Read Dogri लूका 9 Bible Online

लूका 9 - Dogri bible

लूका 9

¹पी ओनें बारें चेलें गी बुलाईयै उनेंगी सारे दोष्टआत्मायें ते बीमारीयें गी दूर करन लेई शक्ति ते अख्त्यार दिता।

²ते उनेंगी परमेसर दे राज दा प्रचार करने ते बीमारें गी चंगा करन लेई पेजया।

³ओनें उनेंगी आखया, “अपने रस्ते लेई केछ नेई लियो-नां गै सोट्टा, नां चोली, नां रुट्टी, ते नां रूपये-पैसे ते दो-दो कोरते।

⁴ते जेस कुसे कर च तोस जागे, उत्थें रवो ते उत्त्थुं दा गै विदा ओ।

⁵ते जेड़ा तुसेंगी स्वीकार नेई करग, ओस शैर चा निकलदे मौके अपने पैरें दी तूड़ चाढ़ी ओड़ो के उन्दे उपर गवाही ऊऐ।”

⁶खीरी च; ओ निकलियै घरां-घरां शोभ समाचार सनांदे ते अर जगा च लोकें गी चंगा करदे फिरदे रहे।

⁷ते देश दी चौथाई दे राजा हेरोदेस ए सब सुनीयै कबराई गीया, किके केछ लोकें ने आख्या के यूहन्ना मरे दे बिचा जिन्दा ओई गीया ऐ,

⁸ते किन्नें लोकें ए आख्या के एलिय्याह परकट ओया ऐ, ओर लोकें ए आख्या के पुराने पविखवक्तें बिचा कोई जिन्दा ओईदा ऐ।

⁹हेरोदेस राजा ने आखया, “यूहन्ना दा सेर ते मैं कटया हा, ऊन ए मानु कोन ऐं जेसदे बारै च आऊँ ऐसीयां गल्लां सुना नां ऐं?” ते ओनें उसी दिखने दा मन बनाया।

¹⁰पी प्रेरित बापस आईयै जे केछ उनै कित्ता हा, उसी दसी दिता। पी ओ उनेंगी लग लेईयै चोप्प चाप बेतसैदा नां दे शैर च गीया।

¹¹लेकन पीड दे लोकें गी पता लगी गीया ते ओ ओदे पिछें चली पे। ते ओ उत्थें दे लोकें गी खुशी कन्ने मिल्या ते उन्दे कन्ने परमेसर दे राज दियां गल्लां करन लगया, ते जेड़े चंगा ओना चान्दे हे उनेंगी चंगा कित्ता।

¹²जेलै धयाडा करोन लगया ते बारें चेलें ओसदे कोल आईयै आखया, “लोकें गी विदा कर के ओ आसे-पासे दे घरां ते बस्तियें च जाईयै अपने लेई रौने गी जगा ते खाणे दा केछ एन्तजाम करन, किके अस इत्थैं सुनसान जगा च ओं।”

¹³ओनें उनेंगी आखया, “तो गै इनेंगी केछ खाणे गी दियो।” उनै आखया, “साड़े कोल पंज रुट्टीयाँ ते दो मछीयें गी शुड़ीयै ते केश नेईयैं; लेकन हां, जेकर अस जाईयै इनें सबनी लोकें लेई रुट्टी मुल्ले लेई औचे, तां ओई सकदा ऐ।

¹⁴पी (किके इत्त्थैं लग-पग पंज जार मर्द हे)। ते ओनें अपने चेलें गी आखया, इनेंगी पंजा-पंजा करियै बिं च बठाई दियो।”

¹⁵उनै उयांगै कित्ता, ते सारे गी बैठाई ओड़या।

¹⁶ओस बेलै ओस पंज रुट्टीयाँ ते दो मछीयां गी लेईयै, सोर्ग आली बखी दिखियै परमेसर दा शुकर कित्ता ते उन्दे उपर सीस मंगी ते त्रोड़ी-त्रोड़ीऐ चेलें गी दिन्दा गीया दा के लोकें गी देन।

¹⁷खीरी च सारे खाईयै रजी गै, ते चेलें बचे दे टुकड़े दियां बारां टोखरियां परीयां।

¹⁸जेलै ओ सुन्नी जगा प्रार्थना करा दा हा ते चेलें ओदे कन्ने हे, ते ओनें उनेंगी पूछया के लोक मिगी के गलांदे न?

