Read Dogri मत्ती 27 Bible Online

मत्ती 27 - Dogri bible

मत्ती 27

¹जेसलै बड्डे बेला ओया तां सारे प्रधान याजकें ते लोकें दे प्राचीन यीशु गी मारी देने दी सलहा कित्ती

²उनै उसी बन्नया ते लेई आईयै पिलातुस राजे दे अथ्थ च सौपी दिता।

³जेसलै ओदे पड़काने आले यहूदा इस्करियोती ने ऐसास ओया के ओ मारे जाने आस्ते कसुरबार बनाया गीया ऐ तां ओ पछाताया ते ओ त्री चांदी दे सिक्के प्रधान याजकें ते प्राचीन दे कोल फेरी लाया

⁴ते आखया, “मैं बेकसुर मनुक्ख गी मारी ओड़ने आसतै पकड़ाइयै पाप कित्ता ऐ।” उनै आखया, “असैं एदे बारै च कोई परवा नेई, तुं गै जान।”

⁵ओस बेलै ओ उनै सिक्कें गी मंदर दे बेड़े च सुट्टी ऐ चली गीया, ते जाईयै अपने आप गी फांसी चाडी दिता।

⁶प्रधान याजकें उनै सिक्कें गी लेईयै आखया, “इनें, सिक्कें गी पंडार च रखना साड़े कनून दे मताबक ठीक नेईयै, किके ए किसे दा खून करने दा मोल्ल ऐ।”

⁷खीरी उनै सलहा करियै उनै सिक्कें कन्ने परदेसियें गी गाड़ने आसतै कम्हार दा खेतर मुल्लें लेई लेता।

⁸एस कारन ओ खेतर अज्ज तकर खून दा खेतर आखया जंदा ऐ।

⁹ओस बेलै ओ वचन जेड़ा यिर्मयाह पविखवक्ते थमां आखे गेदा हा ओ पूरा ओया; “उनै ओ त्री सिक्के मतलब ओस पक्का गेदे मोल्ल गी (जिसी इस्राएल दी औलाद बिचा किनें ए पक्का कित्ते दा हा) लेई लेता,

¹⁰ते जियां प्रभु ने मिगी उक्म दिते दा हां उय्यां गै उनै कम्हार दे खेतर दे मोल्ल च देई दिता।”

¹¹जेसलै यीशु पिलातुस राजे दे सामनें खड़ोते दा हा तां ओसने उसी पूछया, “के तू यहूदीयां दा राजा ऐ?” यीशु ने उसी आखया, “तुं अप्पुं गै आखे करना ऐ।”

¹²जेसलै प्रधान याजकें ते प्राचीन उसी कसुरबार बना क्रदे हे, तां यीशु ने केश जबाब नेई दिता।

¹³एस गल्ल उपर पिलातुस ने उसी आखया, “के तुं नेई सुनदा के ए तेरे खलाफ किनीयां गुआईयां दया करदे न?”

¹⁴पर ओसने उसी एक गल्ल दा बी जबाब नेई दिता, इनें तकर के पिलातुस राजे गी बड़ी रांनगी लगी।

¹⁵ते पिलातुस राजे दी ए रीति ही के ओस त्यार च लोकें आसतै कुसे एक कैदी गी जिसी ओ लोग चांदे न शुड़ी दिंदा हा।

¹⁶ओस बेलै उंदे उत्थें बरअब्बा नां दे मन्नें दा एक कैदी हा।

¹⁷खीरी च जेलै ओ किट्ठा ओए, तां पिलातुस ने उनेंगी आखया, “तोस कुसी चांदे ओ के आऊँ थुआड़े आसतै शुड़ी दियां? बरअब्बा गी यां यीशु गी जेड़ा मसीह आखया जंदा ऐ?”

¹⁸किके ओ जांनदा हा के उनै उसी जिदु कन्ने पडकाया ऐ।

¹⁹जेसलै ओ न्याय दी गदी उपर बैठे दा हा तां ओसदी करेआली ने उसी सन्नीया पेजया, “तुं ओस तरमी दे मामले च अथ्थ नेई पायां, किके मैं अज्ज सुखनें च ओदे कारन मता दुःख चुकया।”

²⁰प्रधान याजकें ते प्राचीन लोकें गी बकाया के ओ बरअब्बा गी मंगी लैंन, ते यीशु दा नाश करान।

²¹पिलातुस ने उनेंगी पूछ्या, “इनें दौनी बिचा केड़े गी तोस चांदे ओ के आऊँ थुआड़े आसतै छुड़ी दियां?” उनै आखया, “बरअब्बा गी।”

²²पिलातुस ने उनेंगी पूछ्या, “पी यीशु गी, जेड़ा मसीह आखया जंदा ऐ, मैं पी के करां?” सबनी उसी आखया, “ओ सूली उपर चाढ़या जा!”

