Read Dogri मत्ती 17 Bible Online

मत्ती 17 - Dogri bible

मत्ती 17

¹छें दिनें दे बाद यीशु ने पतरस ते याकूब ते ओदे प्रा यूहन्ना गी अपने कन्ने लेता, ते उनै गी सुनसान जगै च कुदै उच्चे पाड़ उपर लेई गीया।

²ते उत्थें उंदे सामनें ओसदा रूप बदली गीया, ते ओसदा मुंह सुरजआला लेखा चमकया ते ओसदे कपड़े लोई आला लेखा चिटा ओई गीया।

³ते दिखो मूसा ते एलिय्याह ओदे कन्ने उनेंगी गल्लां करदे लबे।

⁴एस लेई पतरस ने यीशु गी आखया, “ए प्रभु, साड़े लेई इत्थैं रौना सोना ऐ। जे तेरी मरजी उवै तां आऊँ इत्थैं त्रै तम्बू बनां; एक तेरे लेई, एक मूसा दे लेई, ते एक एलिय्याह दे लेई।”

⁵ओ अजें बोला दा गै हा के एक चिटा बदल उंदे उपर छाई गीया, ते ओस बदले चा ए बाज निकली; “ए मेरा प्यारा पुत्तर ऐ, जेस उपर आऊँ खोश ऐं एदी सुनो।”

⁶चेलें ए गल सुनीयै मुंह दे पार किरी गै ते मते गै डरी गै। किके

⁷यीशु ने कोल आईयै उनेंगी छूता, ते आखया, “उठो डरयो नेई।”

⁸ओस बेलै उनै अपनी अखीयाँ कन्ने दिखया ते यीशु गी छुड़ीयै कुसे गी बी नेई दिखया।

⁹जिंदु ओ पाड उपरा उतरा करा दे हे ओस बेलै यीशु ने उनेंगी ऐ उक्म दिता, “जेलै तकर मनुक्ख दा पुत्तर मरें दे बिचा जिंदा नेई उवै, ओस बेलै तकर जे केश तुसैं दिखया ऐ कुस्सै दे कन्ने नेई गलायो।”

¹⁰ते एस गल उपर ओदे चेलें उसी पूछया, “पी शास्त्री कि आखदे न के एलिय्याह दा पैलैं औना जरुरी ऐ?

¹¹ओसने जबाब दिता, एलिय्याह तां जरुरी औग, ते सब केश सधारी देग”

¹²आऊँ थुआड़े कन्ने आखना ऐ के एलिय्याह आई चुके दा ऐ, ते लोकें उसी नेई पनछानया; पर अपनी मर्जी कन्ने ओदे कन्ने वर्ताओ कित्ता। इसै रीति कन्ने मनुक्ख दा पुत्तर बी उंदे अथ्थें थमां दोख चलग।

¹³ओस बेलै चेलें समझया के यीशु ने साड़े कन्ने यूहन्ना पावित्रशनांन देने आले दे बारै च आखया ऐ।

¹⁴जेसलै यीशु ते ओदे चेलें पीड दे कोल पूजे, तां एक मानु ओदे कोल आया, ते मत्था टेकियै आखन लगया,

¹⁵“ए प्रभु, मेरे पुत्तर उपर दया कर! किके उसी मिर्गी ओंदी ऐ, ते ओ बड़ा कष्ट चलदा ऐ; ते बार-बार अग्गी च ते बार-बार पानी च किरी जंदा ऐ।

¹⁶आऊँ उसी तेरे चेलें दे कोल लेई आया हा, लेकन ओ उसी ठीक नेई करी सके।”

¹⁷यीशु ने जबाब दिता, “हे गैर विश्वासी ते पैड़े लोको, आऊँ कदुं तकर थुआड़े कन्ने रौगा? कदुं तकर थुआडीयां सैंदा रौगा? इसी इत्थैं मेरे कोल लेई आओ।”

¹⁸ओस बेलै यीशु ने उसी निखरया ते दोष्टआत्मा, ते ओ ओदे बिचा निकली गेई; ते जागत उसै बेलै चंगा ओई गीया।

¹⁹ओस बेलै चेलें बखरै यीशु दे कोल आईयै आखया, “अस इसी दोष्टआत्मा गी कि नेई कढी सके?”

²⁰ओसने उनेंगी आखया, “अपने बश्वास दी कमी दे कारन, किके आऊँ थुआड़े कन्ने सच आखना ऐ जे थुआड़ा बश्वास सर्यें दे दाने दे बराबर बी उवै, तां एस पाड़ गी आखी सकगे, ईथुं दा खिसकिये उत्थें चली जा, ते ओ चली जाग; ते कोई गल्ल थुआड़े आसतै अन ओनी नेई ओग।

²¹(पर ए जाती बगैर प्रार्थना ते उपवास दे नेई निकलदी)।”

²²जेसलै ओ गलील जिले बिच हे, तां यीशु ने उंदे कन्ने आखया, “मनुक्ख दा पुत्तर, मानुऐं दे अथ्थ बेच पकड़वाया जाग;

²³ते ओ उसी मारी ओड़गन; ते ओ त्रिये धयाडै जिंदा ओई जाग।” एस गल उपर ओ मते गै उदास ओए।

²⁴जेसलै ओ कफरनहूम च पूजे, तां मंदर दी चुंगी लेने आलें पतरस दे कोल आईयै पूछया, “के थुआड़ा गुरु मंदर दी चुंगी नेई दिंदा?”

²⁵ओसने आखया, “हां, दिंदा ऐ।” जेलै ओ कर गी आया, तां यीशु ने ओदे पूछने कोलां पैलैं गै ओस कन्ने आखया, “ए शमौन, तू के सोचा करना ऐ? तरती दे राजा चुन्गी जां कर कोदे कोलां लैंदे न?” अपने जाकतां थमां जां परायां थमां?

²⁶पतरस ने ओदे कन्ने आखया, “परायां थमां।” यीशु ने ओदे कन्ने आखया, “तां पुत्तर बची गै।

²⁷पी बी अस उनेंगी ठोकर नेई लाचै, तुं चील दे कंड्डे जाईयै बीड़ी सुट्ट, ते जेड़ी मछी पैलैं निकलै[1], उसी लै; ओसदा मुंह खोलियै तुगी एक सिक्का।”