Read Dogri लूका 19 Bible Online

लूका 19 - Dogri bible

लूका 19

¹यीशु ते ओदे चेलें यरीहो बिचें ओईयै शैर गी जा दे हे।

²उत्थें जक्कई नां दा एक मानु हा, जेड़ा चुंगी लेने आलें दा प्रधान ते तनी हा।

³ओ यीशु गी दिखना चांदा हा के ओ केडा ऐ। लेकन पीड दी बजा कन्ने ओ नेई दिखी सकया, किके ओ नाटा हा।

⁴ते उसी दिखन लेई ओ अगें दौडीयै एक गुलर दे बूट्टे उपर चढ़ी गीया, किके यीशु उसै रस्ते जाने आला हा।

⁵जेलै यीशु ओस जगह पूजया, ते उपर नजर मारीयै उसी आखया, ए जक्कई, चट उतरी आ; किके अज्ज मिगी तेरे कर च रौना जरुरी ऐ।

⁶ओ फोरन उतरीयै खुशी कन्ने उसी अपने कर लेई गीया।

⁷ए दिखियै सारे लोक कुड्कुडाईयै आखन लगे, “ए तां एक पापी मानु दे कर प्रोना बनियै गीया ऐ।”

⁸जक्कई ने खड़े ओईयै प्रभु गी आखया, “ए प्रभु, देख्ख, आऊँ अपनी अध्दी दौलत गरीबें गी देई दिना, ते जेकर मैं कुसे दा केछ बेन्यायी करियै लेत्ता ऐ तां उसी चारगुना पी देई ओड़ना।

⁹ओस बेलै यीशु ने उसी आखया,” अज्ज एस कर च उद्धार आया ऐ, एसकरी के एबी अब्राहम दा एक पुत्तर ऐ।

¹⁰किके मनुक्ख दा पुत्तर गुआचें दें गी तुपन ते उनेंगी बचाने लेई आया ऐ।

¹¹जेलै ओ ए गल्लां सुना दे हे, ते ओनें एक मसाल बेच आखया, एसकरी के ओ यरूशलेम दे कोल हा, ते ओ समझदे हे के परमेसर दा राज ऊन परकट रूप च औने आला ऐ।

¹²खीरी च ओनें आखया, “एक तनी मानु दूर देश च गीया के अपने लेई राज पद्द पाईयै बापस औग।

¹³ओनें अपने दासें बिचा दस गी बलाईयै उनेंगी दस मोरां [3] दितीयां ते उनेंगी आखया, मेरे बापस औने तकर लैंन-देन करयो।”

¹⁴लेकन ओसदे शैर दे रौने आले ओदे कन्ने बैर रखदे हे, ते ओदे पिछें दूतें कन्ने आखी पेजया, “के अस नेई चांदे के ए साड़े उपर राज करै।”

¹⁵“जेलै ओ राज पद्द पाईयै बापस आया, तां ऐसा ओया के ओनें अपने दासें जिन्नें गी ओनें तन दिता हा बुलाया, तां के पता करै के उनै किन्ना-किन्ना तन कमाया।”

¹⁶ओस बेलै पैले ने आईयै आखया, “ए मालक, तेरी मोरें कन्ने दस मोरां ओर कमाई न।”

¹⁷ओनें उसी आखया, तन्न, ए अच्छे दास, तू मते गै थूड़ें च मानदार निकलया ऊन दस शैरें उपर अख्त्यार रख।

¹⁸दुए ने आईयै आखया, ए मालक, तेरी मोरें कन्ने पंज ओर मोरां कमाईयां।

¹⁹ओनें उसी आखया, तू बी पंजें शैर उपर अख्त्यार रख।

²⁰त्रिऐ ने आईयै आखया, “ए मालक, देख्ख तेरी मोर ए ऐ, जिसी मैं कपड़े च बन्नीयै रखे दा हा।

²¹किके आऊँ तेरे कोलां डरदा हा, एसकरी के तू कठोर मानु ऐं; जेड़ा तू नेई रखदा उसी चुकी लेना ऐं, ते जेड़ा तू नेई रांदा, उसी बढना ऐ।”

²²ओनें उसी आखया, “ए दुष्ट दास, आऊँ तेरे गै मुंह थमां तुगी कसुरबार आखना ऐं। तू मिगी जानदा हा किके आऊँ कठोर मनुक्ख ऐं, जेड़ा आऊँ नेई रखदा उसी चुकी लेना ऐं, ते जेड़ा आऊँ नेई रांना उसी बड्डना ऐं;

²³ते तो मेरे रूपये बेंक दे बेच कि नेई रखी दिते के आऊँ आईयै ब्याज समेत लेई लैंदा हा।

²⁴ते जेड़े लोक कोल खडोते दे हे, ओनें उनेंगी आखया, ओ मोरां ओसदे कोलां लेई लियो, ते जेसदे कोल दस न उसी देई ओड़ो।”