²³पिलातुस ने आखया, “के, ओसने के बराई कित्ती ऐ? लेकन ओ ओर बी करलाई करलाई आखन लगे, ओ सूली उपर चाड़ा दिता जा।”

²⁴जेलै पिलातुस ने दिखया, के केश बनी नेई सकदा पर एस दे बजाय रौला बदा करदा ऐ, तां ओसने पानी लेईयै पीड दे सामनें अपने अथ्थ धोते ते आखया, “आऊँ एस तरमी दे खून थमां बेकसुर ऐं; तोस गै जानो।”

²⁵सब लोकें जबाब दिता, “एस दा खून साड़े उपर ते साड़े बच्चें उपर पवै!”

²⁶एस गल्ल दे उपर ओसने बरअब्बा गी उन्दे लेई छुड़ी दिता, ते यीशु गी कोड़े मराईयै सौंपी दिता, के सूली उपर चढ़ाई दिता जा।

²⁷ओस बेलै पिलातुस दे सपाईयें यीशु गी कीले च लेईयै सारे सपाई ओदे चौनी बखी पीड किट्ठी कित्ती,

²⁸ते ओदे कपड़े तुआरीयै उसी लाल रंग दा चोला पुआया,

²⁹ते कंडै दा मोकट गुंथीयै ओदे सिरे उपर रखया, ते ओदे सज्जे अथ्थ च सरकंडा दिता ते ओदे अग्गें घुटने टेकियै उसी ठठें च डुआना लगे ते आखया, “ए यहूदीयें दे राजा, नमश्कार!”

³⁰ते ओदे उपर थुकया; ते उवै सरकंडा लेईयै ओदे सिरे उपर मारना लगे।

³¹जेसलै ओ ओसदा मजाक करी चुके, तां ओ चोगा ओदे उपरा तुयारियै पी ओदे कपड़े गै उसी पुआए, ते सूली उपर चढ़ाने आसतै लेई गै।

³²बार जंदे मौके उनै शमौन नां दा एक कुरेनी मानु मिलया। उनै उसी जबरदस्ती पकड़या के ओसदी सूली चुकियै लेई चलया।

³³ओस जगै उपर जेड़ी गुलगुता नां दी जगा मतलब खोपड़ी दी जगह आखी जंदी ऐ, पूजियै

³⁴उनै कौड़ा पित्त मलाए दा अंगुरें दा रस उसी पीने गी दिता, पर यीशु ने उसी चखीये पीना नेई चाया।

³⁵ओस बेलै उनै उसी सूली उपर चाढ़या, ते चिट्ठीयां पाईयै ओदे कपड़े बंडी लेते,

³⁶ते उत्थें बैठीयै ओसदा पैरा देना लगे।

³⁷ते ओदी कसुरबार चिट्ठी ओदे सिरे दे उपर लाई, के “ए यहूदीयें दा राजा यीशु ऐ।”

³⁸ओस बेलै ओदे कन्ने दो डाकू एक सज्जे ते एक खबे, सूलीयें उपर चाढ़ी दिते।

³⁹ते औने-जाने आले मुण्डी लाई-लाई ओदी निंदाया करदे हे,

⁴⁰ते ए आखदे हे, “ए मंदर गी टाने आले ते त्रिये धयाडै च बनाने आले, अपने आप गी तां बचा! जेकर तुं परमेसर दा पुत्तर ऐं तां सूली उपरा थलै उतरी आ।”

⁴¹इसै चाली प्रधान याजकें बी शास्त्रियें ते प्राचीन दे समेत ए बोलदे ओई ओसदा मजाक करदे हे,

⁴²“एसनें दुए गी बचाया, ते अपने आप गी नेई बचाई सकदा। ए तां इस्राएल दा राजा ऐ। हूंन सूली उपरा थल्लै उतरी आ तां पी अस ओस उपर बश्वास करचै।

⁴³ओसने पर्मेसरे दा बश्वास रखा ऐ; जेकर ओ एस गी चांदा ऐ, तां हूंन इसी शुड़ाई लै, किके एसनें गलाया हा, आऊँ परमेसर दा पुत्तर ऐं।”

⁴⁴इसै चाली डाकू बी जेड़े ओदे कन्ने सूलीयें उपर चाढ़े गेदे हे, ओदी निंदाया करदे हे।

⁴⁵दोपैरी कोलां लेईयै त्रिये पैर तकर ओस सारे देशै च न्हेरा छाए दा रिया।

⁴⁶त्रिये पैर दे कोल यीशु ने बड़ी बाज कन्ने करलाईयै आखया, “एली, एली, लमा शबक्तनी?” मतलब “ए मेरे परमेसर, ए मेरे परमेसर, तो मिगी कि शुड़ी दिता?”

