Read Dogri लूका 16 Bible Online

लूका 16 - Dogri bible

लूका 16

¹पी ओनें अपने चेलें कन्ने बी आखया, “कुसे मीर मनुक्ख दा एक पण्डारी हा, ते लोकें ओसदे सामने पणडारी उपर ए कसुर लाया के ओ तेरी सारी जायदाद डुआई ओडदा ऐ।

²ओनें उसी बलाईयै आखया, ए के ऐ जेड़ा आऊँ तेरे बारै च सुना नां ऐं? अपने पण्डारीपन दा लेखा दे, किके तू अगें गी तू पण्डारी दा कम्म नेई करी सकदा।

³ओस बेलै पण्डारी सोचना लगया, ऊन आऊँ के करा? किके मेरे माल्क ने ऊन पण्डारी दा कम्म मेरे कोलां लेई लेत्ता ऐ। मिट्टी दी गोड्डी मेरे कोलां ओंदी नेई; ते पेख मंगने दी मिगी शरम ओंदी ऐ।

⁴आऊँ समझी गीया के के करगा, जेलै पण्डारी दा कम्म मेरे कोलां छुड़काया जाग तां लोक मिगी अपने कर सदगन।”

⁵पी ओनें अपने मालक दे देनदारें चा एक-एक गी बलाईयै, पैले गी पूछया, “तेरे उपर मेरे मालक दा किन्ना कर्जा ऐ?

⁶ओनें आखया, सौ मन तेल, पी ओनें उसी आखया, अपना बेई खाता लै ते बैठीयै फोरन पंजा लिखी ओड़।

⁷पी ओनें दुए गी पूछया, तेरे उपर किन्ना कर्जा ऐ? ओनें आखया, सौ मन[2] कनक, पी ओनें उसी आखया, अपनी बेई खाता लेईयै इसी लिखी ओड़।”

⁸मालक ने ओस बेन्यायी पण्डारी दी तरीफ कित्ती, के ओनें चलाकी कन्ने कम्म कित्ता ऐ। किके एस दुनिया दे लोक अपने बे लेदे दे लोकें कन्ने रीति बर्तायो च लोई दे लोकें कोलां जादै चलाक न।

⁹ते आऊँ तुसेंगी आखना ऐं के बेईमानी दे तन थमां अपने लेई दोस्त बनाई लियो, तां के जेलै ओ कामजाब नेई ओग, तां ओ तुसेंगी मेशा दी रौने आली जगें च लेई ले।

¹⁰जेड़ा निक्की थमां निक्की गल्लें च सच्चा ऐ, ओ मतीयें च बी वफादार ओई सकदा ऐ; ते जेड़ा निक्की थमां निक्की गल्लें च बेईमान ऐ, ओ मतीयें च बी बेईमान गै।

¹¹एसकरी जेलै तोस दुनिया दे तन च मानदार नेई रे, तां सच्चा तन कोन तुसेंगी सोम्पग?

¹²ते जेकर तोस पराये तन च मानदार नेई रे तां जेड़ा थुआड़ा ऐ, उसी तुसेंगी कोन देग?

¹³“कोई दास दो माल्कें दी सेवा नेई करी सकदा, किके ओ तां एक कन्ने बैर ते दुए कन्ने प्यार करग; जां एक कन्ने मेल बेच रौग ते दुए गी तोच्छ समझग। तोस परमेसर ते तन दौनी दी सेवा नेई करी सकदे।”

¹⁴फरीसी जेड़े लालची हे, ए सारीयां गल्लां सुनीयै यीशु दा मजाक ढूआन लगे।

¹⁵ओनें उनेंगी आखया, “तोस तां मनुक्खें दे सामने अपने आप गी तरमी बनादे ओ, लेकन परमेसर थुआड़े मन गी जाचदा ऐ, किके जेड़ी उजाड़ने आली चीज मनुक्खें दी नजर च वड्डी ऐ, ओ परमेसर दे कोल केछ बी नेई ऐ।”

