Read Dogri लूका 5 Bible Online

लूका 5 - Dogri bible

लूका 5

¹जेलै पीड परमेसर दा वचन सुनने दे ओई ओदे उपर टेई पौंदी ही, ते ओ गन्नेसरत च गलील दी चील दे कंडै उपर खडोते दा हा, ते ऐसा ओया।

²के ओनें चील दे कंडै दो किशतीयां लगी दियां दिखियां, ते मछी मारनें आले उन्दे बिचा उतरीयै अपने-अपने जाल तो करदे हे।

³ओ उन्दे बिचा एक किशती जेड़ी शमौन दी ही, ओदे उपर चढ़ीयै, गीया ओनें उन्दे अगें अर्ज कित्ती, के किशती कंडै चा केछ दूर अगें लेई जान, पी ओ बैठीयै लोकें गी किशती चा गै शिखया देन लगया।

⁴जेलै ओ पीड गी शिखया देई चुकया, तां ओनें शमौन गी आखया, “किशती गी डूगे पानी च लेई चल ते मछी पकड़ने लेई अपने जाल गी पानी बेच सुट्टी ओड़।”

⁵शमौन ने उसी जबाब दिता, “ए स्वामी, आसे सारी रात मेंनत कित्ती ते केछ नेई थूया; तां बी तेरे आख्ने उपर जाल सुटना।”

⁶जेलै पतरस ते उन्दे साथियें ऐसा कित्ता, तां बड़ीयां गै मछलिया पकड़ी लयाए, ते उन्दे जाल फटन लगे।

⁷एदे उपर उनै अपने दोस्तें गी जेड़े दूजी किशती उपर हे, अर्ज कित्ती के आईयै साड़ी मदत करो ते उनै आईयै, दमै किशतियां इत्थूं तकर परी लेईयां के ओ डूबन लगी पेईयां।

⁸ए दिखियै शमौन पतरस यीशु दे पैरें च पेई गीया, ते आखया, “ए प्रभु, मेरे थमां दूर चली जा, किके आऊँ पापी मनुक्ख आं!”

⁹किके इन्नी मछीयां पकड़े उपर उसी ते ओदे दोस्तें गी बडी रांनगी ओई;

¹⁰ते इयां गै जब्दी दे पुत्तर याकूब ते यूहन्ना गी बी, जेड़े शमौन दे कन्ने हे, रांनगी ओई पी यीशु ने शमौन गी आखया, “डर नेई, उनै थमां तू बी मनुक्खें गी जिन्दा पकड़गा।”

¹¹तां ओ किशतीयें गी कंडै उपर लेई आए, ते सब केछ छुड़ीयै ओदे पिछें आई गै।

¹²जेलै ओ कुसे शैर च हे, ते उत्थें कोढ़ कन्ने लथ-पथ ओए दा एक मानु आया, ते ओ यीशु गी दिखियै मुंह दे पार ओदे अगें कीरया, ते अर्ज कित्ती, “ए प्रभु, जेकर तू चां तां मिगी शोद्ध करी सकना ऐं।”

¹³ओनें अपना अथ्थ बदाया ते उसी छुईयै आखया, “आऊँ चानां तू शोद्ध ओई जां।” ते फोरन ओदा कोढ़ चली गीया।

¹⁴ओनें उसी उक्म दित्ता के कुसे गी नेई सुनायां, “लेकन जाईयै अपने आप गी याजक गी दस, ते अपने शोद्ध ओनें दे बारै च मूसा ने जेड़ी चाडने आसतै आखया ऐ, उसी पेंट चाड़ तांके उन्दे च तेरी गुआई ऊऐ।”

¹⁵लेकन ओसदी चर्चा ओर बी फैलदी गेई, ते पीड दी पीड ओसदी सुनने लेई ते अपनी बीमारीयें थमां चंगा ओनें द लेई कट्ठी ओई।

¹⁶लेकन ओ सनसांन जगै च लग जाईयै प्रार्थना करदा हा।

¹⁷ते एक धयाडै ऐसा ओया के ओ शिखया दया दा हा, ते फरीसी ते यहूदीयें दे कनून दे उस्ताद उत्थें बैठे दे हे, जेड़े गलील जिले ते यूहदिया लाकें दे अर एक घरां दे, ते यरूशलेम नगर चा आए दे हे, ते चंगा करने लेई प्रभु दी शक्ति ओसदे कन्ने ही।

¹⁸ते दिखो, केश लोग एक मनुक्ख गी जेड़ा लकवे दा रोगी हा, खट्टे उपर लेई आए, ते ओ उसी कर दे अन्दर आनने दा ते यीशु दे अगें रखने दा तरीका तुपा करदे हे।

