Read Dogri लूका 12 Bible Online

लूका 12 - Dogri bible

लूका 12

¹इन्नें च जेलै जारें दी पीड लगी गेई, इत्थैं तकर के ओ एक दुए गी दबोची दिंदे हे, तां यीशु सारे कोलां पैलैं अपने चेलें गी गलान लगा, “फरीसियें दे कपटरूपी खमीर कोलां चकने रवो।

²केछ खटा दा नेई, जेड़ा खोलया नेई जाग; ते नेई केछ छपा ऐ, जेसदा पता नेई लगग।

³एसकरी जे केछ तुसें नेहरे च गलाया ऐ, ओ लोई च सुनया जाग; ते जे केश तुसें अन्दर दी कोठरियें च कन्नों कन गलाया ऐ, ओ छतें उपर प्रचार कित्ता जाग।”

⁴ए! मेरे दोस्तो, आऊँ थुआड़े कन्ने आखना ऐं, उन्दे कोलां नेई डरयो जेड़े जांन गी मारी सकदे न ते एसतुं जादै केछ नेई करी सकदे, उन्दे कोलां नेई डरयो।

⁵आऊँ तुसेंगी आखी दिना ऐं के तुसें कोदे कोलां डरना चाईदा, मारने दे बाद जिसी नरक च सुटने दा अख्त्यार ऐ, ओदे कोलां गै डरो; बरना, आऊँ तुसेंगी आखना उसै कोलां डरो।

⁶के दो पैसें कन्ने पंज चिड़ियां नेई बिकदीयां? पी बी परमेसर उन्देचा कुसे एक गी बी नेई पुलदा।

⁷थुआड़े सेर दे सारे बाल बी गिने गेदे न, एसकरी डरो नेई, तोस मती चिड़ीयैं कोलां तो कीमती हो ओ।

⁸जेड़ा कोई मनुक्खें दे सामने मिकी मन्नी लैग, उसी मनुक्ख दा पुत्तर बी परमेसर दे सोर्गदूतें सामने मन्नी लैग।

⁹लेकन जेड़ा मनुक्खें दे सामने मेरा एन्कार करग ओसदा परमेसर दे सोर्गदूतें सामने एन्कार कित्ता जाग।

¹⁰जेड़ा कोई मनुक्ख दे पुत्तर दे खलाफ कोई गल्ल करै, ओसदा ओ पाप माफ़ कित्ता जाग, लेकन जेड़ा पवित्र आत्मा दी निंदया करग, ओसदा पाप माफ़ नेई कित्ता जाग।

¹¹जेलै लोक तुसेंगी प्रार्थनाकारें च ते राजें ते अफ्सरें सामने लेई जान, ते चेंता नेई करयो के अस केस रीति कन्ने या के जबाब देचै, या के आखगे।

¹²किके पवित्र आत्मा ओस कड़ी तुसेंगी सखाई ओड़ग के के आखना ऐ।

¹³पी पीड चा एक कुसे आखया, “ए गुरु यीशु, मेरे प्रा गी बोल के पिता दी जाजास्त मिगी बंडी दे।”

¹⁴ओनें उसी आखया, “ए मानु, कोने मिगी थुआड़ा न्यायी या बंडने आला चुनयां ऐ?”

¹⁵ते ओनें उनेंगी गी आखया, “चकने रवो, ते अर किसम दे फायदे कोलां अपने आप गी बचाई रखो; किके कुसे दा जीनां ओसदी तन-दौलत दे बादे कन्ने नेई ओंदा।”

¹⁶पी ओनें उनेंगी एक मसाल आखी, “कुसे मीर मनुक्ख दी खेती च बड़ी फसल ओई।

¹⁷पी ओ अपने मन च वचार करन लगया, आऊँ के करां? किके मेरे कोल इत्थैं जगा नेई जिथें अपनी फसल किठी करियै रखां।

¹⁸ते ओनें आखया, आऊँ ए करना ऐ के; आऊँ अपनी पखारियाँ त्रोड़ियै उनेंगी बड्डीयां बनागा; ते उत्थें अपना सारा नाज ते ओर चीजां रखगा।

¹⁹ते अपने प्राण गी आख्गा, के प्राण, तेरे कोल मते बरें आसतै बड़ी तन-दौलत रखी ऐ; चैन कर, खा, पी, सूखी रोह।”

²⁰“लेकन परमेसर ने उसी आखया, ए मुर्ख! इसै राती च अगर तेरा प्राण तेरे कोलां लीता जा; पी जे केछ तो किट्ठा कित्ता ऐ ओ कोदा ओग?