¹⁶यूहन्ना तकर कनून ते पविखवक्ता असरदार रे; ओस बेलै दा परमेसर दे राज दा शोभ समाचार सनाया जा दा ऐ, ते अर कोई ओस बेच जोर कन्ने दाखल ओंदा ऐ।

¹⁷अम्बर ते तरती दा टली जाना कनून दे एक बिन्दु मिटी जाने च सेई ऐ।

¹⁸“जेड़ा कोई अपनी जनानी गी छूडीऐ दुई कन्ने बियाह करदा ऐ, ओ ब्यभिचार करदा ऐ, ते जेड़ा कोई ऐसी त्यागी ओई जनांनी कन्ने बियाह करदा ऐ, ओ बी ब्यभिचार करदा ऐ।”

¹⁹“एक मानु हा जेड़ा बैंजनी कपड़े ते मलमल पांदा ते अर देन सोख-वलास ते दूम-ताम कन्ने रौंदा हा।

²⁰लाजर नां दा एक गरीब जख्मे च प्रा ओसदी डेवढ़ी उपर छुड़ी दिता जन्दा हा,

²¹ते ओ चांदा हा के मीर मनुक्ख दी मेज उपरा किरे दे जूठी रुट्टी कन्ने अपना टेढ परै; इत्थैं तकर के कुत्ते बी आईयै ओसदे जख्मे गी चटदे हे।”

²²ऐसा ओआ के ओ गरीब मरी गीया, ते सोर्गदूतें उसी लेईयै अब्राहम दी गोद च पजाया। ओ मीर मानु बी मरेया ते ओदा संसकार कित्ता गीया,

²³ते नरक च ओ पीडै पेदे अपनी अखीयाँ चुकियां, ते दूर थमां अब्राहम दी गोद च लाजर गी दिखया।

²⁴ओसलै ओनें पुकारया, “ए पिता अब्राहम, मेरे उपर दया कर लाजर गी पेजी दे, ताके ओ अपनी उंगली दा सिरा पानी च डोबियै मेरी जिभ गी ठंडा करग, किके आऊँ एस ज्वाला च तड़फा नां ऐं।”

²⁵लेकन अब्राहम ने आखया, “ए, पुत्तर जाद कर के तू अपने जीनें दे बेलै च खरी चीजें दा मजा लेई चुके दा ऐं, ते इयां गै लाजर माडियां चीजां लेकन ऊन ओ इत्थैं शान्ति च रवा दा ऐ, ते तू तड़फा नां ऐ।

²⁶इन्नें सारी गल्लें गी छुड़ीयै साड़े ते तेरे बेच एक वड्डी खाई बनी गेदी ऐ के जेड़ा इत्थूं दा ओस पार थुआड़े कोल जाना चा, ओ जाई नेई सकै; ते नां कोई उत्त्थुं दा एस पार साड़े कोल आई सकै।

²⁷ओनें आखया, तां पिता आऊँ तेरे अगें अर्ज करना ऐं के तू लाजर मेरे पिता दे कर पेज,

²⁸किके मेरे पंज प्रा न; ओ उन्दे सामने इनें गल्लें लेई उनेंगी ठाकै, ऐसा नेई उवै के ओ बी एस पीड़ा दी जगा च औंन।”

²⁹अब्राहम ने उसी आखया, “उन्दे कोल तां मूसा ते पविखवक्तें दियां कताबां न, ओ उन्दी सुनन ते मनन।”

³⁰ओनें आखया, “नेई, ए पिता अब्राहम; अगर कोई मरें दें बिचा उन्दे कोल जा, ते ओ मन फेरगन।”

³¹ओनें उसी आखया, “जेलै ओ मूसा ते पविखवक्तें दी नेई सुनदे, जेकर मरें दे बिचा कोई जिन्दा बी ओई जा फेर बी ओसदी नेई मनगन।”