Read Dogri लूका 3 Bible Online

लूका 3 - Dogri bible

लूका 3

¹तिबिरियुस कैसर दे राज दे पन्द्रमें बरें च जेलै रोमी शासक पुन्तियुस पिलातुस यहूदीया दा राजपाल हा, ते हेरोदेस राजा इतूरैया गलील जिले च, ते त्रखोनीतिस च, ओसदा प्रा फिलिप्पुस, ते अबिलेने च लिसानियास चौथाई दे राजा हे।

²ते जेलै हन्ना ते कैफा महायाजक हे, ओस बेलै परमेसर दा वचन जंगल च जकर्याह दे पुत्तर यूहन्ना दे कोल पूजया।

³ओ यरदन दे आसे-पासे दे सारे लाकें च जाईयै, पापें दी माफी लेई मन फेरनें दे पवित्रशनांन दा प्रचार करन लगा।

⁴जियां यशायाह पविखवक्ता दे आखे दे वचनें दी कताब च लिखा ऐ “जंगल च एक बलाने आले दी बाज ओआ करदी ऐ, प्रभु दा रस्ता तयार करो, ओस दियां शेड़कां सीधीयां करो,

⁵अर एक कंढ़ी दा लाका परी दिता जा, ते अर एक पाड़ ते टीबा थलै कित्ता जा; ते जेड़ा त्रैढ़ा ऐ ओ सीधा, ते जेड़ा उच्चा नींदा ऐ ओ पदरा रस्ता बनग

⁶ते अर लोक परमेसर दे उद्धार गी दिखगन।”

⁷“जेड़ी पीड दी पीड ओस कोल पवित्रशनांन लेने लेई निकलियै औन्दी ही, उनेंगी ओ आखदा हा, ए सप दे बचयो, तुसेंगी कोस ने आख्या, के औने आले परमेसर दे गुस्सै कोलां नस्सो?”

⁸यनिके; मन फेरने दे योग फल आनों अपने मन च ए नेई सोचो, के साड़ा पिता अब्राहम ऐ; किके आऊँ थआड़े कन्ने आखना ऐं, के परमेसर इनें पत्त्थरें कोलां अब्राहम आसतै औलाद पैदा करी सकदा ऐ।

⁹ते ऊन कुआडी बूट्टें दी जड़ उपर रखी दी ऐ, एसकरी जेड़ा-जेड़ा बूट्टा छैल फल नेई दिंदा, ओ बढया ते अग्गी च सुटया जन्दा ऐ।

¹⁰ते लोकें उसी पूछया, “तां अस के करचै?”

¹¹ओनें उनेंगी जबाब दिता, “जेसदे कोल दो कुरते ओन? ओ उसी जेसदे कोल नेई ऐ बंडी लै, ते जेसदे कोल रुट्टी ऐ, ओ बी इयां गै करै।”

¹²ते केछ चुंगी लेने आले बी पवित्रशनांन लेने लेई आए, ते उनै उसी पूछया, “ए गुरु, अस के करचै?”

¹³ते ओनें उनेंगी आखया, “जे थुआड़े आसतै बाजब रख्या गीया ऐ, ओदे कोलां जादै नेई लेना।”

¹⁴ते केछ सपाईयें बी उसी ए पूछया, “अस के करचै?” ओनें उनेंगी आखया, “कुसे उपर धाड़ा नेई मारना, ते न चुट्ठा दोष लाना, ते अपनी आक्क दी कमाई दी तसली करना।”

¹⁵जेसलै लोकें मेद लाई दी ही, ते सारे अपने-अपने मन च यूहन्ना दे बारै च वचार करा दे हे, के इयै मसीह तां नेई ऐ।

¹⁶तां यूहन्ना ने उनै सारें गी जबाब दित्ता, “आऊँ तां तुसेंगी पानी कन्ने पवित्रशनांन दिना ऐं, लेकन ओ औने आला ऐ, जेड़ा मेरे थमां शक्तिमान ऐ; आऊँ तां एस लाईक बी नेई, के ओदीयें बूट्टें दे तसमें खोली सकां, ओ तां तुसेंगी पवित्र आत्मा ते अग्ग कन्ने पवित्रशनांन देग।

