Read Dogri मरकुस 6 Bible Online

मरकुस 6 - Dogri bible

मरकुस 6

¹यीशु कफरनहूम चा निकलियै अपने कार नासरत च आया ते ओदे चेलें ओदे कन्ने चली गै।

²युदियें दे बसां दे देन ओ प्रार्थनाकार च प्रचार करन लगया; ते सारे सुनने आले रांन ओईयै आखन लगे, “इसी ए गल्लां कुथुं दा आईयां? ते ए केडा ज्ञान ऐ जेड़ा इसी दिता गीया ऐ? किन्नें चमत्कार दे कम एदे अथ्थ कन्ने परकट ओदे न?

³के ए ओ काठे दा कम करने आला नेई, जेड़ा मरियम दा पुत्तर ऐ, ते जेड़ा याकूब, योसेस, यहूदा, ते शमौन, दा प्रा ऐ? के ओदीयां पैनां इत्त्थैं साड़े बेच नेई रौंदीयांहां?” एसकरी लोकें ओदा एनकार कित्ता।

⁴यीशु ने उंदे कन्ने आखया, “पविखवक्तें दा अपने शैर, ते अपने रिश्तेदारें च, ते कर गी शुड़ीयै कुतै बी आदर ओन्दा ऐ।”

⁵केछ थुड़े बीमारें गी छुईयै चंगा करने ते उन्दा बश्वास नेई ओनें दे कारन ओ नासरत च कोई चमत्कार दे कम नेई करी सकया।

⁶ते ओसने उन्दे बश्वास नेई करने उपर बडी रांनगी कित्ती, ते आसे-पासे दे ग्रांऐं च जाईयै प्रचार करन लगया।

⁷यीशु बारें चेलें गी अपने कोल बुलाईयै उनेंगी दो-दो करियै पेजन लग्या; ते उनेंगी अशोद्ध आत्मा गी कढने आसतै अख्त्यार दित्ता।

⁸ओनें उनेंगी उक्म दिता, “रस्ते लेई सोटा छुड़ीयै ते केछ नेई लेयो; नां गै रुट्टी, ते नां चोली, नां बटुए च पैसे

⁹लेकन जूतियाँ पाओ, ते दो-दो कोरते नेई लायो, बद कपड़े कन्ने नेई लेयो।”

¹⁰ते ओनें उनेंगी आखया, “जिथें कुतै तोस कुसे कार जागेओ, जेसलै तकर उत्त्थां दा विदा नेई ओ, ओसलै तकर ओस कर गै रुकी रवो।

¹¹जेस जगह दे लोक तुसेंगी नेई बलान ते थुआड़ी नेई सुनन, तोस उत्त्थुं चलदे-चलदे अपने पैरे दे तलें दी तूड़ चाढ़ी उड़यो तां जे उन्दे उपर थुआड़ी गवाही ऊऐ।”

¹²पी उनै जाईयै प्रचार कित्ता के अपना मने गी फेरो,

¹³ते मती सारीयें दोष्टआत्मायें गी कढया, ते मते गै बमारे उपर तेल मलियै उनेंगी चंगा कित्ता।

¹⁴हेरोदेस राजा ने येशु दी चर्चा सुनी, किके ओदा नां फैली गेदा हा, ते हेरोदेस ने सुन्या के, “यूहन्ना पवित्रशनांन देने आला मरें दे बिचा जिन्दा ओई गीया ऐ, एसकरी ओदे थमां ए चमत्कार दे कम परकट ओदे न।”

¹⁵ते केछ लोकें आखया, “ए एलिय्याह ऐ।” ते केछ लोकें आखया, “ओ पविखवक्तें यां पविखबकतां बिचा कुसे एक आला लेखा जेड़े पैलैं ओदे हे।”

¹⁶हेरोदेस राजा ने ए सुनीयै आखया, “जेस यूहन्ना दा सिर मैं कटाया हा, उवै जिंदा ओई गीया ऐ!”