²¹ऐसा गै ओ मनुक्ख बी ऐ जेड़ा अपने लेई तन किट्ठा करदा ऐ, लेकन परमेसर दे नजर च मीर नेई।”

²²पी ओनें अपने चेलें गी आखया, “एसकरी आऊँ थुआड़े कन्ने आखना ऐ, के अपने जीनें दी चेन्ता नेई करो के अस के खागे; नां अपने जेंद दी के अस के लागे।

²³किके रुट्टी थमां प्राण, ते कपड़े थमां जेंद बड़ी ऐ।

²⁴कां गी दिख्खो, किके ओ नां रांदे, नां बढदे न; ते नां उन्दे कोल पण्डार ते पणढां ओन्दीयां न; पी बी परमेसर उनेंगी पालदा ऐ। थुआड़ा मोल्ल पैंछीयैं कोलां बड़ा जादै ऐ!

²⁵थुआड़े च ऐसा कोन ऐ जेड़ा चेन्ता करियै अपनी उम्र दी एक कड़ी बी बदाई सकदा ऐ?

²⁶एसकरी जेकर तोस सबनी कोलां निक्का कम्म बी नेई करी सकदे ओ, तां दुई गल्लें दी चेन्ता कि करदे ओ?

²⁷खबलें दे काह दा त्यान करो के ओ कियां बददे न; ओ नेई मेंनत करदे, नां बढदे न; तां बी आऊँ थुआड़े कन्ने आखना ऐ के सुलैमान बी, अपने सारी शानो-शौकत च उंदे बिचा कुसे एक आला लेखा कपड़े लायदे नेई हा।

²⁸एसकरी जेकर परमेसर मदान दे काह गी, जेड़ा अज्ज ऐ ते कल अग्गी च सुटया जाग, ऐसा लांदा ऐ; ते ए कहट विश्वासियों, ओ तुसेंगी कि नेई लुआग?

²⁹ते तोस एस गल्ल दी टूणढ च नेई रवो के, के खागे ते के पीगे, ते नां शक करो।

³⁰किके दुनिया दी जातीयां इनें चीजें दी टूणढ बेच रौंदियां न, ते थुआड़ा पिता जानदा ऐ के तुसेंगी इनें चीजें दी जरुरत ऐ।

³¹लेकन परमेसर दे राज दी टूणढ करो, ते ए चीजां बी मिली जागन।”

³²ए निके चोण्ड, मत डर; किके थुआड़े पिता गी ए अच्छा लगया ऐ, के तुसेंगी राज दे।

³³अपनी तन-दौलत बेचियै दान करो। ते अपने लेई ऐसे बटुए बनाओ जेड़े पराने नेई ओन्दे, मतलब सोर्ग च ऐसा तन किट्ठा करो जेड़ा घटदा नेई, जेदे लागै चोर नेई जंदा, ते नां उसी कीड़ा खंदा।

³⁴किके जिथें थुआड़ा तन ऐ उत्थें थुआड़ा मन बी लगा रौग।

³⁵“थुआड़ा लक कस्से दा रवै ते थुआड़े दीये जल्दे रौन।

³⁶ते तोस ओस मनुक्खें आला लेखा बनो, जेड़े अपने मालक गी बलगा दे ओंन, के ओ कदुं बियाह चा बापस आवा दा ऐ, के जेलै आईयै दरबाजा ठोरै तां फोरन ओदे लेई खोलया जा।

³⁷तन्न न ओ दास जिनेंगी उन्दा मालक आईयै बिजें दे दिखै; आऊँ तुसेंगी सच-सच आखना ऐं के ओ अपना लाक कसीयै उनेंगी पोजन करने गी बठाग, ते कोल आईयै उन्दी सेवा करग।

³⁸अगर ओ रात दे दुए जां त्रिये पैर आईयै उनेंगी बिजें दे दिखै, तां ओ दास तन्न न।”

³⁹“लेकन तोस ए समझो के जेकर कर दा मालक जांनदा उवै के चोर केड़ी घड़ी औग, तां अपने कर बेच चोरी नेई ओना दिंदा।

⁴⁰तोस बी त्यार रवो, किके जेस घड़ी दे बारै च तोस सोचदे बी नेई ओ, ओस बेलै मनुक्ख दा पुत्तर आई जाग।”

⁴¹ओलै पतरस ने आखया, “ए प्रभु, के तू ए मसाल साड़े लेई गै बोला नां ऐ या सारे लोकें लेई?”

