Read Dogri मरकुस 12 Bible Online

मरकुस 12 - Dogri bible

मरकुस 12

¹पी ओ उन्दे कन्ने मसालें च गल्लां करन लगा, “एक मनुक्ख अंगुरें दा बाग लाया, ते ओदे चौनी पासें बाड़ा बनेया, ते रस दा कुंड कढया ते गोम्मट बनाया; ते कर्सानें गी ठेका देईयै परदेस गी चली गीया।

²फ़सल दे मोसम च ओनें कर्सानें दे कोल एक दास पेजया के उन्दे कोलां अंगुरें दे बाग दी फसल दा ऐसा लेई अवै।”

³लेकन उनै उसी पकडीऐ मारेया ते खाली अथ्थ बापस पेजी ओड़या।

⁴पी ओनें एक ओर दास गी उन्दे कोल पेजया; उनै ओदा सिर फाड़ी दिता ते ओदी बेईजती कित्ती।

⁵पी ओनें एक ओर गी पेजया, उनै उसी बी मारी दिता। ते ओनें ओर मतें सारे गी पेजया; उन्दे बिचा उनै केछ गी कुटया ते केछ गी मारी दिता।

⁶ऊन एक गै रेई गीया, मतबल जेड़ा ओदा प्यारा पुत्तर हा। खीरी च ओनें ए सोचिऐ पेजया के ओ मेरे पुत्तर दा आदर करगन।

⁷लेकन उनै करसानें आपस बेच ऐ गलाया के, इयै तां वारस ऐ; आओ, अस इसी मारी ओड़चै, ते सारी जयेदाद साड़ी ओई जाग।

⁸ते उनै उसी पकड़ीऐ मारी दिता, ते अंगुर दे बाग चा बार सुट्टी दिता।

⁹“एसकरी अंगुर दे बाग दा मालक के करग? ओ आईयै उनै कर्सानें गी नाश करग ते अंगुरें दी बारी दुए गी देई ओड़ग।”

¹⁰के तुसें पवित्र शास्त्र च ए वचन नेई पढ़ेया; “जेस पत्थर गी राजमिस्त्रियें सुट्टी दिता ऐ, उवै कोने दा सिरा बनी गीया।

¹¹ए परमेसर थमां ओया, ते साड़ी नजर च ओचन ऐ!”

¹²ओ उसी पकड़ना चान्दे हे; किके ओ समझी गेदे हे के ए मसाल साड़े आस्ते गलाई ऐ। पर ओ लोकें कोलां डरदे, ते उसी छुड़ीयै चली गै।

¹³ते केश यहूदीयें उनेंगी गल्लें च फसाने आसतै केछ फरीसी ते हेरोदेस राजा दे अपने केश लोकें गी ओदे कोल पेजेया।

¹⁴ते उनै आईयै उसी आखया, “ए गुरु, अस जानदे यां के तू सच्चा ऐं ते तू कुसे दी प्रवा नेई करदा। तू कुसे दा महू दिखियै गल्ल नेई करदा, लेकन परमेसर दे रस्ते गी सच्चाई कन्ने सखाना ऐं। ते के कैसर गी कर देना ठीक ऐ या नेई?

¹⁵अस देचै, यां नेई देचै?” ओनें उन्दा कपट गी समझीयै उनेंगी आखया, “मिगी कि परखदे ओ? एक सीका मेरे कोल लेई आओ कि आऊँ उसी दिखा।”

¹⁶ओ सीके गी लेई आए, ते ओनें उनेंगी आखया, “ए शकल ते नां कोदा ऐ?” ओनें आखया, “कैसर दा।”

¹⁷यीशु ने आखया, “जेड़ा कैसर दा ऐ ओ कैसर गी देयो, ते जेड़ा परमेसर दा ऐ ओ परमेसर गी देयो।” ते ओ ओसलै मते रांन होन लग्गे।

¹⁸पी सदूकियों बी, जेड़े बोलदे न कि मरे दे बिचा जिंदा ओना ऐ गै नेई, ओदे कोल आईयै पूछया

¹⁹“ए गुरु, मूसा ने साड़े आसतै लिखा ऐ, के जेकर कुसे दा प्रा बगैर औलाद दे मरी जा ते ओदी करेआली रेई जा, ते ओदा प्रा ओदी करेआली कन्ने बियाह करी लै, ते अपने प्रा दे लेई पुत्तर पैदा कर।

²⁰सत प्रा हे। पैला प्रा बियाह करियै बगैर औलाद दे मरी गीया।

²¹पी दुए प्रा ने ओस जनानी कन्ने बियाह करी लेया ते ओ बी बिना औलाद दे मरी गीया; ते इन्ना गै त्रै ने बी कित्ता।

²²ते सात प्रा बिचा बच्चे नेई होए। सारे दे पिछें ओ जनानी बी मरी गेई।

²³आखर च जिंदा उठने उपर ओ उन्दे च कुसे दी करेआली होग? किके ओ सत्ते दी करेआली ओई चुकी दी ही।”

²⁴यीशु ने उनेंगी आखया, “के तोस एस कारन पोल च ते नेई पेदे ओ के तोस नां ते पवित्र शास्त्र गी जानदे ओ, ते नां गै परमेसर दी समर्थ गी?