¹⁷हेरोदेस राजा ने अपने प्रा फिलिप्पुस दी करेआली हेरोदियास दे कन्ने ब्याह करी लेया एसकरी यूहन्ना ने हेरोदेस राजा गी आखया हा, “कनून दे मताबक अपने प्रा दी करेआली गी रखना तेरे आसतै ठीक नेई,” ते हेरोदेस राजा ने अपने सपाई पेजीयै यूहन्ना गी पड़काई दिता हा ते जेल च सुट्टी दिता हा।

¹⁸

¹⁹एसकरी हेरोदियास बी ओदे कन्ने नफरत करदी ही ते ए चांदी ही के उसी मरवाई ओड़े; लेकन ऐसा नेई ओई सकया,

²⁰किके हेरोदेस यूहन्ना गी तरमी ते पवित्र मनुक्ख जानियें ओदे कोलां डरदा हा, ते उसी बचाईयै रखदा हा, ते ओदी गल्लां सुनीयै बड़ा कवरांदा हा, पर खुशी कन्ने सुन्दा हा।

²¹जेसलै ठीक मौका आया तां हेरोदेस राजा ने अपने जन्म देन उपर प्रधाने गी, सैना पतियें गी, ते गलील जिले दे खास मानुऐं गी खाणे च बुलाया।

²²ते हेरोदियास दी कूडी हेरोदेस राजा दे कोल आई, ते नचिये हेरोदेस गी ते ओदे साथियें गी खोश कित्ता। पी राजा ने कूडी गी आखया, “तू जे चां मेरे कोलां मंग आऊँ तुगी देगा।”

²³ते ओनें कसम खाईयै उसी आखया, “तू मेरे कोलां जेड़ा केछ बी मंगगी आऊँ तुगी देगा इत्थूं तकर के अपना अध्दा राज बी तुगी देगा।”

²⁴ओनें बार जाईयै अपनी मां गी पूछया, “आऊँ के मंगाँ?” ते ओनें आखया, “यूहन्ना पवित्रशनांन देने आले दा सिर!”

²⁵ओ चट राजा दे कोल आई ते अर्ज करन लगी, “आऊँ चांनी यां के तुं यूहन्ना पवित्रशनांन देने आले दा सिर एक थाल च रखियै हुन गै मिगी देयो।”

²⁶पी राजा बड़ा दूआस ओया, लेकन अपनी कसम दे, ते कन्ने बैठने आलें दे कारन ओस गल्ल गी टाली नेई सकया।

²⁷पी राजा ने तौलेगै एक सिपाए गी उक्म दियै पेजया के ओदा सिर कटी ओड़ो।

²⁸ओनें जेल खाणे च जाईयै ओदा सिर कटाया, ते एक थाल च रखियै अन्दा ते कूडी गी देई दिता, ते कूडी ने अपनी मां गी देई दिता।

²⁹जेसलै यूहन्ना दे चेलें ए सुन्या के ओ मारी ओडया ऐ ते ओ दुखी ओए ते आईयै ओदी लाश गी लेई गै ते उसी एक कब्र च रखया।

³⁰प्रेरित यीशु दे कोल किट्ठे ओईयै, जेड़ा केछ उनै कित्ता ते सखाया हा, सारा केश उसी दसी दिता।

³¹यीशु ने चेलें गी आखया, “तोस लग कुतै कली जगह च जाईयै केछ चेर बसां करी लाओ।” किके उथुन्दा मते लोग आवा जा दे हे, इत्थूं तकर के उनेंगी रुट्टी खानदा बेला नेई मिलदा हा।

³²पी ओ कल्ले गै किशती उपर चढ़ीयै सनसान थार गी चली गै।

³³ते लोकें उनेंगी जंदे दिखी लेया ते पछांनी लेया, ते सारे शैर दे लोक पैदल दौड़ीयै उन्दे कोलां पैलैं गै ओस जगह उपर जाई पूजे।

³⁴उनै उतरीयै बड़ी पीड दिखी, ते यीशु ने उंदे उपर तरस खादा, किके ओ उनै पिड्डें आला लेखा हे, जिन्दा कोई रखवाला नेई हो; ते ओ उनेंगी मती सारीयां गल्लां सखान लगया।

³⁵जेलै धयारे थोड़ा टली गीया ते ओसदे चेलें ओदे कोल आए ते बोलन लग्गे, “ए जगह सुनसान थाह्र ए ते धयारे बड़ा टली गीया ऐ;

³⁶उनेंगी जान दे की आले दोआले दे शैर ते बसतिये च जाईयै अपने खाणे बास्तै केछ मुले लेई सकन।”

³⁷पी ओनें जबाब दिता, “तुस गै इनेंगी केछ खाणे गी देयो!” उनै उसी आखया, “के आसे जाईयै दो-सौ दीनार (एक दीनार मतलब एक ध्याडी दी कमाई) दी रुट्टीयाँ मुलैं लेयाचे ते उनेंगी खाणे लेई देचै?”

