Read Dogri मरकुस 1 Bible Online

मरकुस 1 - Dogri bible

मरकुस 1

¹परमेसर दे पुत्तर यीशु मसीह दा शोभ समाचार दा मुन्ड।

²जियां यशायाह पविखवक्ता दी कताब च लिख्या ऐ, “देख्ख, आऊँ अपने दूत गी तेरे अग्गें पेजना ऐं, जेड़ा तेरे लेई लोकें गी तयार करग।

³सनसांन जगै च एक बलाने आले दी बाज सनाई दे करदी ऐ के प्रभु लेई औने दा रस्ता तयार करो। ते ओसदी सेडकां सीधीयां करो।”

⁴यूहन्ना आया, जेड़ा सनसांन जगै च पवित्रशनांन दिंदा, ते पापें दी माफी लेई मन फेरनें दे पवित्रशनांन दा प्रचार करदा हा।

⁵सारे यहूदीया दे, ते यरूशलेम दे सारे रौने आले निकलियै ओदे कोल आई गै, ते उनै अपने-अपने पापें गी मनियै यरदन नदी च ओदे कोलां पवित्रशनांन लीता।

⁶यूहन्ना ऊंट दे रुएं दे कपड़े पांदा ते लाक च चमड़े दा परनां बन्नीयै रखदा हा ते त्रिडियां ते जंगली मखीर खाया करदा हा।

⁷ते यूहन्ना ए प्रचार करदा हा, “मेरे कोलां बाद ओ औने आला ऐ जेड़ा मेरे थमां शक्ति आला ऐ आऊँ एस योग नेईयै के चुकी ऐ ओसदे जूतें दे तस्में खोलां।

⁸मैं तां तुसेंगी पानी कन्ने पवित्रशनांन दिता ऐ, पर ओ तुसेंगी पवित्र आत्मा कन्ने पवित्रशनांन देग्ग।”

⁹उनै धयाडें च यीशु ने गलील जिले दे नासरत जगै चा आईयै, यरदन नदी च यूहन्ना थमां पवित्रशनांन लेया।

¹⁰ते जेसलै ओ पानी च निकलियै उपर आया तां फोरन ओसने सोर्ग गी खुलदे ते आत्मा गी कबूतर दे रूप च अपने उपर उतरदे दिखया।

¹¹ते सोर्ग चा ए बाज आई, “तुं मेरा प्यारा पुत्तर ऐं, तेरे उपर आऊँ बड़ा खोश ऐं।”

¹²पी आत्मा ने फोरन उसी सनसांन जगै आले पासेगी पेजया।

¹³ते जगंल च चाली देन तकर शतान ने ओदी परिख्या लेई; ते ओ जंगली जानबरें दे कन्ने रिया, ते सोर्गदूत ओदी सेवा करदे रे।

¹⁴यूहन्ना गी पड़काये जाने दे बाद यीशु ने गलील जिले च आईयै परमेसर दे राज दा शोभ समाचार प्रचार कित्ता।

¹⁵ते आखया, “बेल्ला पूरा ओया ऐ, ते परमेसर दा राज कोल आई गीया ऐ; मने गी फेरो ते शोभ समाचार उपर बश्वास करो।”

¹⁶गलील दी चील दे कंडै-कंडै ज्न्दे मौके, यीशु ने शमौन ते ओसदे प्रा अन्द्रियास गी चील च जाल सूटदे दिखया; किके ओ मछ्वारे हे।

¹⁷ते यीशु ने उनेंगी आखया, “मेरे पिछें चली आओ, ते आऊँ तुसेंगी मनुक्खें दे मछवारे बनागा।”

¹⁸ओ फोरन अपने जालें गी सुट्टीयै ओदे पिछें आई गै।

¹⁹ते केछ अगें बदियै, ओसने जब्दी दे पुत्तर याकूब, ते ओदा प्रा यूहन्ना गी, किशतीयें उपर अपने जालें गी ठीक करदे दिखया।

²⁰ओसने फोरन उनेंगी बलाया ते ओ अपने प्यो जब्दी गी मजदूरें दे कन्ने किशती उपर छुड़ीयै ओदे पिछें आई गै।

²¹ते ओ कफरनहूम च आए, ते ओ तौलै गै जुधिये दे बसां दे देन प्रार्थनाकार च जाईयै शिखया देना लगया।

²²ते लोक ओदी शिखया कोलां रांन ओए; किके ओ उनेंगी शास्त्रियें आला लेखा नेई लेकन अखत्यारी आला लेखा शिखया दिंदा हा।

²³ते उसै पक्त, उन्दे प्रार्थनाकार च एक मनुक्ख हा, जेदे बेच एक अशोद्ध आत्मा ही।

²⁴ओसने करलाईयै आखया, “ए यीशु नासरत दे रौने आले, साड़ा तेरे कन्ने के लेना-देना ऐ? के तू असेंगी खत्म करन लेई आया ऐं? आऊँ तुगी जाननां ऐं, तुं कोन ऐं? परमेसर दा पवित्र पुत्तर!”

