Read Dogri मत्ती 7 Bible Online

मत्ती 7 - Dogri bible

मत्ती 7

¹“न्याय नेई करो के थुआड़ा बी न्याय कित्ता जा।

²किके जेस तरीके तोस दुयें दा न्याय करगे ओ उसै तरीके परमेसर थुआड़ा बी न्याय करग; ते जिस तोल कन्ने तोस तोल्दे ओ, उसै तोल कन्ने बी थुआड़े आसतै तोलया जाग।

³“तुं अपने प्राऊ दी अखी दे तिनके दे बारै चैनता नी करयां, एदे बजाये अपनी अखी दे ढेले दी चैनता कर।

⁴जेगर तेरी गै अखी च केट ऐ, ते तू अपने प्रा गी कियां आखी सकना ऐ, लेई आ आऊँ तेरी अखी चा तेनका कढां?

⁵ए पखंडी, पैलैं अपनी अख बिचा ढेले कढी लै, ओस बेलै तू अपने प्राऊ दी अखी दा तेनका सच्चें गै दिखियै कढी सकगा।

⁶“शोद्ध चीज कुत्तें गी नेई दियो, ते अपने मोती सूरें दें अग्गें नेई सुटो; ऐसा नेई उवै के ओ उनेंगी पैरें थलै मिंदन ते पर्तोइयै तुसेंगी चिरी देन।

⁷“मंगो तां तुसेंगी दिता जाग; तुपो तां तुसेंगी थोग; ठोहरगे तां थुआड़े आसतै दराजा खोलया जाग;

⁸किके जेड़ा कोई मंगदा ऐ; उसी मिलदा ऐ; ते जेड़ा तुपदा ऐ, उसी थोंदा ऐ; ते जेड़ा ठोहरदा ऐ ओदे आस्ते खोलया जाग।

⁹“थुआड़े च ऐसा कोन मनुक्ख ऐ, के जे ओसदा पुत्तर ओस थमां रुट्टी मंगै, तां ओ उसी पत्थर दे?

¹⁰जां मछी मंगै, तां ओ उसी सप्प दे?

¹¹एस आसतै जे तोस बुरे ओईयै, अपने बच्चें गी छैल चीजां देना जानदे ओ, तां थुआड़ा सोर्ग दा पिता अपने मंगने आलें गी छैल चीजां कि नीं देग?

¹²एसकरी जे केश तोस चांदे ओ के मनुक्ख थुआड़े कन्ने करै, तोस बी उन्दे कन्ने उआं गै करो; किके कनून ते पविखवक्तें दी इयै शिखया ऐ।

¹³“तंग ढेवढी थमां लन्गो, किके चैडा ऐ ओ रस्ता ते सौखा ऐ ओ रस्ता जेड़ा नाश आले पासेगी लेई जन्दा ऐ; ते मते सारे लोग न जेड़े ओदे बिचें अन्दर औंदे न।

¹⁴किके तंग ऐ ओ ढेवढी ते औखा ऐ ओ रस्ता जेड़ा जीनें आल्ले पासेगी पज्जांदा ऐ; ते कट न जेके ओ जीनें गी ओ थोंदा ऐ।

¹⁵“चुट्ठे पविखवक्तें थमां चकने रवो, जेड़े पिड्डें दे पेश च थुआड़े कोल औदें न, लेकन असल च ओ चिरी खाणे आलें गिदड न।

¹⁶उंदे फलें कोलां तोस उनेंगी गी पनछानी लैगे। के चुड़ीयें थमां अंगुर, जां कंडै थमां अंजीर खूँढदे न?

¹⁷एस चाली अर एक छैल रुक्ख छैल फल दिन्दा ऐ।

¹⁸छैल रुक्ख माड़ा फल नेई देई सकदा, ते नां गै माड़ा रुक्ख छैल फल देई सकदा ऐ।

¹⁹जेड़ा-जेड़ा रुक्ख छैल फल नेई लांदा, ओ कटीयै ते अग्गी बेच सुट्ट्याया जंदा ऐ।

²⁰एस चाली उंदे फलां थमां तोस उनेंगी गी पंछानी लैगे।

²¹“जेड़ा मिगी, ए प्रभु! ए प्रभु! आखदा ऐ, उंदे बिचा अर एक सोर्ग दे राज बेच दाखल नेई ओग, लेकन ओऐ जेड़ा मेरे सोरग दे पिता दी मर्जी उपर चालदा ऐ।

²²ओस धयाडै मते सारे लोग मिगी आखघन, ए प्रभु! ए प्रभु, के तेरे नां कन्ने असैं औने आलयां पविख्वानीयां नेई सनाईयां, ते तेरे नां कन्ने दोष्टआत्मायें नेई कढीयां, ते तेरे नां कन्ने मते सारे चमत्कार कम नेई कित्ते?

²³ओस बेलै आंऊ उंदे कन्ने खुलीयै आखी देगा, मैं तुसेंगी कदें बी नेई समझया के तोस मेरे अपने ओ। पैड़े कम करने आलयो, मेरे थमां चली जाओ।

²⁴“एसकरी जेड़ा कोई मेरीयां ऐ गल्लां सुनीयै उनेंगी गी मनदा ऐ, ओ ओस अकलमन्द मनुक्ख आला लेखा बनग जेनें अपना कर चट्टान उपर बनाया।

²⁵ते बरखा पेई, ते अहाड़, आए ते तफान चलया ते ओस कर गी टकरां लगियाँ, पी बी ओ नेई किरिया, किके ओसदी मनैद चट्टान उपर पाई दी ही।

²⁶लेकन जेड़ा कोई मेरीयां ऐ गल्लां सुनदा ऐ ते उंदे उपर नेई चालदा, ओस मनुक्ख दे जेया ओग जिस ने अपना कर रेते उपर बनाया।

²⁷ते बरखा पेई, अहाड़ आया, ते तफान चलया, ते ओस करै गी टकरां लगियाँ ते ओ किरीयै सत्यानाश ओई गीया।

²⁸“जेलै यीशु ऐ गल्लां आखी चुके, ते ऐसा ओया के पीड ओदीयें शिखयें कन्ने अरान ओई,

²⁹किके ओ उंदे कन्ने शास्त्रियें आला लेखा नेई लेकन अधिकारियें आला लेखा उनेंगी गी शिखया दिंदा हा।”