Read Dogri लूका 7 Bible Online

लूका 7 - Dogri bible

लूका 7

¹जेलै ओ लोकें गी सारीयां गल्लां बोली चुकया, तां कफरनहूम च आया।

²उत्थें कुसे सूबेदार दा एक नौकर जेड़ा जिसी ओ जादै प्यारा करदा हा, बीमारी कन्ने मरने उपर हा।

³ओनें यीशु दी चर्चा सुनीयै यहूदीयें दे केई प्राचीन गी ओदे अगें ए अर्ज करने गी ओदे कोल पेजया के आईयै मेरे नौकर गी चंगा कर।

⁴ओ यीशु दे कोल आईयै, बड़ी अर्ज करन लगे, “ओ सूबेदार एस काबल ऐ के तू ओदे लेई ए करें,

⁵किके ओ साड़ी जाती कन्ने प्यार करदा ऐ, ते ओनें गै साड़े प्रार्थनाकार गी बनाया ऐ।”

⁶यीशु उन्दे कन्ने-कन्ने गीया, लेकन जेलै ओ कर दे कोल गै हा, तां सूबेदार ने ओदे कोल केई दोस्तें गी पेजीयै आखी पेजया, “ए प्रभु, कष्ट नेई कर, किके आऊँ एस काबल नेईयैं के तू मेरे कर दे अंदर आवै।

⁷एदे लेई मैं अपने आप गी एस काबल बी नेई समझया के तेरे कोल अवां, लेकन वचन गै बोली दे ते मेरा सेवक ठीक ओई जाग।

⁸आऊँ बी अख्त्यार रखने आला मानु ऐं, ते सपाई मेरे थलै न। जेलै आऊँ एक गी आखना के जा! तां ओ जंदा ऐ; ते दुए गी आखना के आ! तां ओ ओंदा ऐ; ते जेलै अपने कुसे नौकर गी आ आखना ए कर! ते ओ करदा ऐ।

⁹ऐ सुनीयै यीशु गी अरांनगी लगी ते ओनें मुं मोड़ीयै ओस पीड गी जेड़ी ओदे पिछें आवा करा दी ही, आखया, आऊँ थुआड़े कन्ने सच आखना ऐं के मैं इस्राएल च बी इयै जियां बश्वास नेई दिखया।

¹⁰ते पेजे दे लोकें कर आईयै ओदा नौकर ठीक ओए दा दिखया।”

¹¹थुड़े धयाडें कोलां बाद यीशु नाईन नां दे एक शैर च गीया। ओदे चेलें ते बडी पीड ओदे कन्ने जा दी ही।

¹²जेलै ओ शैर दे दरबाजे दे कोल पूजया, ते दिखखो, लोक एक मुरदे गी बार लेईयै जा दे हे; जेड़ा अपनी माऊ दा इकै एक पुत्तर हा, ते ओ विधवा ही; ते शैर दे मते गै लोक ओदे कन्ने हे।

¹³उसी दिखियै प्रभु तरस कन्ने परोइया आया, ते उनेंगी आख्या, “नेई रोह।”

¹⁴ओस बेलै ओनें कोल आईयै लाश गी छुत्ता, ते चुकनें आलें रुकी गै, पी ओनें आखया, “ए जवान, आऊँ तुगी आखना ऐं, ओठ!”

¹⁵ओस बेलै ओ मुरदा उठी गीया, ते बोलन लगा। ओनें उसी ओदी मां गी सौंपी दिता।

¹⁶एस गल्ल दे उपर सारें च डर छाई गीया, ते ओ परमेसर दी बड़याई करियै बोलन लगे, “साड़े बेच एक बड़ा पविखवक्ता आया ऐ, ते परमेसर ने अपने लोकें उपर दया कित्ती ऐ।”

¹⁷ते ओदे बारै च ए गल्ल सारे यहूदीया लाकें ते आसे-पासे दे सारे देश च फैली गेई।

¹⁸ते यूहन्ना गी ओदे चेलें इनें सारीयें गल्लें दी खबर दिती।

¹⁹ओस बेलै यूहन्ना ने अपने चेलें बिचा दों गी बुलाईयै प्रभु दे कोल ऐ पूछने दे लेई पेजया “के औने आला तू गै ऐं, जां अस कुसे दुए दा एन्तजार करचै?”

