Read Dogri मरकुस 2 Bible Online

मरकुस 2 - Dogri bible

मरकुस 2

¹केई दिनें दे बाद यीशु पी कफरनहूम च आया, ते सुनने च आया के ओ अपने कर च ऐ।

²ते इनें लोक किट्ठे ओए, इत्त्थैं तकर के कार दे दरबाजे दे कोल बी बैठनें आसतै जगह नेई मिली; ते ओ उनेंगी वचन सुना दा हा।

³ते लोग धरंग दे एक रोगी गी चार मनुक्ख थमां चूकाईऐ ओदे कोल लेई आए।

⁴पर ओ पीड दे कारन ओदे कोल नेई पूजी सके, तां उनै ओस छत गी जिदे थल्लै यीशु प्रचार करै करदा दा हा, ओदे छत गी खोली दिता, ते जेसलै ओ ओस छत गी खोली चुके तां उनै ओस खट जिदे उपर धरंग दा रोगी हा खट्टे समेत यीशु दे अगें तुयारी दिता।

⁵यीशु ने उन्दा बश्वास दिखियै ओस लकवे दे रोगी गी आखया, “ए पुत्तर, तेरे पाप माफ़ ओए।”

⁶ओस बेलै केई सारे शास्त्री जेड़े उत्थें बैठे दे हे, अपने मन च वचार करन लग्गे,

⁷“ए मानु कि इयां आखदा ऐ? ए तां परमेसर दी निंदया करदा ऐ! परमेसरे गी छुड़ीयै ओर कोन पाप माफ़ करी सकदा ऐ?”

⁸यीशु ने फोरन अपनी आत्मा च समझी लेत्ता के ओ अपने-अपने मन च एस चाली दा वचार गी करा करदे न, ते उनेंगी आखया, “तोस अपने-अपने मनें च ए जियां वचार कि करा करदे ओ?

⁹ठीक के ऐ के एस धरंग दे रोगी गी ए आखना के, तेरे पाप माफ़ ओए यां ए के उठ अपनी खट चोक ते चल फेर? ए ठीक ऐ के तेरे पाप माफ़ ओए बजाए ईदे के अपनी खट चोक ते चल फेर?

¹⁰पर जेस कोलां तोस समझी सको के मिकी मनुक्ख दे पुत्तर गी दुनिया च पाप माफ़ करने दा अख्त्यार ऐ।” ओसने लकवे दे रोगी गी आखया,

¹¹“आऊँ तुगी आखना ऐं, के उठ, ते अपनी खट चोक ते अपने कार चली जा।”

¹²ओ उठया ते अपनी खट चुकियै सारें दे सामनें निकलिऐ चली गीया; एस गल्ल उपर ओ सब रांन ओए, ते परमेसर दी मैमा करदे ओई बोलन लग्गे, “असैं तां ए जियां कदें बी नेई दिखया।”

¹³ओ पी निकलिऐ अपने चेलें दे कन्ने चील दे कंडे गीया, ते सारी पीड ओदे कोल आई, ते ओ उनेंगी शिखया देना लगया।

¹⁴जंदे मौके यीशु ने हलफई दे पुत्तर लेवी गी चुंगी दी चौकी उपर बैठे दे दिखया, ते उसी आखया, “मेरे पिछें आई जा।” ते ओ उठीयै ओदे पिछें चली पिया।

¹⁵ओस तुं बाद ओ ओदे कार च रुट्टी खाण बैठा, ते बडे सारे चुंगी लेने आले ते जिनैं गी पापी आख्या जन्दा हा, ओ बी यीशु ते ओदे चेलें कन्ने रुट्टी खाण बैठे; किके ओ मते सारे हे, ते ओदे पिछें-पिछें चला करदे हे।

¹⁶केश शास्त्रियें ते फरीसियें ए गल्ल दिखियै के ओ पापियें ते चुंगी लेने आलें दे कन्ने रुट्टी खा करदा ऐ, उनै ओदे चेलें गी गलाया, “ओ कि चुंगी लेने आलें ते पापियें कन्ने खंदा पिन्दा ऐ!”

¹⁷यीशु ने ए सुनीयै उंदे कन्ने आखया, “पले-चंगे गी कीम दी जरुरत नेई, पर बीमारें गी ऐ आऊँ तर्मियें गी नेई, पर पापियें गी बुलाने लेई आएदा ऐं।”

¹⁸यूहन्ना दे चेलें, ते फरीसी उपवास रखदे हे, खीरी च केश लोकें आईयै यीशु गी आखया; “यूहन्ना दे चेलें ते फरीसियें दे चेलें उपवास रखदे न, लेकन तेरे चेलें उपवास कि नेई रखदे?”

¹⁹यीशु ने उनेंगी आखया, “जिंदु तकर मरहाज बरातियें दे कन्ने रौंदा ऐ, के ओ बराती उपवास रखी सकदे न? खीरी च जिंदु तकर मरहाज उन्दे कन्ने ऐ ओ उपवास नेई कर सकदे।

²⁰लेकन ओ देन औने आले न के मरहाज उन्दे बिचा लग कित्ता जाग, ओस बेलै ओ लोक उपवास रखगन।

²¹नमें कपड़े दा तैवन्द पुराने कपड़ें दे उपर कोई नेई लान्दा; नेई तां ओ पैबन्द उनै पराने कपड़ें चा केश मैल-छैल खिची लैग, मतलब नमां, पुराने कोलां, ते ओ नमां ओर जादै फटी जाग।

²²नमां अंगुरें दा रस परानी छागलें च कोई नेई रखदा, नेई तां अंगुरें दा रस मशकें गी फाड़ी ओड़ग ते अंगुरें दा रस ते छागलां दुए बर्बाद ओई जागन; लेकन नमां अंगुरें दा रस नमीं छागलें च परया जन्दा ऐ।”

²³ऐसा ओया के ओ बसां दे देन खेतरें बिचा ओईयै जा दे हे, ते ओदे चेलें चलदे-चलदे दाने त्रोड़न लगे।

²⁴ओसबेलै फरीसियें उसी आखया, “देख्ख, ए ऐसा कम कि करदे न जेड़ा युदियें दे बसां दे देन मूसा दे कनून दे मताबक करना ठीक नेई ऐ?”

²⁵ओसने उनेंगी आखया, “के तुसें कदें बी नेई पढ़या के जेलै दाऊद गी जरुरत पेई ते जेलै ओ ते ओदे साथियें गी पोख लग्गी ओसबेलै दाऊद ने के कित्ता हा?

²⁶ओसने कि अबियातार नां दा महायाजक दे पक्त च, परमेसर दे कर च जाईयै पेंट दी रुट्टीयाँ खादियां, जिनेंगी खाणा याजकें गी छुड़ीयै ओर कुसे आसतै बी बाजब नेई हा, ओ रुट्टीयाँ दाऊद बी खादियां ते अपने साथियें गी बी दितीयां?”

²⁷ते ओसने उनेंगी आखया, “युदियें दे बसां दे देन मनुक्ख लेई बनाया गीया ऐ, न कि मनुक्ख युदियें दे बसां दे देन लेई।

²⁸एसकरी मनुक्ख दा पुत्तर युदियें दे बसां दे देन दा बी स्वामी ऐ।”