Read Dogri लूका 2 Bible Online

लूका 2 - Dogri bible

लूका 2

¹उनै धयाडें च ऐसा ओया के माराज औगुस्तुस कैसर दी त्र्फुं उक्म निकलया के रोमी कुमत दे देशें च सारे लोकें दा नां लिखे जान।

²ए पैली नां लखाई दी गल्ल ओस बेलै ओई, जदू क्विरिनियुस सीरिया लाकें दा बड़ा राजा हा।

³ते सारे लोक नां लखाने लेई अपने-अपने पूर्वजे दे शैर च गै।

⁴एसकरी युसूफ बी इसै लेई के ओ दाऊद दे कराने ते खानदान दा हा, गलील जिले दे नासरत शैर बिचा यहूदीया च दाऊद दे शैर बैतलहम च गीया,

⁵ओ उत्थें गीया कि अपनी मंगेतर मरियम दे कन्ने जेड़ी गर्भवती ही, नां लखा।

⁶ते ऐसा ओया के उन्दे उत्थें रौंदे ओई मरियम दे जमने दे देन पूरे ओए।

⁷ते ओनें अपने जेठे पुत्तर गी जन्म दिता, ते उसी कपड़े च लपेटियै चरनी च रखया, किके सरांई च उन्दे लेई कोई जगह नेई ही।

⁸ते ओस देश च केछ गुआल हे, जेड़े रात गी पदरे मदान च रेईयै अपनी पिढें-बकरीयें दी राखी करदे हे।

⁹ते परमेसर दा एक दूत उन्दे कोल आई खडोता, ते प्रभु दी मैमा उन्दे चौनी बखी चमकी, ते ओ बड़े डरी गै।

¹⁰ओस बेलै सोर्गदूत ने उनेंगी आखया, “डरयो नेई; किके दिखो, आऊँ तुसेंगी गी बड़ी खुशी दा शोभ समाचार सनाना ऐं जेड़ा सारे लोकें दे लेई ओग,

¹¹के अज्ज बेथलेहम जेड़ा दाऊद दा शैर ए थुआड़े लेई एक उद्धारकर्ता जमया ऐ, ते उवै मसीह प्रभु ऐ।

¹²ते एस दा थुआड़े लेई ए नशान ऐ के तोस एक जागत गी कपड़े च लपेटे दा ते चरनी च पेदा दिखगे।”

¹³पी एकदम ओस सोर्गदूत दे कन्ने सुर्गदूतें दी टोल्ली परमेसर दी स्तुति करदे ते ए आखदे ओई लबन लगया,

¹⁴“सोर्ग च परमेसर दी मैमा ते तरती उपर उनै मनुक्खें च जिंदे उपर ओ खोश ऐ, शान्ति उवै।”

¹⁵जदूं सोर्गदूत उन्दे कोलां सोर्ग च चली गै, तां गुआलें अप्पुं-पिछें आख्या, “आओ, अस बैतलहम जाईयै ए गल्ल जेड़ी ओईयै, ते जिसी प्रभु ने असेंगी सनाया ऐ, दिखचै।”

¹⁶ते उनै फोरन जाईयै मरियम ते युसूफ गी, ते चरनी च ओस जागत गी पेदा दिखया।

¹⁷इनेंगी दिखियै उनै ए गल्ल जेड़ी एस जागत दे बारै च उनै गी आखी गेदी ही, परकट कित्ती,

¹⁸ते सारें सुनने आलें ओनें गल्लें कोलां जेड़ी गुआलें उन्दे कन्ने बोली ही रांनगी कित्ती।

¹⁹लेकन मरियम ए सारी गल्लां अपने मन च रखियै सोचदी रेई।

²⁰ते गुआलें, जियां सोर्गदूतें उनेंगी आख्या हा, उयांगै सारा केछ सुनीयै ते दिखियै परमेसर दी मैमा ते स्तुति करदे ओई चली गै।

²¹जेलै अट्ठ देन पूरे ओए तां ओदे खतने दा बेला आया, तां ओदा नां यीशु रखया गीया, जेड़ा ए नां सोर्गदूत थमां, ओदे पेट च औने कोलां पैलैं आख्या गीया हा।

²²जेलै मूसा दे कनून दे मताबक मरियम दे शोद्ध ओनें दे देन पूरे ओए, तां युसूफ ते मरियम ने उसी यरूशलेम च लेई गै, के प्रभु दे अगें आनन।

²³जियां के प्रभु दे कनून च लिखा ऐ; “अर एक जेठा प्रभु दे लेई पवित्र करियै सौम्पया जाग।”

²⁴ते प्रभु दे कनून दे वचन दे मताबक, “चिट्टे कबूतरें दा एक जोड़ा यां जवान कबूतरें दा एक जोड़ा लेईयै बलि करें।”

²⁵ओस बेलै यरूशलेम च शमौन नां दा एक बुजुर्ग मानु हा, ते ओ मानु तरमी ते पक्त हा; ते ओ इस्राएल दी शान्ति दा एन्तजार करा दा हा, ते पवित्र आत्मा ओदे कन्ने हा।

²⁶ते पवित्र आत्मा थमां परकट ओया, के जदू तकर तू प्रभु दे मसीह गी दिखी नेई लैगा, अदूं तकर मौत गी नेई दिखी सकदा।

