Read Dogri लूका 18 Bible Online

लूका 18 - Dogri bible

लूका 18

¹पी ओनें एस दे बारै च के लगातार प्रार्थना करना ते इम्त नेई छुड़ना चाईदी, उनेंगी ए मसाल सनाई;

²“कुसे शैर च एक न्यायी रौंदा हा, जेड़ा नां परमेसर कोलां डरदा हा ते नां कुसे मनुक्ख दी परवाह करदा हा।

³उसै शैर च एक विधवा बी रौंदी ही, जेड़ी ओदे कोल आई-आईयै बोलदी ही, मेरा न्याय चुकाईयै मिगी मुदृई कोलां बचा।”

⁴ओसने कन्ने चेर तकर तां नेई मनयां लेकन खीरी च मन च वचार करियै आखया, “इयां बी आऊँ नेई परमेसर कोलां डरदा, ते नां मनुक्खें दी केछ परवाह करना ऐं;

⁵पी बी ए विधवा मिगी सतान्दी रौंदी ऐ, एसकरी आऊँ ओसदा न्याय चुकाना, कुतै ऐसा नेई उवै के ओ कड़ी-कड़ी आईयै खीरी च मेरे नक च दम करदे।”

⁶प्रभु ने आखया, “सुनो, के ए अतरमी न्यायी के आखदा ऐ?

⁷के परमेसर अपने चुने दे लोकें दा न्याय नेई चुकाग, जेड़े रात-देन ओदी दुहाई दिन्दे रौंदे? ते के ओ उन्दे बारै च चेर लाग?

⁸आऊँ तुसेंगी आखना ऐं, ओ फोरन उन्दा न्याय चुकाग। पी बी मनुक्ख दा पुत्तर जेसलै औग, तां के उसी तरती उपर किनेंग बश्वास लबगन?”

⁹ओनें उन्दे कन्ने आख्या जेड़े अपने उपर परोसा रखदे हे, के अस तरमी न, ते दुए गी तोच्छ समझदे हे, ए मसाल बोली;

¹⁰“दो मानु मंदर च प्रार्थना करने लेई गै; एक फरीसी ते दुवा चुंगी लेने आला हा।

¹¹फरीसी खडोईयै अपने मन च इयां प्रार्थना करन लगया, ए परमेसर, आऊँ तेरा शुकर करना ऐं के आऊँ दुवे मनुक्खें आला लेखा न्हेरा करने आला, बेन्यायी ते व्यभिचारी नेई, ते नां एस चुंगी लेने आले आला लेखा ऐं।

¹²आऊँ अफ्ते च दो बार उपवास रखना ऐं; आऊँ अपनी सारी कमाई दा दसवाँ ऐसा बी दिना ऐं।”

¹³“लेकन चुंगी लेने आले ने दूर खड़े ओईयै, सोर्ग आली पासेगी नजर तकर नेई देना चाई, लेकन अपनी छाती पीटी-पिटीयै आखया, ए परमेसर, आऊँ पापीयै उपर दया कर!

¹⁴आऊँ तुसेंगी आखना ऐं के ओ दुवा नेई, लेकन उवै मानु तरमी बनयां ते ओ अपने कर गीया; किके जेड़ा कोई अपने आप गी बड़ा बनाग, ओ निक्का कित्ता जाग; ते जेड़ा अपने आप गी निक्का बनाग, ओ बड़ा कित्ता जाग।”

¹⁵पी लोक अपने बच्चें गी बी यीशु दे कोल आननां लगे के ओ उन्दे उपर अथ्थ रखै; लेकन चेलें दिखियै उनेंगी निखरयां।

¹⁶यीशु ने बच्चें गी कोल बलाईयै आखया, “बच्चें गी मेरे कोल औना दियो, ते उनेंगी मन्ना नेई करो किके परमेसर दा राज इन्दे जियां दा गै।

¹⁷आऊँ तुसेंगी सच आखना ऐं के जेड़ा कोई परमेसर दे राज गी बच्चें आला लेखा कबूल नेई करग ओ सोर्ग च कदें बी दाखल नेई ओई सकग।”

¹⁸यहूदीयें दे कुसे प्रधान ने उसी पूछया, “ए पले गुरु, मेशा दी जिंदड़ी दा आक्दार ओनें लेई आऊँ के करां?”