²⁵उनै उसी आखया, “ए मालक, ओसदे कोल दस मोरां ते ऐ न।”

²⁶आऊँ तुसेंगी आखना ऐं के, “जिन्दे कोल ऐ, उसी ओर दिता जाग; ते जिसदे कोल नेई ऐ, ओसदे कोल ओ बी जेड़ा ओसदे कोल ऐ लेई लेता जाग।

²⁷लेकन मेरे ओनें बैरीयें गी जेड़े नेई चांदे हे के आऊँ उन्दे उपर राज करां, उनेंगी इत्त्थैं लयाईयै मेरे अगें मारी ओड़ो।”

²⁸ए गल्लां बोलियै ओ यरूशलेम गी अपने चेलें दे अगें-अगें गीया।

²⁹ते जेलै ओ जैतून नां दे पाड़ उपर बैतफगे ते बैतनिय्याह दे कोल पूजया, ते ओनें अपने चेलां बिचा दों गी ए बोलियै पेजया,

³⁰“सामने आले घरां च जाओ; ते उत्थें पूजदे गै एक गदही दा बच्चा जेसदे उपर कदें बी कोई सवार नेई ओया, बनें दा तुसेंगी मिलग, उसी खोलियै लेई आओ।

³¹जेकर कोई तुसेंगी पूछै के कि खोलदे ओ, तां ए बोली ओड़या के प्रभु गी एस दी जरुरत ऐ।”

³²जेड़े पेजे गै हे, उनै जाईयै जियां ओनें उनेंगी गलाया दा हा, उयांगै ओ गदही दा बच्चा लबा।

³³जेलै ओ गदही दे बच्चे दी खोलां दे हे, तां ओदे मालकें पूछया, “एस बच्चे गी कि खोलदे ओ?”

³⁴उनै आखया, “प्रभु गी एस दी लोड ऐ।”

³⁵ओ उसी यीशु दे कोल लेई आए, ते अपने कपड़े ओस गदही दे बच्चे उपर पाईयै यीशु गी ओसदे उपर बैठाई दिता।

³⁶जेलै यीशु जा दा हा, तां लोक अपने कपड़े रस्ते च बछांनदे जनदे हे।

³⁷ते कोल औंदे ओई जेलै ओ जैतून पाड दी टलांन उपर पूजया, ते चेलें दी सारा जथा उनै सारे चमत्कार दे कम्में दे कारन जेड़े उनै दिखे दे हे, खोश ओईयै उच्ची बाज कन्ने परमेसर दी स्तुति करन लगे,

³⁸“धन्न ऐ ओ राजा, जेड़ा प्रभु दे नां बेच ओंदा ऐ! सोर्ग च शान्ति ते अम्बर बेच ओदी मैमा उवै!”

³⁹पी लोकें बिचा केछ फरीसी उसी बोलन लगे, “ए गुरु, अपने चेलें गी चोप्प करा।”

⁴⁰ओनें जबाब दिता, “आऊँ तुसेंगी आखना ऐं, जेकर ए चोप्प रे तां पत्थर करलाई उठगन।”

⁴¹जेलै यरूशलेम दे कोल आया तां शैर गी दिखियै ओस उपर रोया।

⁴²ते आखया, “किन्ना गै पला ओंदा हा के तू, आं, तू गै, इसै धयाडै शान्ति दियां गल्लां जानदा, लेकन ऊन तेरी अखीयाँ कोलां ए गल्लां छपी गईयां न।

⁴³किके ओ देन तेरे उपर औने के तेरे बैरी मोर्चा बनियै तुगी केरी लैगन, ते चौनी पासें दा तुगी दबागन;

⁴⁴ते तुगी ते तेरे कन्ने तेरे जागतें गी, मिट्टी च मिलागन, ते तेरे च पत्थर उपर पत्थर बी नेई छुड़गन, किके तू ओस मौके गी जेलै तेरे उपर रैम दी नजर दिती गेई ही नेई पछांनया।”

⁴⁵ओस बेलै ओ यरूशलेम दे मंदर च जाईयै वपार करने आलें गी बार कढन लगया,

⁴⁶ते उनेंगी आखया, “लिखे दा ऐ, मेरा कर प्रार्थना दा कर ओग, लेकन तुसें उसी डाकुऐं दी खो बनाई दिता ऐ।”

⁴⁷ते ओ हर देन मंदर च प्रचार करदा हा; ते प्रधान याजकें ते शास्त्री लोकें दे प्रधान उसी मरने दा मौका तुपदे हे।

⁴⁸लेकन कोई तरीका नेई कढी सके के ए केस तरीके करचै, किके सारे लोक बड़ी चा कन्ने ओसदी सुन्दे हे।