Read Dogri मरकुस 15 Bible Online

मरकुस 15 - Dogri bible

मरकुस 15

¹सबेरा ओदे गै तौलै प्रधान याजकें, प्राचीन ते शास्त्रियें मतबल सारी महासभा ने सलाह करियै, यीशु गी बनया ते लेईयै पिलातुस दे अथ्थ सौपी दिता।

²पिलातुस ने उसी पूछया, “के तू यहूदीयें दा राजा ऐं?” ओनें जबाब दिंदे ओई उसी आखया, “तू आपे गै आखा नां ऐ।”

³ते प्रधान याजकें ओदे उपर बड़ी गल्लें दा कसुर ला दे हे।

⁴पिलातुस ने उसी पी पूछया, “के तू कोई जबाब नेई दिंदा, देख ए तेरे उपर किन्नी गल्लां दा कसुर लगांदे न?”

⁵यीशु ने पी कोई जबाब नेई दिता, जिथें तकर कि पिलातुस गी बड़ी रानगी लगी।

⁶पिलातुस त्यार बेच कुसे एक कैदी गी जिसी ओ चांदा हा, छुड़ी ओड़दा हा।

⁷बरअब्बा नां दा एक मानु जेड़ा बलवाइयें दे कन्ने कैदी हा, जेनें एक्का करियै अत्या कित्ती दी ही

⁸ते पीड उपर जाईयै ओदे अगें अर्ज करन लगी, के जियां तू साड़े लेई करदा आया ऐ इयां गै कर।

⁹पिलातुस ने उनेंगी जबाब दिता, “तोस के चांदे ओ के आऊँ थुआड़े लेई यहूदीयें दे राजा गी छुड़ी ओड़ा?”

¹⁰किके ओ जानदा हा के प्रधान याजकें ने उसी तोखे कन्ने पड़काया हां।

¹¹लेकन प्रधान याजकें लोकें गी बकाया कि ओ बरअब्बा गी गै यीशु दी जगह छुड़ी ओड़े।

¹²ए सुनीयै पिलातुस ने उनेंगी पी पूछेया, “तां जिसी तोस यहूदीयें दा राजा बोलदे ओ, उसी आऊँ के करां?”

¹³ओ पी करलाईयै आखन लग्गे, “उसी सूली उपर चाढ़ी ओड़!”

¹⁴पिलातुस ने उनेंगी आखया, “के, एसनें के माडा कम कित्ता ऐ?” लेकन ओ ओर बी करलाए, “के उसी सूली उपर चाडी ओड़!”

¹⁵पी पिलातुस ने लोकें गी खोश करने दी मरजी च, बरअब्बा गी उन्दे लेई छुड़ी दिता, ते यीशु गी कोड़े मराईयै सौंपी दिता कि उसी सूली उपर चाडया जा।

¹⁶सपाई उसी कीले दे अन्दर दे बेड़े च लेई गै जिसी प्रीटोरियुस आखया जन्दा हा, ते सारी पलटन सदी लेती ले।

¹⁷पी उनै उसी बैंजनी कपड़े पुआए ते कंडै दा मुकुट गुंथीयै ओदे सिर उपर रखया

¹⁸ते ए बोलियै उसी नमश्कार करन लग्गे, “ए यहूदीयें दे राजा, नमश्कार!”

¹⁹ओ ओदे सिर उपर सरकंडे मारदे, ते ओदे उपर थूकदे, ते गोढे नुआईयै मत्था टेकदे रे।

²⁰जेलै ओ ओसदा मजाक करी चुके, ते ओदे उपरा बैंजनी कपड़े तुआरीयै ओदे गै कपड़े पुआए; ते पी उसी सूली उपर चढ़ाने लेई बार लेई गै।

²¹सिकन्दर ते रुफुस दे प्यो शमौन नां दा एक कुरेनी मनुक्ख गी जेड़ा अपने कर थमां आवा करदा हा, उनै उसी बेगार च पकड़या के ओसदी सूली चुकियै लेई चलया।

²²ते ओ उसी “गुलगुता” नां दी जगै उपर, जेदा मतबल ऐ “खोपड़ी दी जगह”

²³उत्थें उसी मुर्र मलाईयै अंगुरें दा रस देन लगे, लेकन ओनें नेई पीता।

²⁴पी उनै उसी सूली उपर चढ़ाया ते ओदे चोगे उपर चिटठियाँ पाईयां, के कोस गी ओ चोगा मिलग, ओदे चोगे गी अप्पुं बिचें उनै बंडी लेया।

²⁵जेलै उनै उसी सूली उपर चढ़ाया ते बड्डे बेलै दे नौ बजा दे हे।

²⁶ते ओदे कसुर पत्र उपर ए लिखे दा हा, “यहूदीयें दा राजा।”

