Read Dogri मरकुस 5 Bible Online

मरकुस 5 - Dogri bible

मरकुस 5

¹यीशु ते ओदे चेलें गलील दी चील दे पार गिरसेनियों देश दे शैर च पुज्जया।

²ते जेसलै ओ किशती चा उतरे ते तौलै गै एक मनुक्ख जिदे च अशोद्ध आत्मा ही, ओ कबरां चा निकलियै उसी मिलया।

³ओ कबरें च रौंदा हा ते कोई उसी संगलें कन्ने बी बनियै नेई रखी सकदा हा, किके ओ बार-बार बेड़ीयें ते संगलें कन्ने बन्नया गेदा हा, पर ओ संगलें गी तोड़ी ओड़दा हा ते बेड़ीयें दे टुकड़े-टुकड़े करी ओड़दा हा, ते कोई इन्ना तकड़ा नेई हा के उसी अपने वश च करी सकै।

⁴

⁵ओ मेशा रात-देन कबरें ते पाडें च कर्लानदा हा ते अपने गी पत्थरें कन्ने घाल करदा हा।

⁶ओ दूरा गै यीशु गी दिखियै दौड़या, ते चुकिऐ यीशु दे अगें मत्था टेकया।

⁷ओनें उसी आखया, “ए अशोद्ध आत्मा, एस मनुक्ख चा निकली जा!” ते ओसने जोरियै करलाईयै आखया, “परमप्रधान परमेसर दे पुत्तर यीशु, मिगी तेरे कन्ने के कम ऐ? आऊँ तुगी पर्मेसरे दी कसम दिन्ना ऐं, मिगी कष्ट नेई दे!”

⁸

⁹यीशु ने उसी पूछया, “तेरा के नां ऐ?” ओनें उसी आखया, “मेरा नां सैना ऐ; किके अस मते जनें यां।”

¹⁰ते ओनें यीशु दे अगें बड़ी अर्ज कित्ती, “असेंगी एस लाके चा बार नेई पेजयां।”

¹¹उत्थें पाड़ उपर सूरें दा एक बड़ा झोण्ड चरा दा हा।

¹²ते ओनें उन्दे अगें अर्ज करदे ओई आखया, “असेंगी इनें सूरें च पेजी ओड़ के अस उन्दे च समाई जाचै।”

¹³खीरी च ओनें उनेंगी उक्म दिता ते अशोद्ध आत्मा उन्देचा निकलियै सूरें बेच समाई गेई। ते सूरें दा झोण्ड जेड़ा लगपग दो हजार दा हा, कंडै थमां कुटीयै चीलै च जाई पेया ते डुब्बी मरया।

¹⁴उन्दे गुआलें दौड़ीयै शैर ते गरांऐं च ए खबर सनाई, ते जेड़ा केश ओया लोक उसी दिखने लेई आए।

¹⁵यीशु दे कोल आईयै, ओ उसी जेदे च दोष्टआत्मा ही कपड़े पाएदे ते चकने बैठे दे दिखियै लोक डरी गै।

¹⁶जिनैं बी ए केश दिखया हा उनै दोष्टआत्मा आला मनुक्ख ते सूरें दे बारै च जेड़ा केछ ओया हा, सारा केछ उनेंगी दसया।

¹⁷ते ओ ओदे अगें अर्ज करियै आखन लगे के साड़े लाके चा चली जा।

¹⁸ते जेसलै ओ किशती च चढ़न लगया, पी ओ मनुक्ख जेदे च पैलैं दोष्टआत्मा ही, उन्दे अगें अर्ज करन लगया, “के मिगी अपने कन्ने रौन दे।”

¹⁹लेकन उनै उसी उक्म नेई दिता ते उसी आखया, “अपने कार जाईयै अपने लोकें गी सुना के प्रभु ने तेरे आसतै किन्नी दया कित्ती ए।”

²⁰ओ चली गीया ते दिकापुलिस दे जिले च प्रचार करन लगया के यीशु ने मेरे लेई किनें बड्डे कम कित्ते न; ते सारे लोक रांन ओदे हे।

²¹जेसलै यीशु पी किशतीयें च गलील दी चील दे पार गीया, ते एक बड़ी पीड ओदे कोल किठी ओई गेई, ते ओ चील दे कंडै हा।

²²पी प्रार्थनाकार दे प्रधाने चा याईर नां दा एक मनुक्ख आया ते उसी दिखियै, ओदे पैरें पेया,