²⁵यीशु ने उसी डांटियै आखया, “चुप रो, ते एस बिचा निकली जा।”

²⁶ओस बेलै अशोद्ध आत्मा ने उसी मरोड़ीयै, ते उच्ची बाज बेच करलाईयै ओदे बिचा निकली गेई।

²⁷एदे उपर सारे लोक रांन ओईयै अप्पू बिचें बैस्स करना लगे बोलन लग्गे, “ए के गल्ल ऐ? ए तां कोई नमीं शिखया ऐ! ए अख्त्यार दे कन्ने अशोद्ध आत्मा गी बी उक्म दिंदा ऐ, ते ओ ओदे उक्म गी मनदीयां न।”

²⁸ते येशु दा नां तौलै गै गलील जिले दे आसे-पासे दी सारी जगै च फैली गीया।

²⁹ते यीशु तौलै गै प्रार्थनाकार चा निकलियै, याकूब ते यूहन्ना दे कन्ने शमौन ते अन्द्रियास दे कर आए।

³⁰ते शमौन दी सास बड़े बखार कन्ने खट्टे उपर पेदी ही, ते उनै फोरन ओदे बारै च उसी गलाया।

³¹ओस बेलै ओसने ओदे कोल जाईयै ओदा अथ्थ पकड़ीयै उसी उठने लेई आखया। ते ओदा बखार उतरी गीया, ते ओ उन्दी सेवा करन लगी पेई।

³²शामी दे बेलै जेलै सूरज डूबी गीया तां लोक सारें बमारें गी ते उनेंगी जिन्दे च गंदीयां आत्मा हियां यीशु दे कोल आंदे।

³³ते सारा शैर दरबाजे उपर किट्ठा ओई गीया।

³⁴ते ओसने मते सारें गी जेड़े लल्ग-लल्ग बीमारीयें कन्ने परेशांन हे, चंगा कित्ता, बड़ी सारी दोष्टआत्मायें गी कढया ते दोष्टआत्मायें गी बोलन नेई दिता, किके ओ उसी पनछांदी हां।

³⁵यीशु सबेरे दे बेलै ध्याडा कोलां पैलैं ओ बिजियै निकलया, ते एक सनसांन जगै च गीया ते उत्थें प्रार्थना करना लगया।

³⁶उसै बेलै शमौन ते ओदे साथी उसी तुपन लग्गे,

³⁷जेसलै ओ मिलया, तां उसी आखया, “सारे लोक तुगी तुपा करदे न।”

³⁸यीशु ने उनेंगी आखया, “आओ; अस ओर कुतै आसे-पासे दे ग्रांऐं च जाचै, के आऊँ उत्थें बी प्रचार करां, किके आऊँ एदे बासतै आएदा ऐं।”

³⁹ते ओ सारे गलील जिले च गीया ते उन्दे प्रार्थनाकार च जाईयै प्रचार करदा ते दोष्टआत्मायें गी कढदा रिया।

⁴⁰एक कोढ़ी ने ओदे कोल आईयै, ओदे अगें अर्ज कित्ती, ते ओदे अगें गोढे टेकियै उसी आखया, “जेकर तुं चां तां मिगी चंगा करी सकना ऐं।”

⁴¹ओनें ओदे उपर तरस खाईयै अपना अथ्थ बदाया, ते उसी छुईयै आखया, “आऊँ चानां तुं चंगा ओई जां।”

⁴²ते फोरन ओदा कोढ़ ठीक ओईया ते ओ चंगा ओई आ।

⁴³ओस बेलै ओसने उसी ठाकीयै फोरन पेजी दिता,

⁴⁴ते उसी गलाया, “देख्ख, कुसे गी केछ मत आखना, पर जाईयै अपने आप गी याजक गी दस, ते अपने शोद्ध होने दे बारै च मूसा ने जेड़ा उक्म रखे दा ऐ, उसी पेंट चाड़ तांके उन्दे च तेरी गुआई होई जा।” ते ओ आया ते ओसने पेंट चढ़ांई।

⁴⁵लेकन फेर ओ बार जाईयै एस गल्ल दा बड़ा प्रचार करना ते इत्त्थैं तकर जार करन लगया के यीशु पी खुल्ला शैर च नेई जाई सकया, पर बारो-बार जिथें लोक नेई रौंदे हे उत्थें रीआ; ते चौनी पासें दे लोक ओदे कोल औंदे रे।