Read Dogri मरकुस 4 Bible Online

मरकुस 4 - Dogri bible

मरकुस 4

¹यीशु पी गलील दी चील दे कंडै प्रचार करन लगया: ते जियां ओ प्रचार करन लगया तां इन्नी बड़ी पीड ओदे कोल किठी ओई गेई, पीड दी बजा कन्ने ओ किशती च बैठी गीया, ते सारी पीड चील दे कंडै खडोती दी रेई।

²ओसबेलै यीशु उनेंगी मसालें च मतीयां सारीयां गल्लां सखान लगया, ते ओसने अपनी शिखया च उनेंगी आखया,

³“सुनो! दिखो, एक बी राने आला बी राने गी निकलया।

⁴ते रांदे बेलै केश बी रस्ते दे कंडै किरी पे ते पैंछीयैं आईयै उनेंगी चुगी लेता

⁵ते केछ बी पत्थरें आली जमीन उपर पे जिथें उनेंगी मती मिट्टी नेई, मिलने दे कारन ओ तौलै गै लग्गी गै,

⁶ते जेसलै तोप्प पेई तां ओ जली गै ते जड़ दी पकड़ नेई ओनें दे कारन ओ सुकी गै।

⁷केछ बी चुड़ीयें च किरी पे ते चुड़ीयें बदियै उनेंगी दबाई दित्ता, ते उन्दे च फल नेई लगया।

⁸लेकन केछ बी छैल जमीन उपर पे, ते ओ लग्गे ते बदियै फल देन लग्गे-कोई त्री गुणा, कोई सठ गुणा ते कोई सौ गुणा।”

⁹पी ओनें आखया, “अगर तोस समझना चांदे ओ, तां त्यांन कन्ने सुनो, जे केश मैं ऊन आखना ऐं।”

¹⁰जेसलै यीशु ते ओदे चेलें कल्ले रेई गै, ते ओदे कन्ने जेड़े बाकी लोक हे ते बारां चेलें उसी मसालें दे बारै च पूछया।

¹¹ओसने उन्दे कन्ने आखया, तुसेंगी तां परमेसर दे राज दे पेद दी समझ दिती गेदी ऐ, पर जेड़े ओदे प्रचार गी नेई समझदे ते कियां परमेसर उन्दे उपर राज करना चांदा ऐ, एसकरी इयै दे लोकें आसतै मसालें च गल्लां कित्तियां जंदियां न।

¹²ए ऐसा उवै के परमेसर दा वचन पूरा ओ एसकरी कि “ओ दिखदे ओदे दिखन ते उनेंगी नेई लबै ते सुनदे ओई बी नेई समझन; ऐसा नेई उवै के ओ अपने पाप्पें कोलां फेरन, ते उनेंगी माफ़ कित्ता जा।”

¹³पी यीशु ने उनेंगी आखया, “के तोस ए मसाल नेई समझदे? ते पी तोस सारीयें मसालें गी कियां समझगे? जदूं तकर मैं तुसेंगी नेई समझागा।

¹⁴मसाल दा मतलब इयां यै एक मानु बी राने आला परमेसर दा वचन रांदा ऐ।

¹⁵जेड़े रस्ते दे कंडै दे न जिथें वचन राया जन्दा ऐ, ते जेसलै ओ सुनदे न, ते शतान तौला गै आईयै वचन गी जेड़ा उन्दे च राया गीया हा चुकी लेई जंदा ऐ।

¹⁶इयां गै जेड़ा पथरीली जमीन उपर राए ज्न्दे न, ओ लोक ए न के जेड़े वचन गी सुनीयै तौलै खुशी कन्ने मनी लेनदे न।

¹⁷पर अपने दिलें च जड़ नेई पकड़ने दे कारन ओ थुड़े गै दिनें आसतै रौदे न, एसतुं बाद जेसलै वचन दे कारन दुए लोक उनेंगी कलेश यां दोख दिन्दे न तां ओ तौलै गै ठोकर खन्दे न।

¹⁸ते जेड़े चुड़ीयें च राए गै न, ए ओन जिनैं वचन सुनया

¹⁹ते दुनियादारी दी चैनता, ते पैसे तेले दा तोखा, ते चीजें दा नफा उन्दे च समाईयै वचन गी दबाई दिंदा ऐ ते ओ बिना फल दे रेई जन्दा ऐ।

²⁰ते जेड़े छैल जमीन उपर राए गै, ए ओन जेड़े वचन गी सुनीयै अपने मनें कोलां मनी ते बश्वास करदे न ते फल दिंदे न ते ओ कम करदे न जेड़ा परमेसर चांदे न, कोई त्री गुणा, कोई सठ गुणा ते कोई सौ गुणा।”