¹⁹उनै उसी जबाब दिता “यूहन्ना पवित्रशनांन देने आला; ते कोई कोई एलिय्याह ते कोई कोई औने पुराने पविखवक्तें चा कोई जिन्दा ओई गेदा ऐ।

²⁰ओनें उनेंगी पूछया, लेकन तोस मिगी के आखदे ओ?” पतरस ने जबाब दिता, “परमेसर दा मसीह।”

²¹पी ओनें उनेंगी ठाकीयै गलाया के ए गल्ल कुस्सै कन्ने नेई आखयो।

²²ते ओनें आखया, मनुक्ख दे पुत्तर लेई जरुरी ऐ के ओ दोख पोगै, ते प्राचीन, प्रधान याजकें, शास्त्री उसी तोच्छ समझीयै मारी ओड़न, ते ओ त्रिये धयाडै जिन्दा ओई जा।

²³ओनें सारे गी आखया, जे कोई मेरे पिछें औना चा, तां ओ अपने आप दा एनकार करै ते रोज अपना सूली चुकियै मेरे पिछें आई जा।

²⁴किके जेड़ा कोई अपने प्राण गी बचाग ओ उसी गुआग, लेकन जेड़ा कोई मेरी खातर प्राण गुआग ओ उसी बचाग।

²⁵जेकर मनुक्ख सारी दुनिया गी आसल करी लै ते अपने प्राण गुआई दे जां ओदी आनी करै, तां उसी के फायदा ओग?

²⁶जेड़ा कोई मेरे कोलां ते मेरीयें ग्ल्लें कोलां शरमिन्दा ओग, मनुक्ख दा पुत्तर बी जेलै अपनी ते अपने प्पो दी ते पवित्र सोर्गदूतें दी मैमा कन्ने औग तां ओ बी शरमिन्दा ओग।

²⁷“आऊँ थआड़े कन्ने सच आखना ऐ के जेड़े इत्थैं खड़ोते दे न उन्देचा कोई-कोई ऐसे न के जदू तकर परमेसर दा राज नेई दिखी लैंन अतुं तकर मौत दा स्वाद नेई चखघंन।”

²⁸इनें गल्लें कोलां कोई अट्ठ देन बाद च ओ पतरस, ते यूहन्ना ते याकूब गी कन्ने लेईयै प्रार्थना करन लेई पाड़ी उपर गीया।

²⁹जेलै ओ प्रार्थना करा दा गै हा, तां ओदे मुंह दा रंग बदली गीया, ते ओदे कपड़े चिट्टे ओईयै चमकन लगे।

³⁰ओस बेलै मूसा ते एलिय्याह, ए दो मनुक्ख ओदे कन्ने गल्लां करा दे हे।

³¹ए सारे मैमा च प्रकट ओए ए ते ओदे मरने दे बारै च गल्लां करा दे हे, जेड़ा यरूशलेम च ओनें आला हा।

³²पतरस ते ओदे साथी निंदर च परोई दे हे, जेलै ओ निंद्रे चा बिजे, ते ओदी मैमा गी ते ओदे कन्ने उनै दो मनुक्खें गी खडोते दें दिखया।

³³जेलै ओ ओदे कोल जान लगे तां पतरस ने यीशु गी आखया, “ए प्रभु, साड़ा इत्थैं रौना चंगा ऐ; अस त्रै तम्बू बनाचै, एक तेरे लेई, एक मूसा लेई ते एक एलिय्याह दे लेई” ओ जानदा नेई हा के ओ के आखादा ऐ।

³⁴ओ ए आखादा गै हा के एक बदल ने आईयै उनेंगी केरी लिया, ते जेलै बदल उनेंगी केरन लगा, तां ओ डरी गै।

³⁵ते ओस बदल चा ए बाज आई, “ए मेरा प्यारा पुत्तर ऐ ते मेरा चुने दा ऐ, एस दी सुनो।”

³⁶ए बाज ओनें कोलां बाद यीशु उत्थें इकला दिखया; ते ओ सारे चोप्प ओई गै ते जे केछ उनै दिखया हा ओदे बारै च उनै धयाड़ें च कुसे गी नेई दसया।

³⁷ते दुए देन जेलै ओ पाड़ी उपरा थलै उतरे तां एक बड़ी पीड उन्दे कन्ने आई मिली।

³⁸ते दिखो, पीड चा एक मनुक्ख जोरिऐ आखया, “ए गुरु, आऊँ तेरे अगें अर्ज करना के तोस मेरे पुत्तर उपर दया करो, किके ओ मेरा इकै-एक पुत्तर ऐ।

³⁹ते दिखग, एक दोष्टआत्मा ओदे च समाई जन्दी ऐ, ते ओ चानक क्र्लांदा ऐ; ते ओ उसी ऐसा मरोड़दी ऐ के एदे मुं च कफ-कचुड निकलदी ऐ; ते उसी मरोड़ीयै मुश्कल कन्ने छुडदी ऐ।

⁴⁰मैं तेरे चेलें अगें अर्ज कित्ती के ओ इसी कढन, लेकिन ओ नेई कढी सके।”

⁴¹“यीशु ने जबाब दिता, ए अविश्वासीयें ते अठीले लोको, आऊँ कदुं तकर थुआड़े कन्ने रौगा ते थुआड़ी सेन्दा रौगा? अपने पुत्तर गी इत्थैं लेई आ।”