³⁸ओनें उनेंगी आखया, “थुआड़े कोल किनीयां रुट्टीयाँ न? जाईयै दिखो।” उनै पता करियै आखया, “पंज-रुट्टीयाँ ते दो मछीयां न।”

³⁹ओस बेलै उनै उनेंगी उक्म दिता के सारे लोकें गी रुट्टी खलान बासतै सैले-सैले काह उपर बीयें उपर बठाओ।

⁴⁰ओ सौ-सौ ते पजा-पजा दी बीयें उपर बैठी गै।

⁴¹ओनें ओस पंज रुट्टीयाँ ते दो मछीयें गी लेता ते सोर्ग आले पासेगी दिखया ते तानवाद कित्ता ते रुट्टीयाँ तोड़ी-तोड़ीयै चेलें गी दिंदा गीया के ओ लोकें गी बंडन, ते ओ दो मछलिया बी ओनें सारे गी बंडी ओड़ीयां।

⁴²ते सारे खाईयै रजी गै।

⁴³ते उनै टुकड़े दियां बारां टोखरियां परियै चुकियां ते केश मछलियां बी।

⁴⁴ते रुट्टी खाणे आले मनुक्खे दी गेनती पंज जार ही ते ईनदे बिच जनानीयें ते बच्चें दी गेनती नेई ही।

⁴⁵पी ओनें तौलै चेलें गी किशती उपर चढ़ने लेई गलाया के ओ उन्दे कोलां पैलैं ओस पार बेतसैदा दे शैर आले पासेगी चली जान, तैलूं तकर ओ लोकें गी विदा करै।

⁴⁶ते जेलै ओनें लोकें गी विदा करी दिता ते ओ पाड़ी उपर प्रार्थना करन लेई चली गीया

⁴⁷ते जेलै शाम ओई ते किशती सागर दे बेच ही, ते ओ जमीना उपर कल्ला हा।

⁴⁸जेलै ओनें उनेंगी बड़ी मुशिकल दे कन्ने किशती च दिखया, किके हवा उन्दे खलाफ चला दी ही, ते रात दे बड्डे पैर दे लग-पग यीशु ओ चील उपर चलदे ओई उन्दे कोल आया।

⁴⁹पर उनै उसी चील उपर चलदे दिखियै ते उनै समझया के पूत ऐ ते ओ करलान लग्गे;

⁵⁰किके ओ सारे उसी दिखियै डरी गै हे। पी ओनें तौलै उन्दे कन्ने गल्लां कित्तियां ते आखया, “जिगरा रखो; आऊँ हां, डरो नेई।”

⁵¹पी ओ उन्दे कन्ने किशती उपर चढ़ी गीया ते अवा थमी गेई; ते ओ मते गै रांन ओए

⁵²ओ ओनें रुट्टिये दे बारै च नेई समझे हे, किके ओ मुट्टे दिमाग आले ओई गेदे हे।

⁵³जेलै ओ ओस पार उतरीयै गन्नेसरत दे कंडै उपर पूजे ते उनै किशती गी गलील दी चील दे कंडै उपर लाई।

⁵⁴ते जेलै ओ किशती बिचा उतरया, ते लोकें ने तौलै उसी पछांनी लेया,

⁵⁵आसे-पासे दे सारै देशै च दौड़े, ते बमारें गी मंजें उपर छडीयै, जिदर-जिदर खबर सुनया कि ओ ऐ, उत्थें-उत्थें लिये फिरे।

⁵⁶ते जिथें बी ओ ग्रांऐं, शैरें च, ते दुई जगै च जन्दा हा, लोक बीमारें गी बाजारे च रखियै ओदे अगें अर्जां करदे हे के ओ उनेंगी अपने कपड़े दी चुक गै छून दे; ते जिन्नें बी उसी छुई लेनदे हे, सारे चंगे ओई जन्दे हे।