⁴²प्रभु ने आखया, ओ वफादार ते समझदार पण्डारी कोन ऐ, जेसदा मालक उसी दासें उपर प्रधान बनांदा के उनेंगी ठीक बेलै उपर पोजन दियां चीजां दे।

⁴³धन्न ऐ ओ दास, जेस गी ओसदा मालक आईयै उसी ऐसा गै करदे दिखै।

⁴⁴आऊँ थुआड़े कन्ने सच आखना ऐं, ओ उसी अपनी सारी जायदाद उपर अख्त्यार दे।

⁴⁵लेकन जेकर ओ दास सोचन लगे के मेरा मालक औने च देर करा दा ऐ, ते दासें ते दासियें गी मारन-पिटन लगे, ते खाणे-पीने ते शराव पीन लगे।

⁴⁶तां ओदा मालक ऐसे धयाडै, जदूं ओ ओसदा एन्तजार नेई करा दा उवै, ते ऐसी कड़ी जिसी ओ जानदा नेई उवै, आई जाग ते उसी बड़ी सजा देईयै ओसदा आक्क गैर वश्वासीयें दे कन्ने रखग।

⁴⁷ओ दास जेड़ा अपने मालक दी मरजी जानदा हा, ते त्यार नेई रिया ते नां ओसदी मरजी दे मताबक चलया, बड़ी मार खाग।

⁴⁸लेकन जेड़ा नेई जानियें मार खाणे दे काबल कम्म करै ओ थुड़ी मार खाग। एसकरी जिसी जादै दित्ता गीया ओदे कोलां जादै पूछया जाग ते जिसी मता सौम्पया गेदा ऐ ओदे कोलां मता लित्ता जाग।

⁴⁹“आऊँ तरती उपर अग्ग लाने गी आया ऐं; ते के चांना ऐ सेर्फ ए के ऊन गै सलगी जा!

⁵⁰मिगी तां एक पवित्रशनांन लेना ऐ, ते जदूं तकर ओ नेई ओई जा अतुं तकर आऊँ कियां दोख च रौगा।

⁵¹के तोस समझदे ओ के आऊँ तरती उपर मलाप कराने आया ऐं? आऊँ तुसेंगी आखना ऐं; नेई, लेकन बख कराने गी आया ऐं।

⁵²किके ऊन थमां अर एक कर च पंज जनें अप्पुं पिछें वरोध करगन, त्रै दो कन्ने ते दो त्रै कन्ने।

⁵³पिता पुत्तर कन्ने, ते पुत्तर पिता कन्ने वरोध करग; मां कूडी कन्ने, ते कूडी मां कन्ने, सास नूह कन्ने, ते नूह ससु कन्ने वरोध करग।”

⁵⁴ते यीशु ने लोकें दी पीड गी आखया, “जेलै तोस बदल गी करोंदी बखी दा निकलदे दिखदे ओ, के बरखा ओग, तां ऐसा गै ओंदा दा ऐ;

⁵⁵ते जेलै दखन आली अवा चलदी दिखदे ओ तां बोलदे कि लूह चलग, ते ऐसा गै ओंदा ऐ।

⁵⁶ए कपटीयों, तोस तरती ते अम्बर दे रूप-रंग दा पेद करी सकदे ओ, लेकन एस योग दे बारै च कि पेद करना नेई जांनदे?”

⁵⁷“तोस अप्पुं गै फैसला कि नेई करी लेनदे कि ठीक के ऐ?

⁵⁸जेलै तू अपने दुश्मन कन्ने न्यायीधीश दे कोल जा दा ऐं तां रस्ते च गै ओस कोलां छोड़कने दी कोष्ट करी लै, ऐसा नेई उवै के ओ तुगी न्यायी दे कोल खिची लेई जा, ते न्यायी तुगी सपाई गी सौंपी ते सपाही तुगी कैदखाने च सुट्टी दे।

⁵⁹आऊँ थुआड़े कन्ने आखना ऐ के जेसलै तकर तू पाई-पाई चकाई नेई देगा अतुं तकर उत्त्थुआं दा छोड़की नेई सकगा।”