Read Dogri मत्ती 18 Bible Online

मत्ती 18 - Dogri bible

मत्ती 18

¹उसै बेलै चेलें यीशु दे कोल आईयै पूछन लगे, “सोर्ग दे राज बेच बड़ा कोन ऐ?”

²एस गल दे उपर ओसने एक बच्चे गी कोल सदियै उंदे बेच खड़ा कित्ता,

³ते आखया, आऊँ थुआड़े कन्ने सच आखना ऐं के जेकर तोस अपने स्वा गी नेई बदलो ते बच्चें आला लेखा नेई बनो, तां तोस सोर्ग दे राज च दाखल नेई ओई सकगे ओ।

⁴जेड़ा अपने आप गी एस बच्चे आला लेखा निक्का बनाग, ओ सोर्ग दे राज बेच बड़ा ओग।

⁵ते जेड़ा कोई मेरे नां बेच एक इयै निये बच्चे गी सदग ओ मिगी सददा ऐ।

⁶“पर जेड़ा कोई इनें निकें बिचा जेड़े मेरे उपर बश्वास करदे न एक गी गै ठोकर दे, ओस आसतै पला ए के एक बड़ी चक्कीयै गी ओदे गल्लें च लटकाया जा, ते ओ डूगे समुद्र च सुट्टया जा।

⁷ठोकरें दे कारन दुनियां दे लोकें उपर बसोस! ठोकरें दा लगना जरुरी ऐ; पर बसोस ओस मनुक्ख उपर जेसदे कारन ठोकर लगदी ऐ।

⁸जेकर तेरा अथ्थ जां पैर तुगी ठोकर दे, तां तुं उसी कट्टीयै सुट्टी दे; ढूंढा जां लंगडा ओईयै पर्मेसरे कन्ने मेशा दे जिनैं च दाखल ओना तेरे आसतै एस थमां पला ऐ के दो अथ्थ जां दो पैर रैंदे ओई तू मेशा दी अग्गी बेच सुट्टी दिता जां।

⁹ते जेकर तेरी आख तुगी ठोकर दे, तां तुं उसी कढीयै सुट्टी दे; काना ओईयै पर्मेसरे कन्ने मेशा दे जिनैं च दाखल ओईयै तेरे आसतै एस थमां पला ऐ के दो अखीयाँ रैंदे ओई तुं नरक दी अग्गी बेच सुटया जा।”

¹⁰“दिखो, तोस इनें निकें चा कुसे गी बी तोछ नेई समझना; किके आऊँ थुआड़े कन्ने सच आखना ऐ के सोर्ग बेच उंदे दूत मेरे सोर्ग दे पिता दे सामने मेशा रोंदे न।

¹¹(किके मनुक्ख दा पुत्तर गुआचें दें गी बचानेईं आया ऐ)।

¹²“तोस के समझदे ओ? जेकर कुसे मनुक्ख दी सौ पिड्डां ओंन, तां उंदे बिचा एक पड़की जा, तां के ओ नड़ीन्नुएं गी शुड़ीयै, ते पाड़ी उपर जाईयै, ओस गुआची दी पेड्ड गी नेई तुपग?

¹³ते इयां उवै के ओ उसी मिली जा, तां आऊँ थुआड़े कन्ने सच अखनां ऐं के ओ उनै नड़ीन्नुएं पिढें आसतै जेड़ीयां पटकीयां नेई हियां, इन्ना अनंद नेई मनाग जिनां के एस गुआची दी पेड्ड आसतै मनाग।

¹⁴इयां गै थुआड़े पिता जेड़ा सोर्ग बेच ऐ मर्जी नेईयैं के इनां निक्कां बिचा एक बी नाश उवै।

¹⁵“जे तेरा साथी प्रा तेरे खलाफ पाप करै, तां तुं जा ते इकलै ओसदे कन्ने गल्ल बात करियै उसी समझा; जेकर ओ तेरी सुनें तां तुगी ओ तेरा साथी प्रा मिली गीया ऐ।

¹⁶ते अगर ओ तेरी नेई सुनें, तां एक दाऊँ जनें गी अपने कन्ने लेई जा, के मूसा दे कनून दे मुताबक अर एक गल्ल दाऊँ जां त्रैं गुआयें दे मुंह बिचा पक्की कित्ती जा।

¹⁷जेकर ओ उंदी बी नेई मन्नें, तां संगत कन्ने आखी दे, लेकन जेकर ओ कलीसिया दी बी नेई मन्नें तां तुं उसी गैर जातीयां ते चुन्गी लेने आलें जीया समझ।

