Read Dogri मत्ती 9 Bible Online

मत्ती 9 - Dogri bible

मत्ती 9

¹पी ओ किशती उपर चढ़ीयै पार गीया, ते अपने शैर च आया।

²ते, केश लोग एक लकवे दे रोगी गी खट्टे उपर रखियै ओदे कोल लेई आए। यीशु ने उन्दा बश्वास दिखियै, ओस लकवे दे रोगी गी आखया, “ए पुत्तर, इम्त रख; तेरे पाप माफ़ ओईए।”

³ते केई शास्त्रियें सोचया, “ऐ तां परमेसर दी निंदया करदा ऐ।”

⁴यीशु ने उन्दे मन दी गल्लें गी समझीयै गलाया, “तोस लोग अपने-अपने मनें च बुरी सोच कि करा दे ओ?

⁵ठीक के ऐ? ए गलाना, तेरे पाप माफ़ ओए जां ए गलाना, उठ ते चल फेर।

⁶पर एसकरी के तुसेंगी पता चली जा के आऊँ मनुक्ख दा पुत्तर गी तरती उपर पाप माफ़ करने दा अख्त्यार ऐ, ओनें लकके दे रोगी गी आखया, ओठ ते अपनी खट चोक, ते अपने कर चली जा।”

⁷ओ एकदम उठीयै अपनी खट चुकियै अपने कर गी चली गीया।

⁸लोग ऐ दिखियै डरी गै ते परमेसर दी मैमा करना लगे जेस ने मनुक्ख गी ऐ नियां अख्त्यार दिता दा ऐ।

⁹उत्त्थुआं दा अगें गी ज्न्दे यीशु ने मत्ती नां दे एक मानुये गी चुन्गी दी चौकी उपर बैठे दा दिखया, ते उसी आखया, “मेरे पिछें ओई जाओ उथुन्यां दा उठीयै ओदे पिछें आई गीया।”

¹⁰“ते जिसलै ओ कर च रुट्टी खाणे गी बैठे तां मते सारे चुन्गी लेने आले ते पापी आईयै यीशु ते ओदे चेलें कन्ने रुट्टी खाणे गी बैठे।

¹¹ए सब केश दिखियै फरीसियें ओदे चेलें गी आखया, थुआड़ा गुरु चुन्गी लेने आलें कन्ने ते पापियें कन्ने कि खंदा ऐ?

¹²ए सुनीयै यीशु ने उंदे कन्ने आखया, वैद पलें-चंगे आसतै नेई पर बमारें लेई जरुरी ऐ।

¹³एसकरी तोस जाईयै एस दा मतलब समझी लियो; आऊँ बलि दा दान नेई पर दया चानां ऐं। किके आऊँ तर्मियें गी नेई, पर पापियें गी बलाने आएदा ऐं।”

¹⁴ओस बेलै यूहन्ना दे चेलें ओदे कोल आईयै आखया, “के गल ऐ के अस ते फरीसी इनें उपवास क्र्न्यां न, ते तेरे चेलें उपवास नेई करदे?

¹⁵यीशु ने उनेंगी आखया, के बराती, जेसलै तकर मराज उंदे कन्ने ऐ, बसोस करी सकदे न? लेकन ओ देन आई जाने न जिसलै मराज उंदे थमां बाख कित्ता जाग, ओस बेलै ओ उपवास करघंन।

¹⁶नमें कपड़े दा पैबन्द पराने कपड़े दे उपर कोई नेई लांदा, किके ओ पैबन्द ओस कपड़े थमां ओर केश खिची लैंदा ऐ, ते ओ मता फटी जंदा ऐ।

¹⁷ते लोग नमां अंगुरें दा रस परानी छागलें च नेई परदे न, किके इयां करने कन्ने मशकां फटी जनदीयां न ते अंगुरें दा रस रूडी जन्दा ऐ ते मशकां नाश ओई जनदीयां न; पर नमां अंगुरें दा रस नमीं मशकें च परदे न ते ओ दूऐ खराब नेई ओन्दे न।”

¹⁸“ओ उंदे कन्ने ऐ गल्लां करा दा गै हा, के दिखो एक यहूदी अगबें ने आईयै उसी प्रणाम कित्ता ते आखया, मेरी कूडी हूंन गै मरी गेई ऐ, लेकन चलीयै अपना हत्त्थ ओस उपर रख, तां ओ जिंदी ओई जानी ऐ।