¹⁹ते जदूं पीड दे कारन उसी यीशु दे कोल नेई लेयाई सके तां उनै छत उपर चढ़ीयै ते खड गी पुटीयै, उसी खट समेद यीशु दे अगें तुआरी ओड़या।

²⁰ओनें उन्दा बश्वास दिखियै उसी आखया, “ए मानु, तेरे पाप माफ़ ओए।”

²¹पी शास्त्री ते फरीसी बैस करन लग्गे, “ए कोन ऐ, जेड़ा परमेसर दी निंदया करदा ऐ? परमेसर गी छुड़ीयै कोन पापें गी माफ़ करी सकदा ऐ?

²²यीशु ने उन्दे मन दियां गल्लां जानियें, उनेंगी आखया, तोस अपने मनें च के गल्लां करा करदे ओ?

²³ठीक के ऐ? के इसी आखना के, ‘तेरे पाप माफ़ ओए’ के या ए आखना के, ‘ओठ ते चल फेर’

²⁴लेकन एसकरी के तुसेंगी पता चलया के मनुक्ख दे पुत्तर गी तरती उपर पाप माफ़ करने दा बी अख्त्यार ऐ।” ओसने ओस लकवे दे रोगी गी आख्या, आऊँ तुगी आखना ऐं, ओठ ते अपनी खट चुकियै अपने कर चली जा।

²⁵ओ फोरन उन्दे दिख्दे-दिख्दे उठया, ते जेस खट उपर ओ पेदा हा उसी चुकियै, परमेसर दियां सेफ्तां करदा ओई अपने कर गी चली गीया।

²⁶पी ओ सारे रांन ओए ते परमेसर दी सिफत करन लगे, ते बड़े डरियै आखन लगे, “अज्ज असैं ओचन गल्लां दिखियां।”

²⁷एदे बाद ओ बार गीया, ते लेवी नां दा एक चुंगी लेने आले गी चुंगी दी चौकी उपर बैठे दे दिखया, ते उसी आखया, “मेरे पिछें आई जा।”

²⁸ओस बेलै ओ सब केछ छुड़ीयै उत्त्थुं दा उठया, ते ओदे पिछें चली पिया।

²⁹ते लेवी ने अपने कर च यीशु लेई एक बड़ी त्ताम दिती; ते चुंगी लेने आले दी ते ओर लोक जेड़े ओदे कन्ने रुट्टी खाण बैठे दे हे, एक बड़ी पीड ही।

³⁰ते फरीसी ते उन्दे शास्त्री ओदे चेलें गी इयां आखन लग्गे, “तोस चुंगी लेने आलें ते पापियें दे कन्ने कि खंदे-पिन्दे ओ।”

³¹यीशु ने उनेंगी जबाब दिता, “कीम चंगे पले मानु आसतै नेई, लेकन बमारें लेई जरुरी ऐ।

³²आऊँ तर्मियें गी नेई, लेकन पापियें गी मन फराने दे लेई बलाने गी आएदा ऐं।”

³³उनै उसी आखया, “यूहन्ना दे चेलें ते बराबर उपवास करदे ते प्रार्थना करदे न, ते इयां गै फरीसियें दे चेलें बी, लेकन तेरे चेलें तां खंदे-पिन्दे न।”

³⁴यीशु ने उनेंगी आखया, “के तोस बरातियें कोलां, जेलै तकर मराज उन्दे कन्ने ऐ, तां उनेंगी उपवास कराई सकदे ओ?

³⁵लेकन ओ देन औने न, जिन्दे च मराज उन्दे कोलां लग कित्ता जाग, पी ओ उनै धयाडें उपवास करगन।”

³⁶यीशु ने एक ओर मसाल बी उनेंगी बोली “कोई मानु नमें कपड़े चा टुकड़ा फाड़ियै पुराने कपड़े दे उपर पैबन्द नेई लान्दा, नेई तां नमां फटी जाग ते ओ तैवन्द पराने च मेल बी नेई खाग।

³⁷ते कोई नमां अंगुरें दा रस परानी मटके च नेई पर दा, नेई तां नमां अंगुरें दा रस सगले गी फाड़ियै रूडी जाग, ते सगले बी खराब ओई जागन।

³⁸लेकन नया अंगुरें दा रस नमीं सगले च परना चाईदा।

³⁹कोई मनुक्ख पुराना अंगुरें दा रस पीयै नमां नेई पसंद करदा किके ओ आखदा ऐ, के पराना गै छैल ऐ।”