Read Dogri लूका 6 Bible Online

लूका 6 - Dogri bible

लूका 6

¹पी यहूदीयें दे बसां दे देन यीशु ते ओदे चेलें खेतरें बिचें जा दे हे, ते ओदे चेलें सिलें त्रोड़ी-त्रोड़ियै ते अथ्थें कन्ने मरोड़ी-मरोड़ीयै खन्दे जा दे हे। (व्य: 23:25)

²ओसबेलै फरीसियें चा केछ बोलन लगे, “तोस ओ कम कि करदे ओ जेड़ा यहूदीयें दे बसां दे देन करना ठीक नेई?”

³यीशु ने उनेंगी जबाब दिता, “के तुसें ए नेई पढ़या के दाऊद ने जेलै ओ ते ओदे साथियें गी पोख लगी ही तां उनै के कित्ता?

⁴ओ कियां परमेसर दे कर गीया, ते पेंट दी रुट्टीयाँ लेईयै खादियां, जिनेंगी खाणा याजकें गी छुड़ीयै ते ओर कुसे गी ठीक नेई, ते अपने दोस्तें गी बी दितीयां?”

⁵ते ओनें उनेंगी आखया, “मनुक्ख दा पुत्तर यहूदीयें दे बसां दे देन दा बी प्रभु ऐ।”

⁶ते ऐसा ओया के यीशु कुसे ओर यहूदीयें दे बसां दे देन प्रार्थनाकार च जाईयै शिखया देन लगया; ते उत्थें एक मानु हा, जेसदा सजा अथ्थ सुके दा हा।

⁷शास्त्री ते फरीसी ओस उपर दोष लाने लेई मौका तुपने दी तकर च हे, के दिखन के ओ यहूदीयें दे बसां दे देन चंगा करदा ऐ या नेई।

⁸लेकन ओ उन्दे वचारें गी जानदा हा; एसकरी ओनें सुके अथ्थ आले मनुक्ख गी आखया, “उठीयै बश्कार खड़ोई जा।” ओ खड़ोई गीया।

⁹यीशु ने उनेंगी आखया, “आऊँ तुसेंगी ए पूछना ऐं के यहूदीयें दे बसां दे देन के बाजब ऐ, पला करना या बुरा करना; प्राण गी बचाना या उसी खतम करना?”

¹⁰ते ओनें आले दूआले उनै सारें गी दिखियै ओस मनुक्ख गी आखया, “अपना अथ्थ अगें गी बदा।” ओनें इयां गै कित्ता ते ओदा अथ्थ पी चंगा ओई गीया।

¹¹लेकन ओ गुस्सै च ओईयै अप्पुं पिछें आखन लग्गे के अस यीशु दे कन्ने के करचै?

¹²उनै धयाडें च यीशु पाड उपर प्रार्थना करने गी गीया, ते परमेसर कन्ने प्रार्थना च पूरी रात बताई।

¹³जेलै धयाडा चडया, तां ओनें अपने प्रेरित गी सदियै उन्देचा बारें गी चुनी लेत्ता, ते उनेंगी (प्रेरित) चेलें आखया।

¹⁴ते ओ ए न: शमौन जेसदा नां ओसने पतरस बी रखया हा, ते ओदा निक्का प्रा अन्द्रियास, ते याकूब, ते ओदा निक्का प्रा यूहन्ना, ते फिलिप्पुस, ते बरतुल्मै,

¹⁵ते मत्ती, ते थोमा, ते हलफई दा पुत्तर याकूब, ते शमौन जिसी जेलोतेस आखया ऐ,

¹⁶ते याकूब दा पुत्तर यहूदा, ते यहूदा इस्करियोती, जेड़ा उसी पकडाने आल्ला हा।

¹⁷ओसलै यीशु ते ओदे चेलें पाड उपरा उतरीयै ओ पदरी जगै च खडोता, ते ओदे चेलें दी बड़ी पीड, ते सारे यहूदीया, ते यरूशलेम, ते सूर ते सैदा दे समुंदर दे कंडै दे मते लोक,

