Read Dogri मत्ती 22 Bible Online

मत्ती 22 - Dogri bible

मत्ती 22

¹यीशु एस गल उपर पी उंदे कन्ने कानीयें च आखना लगया,

²“सोर्ग दा राज ओस राजे आला लेखा ऐ, जेस ने अपने पुत्तर दा विहा कराया।

³ते ओनें अपने नौकरें गी पेजया, के विहा दी धाम आसतै सदे दे लोकें गी धाम गी सदन; पर ओ नेई औना चांदे हे।

⁴पी ओसने ओर नौकरें गी ए आखीयै पेजया, के सदे दे लोकें गी आखो; दिखो, आऊँ धाम दी रुट्टी गी त्यार करी चुके दा ऐं, मेरे देरण ते पले दे पोरु मारी दित्ते गेदे न, ते सब केश त्यार ऐ; विहा दी धाम च आओ।

⁵पर ओ एस गल गी अल्का समझीयै अपने-अपने गी चली गै; कोई अपने खेतर गी, कोई अपने वपार गी।

⁶बाकी लोग जेड़े बची गेदे हे ओदे नौकरें गी पकड़ीयै उंदी बेईजती कित्ती ते उनेंगी मारी उड़या।

⁷ओस बेलै राजा गी गुस्सा आया, ते ओसने अपनी सैना पेजीयै उनै कत्तल करने आलें गी नाश कित्ता, ते उंदे शैर गी फुकी दित्ता।

⁸ओस बेलै ओसने अपने नौकरें गी आखया, विहा दे धाम दी रुट्टी तां त्यार ऐ लेकन सदे दे लोग काबल नेई निकले।

⁹एस आसतै चरस्तैं च जाओ ते जिन्नें लोग तुसेंगी मिलघंन, सबनीं गी विहा दे धाम च बलाईयै लेई आओ।

¹⁰खीरी च उनै नौकरें सिड्कें उपर जाईयै के बुरे ते के पले, जिन्नें बी मिले, सबनी गी किट्ठा कित्ता; ते विहा दा कर परौनें कन्ने परोई गीया।

¹¹“जेसलै राजा परौनें गी दिखने आसतै पणडार दे अंदर आया, तां ओसने उत्थें एक मनुक्ख गी दिखया, जेस ने विहा आले सेई कपड़े नेई ला दे हे।

¹²ओसने उसी पूछ्या, ए मित्तर; तुं विहा आले सेई कपड़े लाए दे बगैर इत्थैं कि आई या? ते ओ मानु चोप्प ओई गीया।

¹³ओस बेलै राजे नै नौकरें गी आखया, एस दे अथ्थ पैर बनियै इसी बार न्हेरा च सुट्टी दियो, उत्थें रोना ते दंद केलढ़नां ओग।

¹⁴किके बलाए दे तां मते न पर चुने दे थुड़े न।”

¹⁵ओस बेलै फरीसियें जाईयै अप्पुं बिचें वचार कित्ता के उसी केस चाली गल्लें च फसाचै।

¹⁶खीरी च उनै अपने चेलें गी हेरोदियें कन्ने ओदे कोल ए आखने गी पेजया, “ए गुरु, असेंगी पता ऐ के तुं सच्चा ऐ, ते परमेसर दा रस्ता सच्चाई कन्ने सखाना ऐं, ते कुसे दी परवाह नेई करदा, किके तुं मनुक्ख दा मुंह दिखियै गल्लां नेई करदा।

¹⁷एसकरी असेंगी दस्स तुं के सोचना ऐं? कैसर गी चुंगी देना मनासव ऐ यां नेई।”

¹⁸यीशु ने उंदी बराई समझीयै आखया, “ए कपटीयों, मिगी कि परखा करदे ओ?

¹⁹चुंगी देने आला सिक्का मिगी दस्सो।” ओस बेलै ओ ओदे कोल एक दीनार लेई आए।

²⁰ओसने उनेंगी पूछ्या, “ए शक्ल जेड़ी एदे उपर ऐ ते ए नां केस दा ऐ?”

