Read Dogri मरकुस 7 Bible Online

मरकुस 7 - Dogri bible

मरकुस 7

¹पी फरीसी ते केछ शास्त्री जेड़े यरूशलेम थमां आए दे हे, ओदे कोल किट्ठे ओए,

²ते उनै ओदे केछ चेलें गी अशोद्ध यनिके बगैर अथ्थ तोअते दे रुट्टी खन्दे दिखया।

³(किके फरीसी ते सारे यहूदी, बजुर्गें दी रीति उपर चलदे हे ते जदू तकर ओ अथ्थ नेई तोई लैंदे हे अदूं तकर केछ नेई खन्दे हे;

⁴ते बजार चा आईयै, जदू तकर नाई नेई लैंदे हे, अतुं तकर केछ नेई खन्दे हे; ते ओर बी दुईयां केछ गल्लां न, जेड़ीयां उन्दे कोल मनने लेई पजाईयां गेदियां हां, जियां कटोरे गी, लोटें गी, ते तांबे दे पाण्डें गी तोना ते मांजना)।

⁵एसकरी उनै फरीसियें ते शास्त्रियें उसी पूछया, “तेरे चेलें कि बजुरगें दी रीति रबाजें उपर नेई चलदे, ते बगैर अथ्थ तोते दे रुट्टी खन्दे न?”

⁶ओसने उनेंगी आखया, यशायाह पविख्वकता ने थुआड़े पखंडीयें दे बारै च ठीक हे पविखवाणी कित्ती ऐ, जियां के लिखया ऐ, “ए लोक मुंह थमां तां मेरा आदर करदे न, पर इन्दा मन मेरे थमां दूर रौंदा ऐ।

⁷ए बेफजूल मेरी पगती करदे न, किके मनुक्खें दी शिखया गी तार्मिक सधान्त दे रूप च सखान्दे न।”

⁸“किके तोस परमेसर दे उक्म गी टालियै ते मनुक्खें दी रीतियें गी मनदे ओ।”

⁹ते यीशु ने उनेंगी ए आखया, “तोस अपनी रीतियें गी मनने बासतै परमेसर दे उक्में गी ऐंमें गै टाली ओड़दे ओ, ऐ गल ठीक नी ए

¹⁰किके मूसा ने गलाया ऐ, अपने प्यो ते अपनी मां दा आदर कर, ते जेड़ा कोई मां-प्पे गी बुरा आखघ, ओ पक्का मारी दिता जा।

¹¹पर तोस आखदे ओ, जेकर कोई मनुक्ख अपने प्यो ते अपनी मां गी आखे, मेरे कोलां तुसेंगी जेड़ा केछ फायदा ओई सकदा हा ओ कुर्बान यनिके परमेसर गी देई दिता ऐ,

¹²ते तोस ऐसे मनुक्ख गी उन्दे प्यो या उन्दी मां लेई केछ बी करन नेई दिंदे,

¹³इसै चाली तुसें अपनी रीतियें गी, जिनेंगी तुसें रख्या ऐ, परमेसर दा वचन टाली ओड़दे ओ; ते ऐसे-ऐसे मते सारे कम करदे ओ।”

¹⁴ते ओस बेलै ओनें लोकें गी अपने कोल बलाईयै उंदे कन्ने आखया, “तोस सारे मेरी सुनो, ते समझो

¹⁵ऐसी कोई चीज नेई जेड़ी मनुक्ख गी बाअर दा अंदर जाईयें उसी अशोद्ध करै; लेकन जेड़ी चीज मनुक्ख बिचा बार निकलदी ऐ ओ ऐ, जेड़ी उसी अशोद्ध करदी ऐ।

¹⁶अगर तोस समझना चांदे ओ, तां त्यांन कन्ने सुनो, जे केश आऊँ आखना ऐं।”

¹⁷ते जेलै पीड गी छुड़ीयै ओ कर च आए, ते ओदे चेलें उसी एस मसाल दे बारै च पूछया।

¹⁸ओसने उनेंगी आखया, “के तोस इन्नी बी समझ नेई रखदे? के तोस नेई जांनदे के जेड़ा केछ बार दा मनुक्ख दे अंदर जनदा ऐ, ओ उसी अशोद्ध नेई करी सकदा ऐ?