²⁷यीशु पवित्र आत्मा दे गुआई कन्ने मंदर च आया; ते ओसलै मा-प्यो ने ओस बच्चे गी मंदर आंदा, के ओस लेई कनून दे मताबक रीति गी पूरा करन,

²⁸तां ओसलै शमौन ने बच्चे येशु गी अपनी गोद च लेत्ता ते परमेसर दी स्तुति करदे ओई गलाया,

²⁹“हे प्रभु, ऊन तू अपने दास गी अपने बायदे दे मताबक शान्ति कन्ने मरन लेई विदा करी दे,

³⁰“किके मेरी अखीयैं तेरे ओ उद्धार गी दिखी लेत्ता ऐ जेड़ा तुं अपने लोकें आस्ते पेजेया ए।

³¹“जिसी तो सारे देशें दे लोकें दे सामने त्यार कित्ता ऐ।

³²“कि ओ दुई जातीयें गी सचाई परकट करने लेई एक लो जेई बनग, ते तेरे अपने लोकें इस्राएल दी मैमा ओऐ।”

³³ते ओसदे मां ते पिता इनें गल्लें उपर जेड़ीयां ओदे बारै च शमौन ने आखीयां, रांन ओदे हे।

³⁴ओसबेलै शमौन ने उनेंगी अशीर्वाद देईयै, ओदी मां मरियम गी आखया, “देख्ख, ओ तां इस्राएल च मते सारें दे टौने, ते उठने लेई, ते एक ऐसा चेन ओनें लेई रख्या गीया ऐ, जेदे खलाफ गल्लां कित्तियां जागन।”

³⁵(वरन तेरा प्राण बी तलवार कन्ने ओ आर-पार छेदया जाग) एदे कन्ने मते सारे एर्दें दे वचार परकट ओगन।

³⁶ते आशेर गोत्र बिचा हन्नाह नां दी फनुएल दी कुड़ी एक पविखवाणी करने आली ही ओ बड़ी बूडी ही, ते बियाह ओनें दे बाद सत बरें तकर अपने करेआले कन्ने रेई सकी ही।

³⁷ओ चौरासी बरें दी विधवा ही; ते मंदर गी नेई छुड़दी ही, पर उपवास ते प्रार्थना करी-करी रात-देन परमेसर दी स्तुति अराधना करदी रौंदी ही।

³⁸ते ओ ओस कड़ी उत्थें आईयै परमेसर दा शुकर करन लगी, ते उनै सबनी कन्ने जेड़े यरूशलेम दे छटकारे दा एन्तजार करा दे हे, ओस यीशु दे बारै च गल्लां करन लगी।

³⁹जेलै युसूफ ते मरियम परमेसर दे कनून दे मताबक सारा केछ पूरा करी चुके तां अपने शैर गलील जिले दे नासरत च चली गै।

⁴⁰ते जागत बददा, तकड़ा ओंदा, समझदारी कन्ने परोंदा गीया; ते परमेसर दी क्रपा ओदे उपर ही।

⁴¹ओसदे मां-प्यो अर बरें युदियें दे फसह दे त्यार च यरूशलेम गी जंदे रौंदे हे।

⁴²जेलै ओ बारें बरें दा ओया, ते ओ त्यार दी रीति दे मताबक यरूशलेम गी गै।

⁴³ते जेलै त्यार दे देन पूरे ओए ते ओ बापस औन लगे, तां जागत यीशु यरूशलेम च गै रेई गीया; ते एस गल्ल थमां ओदे मां-प्यो अनजांन हे।

⁴⁴ओ ए समझीयै के ओ ओर मसाफरें कन्ने आवा दा ओग, ओ एक देन दे सफर च अगें चली गे ते उसी अपने रिशतेदारें ते जांन-पछान आलें बेच तुपन लगे।

⁴⁵पर जेलै ओ नेई लबया तां तुपदे-तुपदे पी यरूशलेम च चली गै।

⁴⁶ते ऐसा ओया के त्रै धयाडें दे बाद उनै उसी मंदर दे बेड़े च पाशन देने आलें बेच बैठे दा, उन्दिआं गल्लां सुन्दे ते उनेंगी सुयाल करदे दिखया।

⁴⁷ते जीनें बी लोक ओदी सुना दे हे, ओसदी समझ ते ओसदी गल्लें गी सुनीयै रांन हे,

⁴⁸ओसलै ओ उसी दिखियै रांन ओए ते ओसदी मां ने उसी आखया, “ए पुत्तर, तो साड़े कन्ने ए जियां सलूक (कम) कि कित्ता? देख्ख, तेरा पिता ते आऊँ परेशान ओईयै तुगी तुपा दे हे।”

⁴⁹ओनें उनेंगी आखया, “तोस मिगी कि तुपा दे हे? के तोस नेई जांनदे के मिगी अपने पिता दे कर च ओना जरुरी ऐ?”

⁵⁰पर ओनें जेड़ी गल्ल उन्दे कन्ने बोली ओ उसी समझी नेई सके।

⁵¹पी ओ उन्दे कन्ने बापस नासरत शैर च आया, ते उन्दे ताबे च रिया; ते ओसदी मां ने ए सब गल्लां अपने मन च रखियां।

⁵²यीशु अक्ल च ते कद च, ते परमेसर ते मनुक्खें दे सामने बददा गीया।