¹⁸ते जेड़े ओसदी सुनदे ते अपनी बीमारीयें कोलां चंगा ओनें आसतै ओदे कोल आए दे हे, ओ बी उत्थें हे। ते अशोद्ध आत्में दे सतादे बी चंगे कित्ते जन्दे हे।

¹⁹ते सारे उसी छूना चांदे हे, किके शक्ति ओदे बिचा निकलियै सारें गी चंगा करदी ही।

²⁰ओसलै ओसने अपने चेलें आली बखी दिखियै आखया, तन्न ओ तोस, जेड़े दींन, किके परमेसर दा राज थुआड़ा ऐ।

²¹तन्न ओ तोस, जेड़े ऊन पुखे ओ; सेर किके त्रेप्त कित्ते जागेओ। तन्न ओ तोस, जेड़े ऊन रुआदे ओ, किके तोस असगे ओ।

²²तन्न ओ तोस, जीलै मनुक्ख दे पुत्तर दे कारन लोक थुआड़े कन्ने बैर करगन, ते तुसेंगी कढी ओड़गन, ते थुआड़ी निंदया करगन, ते थुआड़ा नां पैड़ा समझीयै कटी देगन।

²³ओस देन तोस खोश ओईयै कूदयो, किके दिख्खो सोर्ग च थुआड़े लेई बड़ा नां ऐ। उन्दे बजुर्ग पविखवक्तें दे कन्ने बी इयै नियां करदे हे।

²⁴लेकन बसोस थुआड़े उपर जेड़े पैसें आले ओ, किके तोस अपनी शान्ति पाई चुके।

²⁵“बसोस थुआड़े उपर जेड़े ऊन रज्जे दे ओ, किके तोस पुखे ओई जागेओ।” थुआड़े उपर जेड़े हँसदे हो, किके तोस शोक करगे ते रौगे।

²⁶“बसोस, थुआड़े उपर जेलै सारे मनुक्ख थुआड़ी सिफत करन, किके उन्दे बाप-दादे चुठे पविख्ब्कतें दे कन्ने बी इयै नियां करदे हे।

²⁷“लेकन आऊँ तुसें सुनने आले गी आखना ऐं के अपने दुश्मनें कन्ने प्यार करो; जेड़े थुआड़े कन्ने नफरत करन, उन्दा पला करो।

²⁸जेड़े तुसेंगी शाप दिंदे न, उनेंगी सीस दियो, जेड़े थुआड़े कन्ने बुरा सलूक करदे न उन्दे लेई प्रार्थना करो

²⁹जेड़ा कोई थुआड़े एक पासे महू उपर चपेड़ मारे, ओसदी बक्खी दुआ बी फेरी दियो, ते जेड़ा तेरा चोगा खुस्सी लै, उसी कोरता लेने लेई बी नेई रोक।

³⁰जे कोई तेरे थमां केश मंगै, उसी देई दे; ते जेड़ा कोई थुआड़ी चीज खुस्सी लै, ओदे कोलां नेई मंग।

³¹ते जियां तोस चांदे ओ के लोग थुआड़े कन्ने करन, तोस बी उन्दे कन्ने इयां गै करो।

³²जेकर तोस अपने प्यार रखने आले कन्ने प्यार करो, तां एदे च थुआड़ी के बड़याई? किके पापी बी अपने प्यार करने आले कन्ने प्यार करदे न।

³³जेकर तोस अपने पलाई करने आलें कन्ने गै पलाई करदे ओ, तां थुआड़ी के बड़याई? किके पापी बी ऐसा गै करदे न।

³⁴जेकर तोस उसी दुआर दियो, जेस कोलां पी लेनें दी आस रखदे ओ, तां थुआड़ी के बडयाई? किके पापी पापियें गी दुआर दिन्दे न, के उनां गै पी बापस लैंन।

