Read Dogri लूका 10 Bible Online

लूका 10 - Dogri bible

लूका 10

¹पी इनें गल्लें कोलां बाद प्रभु ने सत्तर ओर चेलें सेवा च लाए, ते उनेंगी अपने अगें दो-दो करियै पेजया जिथ्थें ओ अप्पुं जाने आला हा।

²ओनें उनेंगी आखया, “पक्के दे खेतर मते न, लेकन मजदूर थुड़े न, एस आसतै खेतर दे मालक अग्गें अर्ज करो के ओ अपने खेत्रें दी बाडी करन लेई मजदूरें गी पेजै।

³जाओ दिखो, आऊँ तुसेंगी पिड्डें आला लेखा गिदडें च पेजना ऐं।

⁴एस लेई अपने कन्ने नां बटुआ, नां चोली, नां नुकां लिओ, ते रास्ते च कुसे गी नमस्ते बी नेई करयो।

⁵जेस कुसे दे कर च जाओ, पैलैं गलाओं, एस कर दा पला ओ।”

⁶जेकर उत्थें कोई पलाई चाने आला ओग, तां थुआड़ी सीस उनेंगी लगग, नेई तां थुआड़े कोल बापस आई जाग।

⁷उसै कर च रवो, ते जे केछ ओ तुसेंगी खाण लेई देंन उसी गै खाओ ते पीयो, किके मजदूर गी मजदूरी जरुर मिलनी चाईदी ऐ। कर-कर नेई फिरयो।

⁸जेस शैर च जाओ, अगर ओ थुआड़ा सुआगत करन तां जे केछ थुआड़े अगें रखया जा उवैगे खाओ।

⁹उत्थें जेड़ा बीमार ऊऐ उसी चंगा करो ते आखो बोलो, “परमेसर दा राज थुआड़े कोल आई पूजी दा ऐ।

¹⁰लेकन जेस शैर च तोस जाओ ते उत्त्थुं दे लोक थुआड़ा सुआगत नेई करन तां उन्दी गलीयें च जाईयै बोलो,

¹¹थुआड़े शैर दी तूड़ बी, जेड़ी साड़े पैरें च लगी ऐ, असैं थुआड़े सामने चाढ़ी ओड़नयां; पी बी ए जानी लियो के परमेसर दा राज थुआड़े कोल आई पूजया ऐ।”

¹²आऊँ तुसेंगी आखना ऐं के ओस धयाडै ओस शैर दी आलत कोलां सदोम दी आलत जादै सैने दे काबल ओग।

¹³“बसोस खुराजीन! बसोस बेतसैदा! जेड़े चमत्कार दे कम्म तेरे च कित्ते गै न, जेकर ओ सूर ते सैदा च कित्ते जंदे हे तां ओ चिट्टी लेईयै ते सुआ उपर बैठीयै उनै कदुं दा मन फराए दा ओंदा हा।

¹⁴लेकन न्याय दे देन थुआड़ी आलत कोलां सूर ते सैदा दी आलत जादै सैने काबल ओग।

¹⁵ते ए कफरनहूम, के तू सोर्ग तकर उच्चा कित्ता जागा? तू ते नरक तकर थल्लै चली जागा।

¹⁶“जेड़ा थुआड़ी सुनदा ऐ, ओ मेरी सुनदा ऐ; ते जेड़ा तुसेंगी तोच्छ स, समझदा ऐ; ते जेड़ा मिगी तोच्छ समझदा ऐ, ओ मेरे पेजने आले गी तोच्छ समझदा ऐ।”

¹⁷ओ सत्तर चेलें खुशी कन्ने बापस आखन, “ए प्रभु, तेरे नां च दोष्टआत्मायें बी साड़े वस्स च न।”

¹⁸ओनें उनेंगी आखया, “आऊँ शतान गी बिजली मेलकने आला लेखा सोर्ग चा पौंदे दिखा दा हा।

¹⁹दिख्खो, आऊँ तुसेंगी सप्पें ते बिचुयें गी मिन्दनेई ते दुशमनें दी सारी शक्ति उपर अख्त्यार दिता ऐं, एसकरी; कोई आंनी तुसेंगी नेई ओग।

²⁰पी बी एस गल्ल उपर खोश नेई ओयो के दोष्टआत्मायें थुआड़े वस्स च न, लेकन एस गल्ल उपर खोश ओ के थुआड़े नां सोर्ग च लिखे न।”

²¹ओस बेलै ओ पवित्र आत्मा च ओईयै खोश ओया, ते आखया, ए पिता सोर्ग ते तरती दे परमेसर, आऊँ तेरा शुकर करना के तो अकलमन्दें ते समझदारें कोलां तां इनें गल्लें गी गोप्त च रखया, ते बच्चें उपर परकट कित्ता। आं, ए पिता किके तुगी ए छैल लगया।