¹⁹यीशु ने उसी आखया, “तू मिगी पला कि आखना ऐं? कोई पला नेई, सेर्फ एक, मतलब परमेसर।

²⁰तू उकमें गी तां जानना ऐं; ब्यभिचार नेई करना, अत्या नेई करनी, ते चोरी नेई करनी, चुठी गवाही नेई देनी, अपने पिता ते अपनी मा दा आदर करना।”

²¹ओनें आखया, “आऊँ तां इनें सारीयें गल्लें गी बचपन थमां मनदा आया ऐं।”

²²ए सुनीयै यीशु ने उसी आखया, “तुगी ऊन बी एक गल्ल दी कमी ऐ, अपना सारा केछ बेचियै गरीबें गी बंडी दे; ते तुगी सोर्ग च तन मिलग, ते आईयै मेरे पिछें आई जा।”

²³ओ ए सुनीयै मता दूआस ओया, किके ओ बड़ा तनी हा।

²⁴यीशु ने उसी दिखियै आखया, “मीर मनुक्ख दा परमेसर दे राज बेच दाखल ओना किन्ना मुश्किल ऐ।

²⁵परमेसर दे राज बेच मीर मनुक्ख दा दाखल ओनें थमां, ऊंट गी सूई दे नके बिचें निकलना सौखा ऐ।”

²⁶ए गल्ल सुनने आलें आखया, “ते पी कोस दा उद्धार ओई सकदा ऐ?”

²⁷ओनें आखया, “जेड़ा मनुक्ख थमां नेई ओई सकदा ओ परमेसर थमां ओई सकदा ऐ।”

²⁸पतरस ने आखया, “देख्ख, अस तां कर-बार छुड़ीयै तेरे पिछें ओई गेदे न।”

²⁹ओनें उनेंगी आखया, “आऊँ तुसेंगी सच आखना ऐं के ऐसा कोई नेई जिन्नें परमेसर दे राज लेई कर, जां जनानी, जां प्रा, जां मा-प्यो, जां बाल-बच्चें गी छोड़ी दिता उवै;

³⁰ते एस बेलै कई गुणा जादै नेई थोग ते औने आले योग च मेशा दी जिंदड़ी।”

³¹पी ओनें बारें चेलें गी कन्ने लेईयै उनेंगी आखया, “दिख्खो, अस यरूशलेम गी जा नियां न, ते जिन्नीयां गल्लां मनुक्ख दे पुत्तर लेई पविखवक्तें थमां लिखीयां गेदियां न, ओ सब पूरीयां ओगन।

³²किके ओ दुई जातीयें दे अथ्थ च सौम्पया जाग, ते ओ उसी मजाक बेच उड़ागन गै; ते उसी बे इज्जत करगन, ते ओसदे उपर थूकगन,

³³ते उसी कोड़े मारगन, ते मारी ओडगन; ते ओ तेन दिने बाद जिन्दा ओई जाग।”

³⁴लेकन चेलें इनें गल्लें बिचा कोई गल्ल नेई समझी; ते ए गल्ल उन्दे कोलां छपी दी रेई, ते जे गलाया गीया हा ओ उन्दे समझ बेच नेई आया।

³⁵जेलै यीशु ते ओदे चेलें यरीहो दे कोल पूजे, तां एक अन्नां सड़क दे कंडै बैठिऐ पेख मंगा दा हा।

³⁶ओ पीड दे चलने दी बाज गी सुनीयै पूछन लगा, “ए के ओआ दा ऐ?”

³⁷उनै उसी दसया, “यीशु नासरी जा दा ऐ।”

³⁸पी ओनें पकारीयै आखया, “ए यीशु, दाऊद दे पुत्तर, मेरे उपर दया कर!

³⁹जेड़े अगें-अगें जा दे हे, ओ उसी चेडकन लगे के चोप्प रो; लेकन ओ तां ओर बी क्र्लानां लगया, ए दाऊद दे पुत्तर, मेरे उपर दया कर!”

⁴⁰पी यीशु ने खडोईयै उक्म दिता के उसी मेरे कोल लेई आओ, ते जिसलै ओ कोल आया ते ओनें उसी पूछया,

⁴¹“तू के चांना ऐं के आऊँ तेरे बास्तै करां?” ओनें आखया, “ए प्रभु, ए के आऊँ दिखन लगां।”

⁴²यीशु ने उसी आखया, “दिखन लगी पो; तेरे बश्वास ने तुगी चंगा करी दिता ऐ।”

⁴³पी ओ फोरन दिखन लगया ते परमेसर दी मैमा करदा ओई ओसदे पिछें ओई गीया; ते सारें लोकें दिखियै परमेसर दी स्तुति कित्ती।