Read Dogri लूका 20 Bible Online

लूका 20 - Dogri bible

लूका 20

¹एक दिन ऐसा ओया के जेलै ओ मंदर च लोकें गी शिखया ते शोभ समाचार सना दा हा, तां प्रधान याजकें ते शास्त्री, केछ प्राचीन कोल आईयै खडोते;

²ते आखन लगे, “असेंगी दस, के तू इनें कम्में गी केस अख्त्यार कन्ने करना ऐं, ते ओ कोन ऐ जेनें तुगी ए अख्त्यार दिता ऐ?”

³ओनें उनेंगी जबाब दित्ता, “आऊँ बी थुआड़े थमां एक गल्ल पूछना ऐं; मिगी दसो

⁴यूहन्ना दा पवित्रशनांन सोर्ग थमां हा जां मनुक्खें थमां हा?”

⁵पी ओ अप्पुं बिचें आखन लगे, “जेकर अस आखचै, सोर्ग थमां, तां ओ आखघ, पी तुसें ओस उपर बश्वास कि नेई कित्ता?”

⁶ते जेकर अस आखचै, मनुक्खें थमां, तां सारें लोकें साड़े उपर पत्थर मारनें, किके ओ सचमुच जांनदे हे के यूहन्ना पविखवक्ता हा।

⁷खीरी च उनै जबाब दिता, “अस नेई जांनदे, के ओ कोदे थमां हा।”

⁸यीशु ने उनेंगी आखया, “तां आऊँ बी तुसेंगी नेई दसदा के आऊँ ए कम केस अख्त्यार कन्ने करना ऐं।”

⁹पी यीशु लोकें कन्ने ए मसाल बोलन लगया; “कुसे मनुक्ख ने अंगुरें दा बाग लाया, ते कर्सानें गी ओसदा ठेका देई दिता ते मते धयाडें आसतै परदेस चली गीया।

¹⁰फल पक्क्नें दे बेलै ओनें कर्सानें कोल एक दास गी पेजया के ओ अंगुरें दे बागे दे केछ फलें दा ऐसा उसी देंन, लेकन कर्सानें उसी मारी-पिटीयै खाली अथ्थ बापस पेजी ओड़या।

¹¹पी ओनें एक ओर दास गी पेजया, ते उनै उसी बी मारी-पिटीयै ते ओसदी बेईजती करियै खाली अथ्थ बापस पेजी ओड़या।

¹²पी ओनें त्रिऐ गी पेजया, ते उनै उसी बी काल करियै नसाई ओड़या।”

¹³पी अंगुरें दे बागे दे मालक ने आखया, “आऊँ के करां? आऊँ अपने प्यारे पुत्तर गी पेजगा, मत्त ओ ओदा आदर करन।”

¹⁴जेलै कर्सानें उसी दिखया ते अप्पुं बिचें वचार करन लगे, “ए तां वारस ऐ; आओ अस इसी मारी ओड़चै, के ए वरासत साड़ी ओई जा।

¹⁵ते उनै उसी अंगुरें दे बाग दे बार कढी यै मारी ओड़या एसकरी अंगुरें दे बाग दा मालक उन्दे कन्ने के करग?

¹⁶ओ आईयै उनै कर्सानें गी खत्म करग, ते अंगुरें दे बाग गी दुए गी सौम्पी ओड़ग।” ए गल्ल सुनीयें, उनै आखया, “परमेसर ऐसा नेई करै,

¹⁷“ओनें उन्दी आली बखी दिखियै आखया, पी ए के लिखा ऐ; जेस पत्थर गी राजमिस्त्रियें नकमा आखया हा, उवै कुने दा सिरा बनी गीया।

¹⁸जेड़ा कोई ओस पत्थर उपर किरग ओ चकना चूर ओई जाग, ते जेस उपर ओ किरग, उसी ओ पीह् ओड़ग।”

¹⁹उसै कड़ी शास्त्रियें ते प्रधान याजकें उसी पकड़ाना चाया, किके ओ समझी गेदे हे, के ओनें उन्दे खलाफ ए मसाल दिती ऐ, लेकन ओ लोकें कोलां डरदे हे।

²⁰ते ओ ओसदी तक्क च लगे हे ते पेत्ती पेजे, के तर्मी दा पेश बदलीयै ओसदी कोई नां कोई गल्ल पकड़न, के उसी राजपाल दे अथ्थ ते कनून दे अख्त्यार च सौम्पी देन।

²¹उनै उसी ए पूछया, “ए गुरु, अस जांनदे आं के तू ठीक आखदा, ते सखांदा बी ऐं, ते कुसे दी तरफदारी नेई करदा; लेकन परमेसर दा रस्ता सच्चाई कन्ने दसदा ऐं।

²²के असैं कैसर गी चुंगी देना ठीक ऐ जां नेई?”