³⁵लेकन अपने दुश्मनें कन्ने प्यार करो, ते पलाई करो, ते दुआर देईयै पी लेने दी मेद नेई रखयो, ते दुआर दियो; ते थुआड़े लेई बड़ा फल ओग; ते तोस परमप्रधान दे बच्चे ओगे, किके ओ उन्दे उपर बी जेड़े शुकर नेई करदे ते बुरें दे उपर ते बी दयालु ऐ।

³⁶जियां थुआड़ा पिता दयालु ऐ, उयांगै तोस बी दयालु बनो।

³⁷“दोष नेई लाओ, ते थुआड़े उपर बी दोष नेई लाया जाग। कसुरबार नेई आखो, तां तुसेंबी कसुरबार नेई आख्या जाग। माफ़ करो, तां तुसेंगी बी माफ़ कित्ता जाग।

³⁸दया करो, तां तुसेंगी बी दिता जाग। लोग थुआड़ी गोदी च पूरा-पूरा नापिऐ ते दबाई-दबाईयै, ते लाई-लेईयै ते उबरदा-उबरदा थुआड़ी गोद च पागन, किके जेस नाप कन्ने तोस नापदे ओ, उसै नाप कन्ने थुआड़े लेई नापया जाग।”

³⁹पी ओनें उनेंगी एक मसाल सनाई “के अन्नां, दुए अन्नें गी रस्ता दसी सकदा ऐ? के ओ दुए खड़े च नेई डीगगन?

⁴⁰चेला अपने गुरु थमां बड़ा नेई, लेकन जेड़ा पूरा सेध ओग, ओ अपने गुरु आला लेखा ओग।

⁴¹तू अपने प्रा दी अखी च तेनके गी कि दिखना ऐं? ते अपनी गै अख दे लट्ठा नेई लबदा?

⁴²ते अगर तू अपनी गै अखी दा लट्ठा नेई दिखदा, तां अपने प्रा गी कियां आखी सकना ऐ, ‘ए परा, रुकी जा तेरी अखी चा तेनका कढी ओड़ा?’ ए कपटी, पैलैं अपनी अख चा लट्ठा कड़, पी जेड़ा तेनका तेरे प्रा दी अखी च ऐ, उसी छैल तरीके कन्ने दिखियै कढी सकगा।

⁴³“कोई छैल बूट्टा नेई, जेड़ा नकमा फल दियै, ते नां गै कोई नकमा बूट्टा ऐ, जेड़ा छैल फल दियै।

⁴⁴अर एक बूट्टा अपने फल कन्ने पंछानया जन्दा ऐ; लोग चुड़ीयें चा अंजीर दे फल नेई चुगदे, ते नां झड़बेरी थमां अंगुर।

⁴⁵पला मनुक्ख अपने मन दे पले पंडार थमां पलीयां गल्लां कढदा ऐ; ते बुरा मनुक्ख अपने मन दे बुरे पंडार थमां बुरीयां गल्लां कढदा ऐ; किके जेड़ा मन च परोचे दा ऊऐ, ऊऐ मुं चा निकलदा ऐ।

⁴⁶“जेलै तोस मेरा आखा नेई मनदे ते कि मिगी ‘ए प्रभु, ए प्रभु,’ आखदे ओ?

⁴⁷जेड़ा कोई मेरे कोल ओंदा ऐ, ते मेरीयां गल्लां सुनीयै उनेंगी मनदा ऐ, आऊँ तुसेंगी दसना के ओ केस आला लेखा ऐ?

⁴⁸ओ ओस मनुक्ख आला लेखा ऐ, जेनें अपना कर बनांदे बेलै जमीन च ढूगी कढी यै पत्थर उपर मनैद ते पाई, ते जदू आड़ आया तां पानी दियां टकरां ओदे कर गी लगियाँ; ते ओ उसी लाई नेई सकीयां किके ओ पक्का बने दा हा।

⁴⁹लेकन जेड़ा सुनीयै नेई मनदा, ओ ओस मनुक्ख आला लेखा ऐ, जेनें मिट्टी उपर बगैर नीं दे कर बनाया, जदू आड़ आया ते टकरां लगियाँ ते ओ टेईयै सत्यानाश ओई गीया।”