Read Dogri मत्ती 6 Bible Online

मत्ती 6 - Dogri bible

मत्ती 6

¹“चकने रवो! तोस मनुक्खें गी दसने आसतै अपने तर्म दे कम नेई करो, नेई तां अपने सोर्गे दे पिता कोलां केश बी फल नेई पागे।

²एसकरी जेलै तू दान करें, तां अपने अग्गें टंढोरा नेई बजायां, जियां पखंडी, प्रार्थनाकार च ते गलीयें च करदे न, तां जे लोक उंदी सिफत करन। आंऊ थुआड़े कन्ने सच अखनां ऐ के ओ अपना नाम पाई चुके देन।

³पर जेलै तू दान करें, ते जे तेरा सज्जा हत्थ करदा ऐ, उसी तेरा खबे हत्थ नेई जानी सकै।

⁴तां जे तेरा दान खट्टे दा रवै, ते ओस बेलै तेरा पिता जेका गोप्त च दिखदा ऐ, तुगी नाम देग।

⁵“जिसलै तू प्रार्थना करै, ते पखंडीऐं आला लेखा नेई ओ, किके लोकें गी दसने आसतै प्रार्थनाकार च ते सिड़कें दे बश्कार खड़ोईयै प्रार्थना करना उनेंगी गी छैल लगदा ऐ। आऊँ थुआड़े कन्ने सच अखनां ऐ के ओ अपना नाम पाई चुके देन।

⁶लेकन जेसलै तू प्रार्थना करै, ते अपनी कमरे च जा; ते दराजा बंद करियै अपने पिता थमां जेड़ा ओस जगह गोप्त च ऐ प्रार्थना कर; ओस बेलै तेरा पिता जेड़ा गोप्त च दिखदा ऐ, तुगी नाम देग।

⁷प्रार्थना करदे बेलै दुई जातीयें आला लेखा बार बार नेई बोलेयो, किके ओ समझदे न के उंदे मता बोलने कन्ने उंदी सुनी जाग।

⁸इसै आसतै तोस उंदे जेया नेई बनो, किके थुआड़े पिता थुआड़े मंगने थमां पैलैं गै जानदा ऐ के तुसें गी के-के जरुरतां न।

⁹“तोस एस तरीके प्रार्थना करा करो ऐ साड़े पिता, तू जेड़ा सोर्ग च ऐं; तेरा नां पवित्र मनया जा।

¹⁰तेरा राज अवै। तेरी मर्जी जियां सोर्ग च पूरी ओंदी ऐ, उआं गै तरती उपर बी ऊऐ।

¹¹साड़े दिन पर दी रुट्टी जिन्नी अज्ज असैं चाईदी ऐ असेंगी दे।

¹²ते जेस चाली असैं अपने दुश्मनें गी माफ़ कित्ता ए, उआं गै तू बी साड़े पापें गी माफ़ कर।

¹³ते असेंगी परिख्या च नेई अन, लेकन शतान थमां बचा (किके राज ते समर्थ ते मैमा म्हेशा तेरे गै, आमीन)।”

¹⁴“एसकरी अगर तोस मनुक्ख दे पाप माफ़ करगे, तां थुआड़े सोर्ग दे पिता बी तुसेंगी माफ़ करग।

¹⁵ते जे तोस मनुक्ख दे पाप माफ़ नेई करगे, तां थुआड़े पिता बी थुआड़े पाप माफ़ नेई करग।”

¹⁶“जिसलै तोस उपवास करो, तां पखंडीयें आला लेखा थुआड़े चेरे उपर दुआसी नेई छाई दी रवै, किके ओ अपना मुंह लमकाईयै रखदे न, तां जे लोग उनेंगी उपवासी समझन। आंऊ थुआड़े कन्ने सच आखना ऐं के ओ अपना नाम पाई चुके दे न।

¹⁷लेकन जिसलै तू उपवास रखें तां अपने सिरे उपर तेल मल ते मुंह तोओ,

¹⁸तां जे लोग नेई लेकन तेरा पिता जेड़ा गोप्त च ऐ, तुगी उपवास रखने आला जानें। एस आलत च तेरा पिता जेड़ा गोप्त च दिखदा ऐ, तुगी नाम देग।”