²³ते ओनें ओदे अगें बड़ी अर्ज कित्ती, “मेरी निकी कूडी मरने च ऐ। दया करियै चलो ते ओदे उपर अथ्थ रख तां जे ओ चंगी ओईए जिंदी रवै।”

²⁴ओस बेलै ओ उन्दे कन्ने गै ते एक बड़ी पीड ओदे पिछें ओई गेई, इत्थूं तकर के लोक ओदे उपर टेई पौंदे हे।

²⁵ते एक जनानीं, जिसी बारां सालें थमां खून बगने दा रोग हा।

²⁶ते ओसने मते गै किमें थमां लाज कराया ते अपना सब केश खर्च करने उपर बी कोई फायदा नेई ओया, लेकन ओदी हालत ओर बी माडी ओई गेई ही।

²⁷ओनें यीशु दी चर्चा सुनीयै पीड च ओदे पिछें आई गेई, ओंने आखया “जेकर आऊँ ओदे कपड़े गी छुई लेगी, तां चंगी ओई जागी।” ते ओनें ओदे कपड़े गी छुई लेता

²⁸

²⁹ते उसै बेलै ओदा खून बगना बन्द ओई गीया, ते उसी पता चली गीया के आऊँ अपनी बीमारी थमां ठीक ओई गेई ऐं।

³⁰यीशु गी तौला पता चली गीया के मेरे बिचा एक शक्ति निकली ऐ, ते पीड गी पी पिछें मुड़ीयै पूछया, “मेरे कपड़े गी कोने छूता?”

³¹ओदे चेलें उसी आखया, “तोस ते दिखा दे ओ कि पीड थुआड़े उपर टेई पौंदी ऐ, ते तोस आखदयो के मिगी कुने छूता?”

³²पी उनै ओस जनानीं गी दिखने आसतै जेनें उसी छुत्ता हा, चारें पासे नजर मारी।

³³ओस बेलै ओ जनानीं जेड़ा केछ ओदे कन्ने ओया हा, समझीयै एस लेई डरी गेई किके कनून दे मताबक नां ओ लोकें च जाई सकदी ही ते नां गै कुसे गी छुई सकदी ही, ओ डरदी ते कम्बदी ओई आई ते ओदे पैरें पेई, ते सारा केश सच-सच दसी दिता।

³⁴यीशु ने उसी आखया, “बेटी, तेरे बश्वास ने तुगी चंगा कित्ता ऐ। खुशी च जा ते अपनी बमारी कोलां बची रो।”[1]

³⁵ओ ए आखादा गै हा के इन्नें तकर प्रार्थनाकार दे प्रधान दे कर दे लोकें आईयै आखया, “तेरी बेटी तां मरी गेई, हुन गुरु गी कि दुखी कराना ऐ?”

³⁶लेकन यीशु ने ओस गल्ल गी सुनी लेया ते प्रार्थनाकार दे प्रधान गी आखया, “मत डर, सेर्फ बश्वास रख ओ अजां जिंदी ऐ।”

³⁷ते यीशु ने अपने तरै चेलें, पतरस, याकूब, ते याकूब दा प्रा यूहन्ना गी छुड़ीयै दुए कुसे गी बी अपने कन्ने नेई औन दिता ते याईर दे कर चली गै।

³⁸ते ओ प्रार्थनाकार दे प्रधान दे कर आईयै, लोकें गी बड़े रोंदे ते वलाव करदे दिखया।

³⁹पी ओसने कर दे अन्दर जाईयै आखया, “तोस कि रोंदे ते वलाव करदे ओ? ए कुड़ी मरी दी नेई, पर सोआ करदी ऐ।”

⁴⁰एस गल्ल उपर ओ मजाक करन लगे, पर ओसने सारें गी बार पेजीयै कूडी दे मा-प्पो ते अपने तरें चेलें गी लेईयै कार दे अन्दर गीया, जिथें कूडी लेटी दी ही,

⁴¹ते ओनें ओस कुड़ी दा अथ्थ पकड़ीयै उसी आखया, “तलीता कूमी!” जेदा मतबल ऐ, “ए बच्ची आऊँ तुगी अखनां ऐं, उठी जा!”

⁴²ते कूडी जकदम उठीयै चलन-फिरन लगी, किके ओ बारा सालें दी ही। ते एस चमत्कार गी दिखियै सारे रांन ओई गै।

⁴³पी ओसने उनेंगी सकती कन्ने उक्म दिता के एस गल्ल दा कुसे गी बी पता नेई चलया, ते आखया, “कूडी गी केछ खाणे आसतै दियो।”