Read Dogri मत्ती 3 Bible Online

मत्ती 3 - Dogri bible

मत्ती 3

¹उनै दिनें च यूहन्ना पवित्रशनांन देने आला आईयै यहूदीया दे जंगल च ए परचार करना लगया;

²“मने गी फेरो, किके सोर्ग दा राज कोल आई गेदा ऐ।”

³ए उवै जेसदी चर्चा यशायाह पविखवक्ता थमां कित्ती गेई; “जंगल च एक आले देने आले दी बाज आवा दी ऐ, के प्रभु दा रस्ता त्यार करो, ओसदी सेड़क सीधी बनाओ।”

⁴एस यूहन्ना ने ऊंट दे बालैं दे कपड़े पाएदे हे, ते लक च चमें दा टोटा बन्ने दा हा। ओसदी रुट्टी त्रिडियां ते जंगली मखीर हा।

⁵ओस बेलै यरूशलेम ते सारे यहूदीया, ते यरदन दे आले दूआले दे सब लोक ओदे कोल चली आए।

⁶उनै अपने-अपने पापें गी मनियै यरदन नदी च ओस थमां पवित्रशनांन लेता।

⁷जेलै ओसने मते सारे फरीसियें ते सदूकियें गी पवित्रशनांन लेने आसतै अपने कोल औंदे दिखया, तां उनेंगी आखया, “ए सप दे बचयो, तुसेंगी ए गल्ल कोसनें आखी के औने आले कैर थमां नस्सो?

⁸एस आसतै मन फराने दे योग फल अनो;

⁹ते अपने-अपने मने च ए नेई सोचो के साड़ा पिता अब्राहम ऐ; किके आऊँ थुआड़े कन्ने आखना ऐ के परमेसर इनें पत्त्थरें थमां अब्राहम आसतै औलाद पैदा करी सकदा ऐ।

¹⁰ते ओनें कुआडी बूट्टें दी जड़ उपर रखी दी ऐ, एसकरी जेका-जेका बूट्टा छैल फल नेई दिंदा, ओ बढ़या ते अग्ग बेच सुटया जाग।

¹¹“आऊँ तां पानी कन्ने तुसेंगी मन फेरने दा पवित्रशनांन दिनां ऐ, लेकन जेड़ा मेरे बाद औने आला ऐ, ओ मेरे कोलां जादै शक्ति आला ऐ; आऊँ तां ओदी नोक्क चुकने दे योग नेई; ओ ते तुसेंगी पवित्र आत्मा ते अग्गी कन्ने पवित्रशनांन देग।

¹²ओसदा शज ओदे अथ्थ बेच ऐ, ते ओ अपने खलाड़े गी छैल करियै साफ़ करग, ते अपनी कनक गी पंढे च किट्ठा करग, पर पोह गी ओस अग्गी च जाली देग जेड़ी कदें ईस्लग नेई।”

¹³ओस बेलै यीशु गलील जिले थमां यरदन दे कंडै यूहन्ना दे कोल ओदे कोलां पवित्रशनांन लेने आसतै आया।

¹⁴लेकन यूहन्ना ए आखीयै उसी रोकना लगया, “मिकी तेरे अथ्थ दा पवित्रशनांन लेने दी जरुरत ऐ, ते तू मेरे कोल आया ऐ?”

¹⁵यीशु ने उसी ए जबाब दिता, “ऊन तां इयै गै ओना दे, किके साड़े बासतै एस रीति कन्ने सारी तार्मिकता गी पूरा करना ठीक ऐ।” ओस बेलै ओसने ओदी गल्ल मनी लेती।

¹⁶ते यीशु पवित्रशनांन लेईयै चट पानीयें चा उपर आया, ते ओस आसतै अम्बर खुली गीया, ते ओसने परमेसर दी आत्मा गी कबूतर आला लेखा उतरदे ते अपने उपर ओदे दिखया।

¹⁷ऐ अकाशवाणी ओई; “ऐ मेरा प्यारा पुत्तर ऐ, जेस उपर आऊँ मता गै खोश ऐं।”