⁴²ओ आवा गै करा दा हा के अशोद्ध आत्मा ने उसी जमीन उपर तराटीयै ते बुरी चली मरोड़या, लेकन यीशु ने दोष्टआत्मा गी चेडकीया ते जागते गी ठीक करियै ओदे पिता गी सौम्पी ओड़या।

⁴³ते सारे लोक परमेसर दे बड़े चमत्कार गी दिखियै रांन ओए। लेकन जेलै सब लोक जेड़े ओ चमत्कार दे कम करदा हा केछ करा दा हा, रांनगी करा दे हे तां ओनें अपने चेलें गी आखया,

⁴⁴“ए गल्लां थुआड़े कन्ने च रौन, किके मनुक्ख दा पुत्तर लोकें दे अथ्थ पड़काया जाने आला ऐ।”

⁴⁵लेकन ओ इन्नें गल्लें गी नेई समझदे हे, ते ए गल्ल उन्दे कोलां गोप्त च रेई के ओ इसी नेई समझी सकन, ते ओ एस बारै च उसी पूछने लेई डरदे हे।

⁴⁶पी उन्दे च ए गल्ल चली के साड़े चा कोन बड़ा ऐ?

⁴⁷लेकन यीशु ने उन्दे मन दे वचार गी समझी लिया, ते एक जागत गी लेईयै अपने कोल खड़ा कित्ता,

⁴⁸ते ओनें आखया, “जेड़ा कोई एस जागत गी मेरे नां च ग्रहण करदा ऐ, ओ मिगी ग्रहण करदा ऐ ते जेड़ा कोई मिगी ग्रहण करदा ऐ, ओ मेरे पेजन आले गी ग्रहण करदा ऐ, किके जेड़ा थुआड़े च सारे कोलां निकें कोलां निका ऐ, उवै बड़ा ऐ।”

⁴⁹ओस बेलै यूहन्ना ने आखया, “ए गुरु, असैं एक मनुक्ख गी तेरे नां च दोष्टआत्मायें कढदे दिखया ते असैं उसी मना कित्ता, किके ओ साड़े कन्ने ओईयै तेरे पिछें नेई चलदा हा।

⁵⁰यीशु ने आखया, उसी मना नेई करो; किके जेड़ा कोई थुआड़े वरोध च नेई, ओ थुआड़े कन्ने ऐ।”

⁵¹जेलै ओदे सोर्ग जाने दा बेला लागे औने आले हे, तां ओनें यरूशलेम जाने दा वचार पक्का कित्ता।

⁵²ते ओनें अपने अगें दूत पेजे। ओ सामरियें दे एक घरां च गै के ओदे लेई जगा त्यार करन।

⁵³लेकन उनै लोकें ने उसी उत्थें उतरन नेई दिता, किके ओ यरूशलेम जा दा हा।

⁵⁴ए दिखियै ओदे चेलें याकूब ते यूहन्ना ने गलाया के, “ए प्रभु, के तू चांना ऐ के अस उक्म देचै, के अम्बर चा अग्ग किरे ते इन्नें लोकें गी पस्म करी दे?”

⁵⁵लेकन ओनें उनेंगी चेडकया ते आखया, “तोस नेई जानदे के थुआड़े च केड़ी आत्मा दे ओ। किके मनुक्ख दा पुत्तर लोकें दे प्राण गी नाश करन लेई नेई लेकन बचान लेई आया ऐ।”

⁵⁶ते ओ कुसे ओर घरां च चली गै।

⁵⁷जेलै ओ रस्ते च जा दे हे, तां कुसे उसी आखया, “जिथ्थें-जिथ्थें तू जागा, आऊँ तेरे पिछें चलगा।”

⁵⁸यीशु ने उसी आखया, “लुम्बीयें दे नेर ते अम्बर दे पैंछीयें दे अलड़े ओन्दे न, लेकन मनुक्ख दे पुत्तर गी से खटने गी बी जगा नेईयैं।”

⁵⁹ओनें दुए गी आखया, “मेरे पिछें चल, लेकन ओनें आखया, ऐ प्रभु, मिकी पैलैं जानां दे के मेरा पिता मरग ते ओदा संस्कार करियै पी तेरे पिछें औगा।”

⁶⁰ओसने उसी आखया, “मरें दे लोकें गी उन्दे मोड़दें दा संस्कार करन दे, लेकन तू आईयै परमेसर दे राज दी कानी सना।”

⁶¹पी एक ओर ने बी आखया, “ए प्रभु, आऊँ तेरे पिछें चलगा, लेकन मिगी पैलैं जान दे के अपने कर दे लोकें कोलां विदा ओई अवां।”

⁶²यीशु ने उसी आखया, “जेड़ा कोई अपना अथ्थ हल उपर रखियै पिछें गी दिखदा ऐ, ओ परमेसर दे राज दे काबल नेई।”