Read Dogri लूका 17 Bible Online

लूका 17 - Dogri bible

लूका 17

¹पी ओनें अपने चेलें गी आखया, “ओई नेई सकदा के पाप करने दियां परिख्या तुसेंगी नेई औगन, पक्का औगन, पर बसोस ओस मानु उपर ए जेसदे कारन औन्दीयां न

²जेड़ा इनें नीक्कें बिचा कुसे एक गी ठोकर दिन्दा ऐ, ओस लेई ए पला ऐ के चक्की दा पटा ओदे गल्लें च लटकाया जा, ते ओ समुद्र च सुटया जा।

³सावधान रवो; जेकर तेरा प्रा पाप करै तां उसी चेडक, ते जेकर पछता तां उसी माफ़ कर।

⁴जेकर धयाडै भर च ओ सत बारी तुगी ठोकर दे ते सत बारी गै तेरे कोल पी आईयै आखे के, आऊँ पछाताना ऐं, तां उसी माफ़ कर।”

⁵पी प्रेरितें प्रभु गी आखया, साड़ा बश्वास बदा।

⁶प्रभु ने आखया, “जेकर तुसेंगी सरयें दे दाने दे बराबर बी बश्वास ओंदा, तां तोस एस शैतूत दे बूट्टे गी बोलदे के जड़ समेद उखड़ियै समुद्र च लगी जा, तां ओ थुआड़ी मनी लेनदा।”

⁷“पर थुआड़े बिचा ऐसा कोन ऐ, जेसदा दास हल बांदा जां पिड्डां चारदा उवै, ते जेलै ओ खेतर चा अवै, ते उसी आखे, फोरन आईयै पोजन करन लेई बैठ?”

⁸के ओ उसी नेई आखघ, “मेरी रुट्टी त्यार कर, ते जे जेलै तकर आऊँ खां-पीयां ओलै तकर लक्क बनिए मेरी सेवा कर; एस दे बाद तू बी खाई पी लेयां?”

⁹के ओ ओस दास दा सान मनग के ओनें ओ गै कम्म कित्ते जिंदा उक्म दिता गेदा हा?

¹⁰इसै तरीके तोस बी, जेलै ओनें सारे कम्में गी करी चुको जिंदा उक्म तुसेंगी दिता गेदा हा, ते बोलो, “अस नकमें दास न; के जे असैं करना चाईदा हा उवै कित्ता ऐ।”

¹¹ते ऐसा ओया के यीशु ते ओदे चेलें यरूशलेम जंदे सामरिया ते गलील जिले दे बिचें जा दे हे।

¹²ते कुसे घरां च पूजदे बेलै उसी दस कोढ़ी मिले।

¹³उनै दूर खडोईयै उच्ची बाज बेच आखया, “ए यीशु, ए गुरु, साड़े उपर दया कर!”

¹⁴ओनें उनेंगी दिखियै आखया, “जाओ, ते अपने आप गी याजकें गी दसो।” ते जंदे-जंदे गै ओ शोद्ध ओई गै।

¹⁵पी उन्दे बिचा एक ए दिखियै के आऊँ चंगा ओई गीया ऐं, उच्ची बाज कन्ने परमेसर दी मैमा करदा ओई चली गीया;

¹⁶ते यीशु दे पैरें उपर मुंह दे पार पेईयै ओसदा शुकर करन लगया; ते ओ सामरी हा।

¹⁷एस दे उपर यीशु ने आखया, “के दसे दे दस शोद्ध नेई ओए, तां पी ओ नौ कुत्थें न?

¹⁸के एस परदेसी गी छुड़ीयै ओर कोई नेई निकलया जेड़ा परमेसर दी सिफत करदा ऐ?”

¹⁹पी ओनें उसी आखया, “उठीयै चली जा; तेरे बश्वास ने तुगी चंगा कित्ता ऐ।”

²⁰जेलै फरीसियें उसी पूछया के परमेसर दा राज कदुं औग? ते ओनें उनेंगी जबाब दिता, “परमेसर दा राज परकट रूप च नेई ओंदा।

²¹ते लोक ए नेई आखन के, दिख्खो, इत्त्थैं ऐ, जां उत्थें ऐ। किके दिख्खो, परमेसर दा राज थुआड़े बेच ऐ।”

²²पी ओनें चेलें गी आखया, “ओ देन औने न, जिन्दे च तोस मनुक्ख दे पुत्तर दे धयाडें च एक देंन गी दिखना चागे, ते नेई दिखी सकगे।

²³लोक तुसेंगी बोलगन, दिख्खो, उत्थें ऐ! जां दिख्खो, इत्त्थैं ऐ! लेकन तोस उनेंगी दिखियै उन्दे पिछें नेई चली जायो।”

²⁴किके जियां बिजली अम्बर दे एक पासे थमां दुए पासेगी मेलकदीयै, इयां गै मनुक्ख दा पुत्तर बी अपने ओ देंन च परकट ओग।

²⁵लेकन पैलैं जरुरी ऐ के ओ बड़ा कष्ट चेलग, ते एस योग दे लोक उसी तोच्छ समझन।

²⁶जियां नूह दे धयाडें च ओया हा, उयांगै मनुक्ख दे पुत्तर दे धयाडें च बी ओग।

²⁷जिनैं देंन तकर नूह चाज उपर नेई चढ़या, उनै देंन तकर लोक खन्दे-पिन्दे ते ऐश करदे रे हे, ते उन्दे च बियाह शादीयां ओदीयां हां। उसै बेलै जल-प्रलय ने आईयै ओनें सारें गी नाश कित्ता।

²⁸ते जियां लूत दे धयाडें च ओया हा के लोक खन्दे-पिन्दे, लैंन-देन करदे, बूट्टे लांदे ते कर बनांदे हे;

²⁹लेकन जिस देन लूत सदोम चा निकलया, उसै देन अग्ग ते गन्धक अम्बर बरें ते सारें गी नाश करी दिता।

³⁰मनुक्ख दे पुत्तर दे परकट ओनें दे देन बी इयां गै ओग।

³¹“ओस देन जेड़ा छत उपर ओग ते ओस दियां चीजां कर च ओगन, ओ उनेंगी लेने लेई नेई उतरन; ते इयां गै जेड़ा खेतर च ओग ओ पिछें गी बापस नेई अवै।

³²लूत दी करेआली दा चेता करो!

³³जेड़ा कोई अपना प्राण बचाना चाग ओ उसी मुआग, ते जेड़ा कोई उसी मुआग ओ उसी बचाई लैग रखग।

³⁴आऊँ तुसेंगी आखना ऐं, ओस रात दो मनुक्ख एक खट उपर ओगन; एक लेई लेता जाग ते दुआ छुड़ी दिता जाग।

³⁵दो जनांनीयां चक्की च दाने पीयादियां ओगन, एक लेई लेती जाग ते दुई छुड़ी दिती जाग।

³⁶दो जन खेतर च ओगन, एक लेई लेता जाग ते दुआ छुड़ी दिता जाग।”

³⁷ए सुनीयै उनै उसी पूछया, “ए प्रभु ए कुत्थें ओग?” ओनें उनेंगी आखया, “जिथें लाश ओग, उत्थें गिदड किट्ठे ओगन।”