²¹उनै उसी आखया, “कैसर दा।” ओस बेलै ओसने उंदे कन्ने आखया, “जेड़ा कैसर दा ऐ, ओ कैसर गी; ते जेड़ा परमेसर दा ऐ, ओ परमेसर गी दियो।”

²²ऐ सुनीयै उनै रांनगी कित्ती, ते उसी छुड़ीयै चली गै।

²³उसै देन सदूकी जेड़े आखदे न के मरें दें लोकें जिंदा ओना गै नेईयैं, ओ ओदे कोल आए ते उसी पूछ्या,

²⁴“ए गुरु मूसा ने गलाया हा के जे कोई बगैर औलाद दे मरी जा, तां ओसदा प्रा ओदी करेआली कन्ने विहा करियै अपने प्रा आसतै बच्चे पैदा करै।

²⁵अच्छा ऊन साड़े इत्त्थैं सत प्रा हे। पैला प्रा विहा करियै मरी गीया, ते औलाद नेई ओनें दे कारन अपनी करेआली गी अपने प्रा आसतै शुड़ी गीया।

²⁶इसै चाली दुए ते त्रिये बी इयै कित्ता, ते सत्तें प्राऊ तकर इयै नियां ओंदा रिया।

²⁷सबनी मरनें कोलां बाद ओ जनांनी बी मरी गेई।

²⁸खीरी च दवारै जिंदे ओनें उपर ओ उनै सत्तें प्राऊ बिचा केड़े प्रा दी करेआली बनग? किके ओ सबनी दी करेआली बनी चुकी दी ही।”

²⁹यीशु ने उनेंगी जबाब दित्ता, “तोस पवित्र शास्त्र ते परमेसर दी शक्ति गी नेई जांनदे; एस कारन पोल च पेदे ओ।

³⁰किके दवारा जिंदा ओनें उपर विहा-शादी नेई ओनी ते पर ओ सोर्ग बेच परमेसर दे दूतें आला लेखा ओगन।

³¹लेकन मरे दे जिंदे ओनें दे बारै च के तुसैं ए वचन नेई पढ़या जेड़ा परमेसर थुआड़े कन्ने आखया हां;

³²आऊँ अब्राहम दा परमेसर, ते इसहाक दा परमेसर, ते याकूब दा परमेसर ऐं? ओ मरें दा नेई, लेकन जिंदे दा परमेसर ऐ।”

³³ए गल्ल सुनीयै लोक ओदी शिखया थमां रांन ओई गै।

³⁴जेसलै फरीसियें सुनया के यीशु ने सदूकियें दे मुंह गी बंद करी दित्ता, तां ओ बी किट्ठे ओए।

³⁵उंदे बिचा एक ने जेड़ा कनून दा उस्ताद हा उसी उसी परखने आसतै यीशु गी पूछ्या,

³⁶“ए गुरु, कनून बेच केडा उक्म बड़ा ऐ?”

³⁷ओसने उसी आखया, “तुं परमेसर अपने प्रभु कन्ने अपने सारे मन ते अपने सारे प्राण ते अपनी सारी अक्ल दे कन्ने प्यार रख।

³⁸बड़ा ते पैला उक्म तां इयै गै।

³⁹ते ओदे आला लेखा ए दुवा बी ऐ के तुं अपने गुआंडी कन्ने अपने आला लेखा प्यार रख।

⁴⁰इयै गै दाऊँ उक्म सारे कनून ते पविखवक्तें दी बुनयाद ऐ।”

⁴¹जेसलै फरीसी किट्ठे हे, तां यीशु ने उनेंगी पूछ्या,

⁴²“मसीह दे बारै च तोस के समझदे ओ? ओ कोदी औलाद ऐ? उनै ओस कन्ने आखया, दाऊद दी।

⁴³ओसने उनै गी पूछ्या तां पी दाऊद आत्मा च ओईयै उसी प्रभु कि आखदा ऐ?

⁴⁴प्रभु ने, मेरे प्रभु कन्ने आखया, मेरे सज्जे पासे बौ, जेलै तकर के आऊँ तेरे बैरीयें गी तेरे पैरें दे तलें दी चौकी नेई बनाई दें।

⁴⁵पला, जेलै दाऊद उसी प्रभु आखदा ऐ, तां पी ओ ओदा पुत्तर कियां बनयां?”

⁴⁶एस गल दे जबाब बेच कोई बी एक गल्ल नेई बोली सकया। पर ओस देन थमां बाद कुसे गी बी पी उसी पूछने दी इम्त नेई ओई।