Read Dogri लूका 8 Bible Online

लूका 8 - Dogri bible

लूका 8

¹एदे बाद ओ शैर-शैर ते घरां-घरां परचार करदा ते परमेसर दे राज दा शोभ समाचार सनांदा ओई फेरन लगया, ते ओ बारां चेलें ओदे कन्ने हे।

²ते केछ जनांनीयां बी जेड़ीयां दोष्टआत्मायें, ते बीमारीयें कोलां छुड़काईयां गेईयां हां, ते ओ ए न; मरियम जिसी मगदलीनी आख्या जन्दा हा, जेदे बिचा सत दोष्टआत्मायें निकलीयां हां,

³ते राजा हेरोदेस दे पण्डारी खुजना दी जनानी योअन्ना, ते सूसन्नाह, ते मतीयां ओर गै जनांनीयां। ए अपनी-अपनी कमाई कन्ने ओदी सेवा करदी हां।

⁴जेलै बड़ी पीड किठी ओई, ते शैर-शैर दे लोक ओदे कोल चली औंदे हे, ते ओनें मसाल च आख्या;

⁵“एक बी राने आला बी राने गी निकलया। रांदे बेलै केछ बी रस्ते दे कंडै पे, ते पैरें थलै मन्दोई गै, ते अम्बर दे पैंछीयैं उनेंगी चुगी लेत्ता।

⁶ते केछ पत्थरें उपर पे, ते लगे, लेकन मिटी नेई मिलने कन्ने सुक्की गै।

⁷केछ चुड़ीयें च पे, ते चुड़ीयें कन्ने-कन्ने लगियै उनेंगी दबाई लेत्ता।

⁸ते केछ त्यार कित्ती दी जमीन उपर पे, ते लगियै सौ गुणा फल दित्ता। ए मसाल बोलियै ओनें उच्ची बाज कन्ने आखया, अगर तोस समझना चांदे ओ, तां त्यांन कन्ने सुनो, जेड़ा आऊँ आखना ऐं।”

⁹ओदे चेलें उसी पूछया के एस मसाल दा मतलब के ऐ?

¹⁰ओनें आखया, “तुसेंगी परमेसर दे राज दे पेदें दी समझ दिती गेदी ऐ, लेकन लोकें गी कानी च सुनाया जन्दा ऐ, एसकरी के ओ दिखदे ओई बी नेई दिखन, ते सुनदे ओई बी नेई समझन।”

¹¹“मसाल दा मतलब ए ऐ; बी तां परमेसर दा वचन ऐ।

¹²रस्ते दे कंडै दे ओन, जिन्नें वचन सुनया; ओसलै शतान आईयै उन्दे मन बिचा वचन चुगी लेई जन्दा ऐ के कुतै ऐसा नेई ऊऐ के ओ बश्वास करियै मुक्ति पान ते बची जान।

¹³पत्थर उपर पेदे ओन के जदू ओ वचन सुनदे न, ते खुशी कन्ने वचन गी मन्नी तां लैंदे न, लेकन जड़ नेई पकड़ने दे कन्ने ओ थुड़े चेर तकर बश्वास करदे न ते परिख्या दे बेलै पिछें अटी जनदे न।

¹⁴जेड़े चुड़ीयें च पेदे ओन, जेड़े सुनदे न, लेकन अगें चलीयै चेंता, ते पैसा-तेला, ते जिंदु दे सोख चैन च फसी जनदे न ते उन्दे च फल नेई पकदा।

¹⁵लेकन तयार कित्ती दी जमीन उपर दे ओन, जेड़े वचन सुनिऐं पले ते छैल मन च सम्भाले रौंदे न, ते सबर कन्ने फल दिन्दे न।

¹⁶“कोई दीया जलाईयै पांढे कन्ने नेई खटदा, ते नां खट दे थलै रखदा ऐ, लेकन उच्ची जगै उपर रखदा ऐ के अन्दर औने आलें गी लो लबै।

¹⁷केछ छपया नेई जेड़ा परकट नेई ऊऐ, ते नां केछ गोप्त ऐ जेसदा पता नेई लगे, ते परकट नेई ऊऐ।

¹⁸एसकरी चकने रवो के तोस केस रीति कन्ने सुनदे ओ? किके जिन्दे कोल ऐ उसी दिता जाग, ते जिन्दे कोल नेई ऐ ओदे कोलां ओ बी लेई लीता जाग, जिसी ओ अपना समझदा ऐ।”