¹⁹किके ओ ओदे मन च नेई पर ओदे पेट च जन्दा ऐ ते बार निकली जन्दा ऐ।” ए गल्ल आखीयै ओनें सारी रुट्टी ते सब चीजे गी शोद्ध आखया

²⁰पी ओनें आखया, “जेड़ा मनुक्ख बिचा निकलदा ऐ ओ मनुक्ख गी अशोद्ध करदा ऐ।

²¹किके अन्दर थमां यनिके मनुक्ख दे मन थमां बुरे-बुरे वचार, ब्यभिचार, चोरी, अत्या, बुरी नजर कन्ने दिखना,

²²लालच ते दुष्टता दे कम, ते छल, बदचलना, जलन, निंदया, कमंड ते बेबकूफी निकलदी ऐ।

²³ए सारीयां बुरीयां गल्लां मन चा गै निकलदीयां न ते मनुक्ख गी अशोद्ध करदीयां न।”

²⁴पी यीशु ते ओदे चेलें गलील दे जिले चा सूर ते सैदा दे शैर च आए; ते जेलै एक कर च आए ते ओ नेई चान्दे हे के कुसे गी साड़े बारै च पता लगे; पी बी ओ छपी नेई सके।

²⁵लेकन ओदे बारै च सुनीयै एक जनानी जेदी निकी कूडी च अशोद्ध आत्मा ही, ओ तौलै गै आईयै ओदे पैरे च किरी गेई।

²⁶ए जनानी यूनान देश ते सुरूफीनिकी दी रोने आली ही। ओनें उन्दे अगें अर्ज कित्ती के मेरी कूडी बिचा दोष्टआत्मा गी कढी ओड़।

²⁷यीशु ने उसी आखया, “पैलैं बच्चें गी रजी लैंन दे, किके बच्चें दी रुट्टी लेईयै कुत्तें दे अगें सुटना ठीक नेई।”

²⁸लेकन ओनें जबाब दिता, “हां, प्रभु, लेकन मेज दे थलै कुत्तें बी तां बच्चें दे जूठे टुकड़ें उपर पलदे न।”

²⁹यीशु ने उसी आखया, “एस जबाब दे कारन चली जा, दोष्टआत्मा तेरी कूडी बिचा निकली गेई।”

³⁰ते कर आईयै ओनें दिखया के कूडी बिस्तर उपर लेटी दी ऐ ते दोष्टआत्मा ओदे बिचा निकली गेदी ही।

³¹पी ओ सूर ते सैदा दे देशें चा निकलियै दिकापुलिस च ओदे ओई गलील दी चील उपर पूज्या।

³²ते लोकें ओदे कोल एक मानुऐं गी लेयांदा जेड़ा बोला ते थिथा हा, ते उनै अर्ज कित्ती, कि ओ ओसदे उपर अथ्थ रखन।

³³पी ओ पीड चा उसी बखरै लेई गीया, ते अपनी ओगंलियाँ ओदे कन्ने च पाईयां, ते थूकियै ओदी जिभ गी छूता;

³⁴ते सोर्गे गी दिखियै आ परी, ते उसी आखया, “इप्फत्ताह!” जेदा मतलब ए “खुली जा”

³⁵ओदे कन खुली गै, ते जिभ दी गंढ खुली गेई, ते ओ साफ-साफ बोलन लगया।

³⁶पी ओनें उनेंगी उक्म दिता के कुसे गी बी नेई दसयो; लेकन जिनां गै ओ मनां करदा रिया, इनां गै ओ ओदा प्रचार करन लगे।

³⁷सारे लोकें सुनया ते ओ मते रांन ओईयै बोलन लगे, “यीशु ने जेड़ा केछ कित्ता छैल कित्ता ऐ; ओ बोले गी सुनने लेई ते थिथें गी बी बोलन दी शक्ति दिंदा ऐ।”