²⁰उनै ओदे कोल आईयै आखया, “यूहन्ना पवित्रशनांन देने आले असेंगी तेरे कोल ए पूछने गी पेजया ऐ के, के औने आला तू गै ऐं, जां अस कुसे दुए दा एन्तजार करचै?”

²¹उसै कड़ी च ओनें मते सारें दी बीमारीयें ते दुखें, ते दोष्टआत्मायें चा छुड़काया; ते मते सारे अन्नें दियां अखीयाँ खोलीयां;

²²ते ओनें उनेंगी आखया, “जेड़ा केछ तोस दिखया ते सुनया ऐ, जाये यूहन्ना गी आखी दियो; के अन्नें दिखदे न, ते लिञें चलदे-फिरदे न, कोढ़ी शोद्ध कित्ते जंदे न, ते बोले सुनदे न, ते मोदे जिन्दे कित्ते जंदे न, ते गरीबें गी शोभ समाचार सनाया जन्दा ऐ। [1]

²³तन्न न ओ, जेड़े मेरी खातर ठोकर नेई खांन।”

²⁴जेलै यूहन्ना दे पेजे दे लोक यीशु कोलां बापस आई गै तां यीशु यूहन्ना दे बारै च लोकें गी आखन लगया, “तोस जंगल च के दिखन गेदे हे? के अवा कन्ने ईल्दे सरकंडे गी?

²⁵तां पी तोस के दिखन गै हे? के साधा चोगा ला दे मनुक्ख गी? दिखखो, जेड़े रंग-बरंगे कपड़े लांदे ते सोख-चैन च रौंदे न, ओ राज भवनैं च रौंदे न

²⁶तां पी के दिखन गेदे हे? के कुसे पविखवक्ता गी? आं, आऊँ तुसेंगी आखना ऐं, लेकन पविखवक्ता थमां बी बड्डे गी।

²⁷ए उवै ऐ, जेदे बारै च शास्त्र च लिखा ऐ; दिखखो, आऊँ अपने दूत गी तेरे अगें-अगें पेजना ऐ, जेड़ा तेरे अगें रस्ता सीधा करग।”

²⁸“आऊँ थुआड़े कन्ने सच आखना ऐं के जेड़े जनांनीयें थमां जम्मे दे न, उन्दे बिचा यूहन्ना कोलां बड़ा कोई नेई; लेकन जेड़ा परमेसर दे राज बिच निक्के थमां निक्का ऐ ओ ओस थमां बी बड़ा ऐ।”

²⁹ते सारे आम लोकें सुनीयै ते चुंगी लेने आलें बी यूहन्ना कोलां पवित्रशनांन लेईयै परमेसर गी सचा मनी लेत्ता।

³⁰लेकन फरीसियें ते कनून दे उस्तादें ओदे कोलां पवित्रशनांन नेई लेईयै परमेसर दे मकसद गी अपने लेई टाली दित्ता।

³¹“खीरी च; आऊँ एस योग दे लोकें दा मेल केस कन्ने दियां के ओ केदै आला लेखा न?

³²ओ उनै बच्चें आला लेखा न जेड़े बजारें च बैठीयै एक दुए पकारिऐ बोलदे न, असैं थुआड़े आसतै बैंसली बजाई, ते तोस नेई नचे; असैं वलाव कित्ता, ते तोस नेई रोए!