¹⁹ओदी मा ते ओदे प्रा ओदे कोल आए, लेकन पीड दे कारन ओदे कन्ने मिली नेई सके।

²⁰उसी गलाया गीया, “तेरी मा ते तेरे प्रा बार खड़ोते दे न, ते तेरे कन्ने मिलना चांदे न।”

²¹ओनें एदे जबाब च उनेंगी आखया, “मेरी मा ते मेरे प्रा ए न, जेड़े परमेसर दा वचन सुनदे ते मनदे न।”

²²पी एक धयाडै यीशु ते ओदे चेलें किशती उपर चढ़े, ते ओनें उनेंगी आखया, “आओ, चील दे पार चलचे।” खीरी च; उनै किशती खोली दिती।

²³जेलै किशती चला दी ही, ते ओ सेई गीया; ते चील च अंधी आई ते किशती पानी च प्रोचन लगी ते ओ खतरे च हे।

²⁴ओस बेलै उनै कोल आईयै यीशु गी जगाया, ते आखया, “गुरु! गुरु! अस खत्म लगियै ओना।” पी ओनें उठीयै अंधी गी ते पानी दी पौडें गी चेडकया ते ओ थमी गै ते चैन ओई गीया।

²⁵पी ओनें उनेंगी आखया, “थुआड़ा बश्वास कुत्थें हां?” लेकन ओ डरी गै ते रांन ओईयै अप्पुं पिछें आखन लगे, “ए कोन ऐ जेड़ा तफान ते पानी गी बी उक्म दिंदा ऐ, ते ओ ओदी मनदे न?”

²⁶पी यीशु ते ओदे चेलें गिरसेनियों दे देश च पूजे, जेड़ा गलील दी चील दे दूऐ पार ऐ।

²⁷जेलै ओ कंडै उपर उतरया ते ओस शैर चा एक मानु उसी मिलया जेदे च दोष्टआत्मायें हियां। ओ मते धयाडां हां कपड़े नेई लांदा हा ते नां अपने कर रौंदा हा लेकन कबरें च रौंदा हा, आलां के लोग उसी संगलें ते बेड़ीयें कन्ने बनदे हे तांबी ओ टुकड़े-टुकड़े करी दिन्दा हा ते दुष्ट आत्मा उसी जंगलें फेरदीयां हा।

²⁸ओ यीशु गी दिखियै करलाया, ते ओनें ओदे अगें गोढे नुआईयै उच्ची बाज बेच आखया, “ए परमप्रधान परमेसर दे पुत्तर यीशु! मिगी तेरे कन्ने के कम ऐ? आऊँ तेरे अगें अर्ज करना के मिगी तंग नेई कर।”

²⁹किके ओ ओस दोष्टआत्मा गी मानु बिचा कढने दा उक्म दया दा हा, एसकरी के ओ अशोद्ध आत्मा ओदे उपर कड़ी-कड़ी औंदीयां हियां।

³⁰यीशु ने उसी पूछया, “तेरा नां के ऐ?” ओनें आखया, “सैना,” किके बड़ीयां दोष्टआत्मायें ओदे च बसीदियां हियां।

³¹ओनें ओदे अगें अर्ज कित्ती के असेंगी अथाह कुंड च जाने दा उक्म नेई दे।

³²उत्थें पाड़ी उपर सूरें दा एक बड़ा चोण्ड चरा दा हा, खीरी च उनै ओदे अगें अर्ज कित्ती के असेंगी उन्दे च जान दे। ओनें उनेंगी जाना दिता।

³³ओस बेलै दोष्टआत्मायें ओस मनुक्ख चा निकलियै सूरें च चली गई ते ओ चोण्ड कंडै थमां कूदीयै चील च जाई पिया ते डुब्बी मरया।

³⁴गुआलें ए जे केश ओया ते दिखियै नस्से गै, ते शैर, ते घरां च जाईयै ओदी खबर दित्ती।

³⁵ते लोक ए जे केश ओया हा उसी दिखने गी निकले, ते यीशु दे कोल आईयै जेस मानु च दोष्टआत्मायें निकली हियां, उसी यीशु दे पैरें दे कोल कपड़े पाएदे द ते ठीक-ठाक बैठे दा दिखियै डरी गै;

