Read Dogri लूका 24 Bible Online

लूका 24 - Dogri bible

लूका 24

¹लेकन अफ्ते दे पैले धयाडै बड़ी सबेलै ओ जनांनीयां ओस खुशबुदार मसाले गी लेईयै जिसी उनै त्यार कित्ते दा हा, कबरां उपर आईयां।

²ते उनै पत्थर गी कब्र उपरा खिसके दा दिखया।

³ते अन्दर जाईयै प्रभु यीशु दी लाश नेई लबी।

⁴जेलै ओ एस गल्ल कन्ने रांन उवा दियां हां ओस बेलै, दो मनुक्ख चिट्टे कपड़े पाएदे उन्दे कोल आई खडोते।

⁵जेलै ओ डरी गेईयां, ते तरती आली बखी सेर चुकाईयै दिखदीयां रेईयां; तां उनै उनेंगी आखया, “तोस जिन्दे गी मरें दे बेच कि तुपदी आं ओ?

⁶ओ इत्थैं नेई, लेकन जिंदा ओई गेदा ऐ। याद करो के ओनें गलील जिले च रौंदै थुआड़े कन्ने के गलाया हा,

⁷जरुरी ऐ के मनुक्ख दा पुत्तर पापीऐं दे अथ्थ पड़काया जा, ते सूली उपर चाढ़या जा, ते त्रिऐ धयाडै जिंदा ओई जा।”

⁸ओस बेलै उनेंगी ओदीयां गल्लां याद आईयां।

⁹ते कब्र उपरा आईयै उनै गयारें चेलें गी, ते बाकी सारे गी, ए सारीयां गल्लां सनाई ओड़ीयां।

¹⁰जिन्नें प्रेरित गी ए गल्लां सूनाईयां, ओ मरियम मगदलीनी, योअन्ना, ते याकूब दी मा मरियम ते उन्दे कन्ने केछ दुईयां जनांनीयां बी थीयां।

¹¹लेकन उनेंगी ए गल्लां कानी आला लेखा लगियाँ, ते उनै उन्दे उपर बश्वास नेई कित्ता।

¹²ओस बेलै पतरस उठीयै कवर आली बखी दौड़ीयै गीया, ते चुकियै अंदर सेर्फ कफ़न गै पेदा दिखया, ते एस कटना थमां रांन ओईयै, अपने कर चली गीया।

¹³उसै देन उन्देचा दो मानु इम्माऊस नां दे घरां आली बखी जा दे हे, जेड़ा यरूशलेम थमां कोई सत मील दूर हा।

¹⁴ते ओ इनें सारीयें गल्लें उपर जेड़ीयां ओईयां हां, अप्पुं बिचें गल्ल-बात करा दे हे।

¹⁵ते जेलै ओ अप्पुं-पिछें गल्ल-बात ते पोछ-पड़ताल करा दे हे, तां यीशु अप्पुं कोल आईयै उन्दे कन्ने चलन लगी पे।

¹⁶लेकन उन्दिआं अखीयाँ इयां बन्द करी दिती हियां, के ओ उसी पंछांनी नेई सके।

¹⁷ओनें उनेंगी आखया, “ए केडीयां गल्लां न जेड़ीयां तोस चलदे-चलदे अप्पुं-पिछें करदे ओ?” ओ दुआसी कन्ने खडोते दे रे।

¹⁸ए गल्ल सुनीयै उन्देचा क्लियोपास नां दे एक मानु ने आखया, “के तू यरूशलेम च ईक्ला परदेसी ऐं, जेड़ा नेई जानदा के इनें धयाडें च ओदे च के के ओया ऐ?”

¹⁹ओनें उनेंगी पूछया, “केडीयां गल्लां? उनै उसी आखया, यीशु नासरी दे बारै च जेड़ा परमेसर ते सारे लोकें दे कोल कम ते वचन च शक्ति आला पविखवक्ता हा।

²⁰ते प्रधान याजकें ते सारें प्रधानें उसी पड़काई ओड़या के उसी मौत दा उक्म दिता जा; ते उसी सूली उपर चढ़ाया जाए।

²¹लेकन असेंगी आस ही, के इयै इस्राएल गी छटकारा देग, इनें सारीयें गल्लें ओदीयें त्रिया धयाडा ऐ,

²²ते साड़े बिचा कई जनांनीयें बी असेंगी रांनगीयै च पाई ओड़या, जेड़ीयां बड़े बेलै गी कब्र उपर गेदियां हां;

²³ते जेलै यीशु दी लाश उत्थें नेई लबी, तां ए आखदे ओई आईयां, के असैं सोर्गदूतें दा दर्शन पाया, जिन्नें गलाया के ओ जिन्दा ऐ।

²⁴ओस बेलै साड़े साथियें बिचा कई कब्र उपर गै, ते जियां उनै जनांनीयें गलाएदा हा, उयांगै दिखया; लेकन यीशु उत्थें नेई लबा।”

²⁵ओस बेलै ओनें उनेंगी आखया, “ए बेबकुफो, ते पविखवक्तें दियें सारीयें गल्लें उपर बश्वास करने च बंदबुद्दी आले लोको!

²⁶के जरुरी नेई हा, के मसीह ए दोख पोगीयै अपनी मैमा च दाखल नेई उवै?”

