Read Dogri मत्ती 2 Bible Online

मत्ती 2 - Dogri bible

मत्ती 2

¹हेरोदेस राजा दे बेलै जेसलै यहूदीया दे बैतलहम च यीशु दा जन्म ओया, तां चडदी आली बक्खी दा मते सारे ज्योतिषी यरूशलेम च आईयै पूछना लगे,

²“यहूदीयें दा राजा जेसदा जन्म ओया ऐ ओ, कुत्थें ऐ? किके असैं चडदी आली बखी च ओसदा तारा दिखया ऐ ते उसी मत्था टेकन आए दे आं।”

³ए सुनीयै हेरोदेस राजा ते ओदे कन्ने सारा यरूशलेम घबराई गीया।

⁴ओस बेलै ओसने लोकें दे सारे बड्डे-बड्डे प्रधान याजकें ते शास्त्र जानने आले गी किट्ठा करियै उनेंगी पूछ्या, के “मसीह दा जन्म कुत्थें ओना चाईदा?”

⁵उनै उसी आखया, “यहूदीया दे बैतलहम च, किके मीका पविखवक्तें थमां इयां लिखा गेदा ऐ।”

⁶“ऐ बैतलहम, तू जेड़ा यहूदा दे लाके च ऐं, तू कुसे बी रीति कन्ने यहूदा दे उपर राज करने आलें च सबनी थमां निका नेई; किके तेरे बिचा एक राज करने आला निकलग, जेड़ा मेरे लोकें इस्राएल दी राखी करग।”

⁷ओस बेलै हेरोदेस राजा ने ज्योतिषियें गी बलें गै बलाईयै उनेंगी गी पूछ्या के तारा ठीक कोस बेलै लबया हा

⁸ते यीशु ऐ आखीयै उनेंगी बैतलहम पेजया, “जाओ ओस बच्चे दे बारै च ठीक-ठीक पता करो, ते जेसलै ओ मिली जाग ते मिगी बी खबर दियो तां जे मैं बी आईयै उसी मत्था टेकाँ।”

⁹ओ राजा दी गल्ल सुनीयै चली पे, ते जेड़ा तारा उनै चडदी आली बक्खी लबया हा ओ उंदे अगें-अगें चलया; ते जित्त्थें बच्चा हा, ओस थार एक कर दे उपर पुज्जियै रुक गीया।

¹⁰ओस तारे गी दिखियै ओ मते खोश ओए।

¹¹उनै ओस कर च पुज्जियै ओस बच्चे गी ओसदी मां मरियम कन्ने दिखया, ते मूंह् दे पार किरीयै बच्चे गी मत्था टेकया, ते अपना-अपना थैला खोलियै उसी सुनां, ते लोबान, ते गन्धरस दी पेंट चढ़ाई।

¹²ते ओस बेलै सुखनें च ऐ गल सुनीयै के हेरोदेस राजा दे कोल फिरीयै नेई जायो, ओ दुए रस्ते थमां अपने देश गी चली गै।

¹³उंदे जाने थमां बाद प्रभु दे एक सोर्गदूत ने सुखनें च युसूफ गी प्रगट ओईयै उसी आखया, “ओठ, ओस बच्चे गी ते ओसदी मां गी लेईयै मिस्र देश गी नस्सी जा; ते जेलै तकर आऊँ थुआड़े कन्ने नेई आखां, ओस बेलै तकर उत्थें गै रवयो; किके हेरोदेस राजा एस बच्चे गी तुपऐ मराना चांदा ऐ।”

¹⁴ओस बेलै ओ रातीं गै उठीयै बच्चे गी ते ओसदी मां गी लेईयै मिस्र गी चली गीया,

¹⁵ते हेरोदेस राजा दे मरने तकर उत्थें गै रिया। एसकरी ओ वचन जेड़ा प्रभु ने होशे पविखवक्तें थमां आखे दा हा पूरा ओऐ; “मैं अपने जागत गी मिस्र बिचा सदया।”

¹⁶जेलै हेरोदेस राजा ने ए दिखया, के ज्योतिषियें ओसदे कन्ने तोखा कित्ता ऐ, ओस बेलै ओ गुस्सै कन्ने परोई गीया, ते लोकें गी भेजीयै ज्योतिषियें दे कन्ने ठीक-ठीक सुनाए गेदे बेलै दा लेखा बैतलहम ते ओदे आसे-पासे दी जगह दे सारे बच्चें गी जेड़े दो सालें दे जां ओस कोलां निक्के हे, मराई शडया।

¹⁷ओस बेलै जेड़ा वचन यिर्मयाह पविखवक्ता दे थमां अख्खे दा हा, ओ पूरा ओया;

¹⁸“रामाह च एक वलाव-दी बाज सनाई दिती, रोना ते बड़ा दोख्ख; राहेल अपने बच्चें आसतै रुआ करदी ऐ, ते चोप्प नेई होना चांदी ऐ, किके ओ ऊन नेई रे।”

¹⁹हेरोदेस राजा दे मरने दे बाद, प्रभु दे सोर्गदूत ने मिस्र च युसूफ गी सुखनें च प्रगट ओईयै आखया,

²⁰“ओठ, बच्चे गी ते ओसदी मां गी लेईयै इस्राएल देश च चली जा, किके जेड़े बच्चे दे प्राण लेना चांदे न, ओ मरी गै।”

²¹ओ उठया, ते बच्चे ते ओसदी मां गी कन्ने लेईयै इस्राएल दे देश च आया।

²²लेकन ओनें ऐ सुनीयै के अरखिलाउस अपने पिता हेरोदेस राजा दी जगह यहूदीया दे उपर राज करा दा ऐ, उत्थें जाने आसतै डरी गीया। पी सुखनें च परमेसर थमां ए गल सुनीयै गलील जिले गी चली गीया,

²³ते नासरत नां दी जगह च जाई बसया, तां करियै के ओ वचन पूरा ऊऐ, जेड़ा पविखवक्ता थमां आखया गेदा हा; “ओ नासरी नासरत दा रौने आला आखया जाग।”