³³किके यूहन्ना पवित्रशनांन देने आला नां रुट्टी खानदा आया, नां अंगुरें दा रस पिन्दा आया, ते तोस आखदे ओ, ओदे च दोष्टआत्मा ऐ।

³⁴मनुक्ख दा पुत्तर खंदा-पिन्दा आया ऐ, ते तोस आखदे ओ, दिखखो, पेटू ते पीने आला मनुक्ख, चुंगी लेने आलें दा ते पापीए दा दोस्त।

³⁵लेकन ज्ञान अपने सारे बच्चें कोलां सच्चा मन्या गीया ऐ।”

³⁶पी कुसे फरीसी ने ओदे अगें अर्ज कित्ती के ओ ओदे कन्ने पोजन करै, खीरी च; ओ ते ओदे चेलें ओस फरीसी दे कर च जाईयै पोजन करन बैठे।

³⁷ओस शैर दी एक पापी जनानी ने ए पता कित्ता के ओ फरीसी दे कर च पोजन करने गी बैठे दा ऐ, संगमरमर दी शीशी च कीमती इत्र आंदा।

³⁸ते ओदे पैरें दे कोल, पिछें खडोईयै, रोंदीऐ-रोंदीऐ ओदे पैरेन गी अथरू कन्ने ते अपने बालैं कन्ने साफ करन लगी ते ओदे पैरें च बार-बार मीठे देईयै इत्र डोलया।

³⁹ए दिखियै ओ फरीसी जेनें यीशु गी बलाया हा, अपने मन च सोचन लगया, “जेकर ए पविखवक्ता ओंदा तां जानी लेनदा हा के ए जेड़ी उसी छुआ दी ऐ, ओ कोन ते केस चाली दी जनानी ऐ, किके ओ ते पापी ऐ।”

⁴⁰यीशु ने ओदे वचार जानियें उसी जबाब दिता, “ए शमौन, मिगी तुगी केछ आखना ऐ।” ओ बोलया, “ए गुरु, बोलो।”

⁴¹यीशु ने ए मसाल दित्ता “कुसे शाऊकार दे दो देनदार हे, एक पंज सौ ते दुआ पंजा दीनार दा देनदार हा।

⁴²जेलै उन्दे कोल बापस देने लेई केछ नेई रिया, ते ओनें दौनीं गी माफ़ करी दिता। खीरी च उन्देचा कोन ओदे कन्ने जादै प्यार करग?

⁴³शमौन ने जबाब दिता, मेरी समझ च ओ, जेदा ओनें जादै छुड़ी दिता।” ओनें उसी आखया, “तो ठीक वचार कित्ता ऐ।”

⁴⁴ते ओस जनानी आले पासे मुड़ीयै शमौन गी आखया, “के तू एस जनानी गी दिखदा ऐं? आऊँ तेरे कर आया तो मेरे पैर तोने दे लेई पानी नेई दिता, लेकन एनें मेरे पैर अथरू कन्ने गिले कित्ते ते अपने बालैं कन्ने साफ कित्ता।

⁴⁵तो मिगी मीठा नेई दित्ता, लेकन जेलै दा आऊँ आएदा ऐं ओसलै दे ओनें मेरे पैरें गी मीठे देना नेई छुड़या।

⁴⁶तो मेरे सेर उपर तेल नेई डोलया, लेकन एनें मेरे पैरें गी तेल डोलया ऐ।

⁴⁷एसकरी आऊँ तुगी आखना ऐं के एदे पाप जेड़े मते हे, माफ़ ओए, किके एनें बड़ा प्यार कित्ता; लेकन जेदा थुड़े माफ़ ओया ऐ, ओ थुड़ा प्यार करदा ऐ।”

⁴⁸ते ओनें ओस जनानी गी आखया, “तेरे पाप माफ़ ओए।”

⁴⁹पी जेड़े लोक ओदे कन्ने पोजन करन बैठे हे, ओ अपने-अपने मन च सोचन लगे, “ए कोन ऐ जेड़े पापें गी बी माफ़ करदा ऐ?”

⁵⁰लेकन ओनें जनानी कन्ने आखया, “तेरे बश्वास ने तुगी बचाई लेत्ता ऐ, खुशी कन्ने चली जा।”