¹⁷ओसदा छज, ओसदे अथ्थ बेच ऐ; ते ओ अपना खलाडा चंगी चाली साफ करग; ते कनक गी अपनी पंढे च किट्ठा करग; लेकन पोए गी ओस अग्गी च जेड़ी इस्लने आली नेई फुकी ओड़ग।”

¹⁸मतलब; ओ बड़ी सारी शिख्या देई-देईयै लोकें गी शोभ समाचार सनांदा रिया।

¹⁹लेकन ओनें चौथाई देश दे राजा हेरोदेस गी ओदे प्रा फिलिप्पुस दी करेआली हेरोदियास दे बारै च, ते सारे गलत कम्में दे बारै च जेड़े ओनें कित्ते दे हे, चेडकया।

²⁰एसकरी हेरोदेस राजा ने उन्दे सारें कोलां जादै गलत कम बी कित्ता, के यूहन्ना गी जेल खाणे च सुट्टी ओड़या।

²¹ऐसा ओया के जेलै सारें लोकें पवित्रशनांन लेई लेत्ता, ते यीशु बी पवित्रशनांन लेईयै प्रार्थना करा दा हा, तां अम्बर खुली गीया।

²²ते पवित्र आत्मा शारीर दे रूप च कबूतर आला लेखा ओदे उपर उतरया, ते सोर्गा चा ए बाज आई; “तू मेरा प्यारा पुत्तर ऐं, आऊँ तेरे उपर खोश आं।”

²³जेलै यीशु ने अप्पुं सेवा दा कम शुरू कित्ता, तां ओ लग-पग त्री बरें दी उम्र दा हा। (इयां समझया जंदा हा) ओ युसूफ दा पुत्तर हा; ते ओ एली दा,

²⁴ते ओ मत्तात दा, ते ओ लेवी दा, ते ओ मलकी दा, ते ओ हन्ना दा, ते ओ युसूफ दा,

²⁵ते ओ मत्तीत्याह दा, ते ओ आमोस दा, ते ओ नहूम दा, ते ओ आसल्याह दा, ते ओ नग्गई दा,

²⁶ते ओ मात दा, ते ओ मत्तीत्याह दा, ते ओ शिमी दा, ते ओ योसेख दा, ते ओ योदाह दा,

²⁷ते ओ यूहन्ना दा, ते ओ रेसा दा, ते ओ जरुब्बाबेल दा, ते ओ शालतिएल दा, ते ओ नेरी दा,

²⁸ते ओ मलकी दा, ते ओ अध्दी दा, ते ओ कोसाम दा, ते ओ एल्मदाम दा, ते ओ एर दा,

²⁹ते ओ यीशु दा, ते ओ एलीएजेर दा, ते ओ योरीम दा, ते ओ मत्तात दा, ते ओ लेवी दा,

³⁰ते ओ शमौन दा, ते ओ यहूदा दा, ते ओ युसूफ दा, ते ओ योनान दा, ते ओ एलयाकीम दा,

³¹ते ओ मलेआह दा, ते ओ मिन्नाह दा, ते ओ मत्तता दा, ते ओ नातान दा, ते ओ दाऊद दा

³²ते ओ यिशै दा, ते ओ ओबेद दा, ते ओ बोआज दा, ते ओ सलमोन दा, ते ओ नहशोन दा,

³³ते ओ अम्मीनादाब दा, ते ओ अरनी दा, ते ओ हिस्रोन दा, ते ओ पेरेस दा, ते ओ यहूदा दा,

³⁴ते ओ याकूब दा, ते ओ इसहाक दा, ते ओ अब्राहम दा, ते ओ तेरह दा, ते ओ नाहोर दा,

³⁵ते ओ सरूग दा, ते ओ रऊ दा, ते ओ पेलेग दा, ते ओ एबेर दा, ते ओ शेलाह दा,

³⁶ते ओ केनान दा, ते ओ अरफक्षद दा, ते ओ शेम दा, ते ओ नूह दा, ते ओ लेमेक दा,

³⁷ते ओ मथूशिलह दा, ते ओ हनोक दा, ते ओ यिरिद दा, ते ओ महललेल दा, ते ओ केनान दा,

³⁸ते ओ एनोश दा, ते ओ शेत दा, ते ओ आदम दा, ते ओ परमेसर दा पुत्तर हा।