Read Dogri मत्ती 24 Bible Online

मत्ती 24 - Dogri bible

मत्ती 24

¹जेसलै यीशु मंदर बिचा निकलियै जा करदा हा, तां ओदे चेलें उसी मंदर कियां-कियां बनाया हा दसने बासतै ओदे कोल आए।

²ओसने उंदे कन्ने आखया, “के तोस ए सब नेई दिखा करदे ओ! आऊँ थुआड़े कन्ने सच आखना ऐं, इत्थैं पत्थर उपर पत्थर बी नेई रौग जेड़ा टाया नेई जाग।”

³ते जेसलै ओ जैतून पाड़ उपर बैठे दा हा, तां चेलें लग ओदे कोल आईयै आखया, “असेंगी सना के ए गल्लां कदुं ओगन? तेरे औने दा ते दुनियां दे ऐन्त दा के निशांन ओग?”

⁴यीशु ने उनेंगी जबाब दित्ता, “चकने रवो! कोई तुसेंगी नेई परमा,

⁵किके मते सारे ऐसे ओगन जेड़े मेरे नां कन्ने आईयै आखघन, आऊँ मसीह ऐं, ते मते सारें गी परमाघन।

⁶तोस लड़ाईयां ते लड़ाईयें दी चर्चा सुनगे, दिखो कबराई नेई जायो किके इंदा ओना जरुरी ऐ, लेकन ओस बेलै ऐन्त नेई ओग।”

⁷किके जाती उपर जाती, ते राज उपर राज चढ़ाई करग, ते थारें-थारें काल पोघंन, ते भुंचाल ओगन।

⁸ए सारीयां गल्लां पीडें दी शुरुआत ओग।

⁹ओस बेलै जेड़े तुन्दा विरोध करदे ओ कलेश देने आसतै तुसेंगी पड़कागन, ते तुसेंगी मारी ओडगन, ते मेरे नां उपर विश्वास करने दे कारन सारी जातीयें दे लोग थुआड़े कन्ने बैर रखगन।

¹⁰ओस बेलै मते सारे विश्वास च ठोकर खागन, ते एक दुए गी पड़कागन, ते एक दुए कन्ने बैर रखगन।

¹¹मते सारे चुठे पविख्वक्ता आई खड़ोघन, ते मते सारें गी तोखा देंगन।

¹²अतर्म दे बदने कन्ने मते सारें एक दुए गी प्यार करना शुड़ी देग,

¹³लेकन जेड़ा खीरी तकर मेरे उपर विश्वास करग ओसदा उद्धार ओग।

¹⁴ते राज दा ए शोभ समाचार सारै जगत बेच परचार कित्ता जाग, के सारीयें जातीयें उपर गुआई उवै, ओस बेलै संसार दा ऐन्त आई जाग।

¹⁵एसकरी जेसलै तोस बड़ी बुरी उजाड़ने आली चीज गी जेसदी चर्चा दानिय्येल पविखवक्ता दे दवारा ओई ही, पवित्र जगै च खड़ोती दी दिखो (जेड़ा पढ़ै ओ समझै)

¹⁶ओस बेलै जेड़े यहूदीया बेच ओगन ओ पाडें उपर नस्सी जांन।

¹⁷जेड़े कर दे छत उपर ओगन, ओ अपने कर चा समान लेने आसतै नेई उतरन;

¹⁸ते जेड़े खेतर च ओगन, ओ अपना कपड़ा लेने आसतै पिछें गी नेई परतोन।

¹⁹उनै धयाडें च जेड़ीयां गर्भवती ते बच्चें गी दोध पलानें आलियां ओगन, उन्दे लेई बसोस, बसोस!

²⁰ते प्रार्थना करा करो के तुसें सयाल च जां बसां दे धयाडै नसनां नेई पवै।

²¹किके ओस बेलै ऐसी पारी बेप्ता औग, इयै नियां दुनिया दे शुरू चा नेई अजें तकर ओया ते नेई गै पी कदें ओग।

²²ते जेगर ओदे न घटाए नेई जंदे तां कोई मानु नेई बचदा, लेकन चुने दे लोकें दे कारन ओदे न घटाए जाघंन।

²³ओस बेलै जेगर कोई तुसेंगी आखघ के, दिखो, मसीह इत्थैं ऐ! जां उत्थें ऐ! तां बी उन्दे उपर बश्वास नेई करयो।

²⁴किके चुठे मसीह ते चुठे नबी उठी खड़ोघन, ते मते चेन्न ते चमत्कारी कम दसघंन के जेगर ओई सकग तां चुनें दे लोकें गी बी परमाई दें

²⁵दिखो, मैं पैलैं थुआड़े कन्ने ऐ सब केश आखी दित्ता ऐ।

²⁶एसकरी जेगर ओ थुआड़े कन्ने आखन, दिखो, ओ जंगल च ऐ, तां तोस बार नेई निकलयो; जां दिखो, ओ कोठरियें च ऐ, तां तोस उन्दे उपर बश्वास नेई करयो।

