Read Dogri मत्ती 28 Bible Online

मत्ती 28 - Dogri bible

मत्ती 28

¹बसां दे धयाडें दे बाद हफ्ते दे पैले देन बड़ा पैर ओदे गै मरियम मगदलीनी ते दुई मरियम कब्र गी दिखने गी आईयां।

²ओस बेलै एक, बड़ा भुंचल ओया, किके परमेसर दा एक दूत सोर्ग थमां उतरया ते कोल आईयै ओसने पत्थर गी रुलकाई दिता, ते ओदे उपर बैठी गीया।

³ओसदा रूप बिजली आला लेखा ते ओसदा कपड़ा पाले आला लेखा चिट्टा हा।

⁴ओदे डर कन्ने पैरेदार कम्बी उठे, ते मुड़दे आला लेखा ओई गै।

⁵सोर्गदूत ने जनांनीयें गी आखया, “मत डरो, आऊँ जांनना ऐं के तोस यीशु गी जेड़ा सूली उपर चढ़ाया गीया हा तुपा करदीयां ओ।

⁶ओ इत्थैं नेईयैं, पर अपने वचन दे मताबक जिन्दा ओई गेदा ऐ। आओ, ए जगह दिखो, जिथें प्रभु रखे दा हा,

⁷ते तौलै गै जाईयै ओदे चेलें गी आखो, के ओ मुड़दां बिचा जिंदा ओई गेदा ऐ, ते दिखो ओ थुआड़े थमां पैलैं गलील जिले गी जंदा ऐ, उत्थें तोस ओसदा दर्शन पागे! दिखो, मैं तुसेंगी आखी दिता।”

⁸ओ डर ते बड़ी खुशी कन्ने कब्र कोलां तौलै गै बापस आईयै ओदे चेलें गी खबर देने आसतै दौड़ी गेईयां।

⁹ओस बेलै यीशु उनेंगी लबया। ते उनेंगी आखया, “खुशी कन्ने रवो” ते उनै कोल आईयै ते ओदे पैर पकड़ीयै उसी मत्था टेकया।

¹⁰ओस बेलै यीशु ने उनेंगी आखया, “मत डरो; मेरे सारें चलेयां गी जाईयै आखो के गलील जिले गी चली जांन, उत्थें ओ मिगी दिखघंन।”

¹¹ओ जा गै करादीहीयां के पैरेदारें बिचा कीने गै शैर च आईयै पूरा हाल प्रधान याजकें कन्ने सनाई दिता।

¹²ओस बेलै उनै प्राचीन कन्ने किट्ठे ओईयै सलहा कित्ती ते सपाईयें गी बड़ा चांदी देईयै आखया,

¹³“उनै सपाईयें गी आखयो के, राती अस जेसलै सुते दे हे, तां ओदे चेलें उसी चुराई लेई गै।

¹⁴ते जेकर ए गल्ल पिलातुस दे कन्ने तकर पुजग के तोस सेई गेदे हे, तां अस उसी बोलिऐ समझाई लैगे ते तुसेंगी खतरा थमां बचाई लैगे।”

¹⁵खीरी च उनै पैसे लेईयै जियां उनेंगी सखाए दा हा, उय्यां गै कित्ता। ते ए गल्ल अज्ज तकर यहूदीयें च बड़ी मशूर ऐ।

¹⁶ते जारां चेलें गलील जिले च ओस पाड़ उपर गै, जेसदे बारै च यीशु ने उनेंगी आखे दा हा।

¹⁷ते उनै ओदे दर्शन पाईयै ओदे अगें मत्था टेकया, पर कुसे-कुसे गी शक ओया के ओ जिन्दा ओया ए।

¹⁸यीशु ने उंदे कोल आईयै आखया, “सोर्ग ते तरती दा सारा अख्त्यार मिकी दिते दा ऐ।

¹⁹एसकरी तोस जाईयै; सारें जाती दे लोकें गी मेरा चेला बनाओ; ते उनेंगी प्यो, ते पुत्तर, ते पवित्र आत्मा दे नां कन्ने पवित्रशनांन दियो,

²⁰ते उनेंगी सब गल्लां जेड़ीयां मैं तुसेंगी उक्म दित्ता ऐ, मनना सखाओ ते दिखो, आऊँ दुनिया दे खीरी तकर मेशा थुआड़े कन्ने ऐं।”