²⁵किके जेलै ओ मरे बिचां जी जिन्दे ओगन, ते नां गै उन्दे च बिया ओगन, लेकन सोर्ग च दूते आला लेखा ओगन।

²⁶मरे दे बिचा जिन्दे ओनें दे बारै च के तुसें मूसा दी कताब च चुड़ी दी कानी च नेई पढ़या के परमेसर ने ओस कन्ने आखया आऊँ अब्राहम दा परमेसर, ते इसहाक दा परमेसर, ते याकूब दा परमेसर ऐं?

²⁷परमेसर मरें दा नेई लेकन जीदें दा परमेसर ऐ; आखर च तोस बड़ी पोल च पेदे ओ।”

²⁸शास्त्रियें बिचा एक ने आईयै उनेंगी गल-बात करदे सुनेया, ते ए जानियें कि ओनें उनेंगी खरे तरीके कन्ने जबाब दिता, उनेंगी पूछेया, “सारे कोलां मुख्य उक्म केड़ी ऐ?”

²⁹यीशु ने उसी जबाब दिता, सार उक्में बिचा ए बड़ा ऐ; “हे इस्राएल सुन! प्रभु साड़ा परमेसर एक गै प्रभु ऐ,

³⁰ते तू प्रभु अपने परमेसर कन्ने अपने सारे मन कन्ने, ते अपने सारे प्राण कन्ने, ते अपनी सारी बुद्धि कन्ने, ते अपनी सारे जोरा कन्ने प्यार करयां।”

³¹ते दुई एकी ऐ, “तू अपने गबांडी कन्ने अपने आला लेखा प्यार करयां। एदे कोलां ओर कोई बड़ा उक्म नेई।”

³²शास्त्री ने उसी आखया, “ए गुरु, बिलकुल ठीक, तू सच गलाया के परमेसर एक गै; ते उसी छुड़ीयै कोई दुआ नेई;

³³ते ओदे सारे मन, ते सारी कन्ने बुद्धि, ते सारे प्राण ते सारी ताकत दे कन्ने प्यार करना, ते अपने गबांडी कन्ने अपने आला लेखा प्यार करना, सारे अबनबली ते बलिदानें कोलां ज्यादा बड़ी ऐ।”

³⁴जेलै यीशु ने दिखया के ओनें समझदारी कन्ने जबाब दिता, ते ओनें आखया, “तू परमेसर दे राज कोलां दूर नेई,” एदे बाद कुसे गी उसी केछ पूछने दी इम्त नेई ओई।

³⁵पी यीशु ने मंदर च शिखया दिंदे मौके आखया, “शास्त्री कि बोलदे ने के मसीह दाऊद दा पुत्तर ऐ?

³⁶दाऊद ने अप्पुं गै पवित्र आत्मा च परोईयै आखया,” परमेसर ने मेरे प्रभु गी आखया “तू मेरे सिहासन दे सज्जे पासे बैठ, जेसलै तकर के आऊँ तेरे बैरीयें गी तेरे पैरें दी चौकी नेई करी दियां?”

³⁷दाऊद तां आपे गै उसी प्रभु आखदा ऐ, पी मसीह ओसदा पुत्तर कियां ओया? ते पीड दे लोक ओसदीयां गल्लां खुशी कन्ने सुनदे हे।

³⁸ओनें अपनी शिखया च उनेंगी आखया, “शास्त्रियें कोलां चकने रवो, जेड़े लम्बे-लम्बे चोगे पाईऐ फिरना ते बाजारें च नमश्कार,

³⁹ते प्रार्थनाकार च मुख्य मुख्य आसन ते तामें च बड़ी-बड़ी जगहां मिलना पसन्द करदे न।

⁴⁰ओ विधवें दे कर लूटी जंदे न, ते दूजें दसने लेई बडे चेर तकर प्रार्थना करदे रौंदे न, ए लोक सारें कोलां बड़ी सजा पागन।”

⁴¹ते ओ मंदर दे पण्डार दे सामने बेईयै दिखे करदा हा के लोक मंदर दे पण्डार च केस चाली दांन पांदे न; ते बड़े मीर लोकें बडा केछ पाया।

⁴²इनें च एक गरीब विधवा ने आईयै तांबे दे दो निके-निके सिक्के पाए जिन्दा मोल लग-पग पैसे (तेला) दे बराबर ओंदा ऐ।

⁴³पी ओनें अपने चेलें गी कोल बलाईयै उनेंगी आखया, “आऊँ तुसेंगी सच-सच आखना ऐं, के मंदर दे पण्डार च पाने आले बिचा एस गरीब विधवा ने सारे कोलां जादै पाया ऐ;

⁴⁴किके सारें अपने तन्न बिचा थोड़ा-थोड़ा दित्ता ऐ, लेकन एनें अपने जीनें दा सब केश देई ओड़या।”