¹⁹“अपने आसतै तरती उपर तन्न किट्ठा नेई करो, जित्त्थें कीड़ा ते जंग खराब करदे न, ते जित्त्थें चोर सेतर लांदे ते चोरी करदे न।

²⁰पर अपने आस्ते सोर्ग च तन्न किट्ठा करो, जित्त्थें नेई गै कीड़ा ते जंग खराब करदे न, ते जित्त्थें चोर न सेतर लांदे ते न चोरदे न।

²¹किके जित्त्थें तेरा तन्न ऐं उत्थें तेरा मन बी लगे दा रौग।

²²“जिंदु दी लो अख आला लेखा ऐ; एसकरी जेकर तेरी आख ठीक उवै, तां तेरी सारी जेंद बी लोई च ओग।

²³पर जेगर तेरी आख पैअडी उवै, तां तेरा सारा जेंद बी नेरे च ओग; एसकरी ओ लो जेकी तेरे च ऐ जेकर नहेरा उवै तां ओ न्हेरा जेड़ा तेरे अन्दर ऐ किन्ना बडा ओग!

²⁴“कोई मानु दाऊँ मालकें दी सेवा एको बेलै नेई करी सकदा, किके ओ एक कन्ने बैर ते दुए कन्ने एर्ख रखग, जां एक कन्ने एर्ख रखग ते दुए गी तोछ समझग। तोस परमेसर ते तन्न-दौलत दौनीं दी सेवा नेई करी सकदे।

²⁵एस आस्ते आऊँ तुसें गी आखना के अपने प्राण आसतै ऐ चिंता नेई करनी के अस के खागे ते के पीगे; ते नां अपनी जिंदु आसतै के के लागे। प्राण रुट्टी थमां, ते जेंद कपड़े कोलां बडी ए!

²⁶अम्बर दे पैंछीयें गी दिखो! ओ नां राह्ंदे न, नां कटदे न, ते नां गै पांडार किट्ठा करदे न; पी बी थुआड़े सोरग दे पिता उनेंगी गी खलांदा ऐ। के तोस उंदे थमां मता मोल नेई रखदे?

²⁷थुआड़े च ऐसा कोन ऐ, जेड़ा चिंता करियै अपनी उम्र बिचा एक कड़ी बी बदाई सकदा ऐ?

²⁸“ते कपड़े आसतै के चेन्त्ता करदे ओ? जंगली घाह दे फूलें उपर ध्यान करो के ओ कियां बददे न; ओ नां गै मेंनत करदे, न नां कतदे न।

²⁹तां बी आंऊ थुआड़े कन्ने आखना ऐ के सुलैमान राजा बी, अपनी सारी शानो-शौकत च उंदे बिचा कोदे आला लेखा कपड़े नेई लांदे नेई पादे हे।

³⁰एसकरी जेलै परमेसर मदान दे काह गी, जेड़ा अज्ज ऐ ते कल अग्गी च सुट्ट्या जाग, ऐसा कपड़ा लुआंदा ऐ, ते ऐ कट विश्वास आलियो, तुसेंगी ओ कि नेई लुआग?

³¹“एसकरी तुसें चैनता करियै ऐ नीं आखना के अस के खागे, जां के पीगे, जां के लागे।

³²किके गैर जातीयां इन्हें चीजें दी खोज बेच रैंह्दे न, लेकन थुआड़ा सोर्ग दा पिता जानदा ऐ के तुसेंगी इनें सब चीजें दी जरुरत ऐ।

³³एस आसतै पैलैं तोस परमेसर दे राज ते ओदे तर्म गी टूंडो ते ऐ सब चीजां बी तुसें मिली जांघन।

³⁴एसकरी कल दी चिंता नेई करो, किके कल दा धयाडा अपनी चैनता अप्पुं करी लैह्ग; अज्ज आसतै अज्जे दा दुःख गै मता ऐ।”