¹⁸“आऊँ थुआड़े कन्ने सच अखनां ऐं, जे केश तोस तरती उपर बनगे, ओ सोर्ग च बनया जाग ते जे केश तोस तरती उपर खोलगे, ओ सोर्ग च खुली जाग।

¹⁹पी आऊँ थुआड़े कन्ने आखना ऐ, अगर थुआड़े बेच दाऊँ जन तरती उपर किसे औखी गल्ल आसतै मदद मंगै, एक मन दे ओंन ते ओ मेरे पिता थमां जेड़ा सोर्ग च ऐ, उंदे आसतै ओई जाग।

²⁰किके, जित्त्थें दाऊँ जां त्रै मेरे नां कन्ने किट्ठे ओदे न, उत्थें आऊँ उंदे बेच ओना ऐ।”

²¹ओस बेलै पतरस ने कोल आईयै यीशु कन्ने आखया; “ए प्रभु, जेकर मेरा साथी प्रा पाप करदा रवै, तां आऊँ किन्नी बार उसी माफ़ करां? के सत बारी तकर?

²²यीशु ने ओस कन्ने आखया, आऊँ तेरे कन्ने ए नेई आखना के सत बार तकर बरना सत बार दे सत्तर गुणा तकर तू उसी माफ़ करदा रवयां।”

²³“एसकरी सोर्ग दा राज ओस राजे कानी आला लेखा ऐ, जेस ने अपने नौकरें थमां लेखा लेना चाया।

²⁴जेलै ओ लेखा लेना लगया, तां एक बंदा ओसदे सामनें आंदा जेड़ा दस जार सुने दे ठेल्ले दे तोड़ें दा कर्जदार हा।

²⁵पर बापस देनें आसतै ओसदे कोल केछ बी नेई हा, तां राजे ने आखया, के ए ते एस दी करेआली ते बाल-बच्चे ते जे केश एस दा ऐ सब बेची दिता जा, ते ओ कर्जा मुकाई दिता जा।

²⁶ए गल्ल सुनीयें ओदे दास ने ओदे अगें चुगीयै उसी परणाम कित्ता, ते आखया, ए स्वामी सबर कर, आऊँ तेरा सब केश देई देगा।

²⁷ओस बेलै ओस नौकर दे मालक ने तरस खाईयै उसी शुड़ी दिता, ते ओसदा कर्जा माफ़ करी दिता।”

²⁸लेकन जेसलै ओ नौकर बार निकलया, तां ओदे कन्ने कम करने आले नौकरें चा एक उसी मिलया जेड़ा ओसदा सौ दीनार यानी के एक दिने दी तयाड़ी दा कर्जदार हा; ओसने उसी पकड़ीयै ओदा गला कोटया ते आखया, जे केश तो कर्जा देना ऐ देई दे।

²⁹एस गल उपर ओसदा अपना नौकर चुगीयै ओदे अगें अर्ज करना लगया, सबर कर, आऊँ तेरा सब केश देई देगा।

³⁰ओसने नेई मनया, लेकन जाईयै उसी जेलै बेच सुट्टी दिता के जेलै तकर कर्जा नेई दियै, ओस बेलै तकर उत्थें गै रवै।

³¹ओदे सगीं दास ए जे केश ओया हा दिखियै मते दूआस ओए, ते जाईयै अपने स्वामी गी पूरा हाल सनाई दिता।

³²ओस बेलै ओदे स्वामी ने उसी बलाईयै उसी आखया, ए दुष्ट दास, तो जेड़ी मेरे अगें अर्ज कित्ती, तां मैं तेरा पूरा कर्जा माफ़ करी दिता।

³³एस आसतै जियां मैं तेरे उपर दया कित्ती, उय्यां गै के तुगी बी अपने संगी नौकर दे उपर दया करनी नेई चाईदी ही?

³⁴ते ओदे स्वामी ने गुस्सै च आईयै उसी सजा देने आलें दे अथ्थें च सौंपी दिता, के जेसलै तकर कर्जा मुकाई नेई दियै, ओस बेलै तकर उन्दे अथ्थें च रवै।

³⁵इसै चाली जेकर थुआड़े बिचा अर एक अपने साथी प्रा गी मने थमां माफ़ नेई करग, तां मेरा पिता जेड़ा सोर्ग च ऐ, थुआड़े कन्ने बी इयां गै करग।