²⁷उनै ओदे कन्ने दो डाकुयें गी बी सूली उपर चाढ़या, एक गी सजे ते दुए गी खबे पासे।

²⁸पी पवित्र शास्त्र दा ओ वचन पूरा ओया जेदे च गलाया गेदा हा, ओ पापियें दे बेच गिन्या गीया।

²⁹ते उत्थें रस्ते जाने आले सिर गी लाई-लाई ते ए आखीयै ओदी निंदया करदे हे, “ओ! मंदर गी टाने आले ते त्रै धयाडें च बनाने आले,

³⁰अपने आप गी बचा ते सूली उपरा उतरी जा!”

³¹इसै चाली प्रधान याजकें बी शास्त्री दे कन्ने मिलीयै आपस च ओदा मजाक करदे ए बोला करदे हे, “एनें दुए गी बचाया; लेकन अपने आप गी नेई बचाई सकदा।

³²ऊन मसीह-इस्राएल दे राजा-सूली उपरा थल्लै उतरी आ के अस दिखी सकचै ते बश्वास करचै!” ते ओ बी ओदे कन्ने सूली उपर चाढ़े गेदे हे, एस चाली ओदी निंदया करा दे हे।

³³जेलै दोपैर दे बारां बजी गै ते सारे देश च न्हेरा छाई गीया त्रै बजे देन तकर छायेदा रिया।

³⁴ते त्रै बजने उपर यीशु ने बड़ी उच्ची बाज बेच करलाईयै आखया, “इलोई, इलोई, लमा शबक्तनी?” जेदा मतबल ऐ, “ए मेरे परमेसर, ए मेरे परमेसर, तो मिगी कि छुड़ी दिता ऐ?”

³⁵पी जेड़े कोल खडोते दे हे उन्देचा किनें ऐ सुनीयै आखया, “दिखो, ओ एलिय्याह गी पुकारा दा ऐ।”

³⁶ते एक ने दौड़ीयै स्पंज गी सिरके च डोबया, ते सरकंडे उपर रखियै उसी चुसाया ते आखया, “ठैरी जाओ, दिखो एलिय्याह उसी तुआरने लेई ओंदा यां नेई।”

³⁷पी यीशु ने बड़ी उच्ची बाज कन्ने करलाईयै प्राण छोड़ी ओड़े।

³⁸ते मंदर दा पर्दा उपर तां थल्लै तकर फटियै दो टुकड़े ओई गै।

³⁹जेड़ा सूबेदार ओदे अगें खडोते दा हा, जेलै ओसने इयां करलाईयै प्राण छुड़दे बेलै दिखया, ते ओनें आखया, “असल च ए मानु, परमेसर दा पुत्तर हां!”

⁴⁰केई जनांनीयां बी दूर थमां दिखे करदीयां हा; उन्दे च मरियम मगदलीनी, निके याकूब ते योसेस दी मा मरियम, ते सलोमी ही।

⁴¹जदू ओ गलील जिले च हा ते ए ओदे कन्ने सेवा च चलदी ते ओदी बड़ी सेवा करदी हां; ते ओर बड़ी जनांनीयां बी हियां जेड़ीयां ओदे कन्ने यरूशलेम चा आईदी हियां।

⁴²जेलै शाम ओई गेई ते एसकरी के दुए देन दी तयारी दा धयाडा हा, जेड़ा सब्त दे एक देन थमां पैलैं ओंदा ऐ,

⁴³अरिमतिया दा रैने आला युसूफ आया, जेड़ा महासभा दा इज्जतदार औदे च हा ते अप्पुं बी परमेसर दे राज दा एन्तजार च हा। ओ दलेर ओईयै पिलातुस कोल गीया ते यीशु दी लाश मंगी।

⁴⁴पिलातुस गी रांन ओया के ओ इन्नी जल्दी मरी गीया; ते सूबेदार गी बलाईयै पूछया, “के ओ मरी चुकेया ऐ?”

⁴⁵जदू ओनें सूबेदार दे दवारा हाल जानी लिया, ते लाश युसूफ गी दुआई दिती।

⁴⁶पी ओनें मलमल दा एक कफ़न मुल्लें लेईयै, ते लाश गी तुआरीयै उसी ओस कफ़न बेच लपेटया, ते एक कब्र च जेड़ी चट्टान च खोदी गेई हे उसी रखया, ते कब्र दे दरबाजे उपर एक बड़ा पत्थर देई दिता।

⁴⁷मरियम मगदलीनी ते योसेस दी मां मरियम दिखा दियां के ओ कुत्थें रखया ऐ।