⁴⁷जेड़े उत्थें खडोते दे हे, उंदे बिचा कन्ने ए सुनीयै आखया, “ए तां एलिय्याह गी पुकारा दा ऐ।”

⁴⁸उंदे बिचा एक फोरन दौड़या, ते ओसने पानी चुसनें आला गुछा लेईयै सिरके च डोबया, ते सरकंडे उपर रखियै यीशु दे मुंह च चुसनें आसतै दिता।

⁴⁹बाकीयें आखया, “बलगी जाओ, दिखो एलिय्याह उसी बचाने गी ओंदा यां नेई।”

⁵⁰ओस बेलै यीशु ने बड़ी बाज च करलाईयै अपने प्राण शुड़ी दिते।

⁵¹उसै बेलै, मंदर दा परदा उपरा लेईयै थलै तकर फटियै दो टुकड़े ओई गीया; ते तरती उपर भुंचल ओई गीया ते चटानां तेड़की गेईयां,

⁵²ते कबरां खुली गेईयां, ते मरे दे पवित्र लोकें दी मती सारी लाशां जिंदीयां ओई गेईयां,

⁵³ते ओदे जिंदे ओनें दे बाद ओ कबरें बिचा निकलियै पवित्र शैर च ते मतें गी लबे।

⁵⁴ओस बेलै सूबेदार ते जेड़े ओदे कन्ने यीशु दा पैरा दया करदे हे, भुंचल ते जे केश ओया हा उसी दिखियै बड़े गै डरी गै ते आखया, “सचमुच ए परमेसर दा पुत्तर हा!”

⁵⁵उत्थें मतीयां सारीयां जनांनीयां जेड़ीयां गलील जिले थमां यीशु दी सेवा करदे ओई ओदे कन्ने आए दियां, दूर दा दिखै करदीयां हां।

⁵⁶उंदे च मरियम मगदलीनी, ते याकूब ते योसेस दी मां मरियम, ते जब्दी दे पुत्रें दी माऊरीं थीयां।

⁵⁷जेसलै शाम ओई तां युसूफ नां दा अरिमतिया दा एक अमीर मानु, जेड़ा अप्पू गै यीशु दा चेला हा, आया।

⁵⁸ओसने पिलातुस दे कोल जाईयै यीशु दी लाश मंगी। ओसदे मन्ग्नें उपर पिलातुस ने यीशु दी लाश देई देने दा उक्म दिता।

⁵⁹युसूफ ने लाश गी लेईयै, उसी चिट्टी चादर बेच लपेटया,

⁶⁰ते उसी अपनी नमी कबरें च रखया, जेड़ी ओसने चट्टान च कढाई दी ही, ते कब्र दे दरबाजे उपर बड़ा पत्थर परतियै चली गीया।

⁶¹मरियम मगदलीनी ते दुई मरियम उत्थें कब्र दे सामनें गै बैठी हियां।

⁶²दुए देन जेड़ा तयारी दे बाद दा धयाडा हा, प्रधान याजकें ते फरीसियें पिलातुस दे कोल उसी मिलीयै आखया,

⁶³“ए महाराज, असेंगी याद ऐ के ओस चुठे ने जेसलै ओ जिंदा हा, गलाया हा, आऊँ त्रैं धयाडें बाद जिंदा ओई जागा।

⁶⁴खीरी च असेंगी उक्म दे के त्रिये देन तकर कब्र दी रख्या कित्ती जा, ऐसा नेई उवै के ओदे चेलें आईयै उसी चारीयै लेई जांन ते लोकें कन्ने आखना लगन, ओ मरें बिचा जिंदा ओई गेदा ऐ। ओस बेलै पिछला तोखा पैले थमां बी पैड़ा ओग।”

⁶⁵पिलातुस ने उन्दे कन्ने आखया, “थुआड़े कोल पैरेदार तां ऐन। जाओ, अपनी समझ दे मताबक सख्ती कन्ने रख्या करो।”

⁶⁶खीरी च ओ पैरेंदारें गी कन्ने लेईयै गे, ते पत्थर उपर मोहर लाईयै कब्र दी रख्या कित्ती।