²²“मेरे पिता ने मिगी सारा केछ सौंपी दिते दा ऐ; ते कोई नेई जानदा के पुत्तर कोन ऐ सेर्फ पिता ते पिता कोन ऐ एबी कोई नेई जानदा सेर्फ पुत्तर ते ओ जेस उपर पुत्तर उसी परकट करना चा।”

²³पी यीशु ने चेलें आली बखी मुड़ीयै बखरै उनेंगी आखया, “तन्न ऐ ओ अख्खीं जेड़ीयां ए गल्लां जिनेंगी तोस दिखदे ओ, दिख्दीयां न

²⁴किके आऊँ थुआड़े कन्ने आखना ऐ के मते सारे पविखवक्तें ते राजे चाया के जेड़ीयां गल्लां तोस दिखदे ओ, लेकन नेई दिखियां; ते जेड़ीयां गल्लां तोस सुनदे ओ, लेकन नेई सुनीयां।”

²⁵ते दिख्खो, एक कनून दा उस्ताद उठया ते ए आखीयै ओसदी परिख्या करन लगया, “ए गुरु, मेशा दी जिंदड़ी दा वारस ओनें लेई आऊँ के करां?”

²⁶ओनें उसी आखया, “कनून च के लिखया ऐ? तू किन्ना पढ़ना ऐ?”

²⁷ओनें जबाब दिता, “तू प्रभु अपने परमेसर कन्ने अपने सारे मन ते अपने सारे प्राण ते अपनी सारी शक्ति ते अपनी सारी अक्ल कन्ने प्यार कर; ते अपने गुआंडी कन्ने अपने आला लेखा प्यार कर।”

²⁸ओनें उसी आखया, “तो ठीक जबाब दिता, इयै कर तां तू मेशा दी जिन्दगी पागा।”

²⁹लेकन ओनें अपने आप गी तरमी समझने दी आस कन्ने यीशु गी पूछया, “तां मेरा गुआंडी कोन ऐ?”

³⁰यीशु ने जबाब दिता, “एक मानु यरूशलेम शैर चा यरीहो शैर गी जा दा हा के डाकुयें केरियै ओदे कपड़े तुआरी दित्ते, ते मारी पीटीऐ उसी अद मुआ छुड़ीयै चली गै।”

³¹ते ऐसा ओया के उसै रस्ते च एक यहूदीयें परोत जा दा हा, ओस उसी दिखिया ते कतराईयै चली गीया।

³²इसै चाली कन्ने एक लेवी ओस जगा उपर आया, ओ बी उसी दिखियै ते कतराईयै चली गीया।

³³लेकन एक सामरी लाकें दा मसाफर उत्थें आई निकलया, ते ओस उसी दिखियै तरस खादा।

³⁴ओनें ओसदे कोल आईयै ओदे जख्मे उपर तेल ते अंगुरें दा रस मलियै पट्टियां बनियाँ, ते अपनी सवारी उपर चढाईयै सराय च लेई गीया, ते ओदी सेवा टैल कित्ती।

³⁵दुए देन ओनें दो दीनार कढीयै सराय दे मालक गी दिते, ते आखया, “एस दी सेवा करयां, ओर जे केश तेरा लगग, ओ आऊँ बापस आईयै तुगी देई देगा।”

³⁶“ऊन तेरी समझ च जेड़ा डाकुयें केरी लेत्ता हा, इनें त्रोनी बिचा ओदा गुआंडी कोन बनया ओग?”

³⁷ओनें आखया, “ऊऐ जेस ने ओस उपर दया खादा।” यीशु ने उसी आखया, “जा, तू बी ऐसा गै कर।”

³⁸जेलै ओदे हे ते ओ एक घरां च आया, ते मार्था नां दी एक जनांनी ने उसी अपने कर च सदया।

³⁹मरियम नां एक ओसदी पैन ही। ओ प्रभु दे चरणें च बैठीयै ओसदा वचन सुनदी ही।

⁴⁰लेकन मार्था सेवा करदी-करदी कबराई गेई, ते ओसदे कोल आईयै आखन लगी, “ए प्रभु, के तुगी कोई बी खोब्ब-ख्याल नेई ऐ के मेरी पैनूं ने मिगी सेवा करन लेई कलीयै छुड़ी दित्ता ऐ? तां एसकरी उसी अख के मेरी मदद करै।”

⁴¹प्रभु यीशु ने जबाब दिता, “मार्था, ए मार्था; तू बड़ी सारी गल्लें लेई चेंता करनी ते कबराई जानी ऐं।

⁴²लेकन एक गल्ल जरुरी ऐ, ते ओस चंगे कम्म गी मरियम ने चुनी लेत्ता ऐ जिसी ओसदे कोलां छुडकाया नेई जाग।”