Read Dogri मत्ती 4 Bible Online

मत्ती 4 - Dogri bible

मत्ती 4

¹ओस बेलै पवित्र आत्मा यीशु गी सनसांन जगै च लेई गीया तां जे शतान थमां ओसदी अजमैश उवै।

²ओ चाली देन ते चाली रात बगैर रुट्टी दे रिया, इसदे बाद उसी पोक्ख लगी।

³ओस बेलै शतान ने कोल आईयै उसी आखया, “जे तू परमेसर दा पुत्तर ऐं, तां आखी दे के ऐ पत्थर रुट्टी बनी जांन।”

⁴यीशु ने जबाब दिता; “पवित्र शास्त्र बेच लिखे दा ऐ, मनुक्ख सड़ा रुट्टी कन्ने गै नेई, लेकन अर एक वचन जेड़ा परमेसर दे मुंह चा निकलदा ऐ, उसी मननें कन्ने जिंदा रौग।”

⁵ओस बेलै शतान उसी पवित्र शैर यरूशलेम च लेई गीया ते मंदर दी चोटी उपर खड़ेरी दिता,

⁶ते ओसगी आखया, “जे तू परमेसर दा पुत्तर ऐं, ते अपने आप गी इत्थूं थलै सुट्टी ओड़; किके पवित्र शास्त्र च लिखे दा ऐ; ओ तेरे बारै च अपने सोर्गदूत गी उक्म देग, ते ओ तुगी अथ्थों अथ्थ चुकी लैगन; कुदै ऐसा नेई ओऐ के तेरे पैरें च पत्थरें कन्ने ठोकर लगे।”

⁷यीशु ने उसी आखया, “ऐ बी पवित्र शास्त्र च लिखे दा ऐ; तू प्रभु अपने परमेसर दी परिख्या नां कर।”

⁸पी शतान उसी एक बडे उच्चे पाड़े उपर लेई गीया ते सारी दुनिया दा राज ते ओसदी तन-दौलत दसियै

⁹उसी आखया, “जे तू गिरीयै मिगी मत्था टेकें, तां आऊँ सब केछ तुगी देई देगा।”

¹⁰ओस बेलै यीशु ने उसी आखया, “ऐ शतान दूर ओई जा, किके पवित्र शास्त्र च लिखे दा ऐ; तू प्रभु अपने परमेसर गी मत्था टेक, ते शड़ी ओसदी गै उपासना कर।”

¹¹इसदे बाद शतान ओदे कोलां चली गीया, ते दिखो सोर्गदूत आईयै ओदी सेवा करन लगे।

¹²जेसलै ओसने ए सुनया के यूहन्ना बंधी बनाई लिते दा ऐ, तां ओ यहूदीया दे लाके गी छुड़ीयै गलील जिले गी चली गीया।

¹³ते ओ नासरत गी छुड़ीयै कफरनहूम च, जेड़ा चील दे कंडै जबूलून ते नप्ताली दे गोत्रें दे लाके च हा, जाईयै रौन लगया;

¹⁴तां जे जेड़ा यशायाह पविखवक्तें थमां आखे गेदा हा, ओ पूरा उवै;

¹⁵“जबूलून ते नप्ताली दे लाकें च, चील दे रस्ते थमां यरदन दे पार, दुई जातीयें दा गलील जिला

¹⁶जेड़े लोक नेरे च बैठे दे हे, उनै बड़ी लो दिखी; ते जेड़े मौत दे लाके ते ओदी छाऊं च बैठे दे हे, उंदे उपर लो चमकी।”

¹⁷ओस बेलै थमां यीशु ने प्रचार करना ते ऐ आखना शुरू कित्ता, “मने गी फेरो किके सोर्ग दा राज कोल आई गेदा ऐ।”

¹⁸गलील दी चील दे कंडै फिरदे ओई ओसने दो प्राऐं गी मतलब शमौन गी जिसी पतरस आखया जंदा ऐ, ते ओसदे प्रा अन्द्रियास गी चील च जाल सूटदे दिखया; किके ओ मछ्वे हे।

¹⁹यीशु ने उनेंगी गी आखया, “मेरे पिछें चली आओ, ते आऊँ तुसेंगी मनुक्ख दा पकड़ाने आला बनागा।”

²⁰ओ तौलै जाले गी छुड़ीयै ओदे पिछें ओईये।

²¹उत्त्थुआं दा अगें बदियै, यीशु ने ओर दो प्राऐं गी मतलब जब्दी दे पुत्तर याकूब ते ओदे प्रा यूहन्ना गी दिखया। ओ अपने पिता जब्दी दे कन्ने किशती उपर जालें गी सधारा दे हे। ओसने उनेंगी गी बी बलाया।

²²ओ फोरन किशती ते अपने पिता गी छुड़ीयै ओदे पिछें ओईये।

²³ते यीशु सारे गलील जिले च फिरदे ओई उंदे प्रार्थनाकार च प्रचार करदा, ते राज दे शोभ समाचार दा प्रचार करदा, ते लोकें दी अर चाली दी बमारी ते कमजोरी गी दूर करदा रिया।

²⁴ते सारे सीरिया लाके च जेड़ा गालील दे उतरी पासे च हा ओसदा यस फैली गीया; ते लोक सारें बमारें गी, जेड़े बखरी-बखरी केसम दी बमारियें ते दुखे च झकड़े दे हे, ते जिंदे बेच दोष्टआत्मा हियां, ते मिर्गी आलें ते लकवे दे रोगियें गी उंदे कोल लेई आए ते ओसने उनेंगी गी चंगा कित्ता।

²⁵ते गलील जिले ते दिकापुलिस (दस शैर) ते यरूशलेम, यहूदीया ते यरदन नदी दे परली बखी थमां पीड दी पीड ओदे पिछें ओई गेई।