²⁷ओस बेलै ओनें मूसा ते सारे पविखवक्तें थमां शुरू करियै सारे पवित्र शास्त्र बिचा, अपने बारै च लिखी दियें गल्लें दा मतलब, उनेंगी समझाई ओड़या।

²⁸इन्नें च ओ ओस घरां दे कोल पूजे जिथें गी ओ जा दे हे, ते ओदी चाल कोलां इयां पता चलया, के ओ अगड़ा जानां चांदा ऐ।

²⁹लेकन उनै ए आखीयै उसी रोकया, “अज्ज साड़े कन्ने रवो, किके शाम ओई गेदी ऐ ते धयाडा ऊन बड़ा टली गीया ऐ।” ओस बेलै ओ उन्दे कन्ने रौनें लेई कर दे अन्दर गीया।

³⁰जेलै ओ उन्दे कन्ने रुट्टी खाण बैठया, ते ओनें रुट्टी लेईयै परमेसर दा शुकर कित्ता, ते उसी पन्नीयै उनेंगी देन लगया।

³¹ओस बेलै उन्दिआं अखीयाँ खुली गेईयां; ते उनै उसी पंछांनी लिया, ते ओ उन्दियें अखीयाँ थमां छपी गीया।

³²उनै अप्पुं-पिछें आखया, “जेलै ओ रस्ते च साड़े कन्ने गल्लां करदा हा, ते पवित्र शास्त्र दा मतलब असेंगी समझादा हा, तां के साड़े मन च जोश पैदा नेई ओया?”

³³ओ उसै कड़ी उठीयै यरूशलेम गी चली गै, ते उनै गयारें चेलें गी ते उन्दे साथियें गी किट्ठा दिखया।

³⁴ओ आखदे हे, “प्रभु सचमुच जिंदा ओई गेदा ऐ, ते शमौन गी लबया ऐ।”

³⁵पी उनै रस्ते दियां सारीयां गल्लां उनेंगी दसी ओड़ीयां ते एबी के उनै उसी रुट्टी पन्नदै बेलै कियां पंछानया।

³⁶ओ ए गल्लां बोला दे गै हे, के ओ अप्पुं उन्दे च आई खडोता, ते उनेंगी आखया, “तुसेंगी शान्ति मिलै।”

³⁷लेकन ओ कबराई गै, ते डरी गै, ते समझया, के अस कुसे पूत गी दिखा करनयां न।

³⁸ओनें उनेंगी आखया, “कि कबरां दे ओ? ते थुआड़े मन च कि शक्क आवा करदे न?

³⁹मेरे अथ्थ ते पैरें गी दिखो, के आऊँ उवै आं; मिगी छुईयै दिखो, किके आत्मा गी अड्ड मास नेई ओंदा जियां तोस मेरे च दिखा दे ओ।”

⁴⁰ए आखयै ओनें उनेंगी अपने अथ्थ पैर दसे।

⁴¹जेलै खुशी दे मारे च उनेंगी बश्वास नेई ओआ दा हा, ते रांनगी करदे हे, तां ओनें उनेंगी पूछया, “के इत्थैं थुआड़े कोल केछ रुट्टी ऐ?”

⁴²उनै उसी पुन्नी दी मछी दा टुकड़ा दिता।

⁴³ओनें लेईयै उन्दे सामने खादा।

⁴⁴पी ओनें उनेंगी आखया, “ए मेरीयां ओ गल्लां न, जेड़ीयां मैं थुआड़े कन्ने रौंदे, तुसेंगी बोलियां हां, के जरुर ऐ के जिनियां गल्लां मूसा दे कनून ते पविखवक्तें ते पजने दी कताबें च, मेरे बारै च लिखीयां न, सब पूरीयां ओगन।”

⁴⁵ओसलै ओनें पवित्र शास्त्र समझने लेई उन्दी समझ खोली दिती,

⁴⁶ते उनेंगी आखया, “ए लिखा ऐ के मसीह दोख पोगग, ते त्रिऐ धयाडै मरें दें चा जिंदा ओई जाग,

⁴⁷ते यरूशलेम थमां लेईयै सारीयें जातीयें च मन फेरने दा ते पापें दी माफी दा प्रचार, ओसदे नां कन्ने कित्ता जाग।

⁴⁸तोस इनें सारीयें गल्लें दे गवाह ओ।

⁴⁹ते जेड़ा बायदा मेरे पिता ने कित्ता ऐ, आऊँ ओस पवित्र आत्मा गी थुआड़े उपर तुआरगा ते जेलै तकर तुसेंगी सोर्ग चा शक्ति नेई थूवै, अतुं तकर तोस यरूशलेम शैर च रुके दे रवयो।”

⁵⁰“पी ओ उनेंगी बैतनिय्याह घरां दे बार तकर लेई गीया, ते अपने अथ्थ चुकियै उनेंगी अशीर्वाद दिती;

⁵¹ते उनेंगी आशीष दिंदे बेलै ओ उन्दे बिचा लग ओई गीया ते सोर्ग उपर चुकी लीता गीया।

⁵²ते चेलें उसी मत्था टेकियै बड़ी खुशी कन्ने यरूशलेम गी बापस आई गै।

⁵³ते ओ लगातार मंदर च आजर ओईयै परमेसर दी स्तुति करदे रौदे हे।”