²³ओनें एस गल्लां थमां उन्दी चलाकी गी समझीयै उनेंगी आखया,

²⁴“एक दीनार मिगी दसो। एदे उपर केदी मोर ते नां ऐ?” उनै आखया, “कैसर दी।”

²⁵ओनें उनेंगी आखया, “तां जेड़ा कैसर दा ऐ, ओ कैसर गी दियो; ते जेड़ा परमेसर दा ऐ, ओ परमेसर गी दियो।”

²⁶ओ लोकें दे सामनें एस गल्ल च उसी पकड़ नेई सके, लेकन ओदे जबाब कन्ने रांन ओईयै चोप्प रेई गै।

²⁷पी सदूकी जेड़े आखदे न, के मरीयै जिंदा ओन्दे गै नेई, उन्देचा केईयें आईयै पूछया।

²⁸“ए गुरु, मूसा ने साड़े लेई ए लिखा ऐ, जेकर कुसे दा प्रा अपनी जनांनी दे रौंदे ओई बिना औलाद दे मरी जा, तां ओसदा प्रा ओसदी जनांनी कन्ने बियाह करी लै, ते अपने प्रा लेई ओ अगली पीडी त्यार करै।”

²⁹अच्छा सत प्रा हे, पैला प्रा बियाह करियै बिना औलाद दे मरी गीया।

³⁰पी दुए,

³¹ते त्रिऐ बी ओस जनानी कन्ने बियाह करी लिया। इसै चाली सत्तें दे सत्त बिना औलाद दे मरी गै।

³²सबनी कोलां बाद ओ जनानी बी मरी गेई।

³³ऊन जिंदा ओनें उपर ओ उन्देचा कोस दी जनांनी ओग, किके ओ बारी-बारी सत्तें दी जनांनी ओई चुकी दी ही।

³⁴यीशु ने उनेंगी आखया, “एस योग दियें औलादें च तां बियाह-शादीयां ओदीयां न,

³⁵लेकन जेड़े लोक एस काबल ओगन, के ओस योग गी ते मरें दे बिचा जिंदे ओगन, उन्दे च बियाह-शादी नेई ओग।

³⁶ओ पी मरने बी नेई; किके ओ सोर्गदूतें आला लेखा ओगन, ते जिंदा ओनें दी औलाद ओनें दे कारन परमेसर दे पुत्तर बी ओगन।

³⁷लेकन एस गल्ल थमां के मोदे जिन्दे ओदे न, मूसा ने बी जलदी चाडी चा परकट कित्ता ऐ, ओ प्रभु गी अब्राहम दा परमेसर, ते इसहाक दा परमेसर, ते याकूब दा परमेसर, आखदा ऐ।”

³⁸परमेसर तां मोड़दें दा नेई लेकन जिन्दे दा परमेसर ऐ; किके ओदे कोल सारे जिन्दे न।

³⁹ओस बेलै ए गल्ल सुनीयै शास्त्रियें बिचा किन्नें लोकें ए आखया, “ए गुरु, तो ठीक आखया।”

⁴⁰ते उनेंगी पी उसी केछ ओर पूछने दी इम्त नेई ओई।

⁴¹पी ओनें उनेंगी पूछया, “मसीह गी दाऊद दी औलाद कियां बोलदे न?

⁴²दाऊद अप्पुं पजने दी कताब च आखदा ऐ प्रभु ने मेरे प्रभु क्न्ने आखया,

⁴³मेरी सजी बखी बैठ, जेलै तकर के आऊँ तेरे बैरीयें गी तेरे पैरें दे तले दी चौकी नेई करी दियां।

⁴⁴दाऊद तां उसी प्रभु आखदा ऐ; तां पी ओ ओसदा पुत्तर कियां ओया?”

⁴⁵जेलै सारे लोक सुना दे हे, तां ओनें अपने चेलें गी आखया।

⁴⁶“शास्त्रियें कोलां चकने रवो, जिनैं गी लम्मे-लम्मे चोगे लाना अच्छा लगदा ऐ, ते जिनेंगी बजारें च नमस्ते, ते प्रार्थनाकार च उच्ची जगै ते धामें च सबनी कोलां अगें बैठना अच्छा लगदा ऐ।

⁴⁷ओ विधवें दे करें गी खाई जनदे न, ते दसन लेई बडे चेर तकर प्रार्थना करदे रौंदे न; ए बडी गै सजा पागन।”