¹⁹यीशु उठीयै अपने चेलें समेत ओदे पिछें आई गीया।

²⁰ते दिखो, एक जनांनी ने जिसी बारें सालें थमां खून पौंदा हा, ओदे पिछुंयां दा आईयै ओदे कपड़े दी चूग गी छुई लेता।

²¹किके ओ अपने मने च आखदी ही, अगर आऊँ ओदे कपड़े गी गै छुई लेगी तां चंगी ओई जागी।

²²यीशु ने मुड़ीयै उसी दिखया ते आखया, बेटी इम्त रख; तेरे विश्वास ने तुगी चंगा करी दिता ऐ। इनें च ओ जनांनी उसै बेलै चंगी ओई गयी।

²³जिसलै यीशु ओस अगबें दे कर च पुज्जया ते बौंसरी बजाने आलें गी ते पीड गी छोर मचांदै दिखया

²⁴ओस बेलै आखया, पिछें अटी जाओ, कुड़ी मरी दी नेई, लेकन सुती दी ऐ। एस गल उपर ओ ओदा मजाक डुआना लगे।

²⁵पर जिसलै पीड बार कढी उडी, तां ओसने अन्दर आईयै कुड़ी दा अथ्थ पकड़या, ते ओ जींदी ओई गयी।

²⁶ते एस गल्ल दी चर्चा ओस सारै देश बेच फैली गयी।”

²⁷जिसलै यीशु उत्त्थुआं दा अगें गी गीया, ते दो अन्नें ओदे पिछें ऐ आखदे ओई आए, “ए दाऊद दी औलाद, साड़े उपर दया कर!”

²⁸जिसलै ओ कर च पुज्जया, ते ओ अन्नें ओदे कोल आए, ते यीशु ने उनेंगी आखया, के तुसेंगी विश्वास ऐ के आऊँ थोड़ीयां अख्खीं खोली सकनां ऐं? उनै ओदे कन्ने आखया आं, प्रभु!

²⁹ओस बेलै ओनें उंदीयां अखीयाँ छुईयै आखया, थुआड़े विश्वास दे मताबक थुआड़े आसतै उयांगै ओई जा।

³⁰ते उन्दिआं अखीयाँ खुली गेईयां। यीशु ने उनेंगी ठाकीयै खबरदार कित्ता ते आखया खबरदार, कुसे गी बी एस गल दा पता नेई लगे के मैं थुआड़े आसतै के कित्ता ऐ।

³¹पर उनै उत्त्थुआं दा निकलियै सारै लाके च ओस गल दी चर्चा फलाई दिती।

³²जिसलै ओ दुए अन्नें बार जा करदे हे, ओस बेलै, लोग एक जल्ले गी जेसदे बेच दोष्ट आत्मा ही, ओदे कोल लेई आए;

³³ते जेसलै दोष्टआत्मा कढी उडी तां जल्ला बोलनां लगी पिया। ते पीड ने रान ओईयै आखया, “इस्राएल च इयै नियां ओये दा असैं कदें बी नेई दिखया।”

³⁴पर फरीसियें आखया, “ऐ तां दोष्टआत्मायें दे शासके दी मदद कन्ने दोष्टआत्मायें गी कढदा ऐ।”

³⁵ते यीशु ते ओदे चेलें गालील दे सारें शैरें च ते घरां च फिरदा रे, ते ओ उंदे प्रार्थनाकार च शिखया दिंदा, ते परमेसर दे राज दा शोभ समाचार दा परचार करदा, ते अर किसम दी बमारी ते कमजोरी गी दूर करदा रिया।

³⁶जिसलै ओसने पीड गी दिखया तां उसी लोकें उपर तरस आया, किके ओ उनै पिड्डें आला लेखा हे, जिन्दा कोई गुआल नेई ओंदा, परेशान ते पटकें आला लेखा हे।

³⁷ओस बेलै ओनें अपने चेलें गी आखया, “पक्के दे खेतर मते न, लेकन मजदूर थुड़े न।

³⁸एस आसतै खेतरें दे मालके अगें अर्ज करो के ओ अपने खेतरें च कम करने आसतै मजदूरें गी पेजी दियै।”