Read Dogri मत्ती 16 Bible Online

मत्ती 16 - Dogri bible

मत्ती 16

¹ते फरीसियें ते सदूकियें कोल आईयै उसी परखने आसतै आखया, “असेंगी सोर्ग दा कोई चेन्न दस।”

²ओसने उनेंगी जबाब दिता, “शाम गी तोस गलांदे ओ, के कल मोसम शैल रौग, किके अम्बर लाल ऐ

³ते सबेरे गलांदे ओ, के अज्ज तफान औग, किके अम्बर लाल ते तुंध आला ऐ। तोस अम्बर दे लक्ष्ण दिखियै ओदे पेद दस्सी सकदे ओ, पर बेलै दी नशांनियें दा पेद कि नेई दस्सी सकदे?

⁴एस योग दे बुरे ते व्यभिचारी लोग नशांनियां तुपदे न, पर योना दी चेन्न गी छुड़ीयै उनेंगी कोई नशांनी नेई दिती जाग।” ते ओ उनेंगी छुड़ीयै उत्त्थुआं दा चली गीया।

⁵चेलें चील दे दुए पार ज्न्दे बेलै रुट्टी लेना पूली गेदे हे।

⁶यीशु ने उंदे कन्ने आखया, “दिखो फरीसियें ते सदूकियें दे खमीर थमां चकने रवो।”

⁷ओ अप्पुं बिचै वचार करना लगे, “अस तां रुट्टी नेई लेई आए एसकरी ओसने ए गल आखी ऐ।”

⁸ए गल समझीयै, यीशु ने उनेंगी आखया, “ए कट विश्वासियों, तोस अप्पुं बिचै कि वचार करदे ओ के साड़े कोल रुट्टी नेईयै?

⁹के तोस अयें तकर नेई समझे? ते उनै पंज्ज जार दियां पंज्ज रुट्टीयाँ याद नेई करदे, ते नां गै ए के तुसैं किनीयां टोखरियां चुक्कियां हियां?

¹⁰ते नेई उनै चार जार दी सत रुट्टीटियाँ, ते नेई ए के किनीयां टोखरी यां चुकियां हियां?

¹¹तोस कि नेई समझदे के मैं तुसेंगी रुट्टीयें दे बारै नेई आखया? पर फरीसियें ते सदूकियें दे खमीर थमां चुकना रौना।

¹²तैलूं उनेंगी समझ बेच आया के ओसने रुट्टी दे खमीर दे लेई नेई, पर फरीसियें ते सदूकियें दी शिखया थमां चुकने रौने लेई गलाया हा।”

¹³यीशु कैसरिया फिलिप्पी दे लाके च आईयै, अपने चेलें गी पूछना लगया, “लोग मनुक्ख दा पुत्तर गी के गलांदे न?”

¹⁴उनै आखया, “केश ते यूहन्ना पावित्रशनांन देने आला आखदे न, ते केश एलिय्याह, ते केश यिर्मयाह जां पविखवक्ता बिचा कोई एक आखदे न।”

¹⁵ओसने उनेंगी आखया, “लेकन तोस मिगी के आखदे ओ?”

¹⁶शमौन पतरस ने जबाब दिता, “तू जिंदे परमेसर दा पुत्तर मसीह ऐ”

¹⁷यीशु ने उसी जबाब दिता, “ए शमौन, योना दे पुत्तर तू धन्न ऐं; किके ए गल मास ते खून ने नेई, लेकन मेरे पिता ने जेड़ा सोर्ग बिच ऐ तेरे उपर परकट कित्ती ऐ।

¹⁸ते आऊँ बी तुगी आखना ऐ के तू पतरस ऐ, ते आऊँ एस बट्टे उपर अपनी कलीसिया बनागा, ते नरक दे दरबाजे ओस उपर कामजाब नेई ओगन।

¹⁹आऊँ तुगी सोर्ग दे राज दी कुंजियां देगा; ते जे केश तू तरती उपर बनगा, ओ सोर्ग बेच बनया जाग; ते जे केश तू तरती उपर खोलगा ओ सोर्ग बेच खुली जाग।”

²⁰पी ओनें चेलें गी ऐ चताया के कुस्सै कन्ने ए गल नेई सनायो के आऊँ मसीह ऐं।

²¹ओस बेलै थमां यीशु अपने चेलें गी सनाना लगया, “जरुरी ऐ के आऊँ यरूशलेम गी जां ते प्राचीनें ते प्रधान याजकें, ते शास्त्रियें दे अथ्थें थमां मता सारा दोख चलां; ते मारी दिता जां; ते त्रिये देन जिंदा ओई जां।

²²एस गल उपर पतरस उसी बखरै लेईयै निखरना लगया, ए प्रभु, परमेसर नेई करै! तेरा कन्ने ऐसा कदें नेई ओग।”

²³ओसने मुड़ीयै पतरस गी आखया, “ए शतान, मेरे अग्गें दा दूर ओई जा! तू मेरे आसतै ठोकर दा कारन ऐ; किके तू परमेसर दियें गल्लें उपर नेई, पर मनुक्खें दियें गल्लें उपर मन लाना ऐ।”

²⁴ओस बेलै यीशु ने अपने चेलें गी आखया, “जेकर कोई मेरे पिछें औना चा, ते अपने आपे दा एनकार करै ते अपनी सूली चुक्कै, ते मेरे पिछें आई जा।

²⁵किके जेड़ा कोई अपना प्राण बचाना चांदा, ओ उसी गुआई देग, ते जेड़ा कोई मेरे पिछें अपना प्राण गुआन्दा ऐ, ओ उसी थोग।

²⁶जेकर मनुक्ख सारी दुनियां गी आसल करी लै, ते अपने प्राण दा नुकसान चुकी लै, तां उसी के फायदा ओग? जां मनुक्ख अपने प्राण दे बदलै के देग?

²⁷मनुक्ख दा पुत्तर अपने सोर्गदूत दे कन्ने अपने पिता दी मैमा च ओग, ते ओस बेलै ओ अर एक गी ओदे कम्में दे मताबक फल देग।

²⁸आऊँ थुआड़े कन्ने सच आखना ऐ के जेड़े इत्थैं खड़ोते दे न, उंदे बिचा केश ऐसे न के ओ जेसलै तकर मनुक्ख दे पुत्तर गी ओदे राज च ओदे नेई दिखगे, ओस बेलै तकर मौत दा सुआद कदें बी नेई चखघंन।”