Read Dogri मरकुस 16 Bible Online

मरकुस 16 - Dogri bible

मरकुस 16

¹जदू युदियें दे बसां दा धयाडा खत्म ओई िगया, ते मरियम मगदलीनी, ते याकूब दी मा मरियम, ते सलोमी ने खुशबुदार चीजां मुलैं लेईयै, के आईयै ओदे उपर मलन।

²ते अफ्ते दे पैले देन बड़ी सबेला जेलै सूरज निकला हा गै, ओ कब्र उपर आईयां।

³ते ओ आपस च बोला दीहां, “के साड़े आसतै कोन कब्र दे दरबाजे दा पत्थर खसकाई देग?”

⁴जदू उनै पूजनें कोलां बाद दिखया के पत्थर खिसके दा हा ते ओ बड़ा गै बड़ा हा।

⁵ते ओ कबरां दे अन्दर जाईयै उनै एक जवान गी जेड़ा सोर्गदूत आला लेखा चिट्टे कपड़े पाएदे सजे पासे बैठे दे दिखया, ते ओ बड़ी रांन ओईयां।

⁶ओनें उनेंगी आखया, “रांन नेई ओवो, तोस यीशु नासरी गी, जेड़ा सूली उपर चढ़ाया गेदा हा, उसी तुपदीयां ओ। ओ जिन्दा ओई गेदा ऐ, इत्थैं नेई ऐ। दिखो, इयै ओ जगह ऐ, जिथें उनै उसी रखया हा।

⁷लेकन तोस जाओ, ते ओदे चेलें ते पतरस गी बोलो के ओ थुआड़े थमां पैलैं गलील जिले च जाग ते तोस उसी उत्थें दिखगे, जियां के ओनें तुसेंगी गलाया हा।”

⁸ते उत्त्थुं दा निकलियै कबरां कोलां नसी गेईयां, ओ कम्बादियां हां ते डर दी कबराट उन्दे उपर छाई गेदी ही। ते उनै कुसे गी केछ बी नेई दसया, किके डरी दीहां।

⁹अफ्ते दे पैले देन सबेरा ओदे गै ओ जिंदा ओईए पैलो-पैल मरियम मगदलीनी गी जिदे चा ओनें सत दोष्टआत्मायें कढीयां हियां, उसी लबया।

¹⁰ओनें जाईयै यीशु दे साथियें गी जेड़े ओदे कन्ने ओदे हे ए खबर सनाई किके ओ बसोस करा करदे ते रोआ दे हे।

¹¹जेलै उनै ए सुनया के ओ जिन्दा ऐ ते ओनें उसी दिखया ऐ, उनेंगी बश्वास नेई ओया।

¹²एदे बाद ओ दुए रूप च उन्देचा दों गी जेलै ओ यरूशलेम चा अपने ग्रां आले पासेगी जा दे हे, ओ उनेंगी लबया ते उसी पछांनी नेई सके।

¹³उनै बी जाईयै दुए गी खबर सनाई, लेकन उनै बी उन्दा बश्वास नेई कित्ता।

¹⁴पिछें ओ उनै जारें चेलें गी बी, जेलै ओ रुट्टी खाणे आसतै बैठे हे उनेंगी लबया, ते उन्दे अवश्वास ते मन दी कठोरता दे उपर चेडकया, किके उनै ओदे जिन्दे ओनें कोलां बाद उसी दिखया हा, पी बी उनै बश्वास नेई कित्ता।

¹⁵ते यीशु ने उनेंगी आखया, “तोस सारी दुनिया दे लोकें गी जाईयै शोभ समाचार दा प्रचार करो।

¹⁶जेड़ा बश्वास करग ते पवित्रशनांन लैग ओदा गै उद्धार ओग, लेकन जेड़ा बश्वास नेई करग ओ कसुरबार मनया जाग;

¹⁷बश्वास करने आलें च ए चेन्न ओगन के ओ मेरे नां च दोष्टआत्मायें गी कढगन; ते नमीयां-मनीयां भाषा बोलगन;

¹⁸चांनक सप्पें गी चुकी लैगन, ते जेकर ओ मरने आली जरिली चीज बी पी जागन तां बी उनेंगी केछ नकसांन नेई ओग; ओ बमारें उपर अथ्थ रखगन, ते ओ चंगे ओई जागन।”

¹⁹ते पी यीशु उन्दे कन्ने गल्लां करने दे बाद सोर्गे गी चुकी लिते गै, ते परमेसर दी सजी बखी बैठी गै।

²⁰ते उनै यरूशलेम चा जाईयै अर जगा प्रचार कित्ता, ते प्रभु चेलें कन्ने कम करदे रे, ओ जिथें कुदै जंदे हे प्रभु उन्दे अहथें कन्ने चमत्कार दे कम करदे हे, ते यीशु अपने वचन दा सबूत दिंदे हे, आमीन।