³⁶ते देखनेआलें उनेंगी दसया के ओ दुष्ट आत्में दा सतादा मानु कियां चंगा ओया।

³⁷पी गिरसेनियों देश दे आसे-पासे दे सारे लोकें ने यीशु अगें अर्ज कित्ती के साड़े ईथुं चली जा; किके उन्दे च बड़ा डर छाई गेदा हा। खीरी च; ओ किशती उपर चढ़ीयै चली गीया।

³⁸जेस मनुक्ख चा दोष्टआत्मायें निकली इयां ओ ओदे अगें अर्ज करन लगया के मिगी अपने कन्ने रौना दे, लेकन यीशु ने उसी विदा करियै आखया।

³⁹“अपने कर चली जा ते लोकें गी दस के परमेसर ने तेरे लेई किन्नें बड्डे बड्डे कम कित्ते न।” ओ जाईयै सारे शैर च एदा प्रचार करन लगया के यीशु ने मेरे लेई किन्नें बड्डे-बड्डे कम कित्ते।

⁴⁰जेसलै यीशु बापस आवा दा हा, तां लोक खुशी कन्ने उसी मिले, किके ओ सारे उसी बलगा दे हे।

⁴¹इन्नें च याईर नां दा एक मानु जेड़ा प्रार्थनाकार दा प्रधान हा, आया ते यीशु दे पैरें च पेईयै ओदे अगें अर्ज करन लगया के मेरे कर चल,

⁴²किके ओदी बारां बरें दी इकै एक कुड़ी ही, ते ओ मरने आली ही। जेलै ओ जा दा हा, ओसलै लोक ओदे चवखे हे।

⁴³एक जनानी जिसी बारां बरें दा खून पौने दा रोग हा, ते ओ अपने सारा पैसा किमें दे पिछें खर्च करी चुकी ही, पी बी कुसे दे अथ्थें ठीक नेई ओई सकी,

⁴⁴ओनें पिछुं दा आईयै ओदे कपड़े गी छुत्ता, ते फोरन ओदा खून बगना बन्द ओई गीया।

⁴⁵एदे उपर यीशु ने आखया, “मिग कोन्नें छुत्ता?” जेलै सारे मुकरने लगे, तां पतरस ते ओदे दोस्तें आखया, “ए गुरु, तुगी तां पीड दबा दी ऐ ते तेरे चवखे ओई दी ऐ।”

⁴⁶लेकन यीशु ने आखया, “कुसे मिगी छुत्ता ऐ, किके मिगी पता चलया के मेरे चा शक्ति निकली ऐ।”

⁴⁷जेलै जनानी ने दिखया के आऊँ छपी नेई सकदी, पी कम्बदे ओई आई ते ओदे पैरें च पेईयै सारे लोकें दे सामने आख्या के मैं कि उसी छुत्ता, ते कियां फोरन ठीक ओई गई।

⁴⁸ओनें उसी आखया, “बेटी, तेरे बश्वास ने तुगी चंगा कित्ता ऐ, खुशी कन्ने चली जा।”

⁴⁹ओ ए बोला दा गै हा इन्नें च कुसे प्रार्थनाकार दे प्रधान दे उत्त्थुं दा आईयै आखया, “तेरी कूडी मरी गेई गुरु गी कष्ट नेई दे।”

⁵⁰यीशु ने ए सुनीयै उसी जबाब दिता, “नेई डर; सेर्फ बश्वास रख, ते ओ बची जाग।”

⁵¹कर च आईयै ओनें पतरस, यूहन्ना ते याकूब, ते कूडी दे मा-प्पो गी छुड़ीयै ओर कुसे गी अपने कन्ने औन नेई दिता।

⁵²सारे ओदे लेई रुआ पिटा दे हे, लेकन ओनें आखया, “रोह नेई; ओ मरी नेई लेकन सवा दी ऐ।”

⁵³लोक ए समझीयै के कुड़ी मरी गेदी ऐ ओदा मजाक करन लगे।

⁵⁴लेकन ओनें ओदा अथ्थ पकड़या, ते पकारिऐ आखया, “ए कूडी, ओठ!”

⁵⁵उसै बेलै ओदे प्राण चली आए ते ओ फोरन उठी बैठी। पी ओनें उक्म दित्ता के उसी केछ खाणे गी दिता जा।

⁵⁶ओदे मा-प्पो रांन ओईए, लेकन ओनें उनेंगी गलाया के ए जेड़ा ओया ऐ कुसे गी नेई अख्यो।