²¹यीशु ने एक ओर मसाल दिती ते ओसने उन्दे कन्ने आखया, “के दीये गी एसकरी बालदे दे न के ढेपट दे थल्लै यां पलंग दे थल्लै खट्टे एठ रखया जा? के एसकरी नेई बालदे के ओ ढेपट उपर रखया जा? ताके कर आलें गी ओदी लो मिलै

²²किके कोई चीज छपी नेई पर एस लेई के ओ सामनें ओई जा; नां केछ गोप्त ऐ, पर एस लेई के ओ सामनें आई जा।

²³जेकर तोस समझना चांदे ओ, तां त्यांन कन्ने सुनो, जे केश आऊँ आखना ऐं।”

²⁴पी यीशु ने उनेंगी आखया, “चकने रवो किके सुन्दे ओ जिनांग तोस सुनदे ओ उनी गै परमेसर तुसेंगी समझने दी समझ देग हालां के ओदे कोलां बी जादै।

²⁵किके जेसदे कोल समझने दी जिनी बी समझ दिती दी ऐ, उसी ओर दिती जाग; ते जिन्दे कोल नेई ऐ, उन्दे कोलां जेड़ी उन्दे कोल ऐ ओ बी लेई लीती जाग।”

²⁶पी यीशु ने आखया, “परमेसर दा राज इयां ऐ के जियां कोई मानु जमीन उपर बी सुट्टदा ऐ।

²⁷ते रातीं ओ सेई जा ते दिनें लै ओ बिजे दा रवै, ते ओ बी इय्यां लगे ते बदै के मानु बी नेई समझी सकै के ए कियां ओई गीया किके जमीनें उपर अपने आप बूट्टा लगदा ते ओ फल दिंदा।

²⁸जमीन अपने आप फल दिन्दी ऐ, पैलैं अंकुर, पी सिले, ते पी सिलें च तयार दाने।

²⁹लेकन जेसलै दाना पक्की जन्दा ऐ, जियां गै दाना पक्की जन्दा ते ओस फसल गी किट्ठा करने आसतै लोक पेजे ज्न्दे न किके बाड्डी दा बेला आई पूजी दा ऐ।”

³⁰पी यीशु ने आखया, “के अस परमेसर दे राज दी गेनती केस दे कन्ने करचै ते केड़ी मसाल दे कन्ने ओदे राज दा खलासा करचै?

³¹ओ एक सर्यें दे दाने आला लेखा ऐ, के जेसलै ओ जमीन उपर राया जन्दा ऐ तां ओ जमीन दे सारे बियें कोलां निक्का ओंदा ऐ।

³²पर जेसलै ओ राया जन्दा ऐ तां लगियै जमीन दे सारें बूट्टें कोलां बड़ा ओई जन्दा ऐ ते ओदे च बड़ी-बड़ी डालियाँ निकलदीयां न, जिदे च अम्बर दे पैंछी ओदी छमें च बसेरा करदे न।”

³³ओ उनेंगी हर केसम दियां मसालां देई-देई वचन सुनांदा हां।

³⁴ते ओ कानीयां दे बिना उनेंगी केछ नेई बोलदा हा, लेकन कल्ले च अपने चेलें गी सारा केछ समझादा हा।

³⁵उसै देन जेसलै शाम ओई ते ओसने चेलें गी आखया, “आओ, अस गलील चील दे दुवे पार चलचे।”

³⁶ते ओ पीड गी छुड़ीयै ते चेलें कन्ने किशती च दुए पार गै ते उन्दे कन्ने ओर बी किशतियां हियां।

³⁷बड़ा तफान आया, ते लैरां किशती कन्ने टकरां लगियाँ। इत्थूं तकर के पानी किशती च परोन लगया।

³⁸ते ओ किशती दे पिछले पासे गद्धी उपर सरैना लेईयै सुत्ते दा हा, ते उनै उसी जगाया ते आखया, “ए गुरु, के तुगी चिंता नेई के अस डूबी मरानयां न?”

³⁹पी उनै उठीयै तूफान गी निखरया, ते पानी गी आखया, “चोप्प ओई जा, थमोई जा!” ते अंधी थमोई गेई ते बड़ा चैन ओई गीया।

⁴⁰पी ओनें आखया, “तोस इन्नें डरपोक कि ओ? के तुसेंगी अजां तकर बश्वास नेई?”

⁴¹ते चेलें मते डरी गै ते अप्पुं बिचें बोलन लगे, “ए कोन ऐ के अंधी ते पानी बी ओदा उक्म मनदे न?”