Read Dogri मत्ती 19 Bible Online

मत्ती 19 - Dogri bible

मत्ती 19

¹जेसलै यीशु ए गल्लां आखी चुकया, तां बी ओ गलील जिले थमां चली गीया; ते यरदन दे पार यहूदीया दे लाके च आया।

²बड़ी पीड ओदे पिछें ओई गेई, ते ओसने उनेंगी चंगा कित्ता।

³ओस बेलै फरीसी ओदी परिख्या करने आसतै कोल आईयै आखन लगे, “के अर एक गल दी बजा कन्ने अपनी करेआली गी त्यागना ठीक ऐ?”

⁴ओसने जबाब दिता, “के तुसैं नेई पढ़या के जेस ने उनेंगी बनाया, ओसने शुरू थमां नर ते नारी बनाईयै आखया,

⁵“एसकरी मर्द अपने मां ते पिता थमां लग ओईयै अपनी करेआली कन्ने रौग ते ओ दमै एक तन ओगन?

⁶“यनिके ओ हुन दाऊँ नेई, पर एक तन न। एसकरी जिसी परमेसर ने जोड़या ऐ उसी कोई मनुक्ख लग्ग नेई करै।”

⁷उनै यीशु गी आखया, “पी मूसा ने ए गल की पक्की कित्ती के लेखत पत्र देईयै उसी शुड़ी दे?”

⁸ओनें उनेंगी आखया, “मूसा ने थुआड़े मन दी कठोरता दे कारन तुसेंगी अपनी करेआली गी शुड़ने दा उक्म दिता, पर शुरू थमां ऐसा नेई हा।

⁹ते आऊँ थुआड़े कन्ने आखना ऐं, के जेड़ा कोई ब्यभिचार गी शुड़ीयै ओर किसे बजहा कन्ने अपनी जनांनी गी त्यागीयै दुई कन्ने विहा करै, ओ ब्यभिचार करदा ऐ; ते जेड़ा कोई ओस शुड़ी दी जनांनी कन्ने ब्याह करै, ओ बी ब्यभिचार करदा ऐ।”

¹⁰चेलें ओस कन्ने आखया, “जेकर मरद दा करेआलीयें कन्ने ऐसा रिश्ता ऐ, तां ब्याह करना ठीक नेईयैं।”

¹¹ओसने उंदे कन्ने आखया, “सारे लोग ए वचन मनी नेई सकदे, सेर्फ ओ जिनेंगी परमेसर ने ए दान दिते दा ऐ।

¹²किके केश ईजडे ऐसे न, जेड़े मां दे गर्भ बिचा गै इयै दे जम्मे न; ते केश बंदे ऐसे न, जिनेंगी मनुक्ख ने ईजडे बनाया; जिनैं सोर्ग दे राज आसतै अपने आप गी ईजडे बनाया ऐ। ब्याह दे बारै जे केश मैं आखया ऐ जेड़ा एस गल गी समझी सकदा ऐ ओ समझी लै।”

¹³एदे बाद लोग बच्चें गी ओदे कोल लेई आए के ओ उंदे उपर त्थ रखै ते प्रार्थना करै, पर चेलें उनेंगी निखरया।

¹⁴यीशु ने आखया, “बच्चें गी मेरे कोल औना दियो, ते इनेंगी मना नेई करीयो, किके सोर्ग दा राज इयै जें दा ए।”

¹⁵ते यीशु ने उंदे उपर अथ्थ रखियै पर्मेसरे कोलां उन्दे आसतै शीर्वाद मंग्या ते उत्त्थुआं दा चली गीया।

¹⁶ते दिखो, एक मनुक्ख यीशु दे कोल आईयै उसी आखया, “ए गुरु, आऊँ केड़ा पला कम करां के मेशा दी जिंदड़ी पां?”

¹⁷ओसने उसी आखया, “तुं मिगी पलाई दे बारै च कि पूछना ऐं? पला तां एक गै, पर अगर तुं मेशा दे जीनें च दाखल ओना चानां ऐं, तां उक्में गी मनया कर।”

¹⁸ओसने ओदे कन्ने आखया, “केड़े उक्म? “यीशु ने आखया, ए के अत्या नी करयां, ब्यभिचार नी करयां, चोरी नी करयां, चुठी गुआई नेई देयां,

¹⁹अपने पिता ते मां दा आदर करयां, ते अपने गुआंडी कन्ने अपने जेया प्यार रखयां।”

²⁰ओस जवान ने उसी आखया, “इनें सबनी उक्में गी तां आऊँ मन्ने दा ए; हूंन मेरे बेच केस गल्ल दी कमी ऐ?”

²¹यीशु ने ओस कन्ने आखया, “जे तुं सेध ओना चानां ऐ तां जा, अपना सब केश बेचियै गरीबें गी बंडी दे, ते तुगी सोर्ग बेच तन्न थ्होग; ते आईयै मेरे पिछें ओई जा।”

²²लेकन ओ जवान ऐ गल्ल सुनीयें दूआस होइयै चली गीया, किके ओ बड़ा गै मीर हा।

²³ओस बेलै यीशु ने अपने चेलें गी आखया, “आऊँ थुआड़े कन्ने सच आखना ऐं के पैसें आलें दा सोर्ग दे राज बेच दाखल ओना औखा ऐ।

²⁴पी तुसेंगी आखना ऐं के परमेसर दे राज बेच पैसें आलें दा दाखल ओना ऊंट दा सूई दे नके बिचें निकली जाना सौखा ऐ!”

²⁵ए सुनीयै चेलें बड़े रांन ओईयै आखया, “पी कोंन बची सकदा ऐ?”

²⁶यीशु ने उंदे आले पासेगी दिखियै आखया, “मनुक्खें थमां तां ए नेई ओई सकदा ऐ, लेकन परमेसर थमां सब केश ओई सकदा ए।”

²⁷एस गल उपर पतरस ने उसी आखया, “देख्ख, अस तां सब केश शुड़ीयै तेरे पिछें ओई गेदे न; तां पी असेंगी के थ्होग?”

²⁸यीशु ने उसी आखया, “आऊँ थुआड़े कन्ने सच आखना ऐं के नमीं सृष्टि च जेसलै मनुक्ख दा पुत्तर अपनी मैमा दे सिहांसन उपर बौग, तां तोस बी जेड़े मेरे पिछें ओई गेदे ओ, बारें सिहांसनें उपर बेईयै इस्राएल दे बारें गोत्रें दा न्याय करगे।”

²⁹ते जेस कुसे न करें गी, जां प्राऊं, जां पैनें, जां प्पो, जां मां, जां बाल बच्चें गी, जां खेतरें गी मेरे नां आसतै शुड़ी दिते दा ऐ, उसी सौ गुणा मिलग, ते ओ मेशा दी जिंदड़ी दा आक्दार ओग।

³⁰लेकन मते सारे जेड़े पैलैं न, पिछले ओगन; ते जेड़े पिछले न, पैलैं ओगन।