²⁷किके जियां बिजली चडदी आली बखी दा निकलियै करोंदी आली बखी तकर चमकदी ऐ, उय्यां गै मनुक्ख दे पुत्तर दा बी औना ओग।

²⁸जिथें मरे दा डंगर ओऐ, उत्थें गै ईलां किट्ठीयां ओगन।

²⁹उनै दिनें दे दी विपत्ता दे बाद फोरन सूरज दा न्हेरा ओई जाग, ते चण दी लो जंदी रौग, ते तारे अम्बर चा पेई जाघंन ते अम्बर दियां शक्तियाँ लहाई जाघंन।

³⁰ओस बेलै मनुक्ख दे पुत्तर दी नशांनी अंबरै च लबग, ते ओस बेलै तरती दे सारें कुलें दे लोक छाती पिटीयै रोंगन; ते मनुक्ख दे पुत्तर गी बड़ी शक्ति ते मैमा दे कन्ने अम्बर चा ओदे दिखघंन।

³¹ते ओ तुरही दे बड़ी बाज कन्ने अपने दूतें गी पेजग, ते ओ अम्बर दे एस पासे थमां ओस पासे तकर, चौनी दिशें थमां ओदे चुनें दे लोकें गी किट्ठा करघंन।

³²अंजीर दे बूट्टे थमां ए कानी सिखो जेसलै ओसदी डाली कुंगली ओई जंदी ते पत्तर निकलना लगदे न, ते तोस समझी लैंदे ओ के गर्मी दी रुत्त कोल ऐ।

³³इसै चाली जेसलै तोस इनें सारीयें गल्लें गी पूरीयें ओदे दिखो, तां समझी लिओ के ओ कोल ऐ, बरना दराजे उपर गै

³⁴आऊँ थुआड़े कन्ने सच आखना ऐं के जेसलै तकर ए सारीयां गल्लां पूरीयां नेई ओई लैंन, ओस बेलै तकर एस पीढ़ी दा ऐन्त नेई ओग।

³⁵अम्बर ते तरती टली जाघंन, लेकन मेरीयां गल्लां कदें बी नेई टलगन।

³⁶ओस देन ते घड़ी दे बारै च कोई नेई जांनदा, नां सोर्ग दे दूत ते नां पुत्तर, लेकन सेर्फ प्पो।

³⁷जियां नूह दे देन हे, उय्यां गै मनुक्ख दे पुत्तर दा बी औना ओग।

³⁸किके जियां जल-प्रलय थमां पैलैं दे दिनें च, जेस देन तकर नूह चाज उपर नेई चढ़या, ओस देन तकर लोक खंदे पींदे हे, ते उंदे बेच विहा शादीयां ओदीयां हां।

³⁹ते जेसलै तकर जल-प्रलय आईयै उनेंगी रुडाईयै नेई लेई गीया, ओस बेलै तकर उनेंगी केश बी पता नेई चलया; उय्यां गै मनुक्ख दे पुत्तर दा बी औना ओग।

⁴⁰ओस बेलै दाऊँ मनुक्ख खेतर च ओगन; एक लेई लेता जाग ते दुवा छुड़ी दिता जाग।

⁴¹दो जनांनीयां चक्की पीयादियां रौगन, एक लेई लेती जाग ते दुई छुड़ी दिती जाग

⁴²एसकरी बिजे दे रवो, किके तोस नेई जानदे के थुआड़े प्रभु ने कोकै धयाडै औना।

⁴³लेकन ए जानी लिओ के जेकर कर दा स्वामी जानदा ओंदा के चोर केस पैर औग तां ओ बीजा दा रौंदा, ते अपने कर च चोरी नेई ओंना दिंदा।

⁴⁴एसकरी तोस बी तयार रवो, किके जेस बेलै दे बारै च तोस सोचदे बी नेई ओ, उसै बेलै मनुक्ख दा पुत्तर आई जाग।

⁴⁵खीरी च ओ बश्वास जोग ते समझदार दास कुन्न ऐ, जिसी मालक ने अपने नौकर-चाकरें उपर प्रधान रखया के बेलै उपर उनेंगी रुट्टी दियै?

⁴⁶धन्न ऐ ओ दास, जेस गी ओसदा मालक आईयै उयांगै सब केछ दिखी सकै।

⁴⁷आऊँ थुआड़े कन्ने सच आखना ऐं, ओ उसी अपनी सारी जायदाद उपर अक्कदार बनाग।

⁴⁸लेकन जेकर ओ दोष्ट दास सोचन लगे के मेरे स्वामी दे औने च चेर ऐ,

⁴⁹ते अपने साथी दासें गी मारना-कुटना लगे, ते शराबीयें दे कन्ने खा-पीयै।

⁵⁰तां ओस दास दा मालक ऐसे देन बापस औग, जिंदु ओ ओसदा औने दा इंतजार नेई करदा उवै, ते ऐसी घड़ी जिसी ओ नेई जानदा उवै,

⁵¹ते ओ ओस बेलै उसी तगड़ी सजा देईयै ओसदा ऐसा कपटीयें दे कन्ने पक्का करग; उत्थें रोना ते दंद केलढना ओग।