मनुक्खे गी पीटै करदीयां न, लेकन अथ्थ बगैर धोते दे रुट्टी खाणा मनुक्ख गी पिटा नेई करदा।”

²¹यीशु उत्त्थुआं दा निकलियै, सूर ते सैदा दे शैरें आले पासेगी चली गीया।

²²ते दिखो ओस लाके बिचा एक कनानी जनांनी निकली, ते करलाईयै आखन लगी, “ए प्रभु दाऊद दी औलाद, मेरे उपर दया कर! मेरी कुड़ी गी दोष्टआत्मा बड़ा गै सता करदा ऐ।”

²³पर ओसने उसी केश जबाब नेई दिता, ते ओदे चेलें आईयै ओदे अगें अर्ज कित्ती, “इसी पेजी ओड, किके ए साड़े पिछें करलांदी आवा करदी ऐ।”

²⁴ओसने जबाब दिता, “इस्राएल दे टबरे दी गुआची दी भिड्डें गी छुड़ीयै आऊँ कुसे दे कोल नेई पेजेया गेदा।”

²⁵पी बी ओ आई, ते यीशु गी परणाम करियै आखन लगी, “ए प्रभु मेरी मदद कर।”

²⁶यीशु ने जबाब दिता, “बच्चें (यहूदीयें) दी रुट्टी लेईयै कुत्तें दें अगें सुटना चंगा नेईयै।”

²⁷ओसने आखया, “सच ऐ प्रभु, लेकन कुत्तें बी ओ चुरचार खंदे न, जेड़ा उंदे मालकें दे मेज थमां किरदे न।”

²⁸एस दे उपर यीशु ने ओसगी जबाब दिता, “ए औरत, तेरा बश्वास बड़ा ऐ। जे नियां तुं चान्नी ऐ तेरे आसतै उवै जेय्या गै उवै।” ते ओसदी कुड़ी उसै बेलै थमां चंगी ओई गई।

²⁹यीशु उत्त्थुआं गलील दी चील दे कोल आया, ते पाड़ उपर चढ़ीयै बेई गीया।

³⁰ते पीडै दे उपर पीड ओदे कोल आई। ओ अपने कन्ने लंगड़े, अन्नें, गूंगे, लिञें ते बाकी मतें सारें गी ओदे कोल लेई आए, ते उनै उनेंगी ओदे चरणें च सुट्टी दिता, ते ओसने उनेंगी चंगा कित्ता।

³¹जेसलै लोकें दिखया के गूंगे बोलदे, ते लिञें चंगे ओदे, ते लंगड़े चलदे न, ते अन्नें दिखदे न ते रांन ओईयै इस्राएल दे परमेसर दी बड़याई कित्ती।

³²यीशु ने अपने चेलें गी बलाईयै आखया, “मिगी एस पीड उपर तरस ओंदा ऐ, किके ओ त्रैं दिनें थमां मेरे कन्ने न ते उंदे कोल केश खाणे गी नेई ऐ। आऊँ इनेंगी पुखें दे विदा करना नेई चांदा, कित्ते ए सा जियां नेई ओई जा के रस्ते बेच रेई पूजी जांन।”

³³चेलें ओस कन्ने आखया, “असेंगी एस जंगल बेच कुत्थुआं दा इन्नी रुट्टी मिलग के अस इन्नी बड़ी पीड गी रज्जाचै?”

³⁴यीशु ने उनेंगी पूछया, “थुआड़े कोल किनीयां रुट्टीयाँ न?” उनै आखया, “सत्त, ते थुड़ी जेईयां मछीयां।”

³⁵ओस बेलै ओनें पीड गी जमीन उपर बैठने बासतै गलाया।

³⁶ते उनै सत्तें रुट्टीयें ते मछीयें गी लेता, तन्वाद करियै पन्या, ते अपने चेलें गी दिंदा गीया, ते चेलें लोकें गी।

³⁷एस चाली सारे खाईयै रजी गै होए ते चेलें बचे दे टुकड़ें दे सत टोकरे परे।

³⁸खाणे आलें करेआलीयें ते बच्चें गी छुड़ीयै चार हजार मानु हें।

³⁹तैलूं ओ पीड गी विदा करियै किशती उपर चढ़ी गीया, ते मगदन दे लाके च आया।